veze te fresketa Archives - Albeu.com

Si të dalloni vezët e freskëta

E S — Fri, 20 May 2022 20:27:47 +0000

Keni blerë vezë por nuk jeni të sigurt nëse janë të freskëta apo jo? Nëse keni frikën e një helmimi të mundshëm, bëni këtë eksperiment të vogël. Vendosini vezët në një enë më ujë. Vezët që janë të freskëta do të zhyten në fund të enës ndërsa vezët që nuk janë të tilla, do të [...]

Si t’i dalloni vezët e freskëta, shenjat që zbulojnë të vërtetën e shitësve

A M — Sat, 26 Mar 2022 07:24:11 +0000

Sa herë bëhet fjalë për blerjen e vezëve, pyetja është gjithmonë e njëjtë: ku mund t’i gjejmë të freskëta? Dhe gjithmonë është e vështirë, për shkak se ne nuk mund ta dimë në ç’kushte rriten pulat që bëjnë vezët, sa organik është ushqimi që u jepet atyre, a janë pjesë e kullotave apo e kafazeve të mbyllura etj. Të gjithë këta faktorë ndikojnë në cilësinë e vezës që kemi çdo ditë në tryezë. Nëse keni parë ndonjë dokumentar që i referohet rritjes së pulave dhe ushqimit të tyre, pa dyshim keni kuptuar që vezët lidhen me dy faktorë shumë të rëndësishëm: cilësi dhe çmim. A janë në përpjesëtim të drejtë ato në pjesën më të madhe të rasteve?

Pa harruar rëndësinë e etiketave të vezëve, të cilat duhet të kenë informacionin bazë për vezët, janë edhe disa shenja që na ndihmojnë të dallojmë më mirë vezët e freskëta.

Sa herë gjendeni në market dhe vendosni të blini një karton me vezë, e para gjë që duhet të bëni është të shikoni me kujdes etiketën. Zakonisht, etiketat janë konfuze, sepse flasin për vende të hapura ku rriten e ushqehen pulat, kullota dhe natyrisht, për vezë organike. Por sapo shkon në shtëpi dhe sheh ngjyrën e tyre, të gjitha shënimet e etiketës bëhen të pabesueshme.

Atëherë, cilat janë shenjat që na ndihmojnë të përcaktojmë cilësinë e mirë të vezëve?

1. Ferma të hapura

Zakonisht, vendet ku rriten pulat janë hapësira të mëdha që kanë të përfshira kullota. Kushtet e rritjes së pulave janë në nivele maksimale dhe ushqimi i tyre është organik. Qasja e pulave me natyrën siguron cilësi më të mirë për vezët. Në fermat me kullota të hapura pulat e kalojnë pjesën më të madhe të ditës duke u ushqyer jashtë në natyrë.

2. Vezë organike

Kjo do të thotë që vezët që blejmë në dyqan duhet të jenë nga ato vende që u përmendën më sipër dhe i gjithë ushqimi që hanë pulat është organik dhe jo OMGJ. Zakonisht, nëse pulat rriten dhe ushqehen në mjedise të jashtme, atëherë vezët certifikohen si organike, pra pa pesticide.

3. Rëndësia e ngjyrës së vezës

Ngjyrat e bardhë apo kafe (e lëvores) e vezëve është si ngjyra e flokëve. Gjenetikisht, pulat me pendë kafe kanë tendencë për të bërë vezë kafe dhe pulat me pendë të bardha kanë tendencë për të bërë vezë të bardha. Nutricionistët, në këtë rast thonë se vezët janë njëlloj, ndryshimi është që vijnë nga vende të ndryshme, por nëse kërkoni vezë të cilësisë së mirë dhe organike, në shumicën e rasteve ato janë kafe.

4. Çfarë tregon e bardha dhe e verdha?

Ngjyra e verdhë e vezës është një tregues themelor i cilësisë dhe i shijes. Sa më e fortë dhe e errët të jetë e verdha, ose portokalli, është tregues i një diete të ekuilibruar dhe një ushqimi organik me të cilin është ushqyer pula. Ngjyra e fortë e së verdhës vjen edhe nga bari, nga kullota, edhe pse në ditët tona ka edhe shumë stimulantë artificialë që e bëjnë mjaft mirë këtë. Megjithatë, edhe shija e vezëve të tilla është më e mirë.

5. Si ta dalloni vezën e freskët?

Një tjetër tregues i cilësisë së vezëve të freskëta është edhe trashësia e së verdhës dhe së bardhës. Vezët e freskëta dhe organike, ngjyrën e verdhë e kanë të errët dhe të fortë, ndërsa të bardhën e kanë të trashë. Në qoftë se veza bëhet menjëherë një ngjyrë sapo thyhet apo i ka të dy ngjyrat shumë të holla, atëherë është një tregues i një veze pa cilësi dhe të ndenjur.

The post Si t’i dalloni vezët e freskëta, shenjat që zbulojnë të vërtetën e shitësve appeared first on Albeu.com.

Nuk keni besim? Ky test i thjeshtë zbulon nëse vezët janë të freskëta

A M — Wed, 02 Mar 2022 10:00:07 +0000

Vezët janë shumë të rëndësishme për shëndetin dhe gjejnë përdorim të gjerë në kuzhinë. Shpesh na mundon pyetja nëse janë të freskëta apo jo. Megjithatë, për të dalluar këtë gjë ka disa mënyra të thjeshta. Një ndër truket më të besueshme është ta fusni vezën në një gotë me ujë.

Nëse fundoset, do të thotë se është e freskët. Megjithatë, nëse del në sipërfaqe, nuk duhet të dyshoni. Kjo për shkak se një vezë e tillë është e mbushur me sulfur hidrogjeni. Kjo bën që ajo të “notojë” në ujë. Mos i vendosni kurrë vezët tek dera e frigoriferit, sepse aty ndodh edhe ndryshimi më i madh i temperaturës.

Vezët mund t’i përdorni brenda 30 ditëve por gjithmonë nëse janë ruajtur në këto kushte.

The post Nuk keni besim? Ky test i thjeshtë zbulon nëse vezët janë të freskëta appeared first on Albeu.com.

Mënyra më e thjeshtë për të parë nëse vezët janë të freskëta apo jo?

E B — Thu, 10 Jun 2021 14:57:18 +0000

Harrojeni përpjekjen për të deshifruar datën në vezë, në mënyrë që të kuptoni nëse është apo jo e freskët. Albeu.com do t’ju tregojë një mënyrë shumë të thjeshtë, pa thyer lëvozhgën. E vetmja gjë që ju duhet është një gotë me ujë.

Hidheni vezën në gotën me ujë dhe:

Nëse veza shtrihet horizontalisht, është në kohën e saj më të freskët.

Nëse fundi i ngushtë i vezës anon lart, veza është akoma e ngrëshmë, por jo aq e freskët.

Nëse veza qëndron në këmbë ajo ka kaluar kulmin, por është akoma e sigurt për t’u ngrënë.

Nëse veza noton, hidheni pasi është e prishur.

Siç e shihni, është kaq e thjeshtë për të parë nëse vezët janë të freskëta apo jo./albeu.com

The post Mënyra më e thjeshtë për të parë nëse vezët janë të freskëta apo jo? appeared first on Albeu.com.