Ermedin Demirovic ishte protagonisti kryesor i suksesit 3-1 të Stuttgartit kundër Vikingut në Ligën e Kampionëve.

Bomberi boshnjak realizoi të gjitha golat e skuadrës gjermane, duke siguruar një het-trik në një ndeshje të dominuar në pjesën më të madhe nga Stuttgarti.

Goli i parë erdhi në minutën e 20-të, kur Demirovic përfitoi nga asistimi i Angelo Stillerit dhe shënoi me një volej spektakolar.

Vikingu reagoi vetëm dy minuta më vonë, duke barazuar rezultatin përmes Zlatko Tripicit. Megjithatë, Demirovic riktheu avantazhin e Stuttgartit në minutën e 26-të, me një goditje të fuqishme që e çoi rezultatin në 2-1.

Sulmuesi boshnjak vulosi het-trikun në minutën e 32-të. Pas asistimit të Deniz Undavit, ai goditi menjëherë dhe e dërgoi topin në rrjetë për 3-1.

Me tre golat e tij, Demirovic i dha Stuttgartit një fitore të rëndësishme ndaj Vikingut dhe u bë lojtari i parë i klubit gjerman që realizon një het-trik në Ligën e Kampionëve.

The post Demirovic shënon tre herë, Stuttgart triumfon ndaj Vikingut në Ligën e Kampionëve appeared first on Albeu.com.

Viking FK paraqet një rast të pazakontë në futbollin norvegjez, pasi skuadra drejtohet nga dy trajnerë kryesorë: Morten Jensen dhe Bjarte Aarsheim. Të dy kanë kompetenca të barabarta dhe emrat e tyre figurojnë së bashku në raportet zyrtare të ndeshjeve.

Rruga e klubit drejt kësaj strukture nisi pas një periudhe të vështirë. Në vitin 2017, Viking e mbylli kampionatin norvegjez në vendin e fundit dhe ra në divizionin e dytë, një ngjarje që nuk ishte përsëritur prej 30 vitesh.

Situata u rëndua edhe më tej për shkak të vështirësive financiare. Investitorët vendas u siguruan në momentin e fundit, por kjo e detyroi klubin të rishikonte planin e tij. Në vend të një skuadre të pasur, të mbështetur te lojtarët e huaj, Viking zgjodhi të ndërtonte një projekt që do t’i kushtohej zhvillimit të futbollistëve të akademisë.

Për të rimëkëmbur ekipin u afrua legjenda e klubit, Bjarne Berntsen. Ai kishte shërbyer te Viking si trajner dhe drejtor sportiv që nga vitet 1990, ndërsa Jensen dhe Aarsheim ishin pjesë e stafit të tij teknik.

Berntsen e riktheu Vikingun menjëherë në divizionin e parë dhe, në vitin 2019, e udhëhoqi drejt triumfit në Kupën e Norvegjisë. Megjithatë, një vit më vonë ai u shkarkua, pasi drejtuesit vendosën të provonin një qasje të re. Me mungesën e një kandidati të qartë për zëvendësimin e tij, klubi iu drejtua dy asistentëve të Berntsen.

Jensen dhe Aarsheim po mendonin prej kohësh të bashkëpunonin. Për të diskutuar idetë e tyre mbi futbollin dhe të ardhmen e Vikingut, ata kaluan edhe dy ditë në një shtëpi fshati.

Pas këtij diskutimi, të dy arritën në përfundimin se kishin të njëjtën qasje dhe pranuan ta drejtonin ekipin së bashku. Drejtori ekzekutiv i Vikingut, Erik Bjorne, ka treguar: “Ata thjesht erdhën së bashku në intervistë. Ishte ideja e tyre”.

Ky organizim rezultoi i suksesshëm. Me përjashtim të vendit të 11-të në vitin 2022, Vikingu ishte vazhdimisht pjesë e garës për titull nën drejtimin e dy trajnerëve. Vitin e kaluar, klubi u shpall kampion për herë të parë pas 34 vitesh.

Si ndahet puna mes dy trajnerëve?

Sipas sulmuesit Veton Berisha, i cili foli për këtë çështje pesë vjet më parë, dy trajnerët kanë ndarë përgjegjësitë në fusha të ndryshme. Jensen kujdeset për aspektin ofensiv të lojës, ndërsa Aarsheim është përgjegjës për organizimin mbrojtës. Megjithatë, vendimet kryesore synojnë t’i marrin në mënyrë të përbashkët.

“Sigurisht, ne diskutojmë rreth stilit të lojës dhe përzgjedhjes së skuadrës. Por, kjo nuk bëhet kurrë debat. Nëse dëshiron të arrish diçka në futboll, duhet të dëgjosh njerëz që lëvizin në të njëjtin drejtim me ty dhe ndajnë të njëjtën uri për sukses”, pranoi Aarsheim.

Erik Bjorne e vlerëson si të goditur vendimin për të përdorur këtë model. “Gjithmonë bëj shaka se nuk do t’ia rekomandoja këtë model stërvitjeje askujt, por në të njëjtën kohë doli të ishte opsioni perfekt për ne. Ata kanë karaktere të ndryshme, por të njëjtin vizion për futbollin. Kjo është arsyeja pse plotësojnë kaq mirë njëri-tjetrin”, deklaroi drejtori ekzekutiv.

The post Viking FK, klubi norvegjez i Ligës së Kampionëve që drejtohet nga dy trajnerë kryesorë appeared first on Albeu.com.

Sot, e mërkurë, zhvillohen gjashtë ndeshje të xhiros së parë në fazën e ligës të Ligës së Kampioneve, me disa prej klubeve më të njohura të futbollit evropian që nisin rrugëtimin e tyre.

Pas takimeve të luajtura të martën, gara vijon me një program të ngjeshur, ndërsa skuadrat e mëdha synojnë një fillim pozitiv në sezonin e ri.

Dy përballjet e para nisin në orën 18:45. Barcelona e pret Feyenoordin në Camp Nou, kurse Stuttgarti takohet me Vikingun në “MHPArena”.

Katër sfidat e tjera janë planifikuar për në orën 21:00 dhe pritet të tërheqin vëmendjen kryesore të mbrëmjes.

Në Anfield, Liverpooli do të jetë nikoqir i Atletico Madridit në një duel që paralajmëron spektakël. Ndërkohë, stadiumi ‘Diego Armando Maradona’ në Itali do të presë supersfidën ndërmjet Napolit dhe Arsenalit.

Kampioni në fuqi, Paris Saiint-Germain, e fillon aventurën e re evropiane në Paris përballë Slovan Bratislavës. Programi i sotëm mbyllet me takimin mes Sporting Lisbonës dhe Galatasarayt.

The post Liga e Kampioneve rikthehet sot me gjashtë sfida, në fushë Barcelona, Liverpooli, PSG-ja dhe Arsenali appeared first on Albeu.com.

Edicioni i freskët i Ligës së Kampionëve nis të martën, me një format të ri që përfshin 36 klube në fazën e ligës, teksa pesë ekipe nga Premier League synojnë ta sjellin sërish trofeun në Angli.

Skuadra e fundit angleze që ka ngritur lart këtë kupë mbetet Manchester City, triumfues në vitin 2023, por gara sivjet pritet të jetë edhe më e ashpër pas një merkatoje vere me investime të jashtëzakonshme.

Të martën, City do të përballet me Porton në ndeshjen hapëse, ndërsa kampionët e Anglisë kanë derdhur fonde të konsiderueshme për të forcuar repartin e mesfushës.

Një ditë më vonë, Liverpooli mirëpret Atletico Madridin në një takim që premton emocione të forta që në xhiron e parë.

Paris Saint-Germain hyn në kompeticion me synime të mëdha – kampioni aktual i Evropës kërkon të bëhet formacioni i dytë në historinë moderne të Champions-it, pas Real Madridit të Zinedine Zidane, që arrin tripletën e titujve radhazi. Megjithatë, ecuria në Ligue 1 nuk ka qenë pozitive për parisienët, të cilët ende nuk kanë shijuar fitoren në katër javët e para.

Yaya Toure shkruan historinë

Një rrëfim i veçantë mbërrin nga kampioni i Sllovakisë, Slovan Bratislava. Ky klub rikthehet në fazën e ligës nën drejtimin e Yaya Toure, ish-mesfushorit të Barcelonës dhe fituesit të Champions-it në 2009-ën. Në përvojën e tij të parë si trajner kryesor, Toure regjistroi një arritje historike duke u bërë tekniku i parë afrikan që udhëheq një skuadër në fazën kryesore të këtij turneu.

Dueli Mourinho – Inter dhe debutuesit

Real Madridi do të startojë në shtëpi përballë Interit, një sfidë e mbushur me histori. Jose Mourinho, i cili fitoi Champions-in me zikaltrit në vitin 2010 dhe më vonë mori frenat e Realit, rikthehet në këtë kompeticion me madrilenët.

Ky edicion shënon gjithashtu debutimin e disa ekipeve në fazën e ligës: Sabah i Azerbajxhanit, Como i Italisë, LASK-u i Austrisë dhe Viking i Norvegjisë do të luajnë për herë të parë në këtë nivel. Norvegjia prezantohet me dy përfaqësuese, Bodo/Glimt, që sfidon Bayern Munichun, dhe Viking, që ndeshet me Stuttgartin.

Formati i ri

Secila prej 36 skuadrave do të zhvillojë tetë ndeshje kundër kundërshtarëve të ndryshëm – katër në fushën e vet dhe katër jashtë. Tetë ekipet e para sigurojnë biletën direkt për në të tetën e finales, kurse ato të renditura nga pozita e nëntë deri në të 24-ën do të përballen në play-off për një vend në fazën me eliminim direkt. Klubet që përfundojnë nga vendi i 25-të deri në të 36-in i japin fund aventurës evropiane.

Spektakli nis menjëherë me duele të zjarrta si Real Madrid – Inter, Porto – Manchester City, Dortmund – Villarreal si dhe Lille – Betis.

The post Nis edicioni i ri i Champions-it, përballje të forta që në start appeared first on Albeu.com.

Shorti i fazës së ligës në Ligën e Kampionëve do të zhvillohet sot, e enjte, 27 gusht, në orën 18:00. Në këtë procedurë do të marrin pjesë 36 skuadra, të ndara në katër vazot sipas koeficientëve përkatës.

Ekipet do të mësojnë kundërshtarët me të cilët do të përballen në fazën e parë të formatit të ri të garës, ku priten duele të rëndësishme që në javët e para.

Vazoja e parë përfshin Paris Saint-Germain, Bayern Munich, Real Madrid, Liverpool, Inter, Manchester City, Arsenal, Barcelona dhe Atletico Madrid.

Në vazon e dytë janë pozicionuar Borussia Dortmund, Roma, Sporting Lisbona, Aston Villa, Porto, Manchester United, Club Brugge, Real Betis dhe PSV Eindhoven.

Feyenoord, Lille, Bodo/Glimt, Napoli, RB Leipzig, Villarreal, Fenerbahçe, Shakhtar Donetsk dhe Galatasaray bëjnë pjesë në vazon e tretë.

Vazoja e katërt plotësohet nga Slavia Praha, Slovan Bratislava, Stuttgart, AEK Athens, LASK, Como, Lens, Viking dhe Sabah.

Sipas rregullave të formatit të ri, çdo skuadër do të zhvillojë tetë ndeshje në fazën e ligës: katër takime në fushën e saj dhe katër jashtë, përballë tetë kundërshtarëve të ndryshëm. Secila skuadër do të përballet me nga dy ekipe të secilës prej katër vazove.

Në përfundim të kësaj faze, tetë ekipet e renditura në krye do të kalojnë drejtpërdrejt në 1/8-tën e finales. Ndërkohë, skuadrat që do të pozicionohen nga vendi i 9-të deri në të 24-tin do të luajnë në ‘play-off’ për një biletë drejt kësaj faze.

The post Liga e Kampionëve, sot hidhet shorti i fazës së ligës: 36 skuadrat dhe katër vazot appeared first on Albeu.com.

Sulmuesi i Manchester City kishte veshjen tipike të një vikingu, me çdo detaj të mundshëm. Ai gjithashut kishte stiluar flokët në mënyrën e tyre, duke i kapur gërshet.

Fansat kanë mbetur të kënaqur me këtë pamje të tij, ku nuk kanë munguar as komentet pozitive për të. Dikush shkruante se ai duhet të luante një ndeshje me këtë model flokësh, një tjetër theksonte se Haaland nuk është maskuar aspak, është thjesht vetvetja pasi është një viking./ h.ll/albeu.com

The post I veshur si viking dhe flokët me gërsheta, Haaland maskohet për Halloween appeared first on Albeu.com.