Florian Qehaja, ambasadori i Kosovës në Maqedoninë e Veriut, njoftoi se misioni diplomatik po punon për kthimin në vendlindje të eshtrave të tre qytetarëve që humbën jetën në aksidentin tragjik afër vendkalimit kufitar Hani i Elezit–Bllacë.

Viktimat e identifikuara janë Ejup Tërnava, Cennet Tërnava dhe Fatmire Shabani, të cilët ndërruan jetë si pasojë e ngjarjes së rëndë që ndodhi mbrëmjen e djeshme brenda territorit të Maqedonisë së Veriut.

Diplomati Qehaja theksoi se, sapo u njoftua për rastin, përfaqësia diplomatike hyri menjëherë në komunikim të pandërprerë me institucionet e Maqedonisë së Veriut, përfshirë Ministrinë e Punëve të Brendshme dhe policinë vendase, si dhe mbajti kontakte me autoritetet e Kosovës dhe familjet e personave të ndjerë.

Ai sqaroi se trupat do të transportohen për në Kosovë sapo të përmbyllen të gjitha formalitetet e nevojshme nga organet përkatëse hetimore.

Përfaqësuesi diplomatik u ka dërguar mesazhe ngushëllimi familjarëve dhe personave të dashur të viktimave.

“Në këto momente të rënda dhembjeje, dua t’u shpreh ngushëllimet e mia më të thella dhe ta ndaj këtë dhimbje me ju, familjarët dhe të afërmit e atyre që na lanë. Qofshin të paharruar!”, shprehu ambasadori Qehaja.

The post Ambasada kosovare nis përpjekjet për riatdhesimin e trupave të tre viktimave të aksidentit në Maqedoninë e Veriut appeared first on Albeu.com.

Me thirrje për mbrojtjen e së vërtetës historike, kërkesë për drejtësi për viktimat dhe refuzim të mohimit të krimeve, u shënua Dita Ndërkombëtare e Kujtimit dhe Përkujtimit të Gjenocidit në Srebrenicë, e cila nga Asambleja e Përgjithshme e Kombeve të Bashkuara është shpallur ditë përkujtimore për viktimat e gjenocidit të vitit 1995.

Për nder të viktimave të gjenocidit, për të afirmuar të vërtetën dhe drejtësinë, si dhe për të përcjellë një mesazh paqeje, ceremonia u organizua nga ish-nënkryetarja e Kuvendit të Kosovës, Emilja Rexhepi. Gjatë aktivitetit u shfaq edhe një dokumentar shtatëminutësh i kushtuar masakrës së Srebrenicës.

Rexhepi e cilësoi këtë masakër si simbol të njërit prej krimeve më të rënda në Evropë pas Luftës së Dytë Botërore, duke theksuar se gjenocidi nuk mund të relativizohet dhe as të lihet në harresë.

“Srebrenica nuk është thjesht një vend në hartën e Bosnjë dhe Hercegovinës. Srebrenica është emri i turpit më të madh të Evropës pas Luftës së Dytë Botërore. Është vendi ku njeriu vrau njeriun, vetëm sepse ishte i një besimi tjetër. Vetëm sepse quhej ndryshe. Vetëm sepse i lutej një Zoti tjetër, siç dinë ta thonë ata. Është vendi ku fëmijët mbetën pa etër, gratë pa burra, nënat pa bij, ndërsa e gjithë bota vështronte dhe shikonte në heshtje teksa vriteshin mijëra e mijëra njerëz. Dhe zotërinj, kjo nuk është thjesht një tragjedi, as ndonjë gabim, e as, siç di dikush të thotë, ndonjë rastësi fatkeqe. Ky ishte gjenocid i kryer nga fqinjët e tyre serbë. I planifikuar, i organizuar dhe i zbatuar në mënyrë sistematike, i konfirmuar nga vendimet e gjykatave ndërkombëtare“, tha Rexhepi.

Ajo theksoi më tej se edhe tri dekada pas këtij krimi, mohimi i gjenocidit vazhdon, duke nënvizuar se heshtja përballë kësaj tragjedie nuk është e pranueshme.

Ushtruesja e detyrës së presidentes, Albulena Haxhiu, deklaroi se Kosova është pranë Bosnjë e Hercegovinës dhe familjeve të viktimave, duke theksuar se e vërteta është kusht si për drejtësinë, ashtu edhe për paqen.

“E mbështesim këtë të drejtën e tyre për drejtësi, për kujtesë dhe për një të ardhme në cilën viktimat e familjet e tyre nuk detyrohen ta dëshmojnë pafundësisht krimin, humbjen dhe të vërtetën që gjykatat tashmë e kanë vërtetuar. Pa të vërtetën nuk mund të ketë as drejtësi, por as paqe. Drejtësia ndërkombëtare për krimet e kryera në Srebrenicë ka dënuar tetëdhjetë persona. Ajo që mbetet të gjykohet sot është gatishmëria e shoqërive dhe e institucioneve për t’u shkëputur nga trashëgimia e krimit. Kur kriminelët e dënuar paraqiten si heronj nuk shtrembërohet vetëm e kaluara. U dërgohet brezave të rinj mesazhi se krimi mund të arsyetohet, se viktima mund të harrohet dhe se përgjegjësia mund të kthehet në krenari. Kjo është e papranueshme për çdo shoqëri që synon paqen, por edhe demokracinë. Qoftë i përjetshëm kujtimi për viktimat e gjenocidit”, tha Haxhiu.

Edhe kryeministri në detyrë, Albin Kurti, përcolli mesazhin se mohimi i gjenocidit nuk dëmton vetëm të shkuarën, por vë në rrezik edhe të ardhmen.

“Mohimi i largon autorët nga përgjegjësia, i detyron viktimat të vërtetojnë pafundësisht dhimbjen e tyre dhe e paraqet drejtësinë si një pengesë për stabilitetin. Në realitet, stabiliteti rrezikohet pikërisht atëherë kur shoqëritë nuk distancohen nga ata që kanë vrarë në emër të tyre. Përgjegjësia e Serbisë ndaj Srebrenicës nuk mund të mbyllët me heshtje e as të zëvendësohet me një gjuhë të përgjithshme për pajtimin. Gjenocidi nuk ishte një shmangie e rastësishme nga rrjedha e historisë, por pasojë e një politike që nacionalizmin e shndërroi në projekt, propagandën në përgatitje të dhunës, ndërsa aparatin shtetëror në instrument të pastrimit etnik”, tha Kurti.

Në ceremoni mori pjesë edhe deputeti i Kuvendit të Bosnjë e Hercegovinës, Xhemal Smajiq.

Sipas tij, përkujtimi i gjenocidit të Srebrenicës dëshmon se rreziku mbetet i pranishëm sa herë që krimet mohohen dhe ideologjitë e urrejtjes e përçarjes nuk ndalen.

“Obligimi ynë nuk është vetëm t’i kujtojmë viktimat, por edhe të ndërtojmë një shoqëri në të cilën një e keqe e tillë nuk do të përsëritet kurrë më. Bosnja e Hercegovina dhe Kosova ndajnë përvojën e luftës për paqe, liri dhe siguri të qytetarëve të tyre. Dy vendet tona janë të lidhura me lidhje njerëzore, historike dhe politike, por mbi të gjitha me mirëkuptimin se sa e rëndësishme është të respektohet e drejta ndërkombëtare dhe vlerat demokratike“, tha Smajiq.

Nga ana tjetër, deputeti shqiptar në Kuvendin e Serbisë, Shaip Kamberi, tha se rezolutat e propozuara prej vitesh në Kuvendin e Serbisë për dënimin e gjenocidit në Srebrenicë nuk janë lejuar as të hidhen në diskutim.

“Edhe sot, 34 vjet më vonë, Serbia nuk ka bërë shkëputjen e domosdoshme nga kjo politikë. Mohimi i gjenocidit, relativizimi i vendimeve të gjykatave ndërkombëtare dhe glorifikimi i kriminelëve të luftës vazhdojnë të jenë pjesë e diskursit publik dhe politik në Serbi. Kjo nuk është vetëm papërgjegjësi ndaj viktimave, është pengesë serioze për pajtimin, stabilitetin dhe perspektivën evropiane të rajonit. Për këtë arsye, prej vitesh, bashkë me deputetët e SDA-së së Sanxhakut, në Parlamentin e Serbisë kam propozuar një rezolutë për dënimin e krimit dhe gjenocidit në Srebrenicë. Asnjëherë nuk është lejuar diskutimi. Por refuzimi i debatit nuk e ndryshon të vërtetën. Gjenocidi mbetet gjenocid, e vërteta nuk mund të mohohet nga heshtja”, deklaroi Kamberi.

Gjenocidi i Srebrenicës, i kryer në korrik të vitit 1995, është njohur si gjenocid nga gjykatat ndërkombëtare. Mbi 8 mijë burra dhe djem boshnjakë u vranë nga forcat serbe të Bosnjës, ndërsa 11 korriku tashmë shënohet ndërkombëtarisht si ditë përkujtimore për viktimat e këtij krimi.

The post Kosova përkujton viktimat e Srebrenicës: Pa të vërtetën s’ka as drejtësi, as paqe appeared first on Albeu.com.

NASA vlerëson se afërsisht 58,870 ndërtesa u dëmtuan ose u shkatërruan, duke shkaktuar probleme serioze për strehimin dhe infrastrukturën.

Organizata Botërore e Shëndetësisë, ka shprehur gjithashtu shqetësim për rrezikun e përhapjes së epidemive, pasi sistemet për regjistrimin e personave të zhdukur dhe viktimave janë të pamjaftueshme.

🇻🇪 Thousands feared dead after devastating Venezuela earthquakes…

The death toll has climbed to 1,943 and is still rising:

Over 10,500 injured

40,000-50,000 missing

Nearly 59,000 buildings damaged or destroyed

A full-scale humanitarian nightmare is unfolding as rescuers…

— Mario Nawfal (@MarioNawfal) July 1, 2026

Problemet e shumta në sistemin shëndetësor, rrjetet e ujit dhe kanalizimeve, të kombinuara me zhvendosjen e detyruar të popullatave, mund të favorizojnë shpërthimin e sëmundjeve të parandalueshme nga vaksina, të tilla si fruthi, difteria dhe kolla e mirë.

Mediat shkruajnë se Programi Botëror i Ushqimit po kërkon 50 milionë dollarë ndihmë, ndërsa komuniteti ndërkombëtar është mobilizuar duke dërguar 40 ekipe shpëtimi, ndërsa SHBA-të njoftuan ndihmë financiare prej 300 milionë dollarësh.

A three-year-old boy was rescued alive early Tuesday morning after remaining trapped under the rubble for nearly six days in Venezuela, where search operations are ongoing following the 7.2 and 7.5 magnitude earthquakes that struck last Wednesday. pic.twitter.com/Yh3R4SqbHD

— Massimo (@Rainmaker1973) June 30, 2026

The post Tërmeti i fortë në Venezuelë! Shënohen 2 mijë viktima ndërsa shtohet rreziku i përhapjes së epidemive (VIDEO) appeared first on Albeu.com.

Petriti, 53-vjeç, punonte si efektiv policie, ndërsa bashkëshortja e tij, Elona, 45-vjeçe, punonte si mësuese.

Makina me të cilën udhëtonin ata u përplas me një tjetër automjet që drejtohej nga shtetasi F.L., në të cilin ndodhej edhe një grua me dy fëmijët e saj të mitur, 6 dhe 2-vjeç, të cilët kanë mbetur të plagosur.

Për nxjerrjen e viktimave nga automjeti ishte e nevojshme ndërhyrja e ekipit të zjarrfikëses, ndërsa hetimet po vijojnë për zbardhjen e plotë të rrethanave të rastit.

Njoftimi i Policisë:

“Rreth orës 08:00, në aksin rrugor Lezhë–Mabë, në vendin e quajtur Gocaj, janë përfshirë në një aksident rrugor dy automjete: automjeti me drejtues shtetasin F.L. dhe automjeti me drejtues shtetasin P.F.

Si pasojë e aksidentit kanë humbur jetën shtetasi P.F., rreth 53-vjeç, si dhe pasagjerja në këtë mjet, shtetasja E.F., rreth 45-vjeç, bashkëshortë.

Gjithashtu, janë dëmtuar tre pasagjerë që ndodheshin në automjetin me drejtues shtetasin F.L., konkretisht bashkëshortja e tij dhe dy fëmijët e mitur, 6 dhe 2 vjeç, të cilët ndodhen jashtë rrezikut për jetën.

Grupi hetimor vijon punën për sqarimin e plotë të rrethanave të këtij aksidenti”, njofton policia.

The post Burri polic dhe gruaja mësuese/ Ky është çifti që humbi jetën në aksidentin tragjik në Lezhë appeared first on Albeu.com.

Numri total i të vdekurve të konfirmuar në Vietnamështë tani 91, me 11 të tjerë të zhdukur, pasi shirat e fortë që nisën një javë më parë shkaktuan përmbytje të rënda dhe rrëshqitje dheu duke nisur nga provinca Quang Tri deri në Lam Dong, një shtrirje prej 800 kilometrash përgjatë rajonit qendror të vendit, përfshirë zonat malore.

Në Dak Lak, e cila është provinca më e goditur, 63 persona kanë humbur jetën, kryesisht nga mbytja. Viktima të tjera u raportuan në provincat Khanh Hoa, Lam Dong, Gia Lai, Danang, Hue dhe Quang Tri.

Krishtlindje me masa sigurie/ Gjermani, hapen tregjet e festës, një vit pas sulmit terro*ist
Me rrugët e shkatërruara në shumë zona, helikopterët janë përdorur për të hedhur ushqime dhe ndihma, si dhe për të ndihmuar në evakuimin e njerëzve.

Pas një pushimi të reshjeve gjatë fundjavës, Pham Thu Huyen ishte një nga qindra banorë dhe vizitorë që ndihmuan në pastrimin e mbeturinave të sjella nga uji në Nha Trang, një destinacion turistik i njohur në provincën Khanh Hoa, i famshëm për plazhet me rërë të bardhë.

“Ne kurrë nuk kemi përjetuar kaq shumë shi dhe përmbytje kaq të këqija,” tha 45-vjeçarja.

Ujërat kanë dëmtuar edhe të korrat e këtij viti, duke përmbytur fermat e kafesë në Dak Lak, rajoni kryesor i prodhimit të kafesë në Vietnam.

Dëmet deri tani vlerësohen rreth 500 milionë dollarë nga ky cikël përmbytjesh.

Ujërat kanë filluar të tërhiqen, por agjencia e motit e Vietnamit paralajmëroi se me reshjet që vazhdojnë në disa vende, rreziqet mbeten, dhe se një depresion tropikal i ri po formohet që mund të sjellë mot më të keq më vonë gjatë javës.

Vietnami është ndër vendet më të rrezikuara nga përmbytjet në botë, me gati gjysmën e popullsisë që jeton në zona me rrezik të lartë. Shkencëtarët paralajmërojnë se ngrohja globale po intensifikon stuhitë dhe reshjet në Azinë Juglindore, duke i bërë përmbytjet dhe rrëshqitjet e dheut gjithnjë e më shkatërruese dhe të shpeshta.

Në Tajlandë, reshjet e dendura në jug të vendit shkaktuan përmbytje të rënda gjatë fundjavës, duke prekur gati 2 milionë njerëz. Pesë persona u vranë dhe katër të tjerë u plagosën në gjashtë provinca jugore.

Dhjetë provinca në jug janë goditur nga reshje të dendura gjatë javës së fundit, dhe zyrtarët paralajmëruan të hënën se nivelet e ujit pritet të rriten më tej me reshjet që do të vazhdojnë deri të martën.

Qyteti Hat Yai, një qendër e madhe ekonomike në provincën Songkhla, u godit me 335 milimetra shi të premten, shifra më e lartë 24-orëshe në 300 vjet, thanë zyrtarët.

Nga e mërkura deri të premten, qyteti pa 630 milimetra shi, duke e bërë të vështirë evakuimin, ndërsa qindra banorë dhe turistë mbetën të bllokuar në shtëpi dhe hotele, gjë që detyroi ekipet e emergjencës të përdorin varka shpëtimi për të transportuar njerëzit përgjatë rrugëve të përmbytura.

Tajlanda ishte goditur më herët këtë vit nga përmbytje të gjera në veri, të ndjekura nga muaj përmbytjesh në rajonin qendror, që vranë mbi dy dhjetëra persona. Ato përmbytje shkaktuan gjithashtu dëme të mëdha në fushat bujqësore dhe mijëra shtëpi.

Malajzia po përballet gjithashtu me përmbytje në disa shtete që pritet të përkeqësohen ndërsa reshjet e dendura dhe të vazhdueshme vazhdojnë.

Departamenti i Mirëqenies Sociale raportoi të hënën se mbi 12 mijë e 500 njerëz në nëntë shtete janë evakuuar. Përmbytjet janë të zakonshme në disa pjesë të Malajzisë gjatë sezonit vjetor të musonit, i cili nis në nëntor dhe mund të zgjasë deri në mars.

The post Rritet numri i viktimave nga përmbytjet në Azinë Juglindore appeared first on Albeu.com.

Të paktën 40 nga numri i përgjithshëm i të vrarëve gjatë ditës së fundit humbën jetën si pasojë e të shtënave dhe sulmeve ajrore izraelite të mërkurën, tha Ministria e Shëndetësisë në Gazë.

Në mesin e tyre ka edhe palestinezë të vrarë duke pritur për të marrë ndihma ushqimore, siç ka ndodhur pothuajse çdo ditë gjatë tre javëve që kur Izraeli hoqi pjesërisht bllokadën e plotë mbi territorin.

Punonjësit mjekësorë thanë se sulme të ndara ajrore mbi shtëpi në kampin e refugjatëve Maghazi, lagjen Zeitoun dhe në qytetin e Gazës, në pjesën qendrore dhe veriore të saj, vranë të paktën 21 njerëz.

Ndërkohë, pesë të tjerë humbën jetën në një sulm ajror mbi një kamp në Han Junis, në jug të Gazës.

Katërmbëdhjetë njerëz të tjerë u vranë nga zjarri izraelit mbi turma palestinezësh të zhvendosur që prisnin kamionët me ndihma të sjella nga Kombet e Bashkuara përgjatë rrugës Salahudin në Gazën qendrore, sipas mjekëve.

Forcat e Mbrojtjes së Izraelit (IDF) thanë se po hetojnë raportet për vdekjen e njerëzve që prisnin për ndihma ushqimore.

Lidhur me sulmet e tjera, IDF-ja deklaroi se “po veprojnë për të shkatërruar kapacitetet ushtarake të Hamasit” dhe po marrin “masa të mundshme për të kufizuar dëmet ndaj civilëve”.

Hamasi është grup militant i shpallur organizatë terroriste nga Shtetet e Bashkuara dhe Bashkimi Evropian.

Të martën, Ministria e Shëndetësisë në Gazë tha se 397 palestinezë që po përpiqeshin të merrnin ndihma ushqimore janë vrarë dhe më shumë se 3.000 janë plagosur që nga rifillimi i dërgesave të ndihmave në fund të majit.

Disa në Gazë shprehën shqetësimin se përshkallëzimi i fundit i luftës midis Izraelit dhe Hamasit, që filloi në tetor 2023, po anashkalohet pasi vëmendja është zhvendosur te konflikti midis Izraelit dhe Iranit që nisi javën e kaluar.

“Po na masakrojnë në Gazë, ditë e natë, por vëmendja është zhvendosur te lufta Izrael-Iran. Ka shumë pak lajme për Gazën këto ditë”, tha Adel, një banor i qytetit të Gazës.

“Kush nuk vdes nga bombat izraelite, vdes nga uria. Njerëzit rrezikojnë jetën çdo ditë për të marrë ushqim, dhe përfundojnë të vrarë, me gjakun e tyre që njollos thasët me miell që menduan se i kishin fituar”, i tha ai agjencisë Reuters përmes një aplikacioni komunikimi.

Lufta në Gazë filloi kur militantë të udhëhequr nga Hamasi sulmuan jugun e Izraelit, duke vrarë afër 1.200 njerëz dhe duke marrë afër 250 pengje. Izraeli thotë se 58 pengje mbeten në Gazë, megjithëse besohet se rreth 35 prej tyre janë të vdekur.

Që atëherë, lufta e Izraelit ka vrarë më shumë se 55.000 njerëz në Gazë, shumë prej tyre gra dhe fëmijë, sipas zyrtarëve shëndetësorë palestinezë./REL

The post 140 të vrarë në Gazë nga sulmet izraelite në 24 orët e fundit, në shënjestër edhe ata që prisnin ndihma appeared first on Albeu.com.

Si pasojë e përplasjes, automjeti është përfshirë nga flakët dhe drejtuesi i makinës Enejdi Laçi, 25-vjeç dhe tre pasagjerët në mjetin e tij, Erildi Laçi, 20-vjeç, Enrikejd Kurti, 24-vjeç dhe Andi Laçi, 22-vjeç, janë djegur brenda mjetit.

Enejdi dhe Erildi Laçi ishin vëllezër, ndërsa Andi Laçi, ishte kushëri me ta. Viktima e katërt Enrikejd Kurti, ishte shok me tre të parët.

Vëllezërit Enejdi Laçi, 25 vjeç dhe Erildi Laçi 20-vjeç

Raportohet se aksidenti është konstatuar nga një patrullë e shërbimit rrugor, i cili ka pikasur automjetin që kishte marrë flakë dhe para tij qëndronte një mjet i tonazhit të rëndë betoniere.

Nga hetimet e kryera, rezultoi se automjeti drejtohej nga 25-vjeçari Enejdi Laçi dhe pas përplasjes së fortë me një betoniere ka shpërthyer në flakë.

Enrikejd Kurti, 24-vjeç

Betonierja e drejtuar nga 24-vjeçari Aleksandër Krrashi, sapo kishte dalë nga pika e betonit rreth 100 metra nga vendngjarja dhe ka hyrë në rrugën kryesore, dhe kur është futur në rrugë ka ecur vetëm 20 metra.

Në këto momente automjeti tip Benz me gaz-benzinë me të cilën udhëtonin të rinjtë, është përplasur me betonieren, duke e goditur nga pas.

Makina e të rinjve ka shpërthyer menjëherë në flake, për shkak se ishte edhe me impiant gazi. Përplasja ishte aq e fortë saqë mjeti është shkatërruar plotësisht.

Andi Laçi, kushëriri i vëllezërve Enejdi dhe Erildi Laçi

Policia po heton nëse betonierja ka pasur sinjale stop nga pas, sepse dyshohet qe të rinjtë nuk kanë parë momentin që betonierja, është futur në rrugë dhe në asfalt nuk ka shenja frenimi.

Po ashtu, po hetohet nëse betonierja ka ndaluar pasi është future në rrugën kryesore apo ka qenë në lëvizje, pasi sapo është future në rrugë ka ecur vetëm 20 metra dhe shpejtësia ka qenë e ulët, ndërsa makina ku po udhëtonin të rinjtë ka qenë me shpejtësi tej normave të lejuara.

Pas përplasjes, mësohet se drejtuesi i betonierës është larguar nga vendi i ngjarjes, por është ndaluar pak orë më vonë nga policia.

Viktima e aksidentit tragjik po ktheheshin nga aeroporti i Rinasit, kur tre prej të rinjve kishin dalë për të marrë Erild Laçin, i cili kthehej nga Gjermania dhe sapo kanë lënë aeroportin janë nisur për në banesat e tyre në fshatin Borizanë. Nën drejtimin e Prokurorisë, vijojnë hetimet për zbardhjen e plotë të rrethanave të aksidentit.

The post Aksidenti tragjik/ Këta janë 4 të rinjtë që u dogjën në makinë pas përplasjes me betonieren në Fushë-Prezë appeared first on Albeu.com.

Janë identifikuar viktimat e aksidentit tragjik, ku mësohet se emigrantët ishin nga Pakistani. Bëhet me dije se disa prej tyre janë identifikuar, ndërsa pjesa tjetër pritet të identifikohen përmes ADN-së dhe gjurmëve të gishtave.

Ndërsa shoferi i “Benz-it” me të cilin po transportoheshin emigrantët ishte 24-vjeçari nga Shkdora, Edison Bregaj. I riu gjithashtu, mbeti viktimë e aksidentit tragjik të ndodhur në orët e para të mëngjesit të dy prillit.

Ndërkohë, policia e Shkodrës ka arrestuar dy persona Agustin Gjepa dhe Ramazan Dekovi, të akuzuar për dhënje ndihme të kalimit të kufirit.

Sipas burimeve, këta persona kanë bashkëpunuar me shoferin Edison Bregaj, i cili gjithashtu humbi jetën në aksident për trafikun e klandestinëve.

Edison Bregaj kishte marrë me qira mjetin nga Agustin Gjepa.

The post Identifikohen viktimat e aksidentit tragjik në Këlcyrë appeared first on Albeu.com.

“Vetë i çuat atje, vetë i vrarë”, ishte thirrja e fortë që bëri një i ri, ndërkohë që ai u ndalua nga civilë, të cilët kërkuan shoqërimin e tij.

“Nuk kam bërë gjë. S’kam pse të jap mjetet e identifikimit. Mos më prekni, s’bëra gjë. Më lini të qetë, më ktheni telefonin. Nuk bëra gjë! Nuk bëra asgjë.

Ju lutem shumë, më keni lënë pa punë, më keni shkatërruar. Më keni lënë pa punë. Më kthe telefonin, se është pronë e imja. Thjesht! Kaq. Më keni lënë pa punë”, tha i riu, teksa debaton me punonjësit e sigurisë.

The post “Vetë i çuat dhe i vratë!”, i riu thirrje kundër Ramës, çfarë ndodhi gjatë homazheve për viktimat e ‘21 Janarit appeared first on Albeu.com.

Të mbijetuarat e dhunës në familje të anketuara nga Amnesty International thanë se përgjigja e shtetit është e pamjaftueshme për t’i mbështetur ato të jetojnë të pavarura, duke i detyruar shumë prej tyre të rikthehen te abuzuesi.

Rina Kika, autore e raportit tha në një bisedë me Zërin e Amerikës se reagimi i shtetit ndaj dhunës në familje nuk është mjaftueshëm i përqendruar tek të mbijetuarat.

“Një prej gjetjeve kryesore te raportit tonë është që shteti i Kosovës e ka përgjigjen shumë të përqendruar në drejtësinë penale dhe madje as kjo përgjigje nuk është adekuate sa i takon rasteve të dhunës në familje.

Ndërkaq shumë pak po bëhet që të mundësohet që një person i cili përjeton dhunë në familje, të mund të jetojnë të pavarura dhe të kenë një mbështetje sociale prej shtetit sa i përket strehimit, punësimit dhe aftësimit të tyre dhe ta jetojnë një jetë pa dhunë”, tha Kika.

Të mbijetuarat e dhunës që përpiqen të largohen nga situatat abuzive sipas të gjeturave të raportit përballen me pengesa të rënda, si mungesën e informacionit për ndihmën e disponueshme, keqtrajtimin nga oficerët e policisë, punonjës socialë të mbingarkuar dhe shërbime të pamjaftueshme mbështetëse.

“Në momentin që shkojnë në polici ato trajtohen me mosrespekt, me paragjykime gjinore duke marrë një gjuhë që i fajëson ato për dhunën që kanë përjetuar dhe kjo normalisht që i dekurajon ato për të paraqitur rastet e tjera të dhunës. E njëjta ndodh edhe te gjykatat ku kemi dënime shumë të ulta. Sipas analizës që kemi bërë ne ato janë dënime në shpërputhje me peshën e veprës penale, shumica janë dënime me kusht dhe dënime me gjobë”, thotë zonja Kika.

Zonja Kika thotë se një ndër faktorët thelbësor që i vendos gratë në situatë të vështirë është varësia e tyre ekonomike nga familja e origjinës apo bashkëshortët e tyre.

“Ne i kemi parë edhe statistikat zyrtare të shtetit që tregojnë se sa e ulët është pjesëmarrja e grave në pronë, sa pak gra zotërojnë prona, sa pak gra janë të punësuara formalisht dhe kjo natyrisht i bënë ato të varura dhe të ndjeshme duke i detyruar ato të kthehen në situata të abuzimit sepse nuk mund të jenë të pavarura”, thekson ajo.

Sipas të dhënave të publikuara në raport në vitin 2017 vetëm 17 për qind e grave ishin të punësuara zyrtarisht krahasuar me 50 për qind të burrave, dhe në vitin 2021 vetëm 18 për qind e pronës zotërohej nga gratë krahasuar me 79 për qind që zotërohej nga burrat.

Për më tepër gratë shpesh përjashtohen nga trashëgimia familjare ose heqin dorë nga e drejta e tyre për shkak të trysnisë sociale, pavarësisht ligjeve që u garantojnë atyre barazinë me burrat në këto çështje.

Studimi i Amensty International rekomandon që shteti t’i përfshijë të mbijetuarat e dhunës në familje në proceset politikbërëse, si dhe të zbatojë politika gjithëpërfshirëse të parandalimit duke siguruar që të mbijetuarat të kenë mbrojtje dhe mbështetje të mjaftueshme për t’u larguar nga situatat abuzive dhe për t’iu qasur drejtësisë e dëmshpërblimit në përputhje me nevojat dhe përparësitë e tyre.

Që nga viti 2018 ka pasur një rritje të vazhdueshme të raportimit të dhunës në familje. Në vitin 2019, policia e Kosovës ka regjistruar 1 mijë e 915 raste, nga 1 mijë e 533 që ishin në vitin 2018. Ndërkaq viti 2022 shënoi shkallën më të lartë të dhunës në familje deri tani, me 2 mijë e 764 raste të raportuara.

Raporti thotë se sado alarmante që janë, shifrat ka të ngjarë të jenë më të ulëta se numri i rasteve aktuale të dhunës në familje për shkak se shumë të mbijetuara vendosin mos të raportojnë tek autoritetet.

Një anketë e vitit 2019 e kryer nga Organizata për Siguri dhe Bashkëpunimi në Evropë, zbuloi se gati 50 për qind e një mijë 990 grave të anketuara në Kosovë besojnë që dhuna është një çështje private, që duhet të zgjidhet brenda familjes./VOA/

The post Amnesty International: Mungon trajtimi i duhur për viktimat e dhunës në familje në Kosovë appeared first on Albeu.com.