Së fundmi ka reaguar ashpër edhe shefi i diplomacisë së Bashkimit Evropian, Josep Borrel përmes një mesazhi, duke bërë thirrje për ndalimin e kësaj situate.

Borrell shprehet se ka ende shpresë, por situata në Bullgari nuk duket se po shkon mirë.

“Ne nuk jemi aty ku duhet të jemi në Ballkan, sot duhet të nisim negociatat me Shqipërinë dhe Maqedoninë e Veriut dhe nuk mund të mos e fsheh keqardhjen time: ka ende shpresë, nuk e di se çfarë mund të bëjë parlamenti në Bullgari, por duket se nuk po shkon mirë. Ne do të duhet të përpiqemi të zgjidhim situatën dhe kjo tregon se unanimiteti është një problem, nuk mund të vazhdojmë me një vend që bllokon gjithçka. Sot nuk është një ditë e mirë”, tha Borrell. /albeu.com

The post Borrell me të njëjtën gjuhë si Rama ndaj Bullgarisë: S’mund të vazhdojmë me një vend që bllokon gjithçka, sot të nisin negociatat appeared first on Albeu.com.

Kjo vizitë fillon me Serbinë me 10 qershor e ku brenda ditës, ai do të vizitojë edhe Kosovën.

Ndalesat e para në turneun dyditor të Olaf Scholz-it në Ballkan, do të jenë Kosova dhe Serbia,  më 10 qershor. Sipas zëdhënësit të kancelarit gjerman Wolfgang Bichner, ndër të tjera është planifikuar një vizitë në trupat gjermane të KFOR-it në Kosovë.

Më pas, Scholz do të shkojë në Selanik, me ftesë të kryeministrit grek, Kyriakos Mitsotakis, ku do të bashkohet në mbrëmje me përfaqësues të vendeve të nismës rajonale “Procesi i Bashkëpunimit të Evropës Juglindore (SEECP)”.

Të nesërmen, më 11 qershor, kancelari gjerman vjen në Maqedoninë e Veriut dhe më pas për në Bullgari.

Sipas një deklarate nga zyra e kancelarit, fokusi i udhëtimeve të Olaf Scholz do të jetë perspektiva e BE-së dhe vendeve të Ballkanit Perëndimor, si dhe kontributi i Gjermanisë në përmirësimin e bashkëpunimit rajonal dhe tejkalimi i bllokadave dypalëshe. Përveç kësaj, tema qendrore do të jetë reagimi i mëtejshëm i përbashkët ndaj luftës së agresionit rus kundër Ukrainës.

Siç thuhet në faqen zyrtare të zyrës së kancelarit gjerman, më shumë detaje rreth programit të udhëtimit do të bëhen të ditura në ditët në vijim.

Vizita e kancelarit Scholz në rajon, javën e ardhshme, u konfirmua në Berlin edhe nga  DW në gjuhën serbe.

Temat kryesore që do të diskutohen janë: Perspektiva e BE-së, kontributi i Gjermanisë në tejkalimin e bllokadave dypalëshe dhe lufta në Ukrainë./TV 21/

The post Kancelari Scholz javën e ardhshme vjen në Ballkan, do të vizitojë Maqedoninë appeared first on Albeu.com.