Për menaxhimin e situatës janë angazhuar 65 forca operacionale dhe 2 automjete zjarrfikëse. Në dispozicion të operacioneve janë vënë gjithashtu 20 efektivë të Forcave të Armatosura dhe një helikopter.

Në malin e Dajtit, në Tiranë, ndërhyrja po vijon në zonën mbi tunelet e Qafë Mollës. Në terren veprojnë forca zjarrfikëse, efektivë të ADZM-së dhe 20 pjesëtarë të Forcave të Armatosura, të mbështetur nga një helikopter.

Vatra mbetet aktive, por nuk paraqet rrezik për zonat e banuara.

Në Ballenjë të Dibrës, flakët vijojnë në një terren të vështirë shkëmbor. Operacioni po kryhet nga 5 forca të ADZM Dibër, ndërsa banesat e zonës nuk janë të rrezikuara.

Vatra e Qafës së Helmësit në Bulqizë, vijon të jetë aktive dhe po mbahet nën vëzhgim nga 4 efektivë të MZSH Bulqizë. Edhe në këtë rast nuk raportohet rrezik për banesat.

Në malin e Dardhës, në Librazhd, zjarri është riaktivizuar në një sipërfaqe pyjore prej rreth 7–8 hektarësh. Efektivë të MZSH Librazhd ndodhen në terren për përballimin e situatës, ndërsa banesat nuk kërcënohen.

Ndërhyrja vijon edhe në Valikardhë të Bulqizës, ku janë angazhuar një automjet zjarrfikës dhe 6 efektivë. Forcat po punojnë për izolimin e vatrës, përhapja e së cilës favorizohet nga era dhe temperaturat e larta.

Sipas Ministrisë së Mbrojtjes, situata në këtë fazë konsiderohet e menaxhueshme. Përpjekjet e strukturave janë përqendruar te izolimi i vatrave aktive dhe frenimi i përhapjes së tyre.

Ndërkohë, në zonat e Gjegjanit, Gojanit, Prozhmit dhe Tërbunit në Pukë nuk ka më vatra aktive. Këto territore vijojnë të monitorohen.

Agjencia Kombëtare e Mbrojtjes Civile, po e ndjek situatën në mënyrë të vazhdueshme në të gjithë vendin, në bashkëpunim me prefekturat, bashkitë dhe strukturat e tjera të Mbrojtjes Civile.

Mbrojtja e jetës së qytetarëve, banesave dhe pasurisë së tyre mbetet prioritet. Kapacitetet operacionale janë ende në gatishmëri për të ndërhyrë në çdo zonë ku mund të jetë e nevojshme.

The post Situata nga zjarret në vend, pesë vatra vijojnë të jenë aktive në Dajt dhe Bulqizë appeared first on Albeu.com.

Sipas përditësimit të orës 08:00 të datës 22 gusht, në Bashkinë Kurbin nuk raportohen probleme.

Në Bashkinë Lezhë, zjarri i ardhur nga fshati Vrrith i Pukës vijon të jetë aktiv në malin e Kashnjetit, në drejtim të fshatrave Kashnjet dhe Kalivaç.

Vatra po monitorohet nga 3 punonjës të shërbimit pyjor dhe 4 persona të njësisë administrative. Terreni i vështirë nuk mundëson ndërhyrjen me mjete zjarrfikëse.

Ndërkohë, në Bashkinë Mirditë, vijon të jetë aktive vatra e zjarrit në fshatin Tenë, në Njësinë Administrative Rrëshen.

Prej orës 06:30, po punohet për vënien nën kontroll të flakëve, me forca të Forcave të Armatosura, mjete zjarrfikëse, punonjës të shërbimit pyjor dhe struktura të bashkisë.

Vatra në fshatin Perlat i Epërm, në Njësinë Administrative Kthellë, vijon të jetë nën monitorim, ndërsa në fshatin Shtuf, në Njësinë Administrative Kaçinar, zjarri mbetet aktiv. Autoritetet bëjnë me dije se në këtë zonë nuk ka rrezik për banesat.

Sa i përket situatës në infrastrukturë, furnizimi me ujë të pijshëm dhe energji elektrike vijon normalisht. Akset rrugore kombëtare dhe rurale janë të kalueshme, ndërsa raportohet trafik i rënduar në qytetin e Lezhës dhe në aksin nacional Laç-Lezhë-Shkodër.

Niveli i lumenjve Drin dhe Mat vijon të jetë në nivele minimale.

The post Vijojnë zjarret në Lezhë dhe Mirditë/ Situata më problematike në fshatin Tenë, vatra aktive edhe në malin e Kashnjetit appeared first on Albeu.com.

Sipas të dhënave zyrtare, 4 vatra vijojnë të jenë aktive, ndërsa 1 tjetër është nën monitorim.

Në operacionet për shuarjen e flakëve, janë angazhuar 350 forca operacionale dhe 26 automjete zjarrfikëse. Në mbështetje të tyre kanë qenë edhe Forcat e Armatosura, me 140 efektivë, 3 helikopterë dhe 2 avionë Air Tractor.

Vatrat kryesore aktive janë regjistruar në Dajt dhe Priskë në Tiranë, në Lufaj të Mirditës dhe në Tërbun të Pukës.

Njoftimi:

Ministria e Mbrojtjes – informim mbi situatën e zjarreve gjatë 24 orëve të fundit

Ministria e Mbrojtjes informon se gjatë 24 orëve të fundit janë raportuar 25 vatra zjarri, nga të cilat 4 mbeten aktive dhe 1 është nën monitorim.

Në operacionet e shuarjes janë angazhuar 350 forca operacionale dhe 26 automjete zjarrfikëse, ndërsa Forcat e Armatosura kanë mbështetur me 140 efektivë, 3 helikopterë dhe 2 avionë Air Tractor.

Vatrat kryesore aktive janë në Dajt dhe Priskë, Tiranë, Lufaj, Mirditë dhe Tërbun, Pukë.

Në Dajt operacioni vijon me 50 efektivë të FA, 15 zjarrfikës dhe 5 forca të AZM, pa rrezik për zonat e banuara.

Në Tërbun vijon angazhimi i gjerë i strukturave vendore, vullnetarëve dhe FA, me mbështetjen e 2 helikopterëve, ndërsa edhe këtu nuk ka rrezik për banesat.

Situata paraqitet në përmirësim edhe në disa prej vatrave të ditëve të fundit: Gurë-Lura, Bruçi në Mat, Tharri në Mirditë dhe zjarri në Selenicë janë shuar plotësisht, ndërsa në Qafë Helmes vijon monitorimi dhe operacionet me forcat lokale.

Strukturat e Mbrojtjes Civile vijojnë punën dhe monitorimin në terren, me fokus izolimin e plotë të vatrave aktive dhe mbrojtjen e zonave të banuara.

The post Situata e zjarreve në Shqipëri, 4 vatra vijojnë të jenë aktive! Ja zonat ku situata është më problematike appeared first on Albeu.com.

Që prej asaj dite, kërkimet në rrjedhën e lumit Mat janë bërë pa ndërprerje ku çdo ditë në terren kanë qenë dhjetra forca të Batalionit të Tretë të Repartit të Këmbësorisë Burrel, familjarë të Jurgenit e struktura të tjera.

Ndërkohë, që prej datës 29 Janar, kërkimeve ju është bashkuar edhe një grup i specializuar nga Forcat e Sigurisë së Kosovës.

Mbi 11 persona janë çdo ditë në kërkime krah forcave tona të armatosura.

E gjithë vija lumore e lumit të Matit është kontrolluar disa herë, por pa mundur të gjejnë trupin e 30 vjeçarit apo ndonjë shenjë të tijë. Sakaq, kërkime po bëhen edhe në basenin ujor të liqenit të Ulzës.

Forcat e Sigurisë së Kosovës kanë lëshuar dronin nënujor në hyrje të liqenit, duke bërë të mundur kontrollin edhe në thellësi të tij. Deri në datën 3 Shkurt, nuk është gjetur asnjë shenjë e 30-vjeçarit Jurgen Karaj.

Kërkimet do të vijojnë ndërsa prurjet e lumit Mat kanë rënë ndjeshëm ditët e fundit, duke krijuar më shumë mundësi kontrolli nga grupet e angazhuara në terren.

The post Prej 25 ditësh i zhdukur, vijojnë kërkimet për gjetjen e trupit të 30-vjeçarit Jurgen Karaj appeared first on Albeu.com.

Në ndihmë të forcave vendore kanë mbërritur edhe forcat speciale “Shqiponja”, si dhe forcat e ushtrisë, të cilat janë angazhuar intensivisht në operacionin e kërkimit.

Gjatë ditës së djeshme, kërkimet janë shtrirë përgjatë lumit Mat dhe kanë vijuar gjatë gjithë ditës, por janë ndërprerë vetëm pas rënies së errësirës.

Operacioni ka rifilluar sërish që në orët e para të mëngjesit të sotëm.

Në kërkime janë përfshirë gjithashtu familjarë të të riut dhe banorë të zonës, të cilët po ndihmojnë autoritetet në terren.

The post Dyshohet se e mori rrjedha e përroit, vijojnë kërkimet për gjetjen e 30-vjeçarit, Jurgen Karaj appeared first on Albeu.com.

Pavarësisht dridhjeve të dukshme dhe rrezikut të qartë, ekipi mjekësor mbeti i qetë dhe refuzoi të largohej nga salla e operacionit, sipas një videoje dramatike të ndarë nga Ministri i Shëndetësisë i Kamchatkas, Oleg Melnikov.

“Pavarësisht rrezikut, mjekët qëndruan me pacientin”, shkroi Melnikov në kanalin e tij zyrtar në Telegram.

“Për momentin, pacienti është mirë. I admiroj dhe i falënderoj specialistët tanë për profesionalizmin dhe qëndrueshmërinë e tyre nën stres”.

The post Pamje prekëse nga tërmeti i fuqishëm në Rusi, mjekët vijojnë operacionin në sallë gjatë lëkundjeve të forta (VIDEO) appeared first on Albeu.com.

Po ashtu, minatorët kërkojnë që të bëhet rritja e rrogës siç ishte planifikuar në fillim të muajit Janar.

Për shkak se nuk i lejojnë të grumbullohen, minatorët e kompanisë Yıdırım Holding, kanë zgjedhur si formë proteste bojkotimin e punës.

The post Minatorët e Bulqizës vijojnë bojkotin, kundërshtojnë kërkesën për të punuar të shtunave dhe… appeared first on Albeu.com.

Kjo ka shkaktuar një përplasje të ashpër verbale me Albana Vokshin.

Albana Vokshi: “Kush je ti mo, nuk je kryetar këtu dhe nuk e drejton këtë komision, unë te dera dhe ti guxon të fillosh mbledhjen”.

Plarent Ndreca: “Një njeri normal nuk i bën këto. Mbylle atë mikrofon dhe të të vijë turp”.

Albana Vokshi: “Të të vijë turp ty dhe gjithë deputetëve që nisin mbledhjen, kur kolegët rrinë të dera”.

Plarent Ndreca: “Do ulesh të drejtosh mbledhjen apo të vijoj. Mos u sill si e fortë. Do sillesh si kryetare”.

Albana Vokshi: “Në vend se të mbroni kolegët…”.

Plarent Ndreca: “Kolegët që hedhin molotov nuk i mbrojmë ne”.

Albana Vokshi: “Do jesh i pari që do e hash! Ti do të jesh i dyti në radhë të shkosh aty ku ka shkuar Ilir Beqaj”.

Vokshi ka kërkuar që të dalë jashtë dëshmitari Gentian Opre, pasi është për procedurë, ndërsa Ndreca e ka kundërshtuar këtë.

Në shenjë revolte Albana Vokshi, i hodhi 4 herë mikrofonin Plarent Ndrecës, si dhe çdo send që ndodhej në tavolinë.

Gjithashtu, Vokshi këmbënguli të dalë dëshmitari me pretendimin se kemi ‘procedurë’. Vokshi duke i kërkuar të dalë jashtë dëshmitarit e kërcënoi.

“Nesër pasnesër do pendohesh për këtë. Ai do të përballet me ligjin, se po shkel urdhrin e kryetarit”, tha ajo.

Ndreca: “Unë nuk punoj me njerëz që sillen si rrugaç”.

Vokshi: “Kujt i thua rrugaç ti, të të vijë turp. Ju jeni rrugaç që bëni këto veprime. Hedhja e molotovit ishte mesazh i parë”.

Ndreca: “Jeni të mbaruar totalisht”.

Ilir Metaj: “Sekretaria, sillni ambulancën se kjo ka nevojë për ndihmë mjekësore”.

Plarent Ndreca: “Na lini të bëjmë mbledhjen”.

Ilir Metaj: “Je deformuar frikshëm për të qenë grua, mbushu me frymë”.

Albana Vokshi: “Ki kujdes me ato që thua”.

Ilir Metaj: “Ke nevojë për trajtim të thelluar, dështimi i protestës të ka marrë jashtëzakonisht keq”.

Albana Vokshi: “Vetëm mesazhin e parë keni marrë nga protesta”.

Ilir Metaj: “Qetesohu se je grua”.

The post Njoftoni një ambulancë/ Vijojnë përplasjet në Komision, Vokshi i hedh në tokë mikrofonin Ndrecës appeared first on Albeu.com.

Situata më e vështirë mbetet në fshatrat Petoç dhe Lajthizë, ku dendësia e pemëve është shumë e madhe, e po ashtu territori i vështirë. Kryebashkiaku i Mirditës Albert Mëlyshi në një reagim në rrjetet sociale tregon se, është kërkuar ndërhyrje e menjëhershme nga ajri.

“Situata vazhdon të mbahet e monitoruar dhe të luftohet me flakët 24 orë nga shërbimi zjarrëfikës dhe pyjor por dhe banor të zonës. Gjithashtu prej ditës së djeshme ndërhyrjes së Bashkisë i janë bashkuar edhe forcat zjarrëfikëse të ushtrisë dhe Agjencisë Kombëtare të Mbrojtjes Civile. Kërkohet në mënyrë imediate ndërhyrje nga ajri”, shkruan ai.

Apeli për ndihmë u ka shkuar edhe banorëve te fshatrave të Fanë dhe Orosh. Zjarri që po djeg sipërfaqe të tëra në Mirditë, dyshohet që vatrën fillestare e kishte në pyjet e Kukësit.

The post Vijojnë zjarret në pyjet e Mirditës, kërkohet ndërhyrje nga ajri appeared first on Albeu.com.

Protestuesit janë përpjekur që të shtyjnë kordonin policor, por kanë ndeshur në rezistencën e efektivëve. Protestuesit dhe policia janë përplasur disa herë me njëri-tjetrin.

Protestuesit kanë tentuar edhe të çajnë gardhin policor përpara Kuvendit.

“Shtyni. Jemi luanë të Sali Berishës, shkojmë gjithmonë përpara”, thanë protestuesit ndër të tjera.

Ndërsa, protestuesit u përpoqën të çajnë gardhin, policia është përgjigjur me spraj lotsjellës. Ndërsa jashtë Kuvendit protestohet, në parlament vijon seanca plenare.

The post Vijojnë tensionet para Kuvendit: Jemi luanë të Sali Berishës, shkojmë gjithmonë përpara, policia përgjigjet me spraj lotsjellës appeared first on Albeu.com.