Këtë të hënë, ajo është parë të dalë në krah të kryeministri Edi Rama, në prezantimin e projektit “OSHEE Charge”.

Kujtojmë që prej dhjetë ditësh, numri dy i qeverisë është marrë e pandehur nga Prokuroria e Posaçme për shkelje të barazisë në tendera, lidhur kjo me tunelin e Llogarasë, kjo është dalja e parë e të dyve, bashkë.

Prokuroria e Posaçme, mori te pandehur Belinda Balluku, duke duke e akuzuar për veprën penale,“Shkelje e barazisë së pjesëmarrësve në tendera apo ankande publike”.

Sipas SPAK deri në këtë fazë të hetimeve paraprake, faktet penale, objekt akuze në ngarkim të të pandehurës Belinda Balluku, kanë të bëjnë me veprimet e saj, në cilësinë e Ministrit të Ministrisë së Infrastrukturës dhe Energjisë, për njërën nga procedurat e prokurimit, objekt i këtij hetimi, “Ndërtimi i tunelit të Llogarasë”, në seksionin rrugor Orikum-Himarë, pjesë e autostradës SH8 (Vlorë-Sarandë), zhvilluar në datën 11.12.2020 dhe pas anulimit të saj, procedura është rihapur në datën 22.6.2021, me fond limit, 18 967 810 952.08 (tetëmbëdhjetë miliardë e nëntëqind e gjashtëdhjetë e shtatë milionë e tetëqind e dhjetë mijë e nëntëqind e pesëdhjetë e dy (pikë) zero tetë) lekë pa TVSH.

“Në kuadër të hetimit të këtij procedimi penal, sot, më 31.10.2025 i është njoftuar akuza të pandehurës Belinda Balluku, me funksionin e lartë shtetëror, Ministër i Ministrisë së Infrastrukturës dhe Energjisë, akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, në bashkëpunim”, citohet në njoftimin e SPAK.

The post E pandehur nga SPAK/ Balluku vijon shfaqjen në publik, del në krah të kryeministrit Rama appeared first on Albeu.com.

Përgjatë sesionit u zhvilluan ushtrime fizike, u provuan skema të ndryshme taktike, si dhe goditje standarde.

Sulmuesi Myrto Uzuni, iu bashkua grupit përgjatë një pjese të stërvitjes, ndërsa në pjesën tjetër u stërvit i diferencuar.

Sot në orën 16:30, trajneri Silvinjo dhe një lojtar do të dalin para mediave në konferencën zyrtare në stadiumin “Air Albania”, ndërsa në orën 17:30 ekipi do të zhvillojë stërvitjen finale para ndeshjes së të martës po në stadiumin “Air Albania”.

Më datë 9 shtator, kombëtarja do të presë Letoninë në sfidën e kualifikueseve të Botërorit 2026, që do të zhvillohet në stadiumin “Air Albania” dhe nis në ora 20:45.

Biletat për sfidën zyrtare të kuqezinjve në kualifikueset e Botërorit 2026, mund të blihen online në adresën ebileta.al si edhe në biletarinë fizike që ndodhet në hyrjen qendrore të stadiumit “Air Albania” në Tiranë (e hapur çdo ditë nga ora 10:00 deri në orën 18:00).

The post Kualifikueset e Botërorit 2026, Kombëtarja vijon përgatitjet për sfidën me Letoninë në Tiranë (FOTO+VIDEO) appeared first on Albeu.com.

Vatrat janë përhapur në një sipërfaqe të gjerë pyjore, duke shkaktuar dëme të konsiderueshme dhe duke rrezikuar ekosistemin e pasur të zonës së mbrojtur.

Vera e këtij viti është shoqëruar me numër të lartë zjarresh në disa zona të vendit, ku si pasojë është regjistruar edhe një viktimë në Gramsh.

The post Vijon zjarri pranë lagunës së Nartës në Vlorë appeared first on Albeu.com.

Në krahasim me mbrëmjen e së hënës ku situata dukej serioze, këtë mëngjes edhe për shkak të rënies së intensitetit të erës situata duket më e qetë.

Rreth orës 5:30 të mëngjesit, ka nisur sërish puna e forcave zjarrfikëse për të shuar flakët.

Ndryshe nga një ditë më parë kanë ardhur për ndihmë edhe forcat e ushtrisë. Momentalisht, nuk ka ndërhyrje nga ajri, por ajo pritet të ndodhë në vijim.

Sipërfaqja e pyllit të djegur gjatë natës aktualisht po zgjerohet. Dëmi në brendësi të pyllit, i konsideruar pasuri ekologjike, është vërtetë i madh.

The post Vijon zjarri në pyllin me pisha të Pish Poros appeared first on Albeu.com.

Sipas rezultateve të deritanishme, Koalicioni Partia Demokratike – Aleanca për Shqipërinë Madhështore, kryeson me 36.789 vota, që përbën 40.12 % të totalit.

Partia Socialiste e Shqipërisë, ka marrë 34.395 vota, ose 37.51%.

Pjesa tjetër e partive ka marrë mbështetje më të vogël, me Partinë Socialdemokrate që ka siguruar 15.735 vota (17.16%) dhe Koalicionin Nisma Shqipëria Bëhet me 1366 vota (1.49%).

The post Qarku Shkodër/ Mbeten edhe 4 kuti nga përfundimi i procesit të numërimit, Partia Demokratike vijon kryesimin, siguron mbi 40 përqind appeared first on Albeu.com.

Partitë më të vogla kanë arritur të marrin pak vota përkatësisht Shqipëria Bëhet ka 3%.

Partia Mundësia, ka marrë 1% dhe Lëvizja Bashkë 1 %. Koalicioni i Bashës ka arritur të marrë vetëm 1%.

PS: 64%; 3 MANDATE

PD-ASHM: 28%; 1 MANDATE

NISMA-SHB: 3%; 0 MANDATE

MUNDESIA: 1%; 0 MANDATE

PSD: 1%; 0 MANDATE

BASHKE: 1%; 0 MANDATE

KEA: 1%; 0 MANDATE

DZH: 0%; 0 MANDATE

The post Vijon numërimi i kutive në Gjirokastër, PS kryeson me 64%, PD e ndjek me 28% appeared first on Albeu.com.

Nga numërimi i deritanishëm PS kryeson me 59% dhe PD me 37%.

Partitë më të vogla kanë arritur të marrin pak vota përkatësisht PSD ka 1%.

Nisma Shqipëria Bëhet ka marrë 1% ashtu siç edhe Partia Mundësia.

PS: 58%; 3 MANDATE

PD-ASHM: 37%; 2 MANDATE

NISMA-SHB: 1%; 0 MANDATE

KEA: 1%; 0 MANDATE

PSD: 1%; 0 MANDATE

MUNDESIA: 1%; 0 MANDATE

BASHKE: 0%; 0 MANDATE

AKSH: 0%; 0 MANDATE

The post Vijon procesi i numërimit në Dibër, numërohen 69 kuti nga 222, PS kryeson me 58% appeared first on Albeu.com.

Ndërkohë, gjatë këtyre ditëve forcat e kërkim-shpëtimit, forcat e armatosura, banorët e zonës e familjarë janë vënë kërkim të 29 vjeçarit, por deri më tani nuk ka asnjë rezultat.

Kërkimet janë bërë që nga fundi i rrjedhës së përroit, e cila ndodhet afër lumit Mat e në drejtim së Qaf Burrelit, ku dhe ndodhet fabrika e përpunimit të kromit.

Për të ndjekur nga afër përpjekjet për gjetjen e 29-vjeçarit, ka qenë i pranishëm edhe kreu i emergjencave civile Haki Çako, po ashtu gjatë ditës së djeshme në vendin e ngjarjes, kanë shkuar më ndihmë edhe forcat e ushtrisë së Kosovës.

Të shtunën e 3 Majit 29-vjeçari Ardit Beshiri, ka qenë duke punuar me eskavator, në stokun e fabrikës së përpunimit të kromit, e cila muajt e fundit shfrytëzohej nga një shoqeri kineze.

Në rrethana ende të paqarta, është çarë rezervuari dhe nga vërshimi i ujit dhe inerteve, i riu është rrëmbyer nga rrjedha bashkë me mjetin e tij.

Ndërkohë, gjatë pasdites së djeshme, është gjetur një pjesë e fadromës, ku dhe është vendosur perimetri i sigurisë për të vijuar kërkimet rreth zonës!

The post Ende asnjë shpresë, vijojnë kërkimet për 29-vjeçarin Ardit Beshiri që u “përpi” masivi i mineralit të kromit në Klos appeared first on Albeu.com.

Gjithashtu, Këlliçi thotë se SPAK përmes prokurorit Dritan Prençi po amniston Erion Veliaj, si përgjegjësi kryesor së bashku me kryeministrin Edi Rama, në dosjen e incineratorit të Tiranës, edhe pse për këtë dosje janë vënë në dispozicion të prokurorit mijëra faqe që dokumentojnë përfshirjen e kryebashkaikut të Tiranës, i arrestuar për afro 1 milion euro shpenzime të bashkëshortes së tij, Ajola Xoxa.

Edhe pse sipas Këlliçit, është bërë disi hetim për dosjen e incineratorëve, kjo falë edhe ‘presionit’ politik e mediatik, sërish vjedhja vijon ende sot e kësaj dite për llogari të Bashkisë së Tiranës dhe kryeministrit Rama, ndërkohë që nuk është zbuluar se ku kanë shkuar 140 milion euro të djegësit të Tiranës.

‘Televizionet kombëtare që vihen në shërbim të një incineratori që jo vetëm, s’ezkiston, por para 3-4 vitesh, kur ne thonim po vidhet te incineratori i Tiranës, na u shfaqnin dokumentare në mediat kombëtare që ishte rikthyer kaprolli i egër në landfillin e Sharrës’, ironizoi Këlliçi gjatë bisedës në studion e emisionit ‘Kafe Shqeto’.

Belind Këlliçi: “SPAK është një aktor politik që ka ngarkesë politike e vepron me skenare të qarta. Në rastin e Veliajt flitej për cenimin e punës së SPAK me median. Kjo PD që është kundër drejtësisë së re që e stigmatizojnë, si zyrtar i PD mund të kem depozituar me mijëra faqe dosje me incineratorin e Tiranës, e di që e kemi ngarkuar shumë prokurorin Dritan Prençi, i cili ka një punë të jashtëzakonshme për dosjen e incineratorit të Tiranës ku janë vjedhur 140 mln euro dhe që po punon për të amnistuar Erion Veliajn, kryebashkiakun e Tiranës.

Nëse ka një dështim ai institucion dhe nëse ka një emër, quhet Dritan Prençi. S’kam asgjë personale, as e njoh, as e kam hasur kurrë askund, është fare e qartë. Ka 5 vite që po hetohet për incineratorin e Tiranës, janë çuar me mijëra faqe për këtë çështje, është bërë kallëzimi në 5 vite. Në 2 vite e gjysmë s’është bërë asnjë veprim hetimor.

Falë ‘presionit’ mediatik e politik, pozitiv flasim, është arritur të bëhet një përçapje e vogël, po sot që ne flasim janë zhdukur 140 mln euro, është një ish drejtor i dalë në pension në burg, një ish drejtor tjetër, dhe përfituesit kryesorë vijon skema e vjedhjes, është funksionale. Vidhen lekë për llogari të Bashkisë Tiranë dhe për llogari të kryeministrit Edi Rama dhe askush nuk flet, pastaj ne flasim për presione e ndikime nga politika.

Nëse ka pasur e ka një tezë drejtësia e re, SPAK, ka qenë dhe vijon të mbetet incineratori i Tiranës, që është skema më e madhe korruptive që ka parë ndonjëherë ky vend. Siç keni parë edhe në përgjimet e Erion Veliajt nga qelia e burgut, tronditëse për këdo qytetar, është kuptuar se ku shkojnë këto para.

Si blihen mediat, si porositen ushtarë mediatik si Karlo Bollino, se si porositen ushtarë të tjerë mediatikë. Tv kombëtare që vihen në shërbim të një incineratori që jo vetëm s’ekziston, por para 3-4 vitesh , kur ne thonim po vidhet te incineratori i Tiranës, na u shfaqnin dokumentare në mediat kombëtare që ishte riktheyer kaprolli i egër në landfillin e Sharrës.

Janë bërë promo e reklama, paguheshin pedagogët e Universitetit Bujqësor se sa mirë punonte incinetarori i Tiranës, këto çmenduri në këtë rast, SPAK për hir të interesit qytetar duhet të na bënte publike. SPAK godet me regji. SPAK godet sipas humorit të Edi Ramës, dhe ndodhi ajo që ne kemi thënë, që Rama do godiste vetë Erion Veliajn.

Nëse SPAK do bënte siç duhej detyrën, Veliaj s’do shkonte në qeli për fustane e rroba trupi, është incineratori e 5D! S’ka njeri në Tiranë që s’e di ça është 5D, vetëm SPAK s’e di, që me paratë e 5D bliheshin votat. Krimi zgjedhor, kam 2 javë e gjysmë që denoncoj asfaltin elektoral, pa tabelë, asgjë nuk ndodh”.

The post Belind Këlliçi: Djegësi i Tiranës Erion Veliaj vijon skemën e vjedhjes për llogari të Bashkisë së Tiranës, ku kanë shkuar 140 mln euro?! appeared first on Albeu.com.

Teksa publikon pjesë nga dosja e tij hetimore, kryebashkiaku i Tiranës thotë se “Facebook dhe Instagrami i tij janë trajtuar si skenë krimi”.

Ai shkruan se kjo është fyerje për inteligjencën e kujtdo. “Domethënë, akuzohem se në Facebook-un dhe Instagram-in tim janë publikuar fotot e shfaqjeve të Preljocajt, të cilin këta vetë e pranojnë se e drejtonte projektin dhe jo familjarë të mitë”.

Postimi i Veliajt

“Pse ma le “seen”?

Të dielë të mbarë të gjithëve dhe shumë mall për secilin prej jush!

Duke qenë se padrejtësia nuk bën asnjë ditë pushim, do të më mirëkuptoni nëse edhe sot më duhet të çmontoj një tjetër akuzë, kësaj here lidhur me Facebook-un dhe Instagram-in tim, ndaj dhe titulli “pse ma le ‘seen’” – reagimi patetik i adoleshentëve në rrjete, kur dikush s’i përfill.

Fiks kështu reagon Ols Dado kur e trajton Facebook-un dhe Instagram-in zyrtar të Kryetarit të Bashkisë si skenë krimi!

Nuk ju besohet? Lexojeni vetë:

“Nga procesverbali i kqyrjes datë 21.01.2025, i përpiluar nga hetuesi i Byrosë Kombëtare të Hetimit (BKH), rezulton se në rrjetin social “Instagram”, tek adresa “Erion Veliaj”, evidentohet një postim i bërë nga ky i fundit më datë 20 shtator 2023. Ky postim lidhet me eventin që do të organizohet më datën 23.09-22.10.2023 “International Contemporary Dance Festival”. Në vijim të tekstit publikohet edhe kalendari i shfaqjeve. Postimi në total përmban 8 fotografi/reklama/postera njëra pas tjetrës. Festivali është nën drejtimin artistik të koreografit të mirënjohur me origjinë shqiptare, Angjelin Preljocaj”.

Po mor po, e lexuat vetë! Trajtohet faqja e Facebook-ut dhe Instagram-it si skenë krimi, si të ishte Bataclan ku vranë terroristët apo skena e fluturimit MH17, që e gjetën këta pas kaq vitesh. “Kqyrje”, “procesverbale”, “evidentohet”, “rezulton me aq e kaq postera e foto”, si me thënë “kaq të vrarë e aq të plagosur”.

Çfarë fyerje për inteligjencën e kujtdo! Domethënë, akuzohem se në Facebook-un dhe Instagram-in tim janë publikuar fotot e shfaqjeve të Preljocajt, të cilin këta vetë e pranojnë se e drejtonte projektin dhe jo familjarë të mitë.

Së pari, çdo kryetar bashkie poston aktivitete kulturore e artistike të qytetit dhe as më besohet që më duhet ta shpjegoj këtë. E kam gjetur Tiranën me 10 evente në vit, sot ka mbi 1 mijë aktivitete cilësore në vit. Postohen sa mundet për të informuar publikun e të huajt që vijnë si turistë. Gjëja më normale në botë.

Së dyti, Preljocaj dhe trupa e tij janë ëndërr për çdo qytet, dhe jo vetëm çdo qytet do t’i financonte, por do t’i promovonte me trumpetë e bori, me tellall e reklama kudo, aq më tepër Tirana.

Por, së treti, meqë më duhet të shpjegoj me logjikën idioteske të hetimit të Facebook-ut dhe Instagram-it, rezulton se postimi as nuk është bërë nga unë vetë, por nga stafi i zyrës së shtypit, ashtu siç ndodh rëndom për shumë bashki e ministri. Mjafton të shikoni screenshot-et e postimeve për të kuptuar se edhe ky postim, pra për baletin e Preljocajt, është bërë nga stafi i zyrës së shtypit – edhe pse tani që po e kuptoj sa “krim i rëndë” paska qenë, do të doja ta kisha bërë vetë, por ato ditë kam qenë në SHBA për një udhëtim pune.

Ndërsa, në këtë fotoalbum do të shikoni me dhjetra postime, të cilat kanë promovuar aktivitete të ndryshme artistike, kulturore e sportive që kanë ndodhur në Tiranë, në po atë muaj, kur është shfaqur edhe baleti i Preljocajt.

Sa fyese që pas letrave anonime, shpalljes “i dënuar” pa gjyq, shtëpive në Yrshek, takimeve me arkitektë, më duhet të shpjegoj edhe postimet rutinë të stafit në Facebook e Instagram, në këtë veting 20 vjeçar, që s’i është bërë askujt më parë. Fiks muhabet kalamajsh “pse ma le ‘seen’”.

Kokën lart dhe agjërim të lehtë!“, shkruan Veliaj.

The post Erion Veliaj vijon sulmet nga burgu për Prokurorin Ols Dado: Pse ma le seen? appeared first on Albeu.com.