Gjatë këtij aktiviteti, sipas njoftimeve, do të paraqitet edhe armatimi më i ri i forcave të armatosura serbe.

Presidenti i Serbisë, Aleksandar Vuçiq, është shprehur se kjo do të jetë stërvitja më e rëndësishme që ushtria serbe ka organizuar deri tani.

Lidhur me këtë zhvillim, eksperti i sigurisë Arben Dashevci ka vlerësuar në një prononcim për “Bota sot” se stërvitja ushtarake që Serbia do ta mbajë më 28 qershor në poligonin “Pasuljanske Livade” nuk përbën rrezik për Kosovën, për shkak se ajo zhvillohet brenda territorit serb.

“Ushtria e Serbisë do të mbajë më 28 qershor një stërvitje ushtarake në poligonin “Pasuljanske Livade”, mu në atë poligon ku kanë ushtruar edhe ata që e sulmuan Republikën e Kosovës me sulmin në Banjskë.

Ky ushtrim në aspektin e sigurisë nuk ka asnjë rol të rëndësishëm mendoj unë sepse Serbia e ka marrë mesazhin e kjartë nga bashkësia ndërkombëtare për sulmin në Banjskë dhe dorëzimin e terroristëve.

Këtë Serbia e dinë mirë.

Pra, nuk shoh asnjë rrezik të vetëm sa i përket këtij ushtrimi atje në vendin e tyre, sepse janë në teritorin e tyre.

Dhe, si gjithmonë ose si çdo vitë në ditën e Betejës së Kosovës, të cilën në Serbi shënohet si Vidovdani. Presidenti Aleksandar Vuçiq përdorë luftën e egër hibride, pra, propagandon dhe dezinformon opinionin e tij atje kinse bëhet fjalë për stërvitjen më të rëndësishme të deritanishme, ku do të prezantohet edhe armatimi më i ri i ushtrisë serbe etj”, ka thënë ai.

Sipas Dashevcit, kjo stërvitje është pjesë e vazhdimësisë së luftës hibride që Serbia zhvillon për konsum të brendshëm, ndërsa nënvizon se përzgjedhja e datës 28 qershor bart një mesazh simbolik dhe politik për rajonin, sidomos për Kosovën dhe Bosnjë e Hercegovinën.

Ai njëkohësisht ka kërkuar që bashkësia ndërkombëtare të reagojë qartë dhe me vendosmëri ndaj asaj që e quan provokim të vazhdueshëm nga Beogradi.

“Pra, është vazhdë e luftës së tyre hibride për konsumin e tijë të brendshëm sepse ballafaqohet me probleme të brendshme tash e sa vite.

Zgjedhja e 28 qershorit për zhvillimin e kësaj stërvitjeje propaganduese është një mesazh simbolik afatëmesëm dhe afatëgjatë por edhe politik për rajonin e Ballkanit, veçanërisht për Kosovën ose Bosnjë dhe Hercegovinën.

Unë mendoj që bashkësia ndërkombëtare duhet të reagoj zëshëm dhe me vendosmëri ndaj këtyre provokimeve të njëpasnjëshme që i bënë ky establishment në Serbi” – përfundon ai.

The post Dashevci për stërvitjen e Serbisë më 28 qershor: Vuçiq po e përdor për propagandë appeared first on Albeu.com.

Në një analizë të publikuar në Facebook, Fetoshi ka thënë se presidenti i Serbisë, Aleksandar Vuçiq, po vijon ta vendosë historinë dhe simbolet kombëtare në funksion të objektivave politike dhe strategjike.

“Vidovdani nuk është një përvjetor historik apo fetar, por është kthyer në ritual të thirrjeve për konflikt e dhunë. Në strategjinë hibride të pas Millosheviqit, Vidovdani është mekanizmi që ushqen narrativat manipuluese për ‘Botën Serbe’: viktimizimin, tokën e ‘shenjtë’ dhe agresionin e Perëndimit”, ka shkruar Fetoshi.

Sipas tij, leximet nacionaliste të Betejës së Kosovës janë shfrytëzuar ndër vite për mobilizim politik dhe për nxitjen e pretendimeve territoriale ndaj Kosovës.

“Sakralizohet, që të mos negociohet. Me shenjtërinë nuk bëhet kompromis. Në Bruksel shkohet për ta fituar ‘konstruktivitetin’, por s’mund të pranohet realiteti ‘tokësor’ me Republikën e Kosovës”, ka theksuar ai.

Fetoshi ka nënvizuar gjithashtu se narrativa e viktimizimit është përdorur për t’iu shmangur përgjegjësisë për krimet e kryera gjatë luftërave në ish-Jugosllavi, si edhe për të mobilizuar opinionin publik në Serbi.

“Në këtë kuadër, viktimizimi është strategji për shmangien e përgjegjësisë lidhur me krimet e luftës në Kosovë dhe propagandë për mobilizim emocional, e certifikuar përmes klerit fetar”, ka deklaruar ai.

Ai ka kritikuar edhe narrativat që, sipas tij, kanë për synim relativizimin e krimeve të luftës dhe delegjitimimin e institucioneve të Kosovës.

“Pretendimet për represion e terror ndaj ‘popullit serb’ dhe për ‘krimet’ e UÇK-së gjatë luftës që ‘nuk hetohen qëllimisht’, synojnë demonizimin e Republikës së Kosovës, mashtrimin e opinionit ndërkombëtar dhe pengimin e integrimit të komunitetit serb”, ka shkruar ai.

Sipas drejtorit të Institutit “Octopus”, simbolika e Vidovdanit vazhdon të shfrytëzohet edhe për nevoja të politikës së brendshme në Serbi, përmes mobilizimit politik dhe ushqimit të narrativave për “padrejtësinë” ndaj Serbisë.

“Në lojën e pushtetit, Vuçiq shërbehet me simbolikat e krenarisë, fuqisë dhe zhvillimit ekonomik. Organizon aktivitete dhe liturgji frymëzuese para Vidovdanit, mobilizon mbështetje elektorale në Beograd dhe demonstron sisteme të reja luftarake më 28 qershor”, ka theksuar Fetoshi.

Në përmbyllje, ai ka argumentuar se Vidovdani nuk duhet parë vetëm si përkujtim historik apo fetar, por si pjesë e një strategjie më të gjerë të luftës hibride.

“Derisa Kosova të trajtohet si mit dhe nuk pranohet si realitet, Vidovdani do të mbetet rituali i këmbanave të luftës në Ballkan”, ka përfunduar Fetoshi.

The post Fetoshi: Simbolika e Vidovdanit po përdoret si mjet i luftës hibride ndaj Kosovës appeared first on Albeu.com.