Ai theksoi se BE duhet të ndryshojë qëndrim, mos ua lërë në dorë politikanëve të merren me historinë, siç është rasti i Bullgarisë.

Rama: Ne jemi Ballkani që vjen me disa telashe, ne duam të jemi pjesë e BE-së dhe më pas nëse vende si Bullgari në këtë rast e përdorin veton për të diskutuar historinë në nivele politike kjo është edhe më e ndërlikuar. Përgjithësisht mendoj se sa herë historia merret nga politikanët për tu zgjidhur, rezultati më i mundshëm është që historia të ndërlikohet edhe më shumë. E gjitha kjo është një turp, por një turp që lidhet me frymën e zgjerimit. Bullgaria është shembulli më i jashtëzakonshëm i kësaj fryme të devijuar. BE duhet të ndryshojë, nuk duhet të funksionojë më kështu, që një vend merr peng një vend tjetër. Por nëse hyn në Ballkan është çmenduri, se po të pyesësh shqiptarët ne mendojmë se ishim të parët mbas majmunit. Po të pyesësh grekët ata mendojnë se Holanda është një fshat i vjetër i Greqisë së lashtë, ata mendojnë se janë dhe para majmunëve. Po të pyesësh serbët duhet të lëvizësh sepse edhe mund të vritesh. Po të na pyesësh ne Napoleoni është shqiptar. Pra këto gjëra nuk duhet të merresh në nivel Europian. Gjëja më e pakuptueshme përtej kësaj është se as ne as MV nuk po trokasim në derën e BE për tu bërë anëtarë.

The post Vetoja e Bullgarisë, Rama: BE të mos e lërë në dorë të vendeve appeared first on Albeu.com.

“A ka sot ekip nga Ministria e Jashtme e Maqedonisë i cili është dërguar në Bullgari për të biseduar mbi propozimin francez. A është e vërtetë që ky ekip sot negocion që propozimi të vendoset në protokollin për në BE? A nënkupton se me këtë heshtje ekipi i MPJ-së po e harton të ardhmen e errët për shtetin larg syve të opinionit ku edhe po i mban negociatat në Sofje?”, u shpreh Dimçe Arsovski, zëdhënës i VMRO-DPMNE-së.

Ndërkohë LSDM-ja akuzoi kreun e opozitës se përmes lajmeve të rreme po tenton të rrënon pozicionet shtetërore me qëllim që vendi të mos siguron datën për negociata me BE-në.

“Mickoski dhe VMRO-DPMNE-ja gënjyen se me zgjidhjen e çështjes më Bullgarinë do të rrezikohet identiteti dh gjuha. E frikuan opinionin se populli do të asimilohet ndërsa shteti do të bullgarizohet. Me këtë qasje të turpshme, Mickoski tentoi t’i shkatërron pozicionet shtetërore dhe interesat kombëtare”, theksoi Martin Kostovski, Deputet i LSDM-së.

Nga kabineti i ministrit të Jashtëm, Bujar Osmani informuan se shefi i diplomacisë ka zhvilluar bisedë telefonike me përfaqësues të kabinetit të presidentit francez nga ku i kanë përsëritur qëndrimin se deklarata ishte gabim pa dashje dhe se Franca respekton emrin kushtetues të Maqedonisë së Veriut dhe fusnotat përkatëse me të cilat është njohur në OKB. Komunikimi vjen pas deklaratës së presidentit francez në kuadër të Samitit të Brukselit i cili qytetarëve të Maqedonisë së Veriut iu referua me “maqedono-veriorë”./Alsat.mk

The post VMRO-ja hedh dyshimin : Një ekip i MPJ-së ndodhet në Sofje për të negociuar mbi propozimin francez appeared first on Albeu.com.

Përmes një statusi të publikuar në faqen e tij në Facebook, Berisha shkruan se sjellja e Ramës ishte diktuar nga Vuçiç, i cili sipas tij kërkonte të hakmerrej për dështimin e vizitës së Lavrovit në Ballkan.

Postimi i Plotë i Berishës:

Vuçiç ndërseu Ramën si sharës për t’u hakmarrë ndaj Bullgarisë për dështimin e vizitës së Lavrovit në Beograd.

Miq, dje Edi Rama, vasali Serbomadhit Vuçiç, në një skandal të vërtetë diplomatik, shpërtheu në sharje prej ordineri ndaj Bullgarisë për veton e saj për Maqedonine e Veriut. Duket se përdorimi i gjuhës të padenjë ndaj një vendi mik, Ramës i’u diktua nga padroni i tij, Vuçiç. E tëra kjo si hakmarrje primitive të këtij të fundit ndaj Bullgarisë për shkak të bllokimit të hapesirës ajrore nga ky vend anëtar i NATO-s për avionin e ministrit të Jashtëm rus, Lavrov dhe për pasojë, dështimit të vizitës së tij në Beograd.

Dënoj me ashpërsinë më të madhe sjelljen e padenjë të Edi Ramës dhe keqpërdorimin e tij si sharës me porosi nga padroni i tij, Aleksandër Vuçiç. Sb/albeu.com/

The post Foli keq për Bullgarinë, Berisha nxjerr emrin: Kush e detyroi Ramën të fliste me atë gjuhë appeared first on Albeu.com.

BNG shkruan se në një intervistë për Politico, kryeministri i bëri thirrje homologut të tij maqedonas, Dimitër Kovaçevski, të jetë i guximshëm dhe të pranojë propozimin e presidencës franceze, megjithëse ekziston rreziku që qeveria të bjerë. Kirill Petkov deklaroi gjithashtu se vendimi i Presidencës Franceze, duhet pranuar si evropiane dhe jo vetëm si një marrëveshje ndërmjet Bullgarisë dhe Republikës së Maqedonisë së Veriut.

“Në fund të ditës e di së është shumë e vështirë politikisht. E di se rreziku për rrëzimin e Qeverisë është i madh. Si politikan duhet të marrësh vendim, cili është roli im? A është roli im stabilitet? Ose roli im është që të udhëheq kombin dhe të bëj një hap para. Mendoj se ky është vendimi, ndërsa Dimitar Kovaçevski duhet ta bëj këtë tani. Po të jem në vendin e tij nuk do të kisha menduar dy herë. Nëse hynë në histori me hapjen e dyerve të vendit për BE-në, mendoj se ky është rezultati më i mirë për një kryeministër”, tha Petkov.

Kuvendi në Bullgari votoi sot me 170 vota pro propozimin e Presidentit të Francës, Emmanuel Macron për të arritur në një zgjidhje të ngërçit me veton ndaj Maqedonisë së Veriut. Sipas propozimit francez, Maqedonia e Veriut duhet të pranojë në Kushtetutë se bullgarët janë një nga etnitë konstituive të vendit. Ndërkohë që Maqedonia e Veriut tha të premten se tre tema kryesore kishin nevojë për sqarime përpara se të binte dakord për marrëveshjen./albeu.com

The post Kryeministri bullgar thirrje Kovaçevskit: Bëhu i guximshëm dhe pranoje propozimin francez appeared first on Albeu.com.

Megjithatë, ai theksoi se nuk është vetoja shkaku i ngecjes së Shqipërisë. Boçu renditi katër arsye.

Deklarata e plotë:

Në emër të Partisë Demokratike dhe grupit të saj parlamentar, përshëndes parlamentin bullgar për heqjen e vetos ndaj Maqedonisë së Veriut.

Ky është një hap i parë kyç në zhbllokimin e negociatave për anëtarësim të Shqipërisë dhe Maqedonisë së veriut në Bashkimin Europian.

Ritheksojmë faljen, që i kërkoi sot Kryetari i Partisë Demokratike kombit bullgar, për gjuhën prej fyesi serial të kryeministrit Rama.

Duke shtuar këtu se, heqja e vetos do ta rifusë procesin e integrimit në shinat e vërteta, ato të meritokracisë.

Partia Demokratike beson se nuk është vetoja bullgare arsyeja e moshapjes së negociatave, por një radhë shkaqesh të tjera:

Ndër to:

-Shpopullimi masiv i vendit, që ka derdhur në dyert e Europës më shumë shqiptarë se sa banorë të zonave të luftës në Afrikë dhe Lindje të Mesme;

-Korrupsioni me shokët ministra dhe shokët e ministrave, një pjesë në kërkim kombëtar e ndërkombëtar;

-Përfshirja në vjedhje të pasurive publike, në trafik droge, dhe dhënia e statusit të investitorit strategjik të familjarëve të ministrave.

-Njolla e zgjedhjeve të manipuluara, që e kemi parë në kaq shumë përgjime e raporte.

-Kur thotë se Europa është më e sëmurë se Putini, ne i kujtojmë zotërisë në fjalë se Shqipëria, nën keqqeverisjen

e tij, është kthyer në të ‘sëmurën e Europës’./albeu.com

The post “Përshëndesim Bullgarinë për heqjen e vetos ndaj RMV” Boçi: Nuk është ky shkaku i ngecjes së Shqipërisë appeared first on Albeu.com.

Përmes një reagimi në Tëitter, Varhely thotë se tashmë është në pritje të vendimit të BE-së për të mbajtur konferencën e parë ndërqeveritare me Maqedoninë e Veriut dhe Shqipërinë.

“Mirëpresim vendimin ndërpartiak të parlamentit bullgar që jep mandat të qartë për miratimin e propozimit francez. Tani na duhet vendimi i BE-së për të mbajtur konferencën e parë ndërqeveritare me Maqedoninë e Veriut dhe Shqipërinë. Evropa ecën përpara!”, tha Varhelyi./albeu.com/

The post Bullgaria pro heqjes së vetos për Maqedoninë e Veriut, vjen reagimi i Varheleyt (FOTO LAJM) appeared first on Albeu.com.

Parlamenti bullgar miratoi sot propozimin e Presidencës franceze të Këshillit të BE-së për fillimin e negociatave për anëtarësimin e Maqedonisë së Veriut në BE, ndërkohë që vendimi final i takon presidentit bullgar.

VENDIMI
Asambleja Kombëtare, në bazë të Art. 86 i Kushtetutës së Republikës së Bullgarisë,
1. Rikonfirmon kushtet në të cilat Republika e Bullgarisë mund të mbështesë çdo hap në procesin e integrimit evropian të Republikës së Maqedonisë së Veriut, përkatësisht:
2. Zbatimi efektiv i Traktatit të Miqësisë, Fqinjësisë së Mirë dhe Bashkëpunimit të vitit 2017 dhe Procesverbaleve të mbledhjeve të Komisionit të Përbashkët Ndërqeveritar sipas Art. 12 të këtij Traktati:

2. Garantimi i të drejtave të bullgarëve në Republikën e Maqedonisë së Veriut, duke i përfshirë në baza të barabarta me popujt e tjerë, në Kushtetutën e Republikës së Maqedonisë së Veriut,
3. Ekzistenca e garancive evropiane për plotësimin e kushteve të pikave 1 dhe 2.

II. Për këtë qëllim:
Qeveria e Republikës së Bullgarisë të miratojë propozimet nga Kryesia e Këshillit të BE-së, draft-Kornizën Negociuese dhe Konkluzionet e Këshillit, duke iu nënshtruar kushteve të mëposhtme:
– përsosja e tekstit të draft-Konkluzioneve të Këshillit në mënyrë që të garantohet përfshirja e bullgarëve në Kushtetutën e MV në dispozitat në të cilat janë përmendur popujt e tjerë dhe në pozitë të barabartë me këta popuj;
– Përmirësimi i draft-kornizës negociuese të propozuar dhe draft-konkluzioneve të Këshillit për të pasqyruar më qartë faktin se asgjë në procesin e anëtarësimit të MV-së në BE nuk mund të interpretohet si njohje nga Republika e Bullgarisë për ekzistencën e “gjuhës maqedonase”;
– të garantojë që fqinjësia e mirë të mbetet një kriter horizontal gjatë gjithë procesit të anëtarësimit të MV-së në BE, për zbatimin e pastër të informimit të Këshillit përpara çdo Konference Ndërqeveritare;
– përfshirja e një referimi për protokollet dypalëshe sipas Artit. 12 të Traktatit të Miqësisë, Fqinjësisë së Mirë dhe Bashkëpunimit në Kornizën Negociuese.

Mbi këtë bazë dhe vetëm nëse plotësohen këto kushte, Asambleja Kombëtare e 47 e Republikës së Bullgarisë do të presë që Këshilli i Ministrave të miratojë draftin e Kornizën Negociuese, njëkohësisht ose pas finalizimit të Protokollit sipas Artit. 12 të Traktatit të Miqësisë, Fqinjësisë së Mirë dhe Bashkëpunimit./albeu.com

The post Zbardhet vendimi, çfarë parashikon propozimi francez për zgjidhjen e vetos Bullgari-Maqedoni e Veriut appeared first on Albeu.com.

Charles Michel ka theksuar se krerët e BE po mundohen që të zhbllokojnë veton bullgare për çështje orësh për të çliruar rrugën për Maqedoninë e Veriut dhe Shqipërinë.

Ai njofton se është zhvilluar një takim me liderët e Ballkanit Perëndimor ku është diskutuar mundësia për të rigjallëruar procesin e dialogut me Ballkanin Perëndimor.

“Ne kemi këtë dëshirë të fortë për të vazhduar të përparojmë. Në veçanti, ne mbetemi shumë të angazhuar, përfshirë edhe orët në vijim, në lidhje me këtë mosmarrëveshje midis Bullgarisë dhe Maqedonisë së Veriut.” thekson Charles Michel.

Presidenti i KE shton se Parlamenti bullgar me siguri do të duhet të mbajë qëndrime në orët e ardhshme dhe shpresojmë se kjo do të ndihmojë në çlirimin e procesit të negociatave jo vetëm me Maqedoninë e Veriut, por edhe me Shqipërinë, e cila është drejtpërdrejt e shqetësuar nga ky diskutim.

Reagimi i plotë:

Po mundohemi të zhbllokojmë veton bullgare për çështje orësh për të çliruar rrugën për Maqedoninë e Veriut dhe Shqipërinë
Së fundi, sot në mëngjes, ne patëm një takim me liderët e Ballkanit Perëndimor, i cili ishte rasti për një shkëmbim të dendur, të frytshëm dhe intensiv, si dhe mundësia për të riafirmuar dëshirën tonë për të rigjallëruar procesin e dialogut me perëndimorët e Ballkanit.

Ne e kuptojmë se është e rëndësishme të jemi të mobilizuar për të inkurajuar reformat në fushën e sundimit të ligjit, në fushën e pavarësisë së drejtësisë dhe në fushën e luftës kundër korrupsionit. Por na takon edhe ne që të angazhohemi me ta në përpjekje për të zgjidhur një numër të caktuar mosmarrëveshjesh që kanë krijuar ose krijojnë një frena në procesin me këto vende.

Ne kemi këtë dëshirë të fortë për të vazhduar të përparojmë. Në veçanti, ne mbetemi shumë të angazhuar, përfshirë edhe orët në vijim, në lidhje me këtë mosmarrëveshje midis Bullgarisë dhe Maqedonisë së Veriut.

Dhe ne kemi shprehur vullnetin tonë për të gjetur zgjidhje sa më shpejt të jetë e mundur. Parlamenti bullgar me siguri do të duhet të mbajë qëndrime në orët e ardhshme dhe shpresojmë se kjo do të ndihmojë në çlirimin e procesit të negociatave jo vetëm me Maqedoninë e Veriut, por edhe me Shqipërinë, e cila është drejtpërdrejt e shqetësuar nga ky diskutim.

The post Vetoja bullgare për Maqedoninë, Presidenti i KE: Zhbllokimi çështje orësh appeared first on Albeu.com.

Një pjesë e koalicionit qeverisës atje, janë shprehur se nëse kryeministri Dimitar Kovaçevski e pranon propozimin francez, atëherë ata do të braktisin koalicionin qeverisës.

Bëhet fjalë për partinë Liber Demokrate (PLD), DOM dhe Lidhja Demokrate e Pavle Trajanovit.

INA shkruan se kryetari i PLD-së, Goran Milevski, tashmë ka deklaruar se e kundërshton planin francez për zgjidhjen e mosmarrëveshjes mes Sofjes dhe Shkupit dhe fillimin e bisedimeve për anëtarësimin e Maqedonisë në BE. Si argument pse është kundër, Milevski shton se mosmarrëveshjet bilaterale nuk duhet të bëhen kushte evropiane, se çdo zgjidhje e propozuar duhet të marrë pëlqimin e Kuvendit të Maqedonisë së Veriut. Qëndrime të ngjajshme kanë shprehur edhe krerët e partive të tjera.

Nga ana tjetër, kjo çarje brenda Qeverisë është shfrytëzuar nga opozitarja VMRO-DPMNE, e cila sërish ka bërë thirrje për zgjedhje të parakohshme. VMRO-DPMNE në një konferencë për media kërkoi nga partnerët e koalicionit në Qeverinë e LSDM-së dhe BDI-së që ta refuzojnë propozimin dhe i bëri thirrje Kovaçevskit, nëse mendon se propozimi është i mirë, të shkojë në zgjedhje. Nga kjo parti thonë se propozimi francez ka marrë pëlqimin edhe nga kryeministri Kovaçevski dhe ministri i jashtëm Bujar Osmani dhe se ai duhet të ketë kaluar nëpër kanalet e komunikimit ndërmjet Ministrisë së Punëve të Jashtme dhe Republikës Franceze.

The post Përçahet qeveria në Shkup, opozita maqedonase kërkon zgjedhje të parakohshme appeared first on Albeu.com.

Rama ështës shprehur se Bullgaria po mban peng dy vende të NATO-s.

“Jua kam thënë dhe po e përsëris, përkundër optimizmit të ngutur të disave dhe këtu në Bruksel, nuk pres që të zgjidhet asgjë në Bullgari. Por ndërkohë nëse do të zgjidhet do të jetë një motiv për të marrë frymë të lehtësuar nga kjo pengmarrje e një vendi të NATO-s, të dy vendeve të NATO-s në kulim e një lufte të nxehtë në kufijtë e Europës, nën vështrimin e 26 shteteve të tjera, që shohin si yjet që rrinë e vështrojnë në romanin e famshëm. Do të jetë një motiv. Do flasim më vonë kur të kemi konferencën për shtyp”, tha Rama. /albeu.com

The post Rama flet nga Brukseli, nuk mungojnë kritikat për BE (VIDEO) appeared first on Albeu.com.