Prestigjiozja britanike The Guardian i ka kushtuar një shkrim ngjarjes së ndodhur dje në parlamentin e Kosovës, ku Time Kadrijaj, deputete e radhëve të Aleancës, sulmoi me vezë kryeministrin në detyrë Albin Kurti.

Sipas raportimit, vendi po përjeton një bllokadë politike që zgjat prej gati dy vitesh.

Gjatë seancës konstituive, Kadrijaj nxori nga çanta e saj vezët dhe ia lëshoi Kurtit, ndërkohë që brohoriste fjalët “Turp, turp”. Kryeministri aktual po kërkonte përsëri ndërprerjen e mbledhjes, duke mos paraqitur asnjë emër për postin e kryeparlamentarit, me pretendimin se i nevojitet kohë shtesë për bisedimet rreth zgjedhjes së presidentit.

Mediumi anglez rikujton gjithashtu një rast të ngjashëm nga viti 2015, kur në “shënjestër” të një incidenti të tillë ra ish-kryeministri Isa Mustafa, i cili po ashtu u godit me vezë.

The post The Guardian mbulon episodin e vezëve që Time Kadrijaj i drejtoi Kurtit appeared first on Albeu.com.