Haxhiu tha se ata që e kanë bërë këtë kërkesë kanë qenë “Ibrahim Rugova, Pajazit Nushi, Bujar Bukushi, Veton Surroi, Fehmi Agani”.

Surroi ka mohuar të jetë bërë një kërkesë e tillë nga delegacioni i Kosovës, duke thënë se kjo akuzë nuk qëndron. Madje, ka thënë se Rugova, Agani dhe Bukoshi kanë zhvilluar përpjekje që të unifikohet përfaqësimi i Kosovës, me përfshirjen e UÇK-së brenda këtij përfaqësimi, raporton Express.

“Qëndrimi im edhe privat , edhe publik ka qenë nevoja e përfshirjes së UÇK në proces negociator. Disa herë kam deklaruar publikisht se pa pjesëmarrjen e UÇK-së në ekipin negociator nuk është e mundshme marrëveshja për Kosovën. Dr.Rugova, dr,Agani dhe dr.Bukoshi kanë zhvilluar përpjekje që të unifikohet përfaqësimi i Kosovës, me përfshirjen e UÇK-së brenda këtij përfaqësimi.

Akuza ndaj delegacionit të Kosovës nuk qëndron. Sqarimin po e bëj për hir të historisë, e cila duhet të shkruhet nga burimi e jo nga spekulimi i përnatshëm debatues. E bëj edhe për dy anëtarët e vdekur që kanë mundur të japin shpjegime në të gjallë, por një akuzë e këtillë po ngrihet me dhjetëvjetësh pas vdekjes së tyre”, ka shkruar Surroi.

Ndryshe, deputeti i Partisë Demokratike të Kosovës, që ka qenë akter i lartë në Ushtrinë Çlirimtare të Kosovës, Xhavit Haliti, ka thënë në “Pressing” se një delegacion i Lidhjes Demokratike të Kosovës, kishte shkuar në Uashington duke i kërkuar presidentit amerikan Bill Clinton që mos ta njohin UÇK-në.

“Ka pasur përpjekje shumë të mbrapshta të institucioneve të Kosovës që kanë shku në Uashington te presidenti Clinton i kanë kërku që të mos e njohin UÇK-në”, tha Haliti.

Më pas, në studio gazetari Dukagjin Gorani pyeti se kush kanë qenë ata.

Emrat e tyre i tregoi gazetari Baton Haxhiu.

“Kanë qenë Ibrahim Rugova, Pajazit Nushi, Bujar Bukushi, Veton Surroi, Fehmi Agani”, ka thënë Haxhiu.

The post Surroi i reagon Xhavit Halitit: Krejtësisht të pavërteta akuzat se “Pesëshja e LDK-së i kërkoi Clintonit të mos e njoh UÇK-në” appeared first on Albeu.com.

Ai shtoi se pavarësisht se ka kohë që nuk ka kontaktuar, ka shumë respekt për George Soros dhe e cilësoi atë një figurë historike.

Komentet Surroi i bëri në në emisionin ‘Çim Peka Live’, ku ishte i ftuar.

“Jam mik i George Soros. Mendoj se është një prej figurave historike të procesit nga përpara zhbërjes së murit të Berlinit e më sot.

Fatkeqësisht ka kohë që s’kemi pasur kontakt, por kam respekt shumë të madh, posaçërisht për ndihmën jo proporcionale që i ka dhënë shqiptarëve gjithandej që nga pjesa që ka të bëjë me shkollimin në Shqipëri e deri te lufta e Kosovës”, tha Surroi./albeu.com/

The post Habit Veton Surroi: Jam mik i Soros, por ka kohë që nuk kemi kontaktuar appeared first on Albeu.com.