Pas ndërprerjes së seancës konstituive, kryeministri në detyrë dhe lideri i Lëvizjes Vetëvendosje, Albin Kurti, shpjegoi se partia e tij nuk paraqiti kandidat për kryetar të Kuvendit, edhe pse i ka votat e nevojshme. Sipas tij, zgjedhja e kryetarit pa një dakordim politik për presidentin do ta çonte Kosovën drejt zgjedhjeve të reja.

Kurti tha se zgjidhja duhet të kërkohet përmes një takimi mes drejtuesve të partive parlamentare, me synim arritjen e një marrëveshjeje për funksionalizimin e Kuvendit, krijimin e Qeverisë dhe zgjedhjen e presidentit apo presidentes.

Ai paralajmëroi se çdo përpjekje për ta konstituuar Kuvendin pa një marrëveshje që do të siguronte praninë dhe votimin e deputetëve për Presidentin e Republikës do të përfundonte në mënyrë të pashmangshme me zgjedhje të reja, të përsëritura, të parakohshme, të panevojshme dhe të dëmshme.

Kreu i LVV-së bëri të ditur se përpjekjet për dialog nuk kanë përfunduar. Gjatë orëve të fundit, ai tha se kishte zhvilluar një takim, kishte dërguar letra për të ftuar liderët në bisedime, u ishte përgjigjur qëndrimeve të tyre në mungesë të takimeve dhe kishte shkëmbyer mesazhe telefonike me ta.

Sipas Kurtit, nuk ka arsye që palët të shmangin marrëveshjen ose komunikimin, ndaj përpjekjet e deritanishme nuk duhet të cilësohen si të dështuara apo të mbyllura.

Kurti theksoi se përgjegjësia për zgjedhjen e presidentit nuk i takon vetëm Lëvizjes Vetëvendosje. Ai shtoi se kreu i shtetit duhet të jetë mbi partiak, i distancuar nga polemikat e përditshme dhe jo pjesë e skenës aktuale politike, por një figurë me karakter të dëshmuar, vlera dhe merita profesionale e kombëtare.

Ai përsëriti ftesën për takim drejtuar kryetarit të PDK-së, Bedri Hamzës, kryetarit të LDK-së, Lumir Abdixhikut, dhe kryetarit të Aleancës, Ardian Gjinit. Kurti kërkoi që përmes bisedimeve të arrihet një marrëveshje politike për rrugën e përbashkët përpara, në interes të institucioneve të Republikës, popullit të Kosovës dhe së ardhmes së tij.

Duke komentuar incidentin me deputeten e AAK-së, Time Kadrijaj, e cila hodhi vezë ndaj tij, Kurti tha se është i gatshëm ta paguajë edhe këtë çmim nëse ai do të shërbente si mundësi për t’i ulur liderët e partive në një tryezë.

Ai sqaroi se nuk ankohet për vezët që iu hodhën, por për faktin se drejtuesit politikë nuk pranojnë të takohen, duke shtuar se edhe goditja e sakos dhe pantallonave të kryeministrit do të ishte një çmim që do ta pranonte, nëse kjo do t’i bindte ata të uleshin dhe të bisedonin.

The post Kurti kërkon marrëveshje politike për konstituimin e institucioneve appeared first on Albeu.com.

Kryeministri në detyrë, Albin Kurti, reagoi përmes një konference për media pas ndërprerjes së seancës konstituive.

Seanca u ndërpre pasi Kurti nuk propozoi një emër për postin e kryeparlamentarit. Pas këtij zhvillimi, deputetja e Aleancës, Time Kadrijaj, hodhi vezë në drejtim të Kurtit, duke shkaktuar tensionim të situatës.

Kurti deklaroi se përgjegjësia për formimin e qeverisë i takon partisë fituese, LVV-së, ndërsa zgjedhja e një presidenti konsensual është çështje që u përket të gjitha partive.

Duke komentuar incidentin në Kuvend dhe hedhjen e vezëve ndaj tij, ai tha se është i gatshëm ta paguajë këtë çmim nëse kjo mundëson takimin dhe dialogun mes palëve.

“Nëse gjuajtja me vezë, goditja e sakos dhe pantallonave të kryeministrit nga vezët e hedhura prej një deputeteje është çmimi që duhet ta paguaj në mënyrë që ata të ulen, të bisedojmë dhe të dialogojmë bashkë, jam i lumtur ta paguaj këtë çmim. Vetëm le të vijnë në takim, vetëm le të ulemi e të bashkëbisedojmë. Unë nuk ankohem se më hedhin vezë, por ankohem që ata nuk duan të takohen”, u shpreh Kurti.

The post Kurti: Jam i gatshëm t’i përballoj vezët nëse kjo i sjell partitë në tryezën e dialogut appeared first on Albeu.com.

Hoxha dhe Shalsi po lëviznin në këmbë në Pedonale, ndërsa protestuesit nisin të gjuanin me vezë ndaj tyre.

Portestuesit thirrën gjithashtu njëzëri “O tradhtarë”, ” Parlamet i krimit”, “tradhtarët e kombit”, dhe “o çifut”.

Pak më herët, protestuesit sulmuan me vezë edhe Ministrin e Brendshëm, Besfort Lamallarin, teksa po kalonte tek pedonalja.

The post Politike “O çifut”/ Protestuesit “shënjestrojnë” me vezë Ervin Hoxhën dhe Eduard Shalsin: Tradhtarët e kombit appeared first on Albeu.com.

“Deputetë të krimit”, thërrasin protestuesit teksa qëllonin me vezë.

The post VIDEO/ Makina zyrtare goditet me vezë nga protestuesit, shoferi i jep gaz, një prej tyre e ndjek nga pas appeared first on Albeu.com.

“O hajdut me syze”, iu drejtuan ata.

Ndërkohë, po ashtu “pre” e sulmit me vezë dhe domate kanë rënë edhe persona të tjerë që duket se nuk janë ligjvënës, të cilët po hynin në Kuvend.

Një grua përpiqet të pastrojë pantallonat që iu bënë pis.

The post VIDEO/ “O hajdut me syze”/ Protestuesit shënjestrojnë Vangjel Dulen, godasin me vezë dhe domate edhe persona të tjerë që hyjnë në Kuvend appeared first on Albeu.com.

Në to kanë shënuar edhe emrat e tyre.

Në disa foto, shihet se është shkruar emri i kryeministrit Edi Rama, i Anila Denajt dhe zyrtarëve të tjerë.

The post FOTOLAJM/ Protestuesit “armatosen” me vezë, shkruajnë në to emrin e kryeministrit Rama dhe të zyrtarëve të tjerë appeared first on Albeu.com.

Fillimisht ka qenë Taulant Balla, i cili ka udhëzuar deputetët si të shpëtojnë nga vezët e protestuesve. Si një komandant toge në kohërat e zborit të Enver Hoxhës, zoti Balla orienton deputetët, që të kryejnë manovra shmangieje për t’u shpëtuar vezëve.

“Vëmendje. Nga krahu i Toptanit ka protestues me vezë. Hajdeni nga krahu i Xhamisë”, u ka shkruar kreu i grupit Parlamentar, deputetëve socialistë.

Por ndonëse në hyrje deputetët e Ramës arritën të shmangnin protestuesit, situata ka ndryshuar gjatë mesditës, kur në dalje automjetet e disa prej deputetëve u qëlluan me vezë nga protestuesit. I pari që është ankuar për policinë ka qenë Erjon Braçe, makina e të cilit u qëllua disa herë me vezë nga protestuesit.

“Kjo që policia lejon degjenerimin e deputetëve në sy të kamerave është e papranueshme. Dhe janë gjithsej veç 100 copë. Dhe praktikisht është sulm fizik”, shkruan Braçe.

Drejtorja e komunikimit të Ramës, Jonida Shehu ka kërkuar që deputetët të shmangin protestuesit.

Në diskutim ka hyrë edhe Blendi Gonxhja, por zoti Gonxhja duket se është penduar për atë që ka shkruar dhe e ka fshirë menjëherë. Përgjithësisht zoti Gonxhja shkruan gjëra të çuditshme pa lidhje me temën apo situatën, si për shembull ankesat se nuk po shiten biletat e koncertit të Kanye West. Nuk dihet nëse edhe këtë herë ka ngritur problemin e biletave të koncertit sepe mesazhi është fshirë me shpejtësi.

Por diskutimi ka vazhduar nga zoti Braçe, i cili i ka cilësuar sulmet ndaj deputetëve si gjueti të qëllimshme.

“Shikoni, unë mendoj që kjo është e qëllimshme dhe kjo është gjueti e qartë ndaj çdo deputeti, pa pyetur është burrë apo grua. Nëse policia e shtetit ka këtë qëllim shumë mirë; bravo i qoftë të gjithëve, por s’ja kemi kujt borxh“, vijon ankesën Braçe.

Edhe deputeti socialist i Lezhës, Admir Kadeli është ndjerë i frikësuar.

“Minimumi pse nuk i futni makinat e deputetëve brenda, por i lini të dalin në këmbë? Cënohet siguria e Parlamentit nga makinat e deputetëve?!” pyet Kadeli në formë ankesë ndaj administratës drejtuese të Kuvendit, e cila nuk lejon makinat e deputetëve brenda rrethimit të Parlamentit.

Fiks 20 minuta pas këtyre diskutimeve, policia ndërhyri dhunshëm duke shoqëruar 6 protestues dhe duke i mbajtur ata për disa orë në ambientet e komisariateve të Tiranës.

Por përveçse zbulojnë se pse qeveria ndërseu policinë kundër protestuesve, bisedat mes deputetëve socialistë tregojnë edhe diçka tjetër më të madhe; tashmë maxhoranca është e trembur nga protestuesit dhe shikon komplote gjithandej./Kapitali

The post Vezët trembin maxhorancën/ Zbardhen bisedat, deputetët socialistë kërkuan ndërhyrjen e policisë ndaj protestuesve appeared first on Albeu.com.

Në krye të listës qëndron Turqia, me një rritje të çmimeve të qumështit, djathit dhe vezëve prej 38.6%.

Turqia tre vitet e fundit, po përjeton një hiperinflacion që vjen i kombinuar nga problemet strukturore të ekonomisë turke dhe politikës monetare.

Pas saj vijnë Malta me rritje 6.7%, Norvegjia me 5.9% dhe Islanda 4%. Shqipëria ndjek këtë renditje me një rritje prej 3.9%, duke e tejkaluar ndjeshëm mesataren e BE-së dhe të rajonit.

Islanda dhe Malta, janë vende ishullore me kapacitete të ulëta prodhimi dhe kosto të larta të transportit, teksa Shqipëria nuk është e krahasueshme me këto vende.

Rritjet më të lehta të bulmetrave dhe vezëve u vunë në vende si në Portugali me 1.8%, Maqedoninë e Veriut me 1.8%, Serbi 1.5% dhe Mali i Zi me +1.1.

Ndonëse presionet inflacioniste po zbuten në shumë ekonomi europiane, Shqipëria ende përballet me sfida që e bëjnë tregun e ushqimeve me rritjen nga më të lartat në Europë.

Ndërkohë, shumë vende të Bashkimit Europian kanë përjetuar ulje të çmimeve për këtë grup produktesh, veçanërisht Çekia me -6%, Hungaria -4.4%, Finlanda -2.4%, dhe Gjermania -1.7%.

Zona euro në tërësi ka shënuar rënie mesatare vjetore prej -0.4% deri në -0.5% të çmimeve të bulmetit dhe vezëve më 2024, duke reflektuar stabilizim ose lehtësim të presionit të çmimeve, pas rritjeve të ndjeshme në vitet e mëparshme pas pandemisë dhe luftës në Ukrainë.

Rritja me 3.9% e çmimeve për produktet bazë në vendin tonë si qumështi, djathi dhe vezët është pasojë e kostove të larta të prodhimit dhe importit, mungesës së subvencioneve të qëndrueshme për bujqësinë.

Numri i kafshëve në ferma është përgjysmuar dekadën e fundit duke ulur ofertën në treg, teksa nga ana tjetër ardhja e turistëve ka rritur kërkesën për bulmet dhe vezë në muaj të caktuar, duke ndikuar më tej në rritjen e çmimeve.

Në një kohë kur vendet e BE-së po përfitojnë nga stabilizimi i tregjeve dhe reduktimi i çmimeve bazë, Shqipëria vijon të përjetojë rritje që ndikon drejtpërdrejt në kostot e jetesës, veçanërisht për shtresat në nevojë.

Me një popullsi në plakje, me ulje të popullsisë në fshat, me mungesë të theksuar të subvencioneve për bujqësinë dhe me kontrolle jo efecientë në zinxhirin e furnizimit, Shqipëria rrezikon të vijojë trendin rritës të çmimeve edhe në të ardhmen./ Monitor

The post Çmimet e bulmetit dhe vezëve, Shqipëria ndër vendet me rritjen më të lartë në Europë në 2024-n appeared first on Albeu.com.

Mësohet se Nela do të merret në pyetje në lidhje me aktin e paprecedentë ndaj Belerit, i cili është në Tiranë në cilësinë e eurodeputetit, dhe më pas do të lihet i lirë.

The post Sulmoi me vezë dhe kos Fredi Belerin, qytetari shoqërohet në polici appeared first on Albeu.com.

Teksa e dënon vetë këtë akt rrugaçërie, Berisha i bën thirrje edhe Parlamentit Europian që të dënojë sulmin fizik ndaj Fredi Belerit.

Postimi i plotë i Berishës:

Akt rrugaçërie, i denjë vetëm për Edi Ramën!

Të dashur miq, në një akt hakmarrje primitive ndaj Fredi Belerit i cili ndodhet në Shqipëri si anëtar i delegacionit të Parlamentit Europian për Shqipërinë, me urdhër të Edi Ramës, i mbyllën derën e Parlamentit dhe nuk e lanë të futet deri sa erdhi provokatori patronazhist për të agresuar eurodeputetin Beleri. Provokatori pas aktit banditesk u largua i qetë.

Me këtë rast dënoj me forcën më të madhe aktin banditesk të porositur nga Edi Rama ndaj eurodeputetit Beleri në detyrë. I bëj thirrje Parlamentit Europian të dënojë aktin e paprecedent ndaj deputetit Beleri të organizuar nga Edi Rama, i cili pasi i rrëmbeu mandatin e Kryetarit të Bashkisë Himarë dhe e burgosi me dëshmitarë të rremë i organizon me banditë agresionin fizik.

The post Sulmi vezët dhe kosi ndaj Belerit/ Berisha: Ishte urdhër i Ramës, PE të dënojë aktin e paprecedent appeared first on Albeu.com.