Në një intervistë për mediat ndërkombëtare, JJ u shpreh i zhgënjyer nga fakti që Izraeli lejohet ende të marrë pjesë në një konkurs që pretendon të jetë “politikisht neutral”. “Do të doja që Eurovision-i në Vjenë të mbahej pa praninë e Izraelit”, tha ai për El País.

Kritikat e tij vijnë në një kohë kur Unioni Evropian i Transmetimeve (EBU) përballet me presion në rritje, pasi disa vende – përfshirë Belgjikën, Spanjën dhe Gjermaninë – po kërkojnë më shumë transparencë lidhur me mënyrën e votimit në garë, veçanërisht në raport me përfshirjen e Izraelit në një periudhë të tensionuar politike dhe humanitare.

JJ vuri gjithashtu në pikëpyetje ndershmërinë e sistemit të votimit, duke e cilësuar si jotransparent dhe duke bërë thirrje për reforma që do t’i jepnin më shumë besueshmëri garës.

Në sfond të kësaj kritike qëndron një debat më i gjerë që ka përfshirë audiencën dhe institucionet mediatike në Europë, që ndajnë të njëjtin shqetësim: a mund të jetë vërtet Eurovision apolitik, kur në skenë lejohet një shtet i akuzuar për krime të rënda ndaj civilëve?

Tani, me Vjenën si mikpritëse të Eurovision-it 2026, sytë janë nga EBU: do të dëgjojë zërat kritikë apo do të vazhdojë në rrugën e saj pa ndryshime?

The post Fituesi i Eurovision-it kërkon përjashtimin e Izraelit nga gara e vitit të ardhshëm appeared first on Albeu.com.

Kryeqyteti i Ukrainës, Kievi, nuk përfshihet këtë vit për shkak të efekteve të pushtimit rus të vendit më 24 shkurt, ndërsa qytetet ruse të Moskës dhe Shën Petersburgut ranë përkatësisht me 15 dhe 13 vende në renditje.

Vjena zuri vendin e parë në renditje nga Auckland, Zelanda e Re, e cila ra në vendin e 34-të për shkak të kufizimeve të pandemisë së koronavirusit, sipas raportit.

“Vjena, e cila kishte zbritur në vendin e 12-të në renditjen tonë në fillim të vitit 2021 pasi muzetë dhe restorantet e saj u mbyllën, ishte përsëri në vendin e parë, të cilin e mbajti në 2018 dhe 2019”, thuhet në raport. “Stabiliteti dhe infrastruktura e mirë janë atraksionet kryesore të qytetit për banorët e tij, të mbështetur nga sistemi i jashtëzakonshëm shëndetësor dhe bollëku i mundësive kulturore dhe argëtuese”, theksohet në raport.

Evropa ka gjashtë vendet e para në renditje. Kryeqyteti austriak pasohet në vendin e dytë nga kryeqyteti danez, Kopenhagen dhe qyteti zviceran i Zyrihu.

Gjithashtu, Gjeneva zvicerane është në vendin e gjashtë, Frankfurt në Gjermani në të shtatën dhe Amsterdami në të nëntën.

Kanadaja performoi mirë me tre qytete në krye të renditjes: Calgary është në vendin e tretë, Vankuveri është i pesti dhe Toronto në të tetin.

Vendi i dhjetë ndahet nga Osaka, Japoni dhe Melburni, Australi.

Kryeqyteti francez, Parisi, renditet i 19-ti, 23 vende më lart se një vit më parë.

Kryeqyteti belg, Brukseli, është në vendin e 24-të, pas Montrealit të Kanadasë./albeu.com

The post Raporti: Ky është qyteti më i mirë në botë për të jetuar appeared first on Albeu.com.

Ajo u shpreh se janë akoma në dilemë për emrin e së voglës që mezi po e presin, ndërsa është në muajin e gjashtë të shtatzënisë.

“Unë zakonisht dal flas për intervista kur kam një projekt të madh siç është projekti im për momentin. Jam gjashtë muajshe, me dy fëmijët e parë ishte vendosur që në muajin e dytë, por goca e Ledionit është më e veçantë se sa çunat e Ledionit dhe asgjë nuk e bind për momentin. Ma ndërron edhe akoma jemi pak në dilemë”, tha Sara në shaka e sipër.

Donald Veshaj: A mendon se do të jetë edhe emri vajzës një emër qyteti?

Sara Hoxha: Jo, do të ishim qesharakë.

Donald Veshaj: Ku e keni krijuar vajzën?

Sara Hoxha: Ishim në Vjenë.

Donald Veshaj: Aa Vjena.

Sara Hoxha: Nuk e ka emrin Vjena.

Donald Veshaj: Vjena është emër shumë i bukur, por në fakt është emër zysh matematike.

Sara Hoxha: Nuk besoj të ketë emër qyteti.

Kujtojmë se Sara është nënë e dy djemve, Roman dhe London, ndërsa tashmë do të bëhen me pjesëtaren më të re të familjes Hoxha.

The post Në pritje të ëmbël, Sara Hoxha zbulon çfarë emri kanë menduar për vajzën appeared first on Albeu.com.