Së fundmi ishte ministri i Drejtësisë Ulsi Manja ai që njoftoi vettingun në sistemin e noterisë.

Në një deklaratë për mediat, pas mbledhjes së qeverisë, Manja tha se ky proces do të kryhet nga Ministria e Drejtësisë.

Për ish-ministrin e Drejtësisë Shefqet Muçi për vendosjen dhe heqjen e licencave të noterëve ka kritere, nuk bëhet me vetting. Sipas tij, noterët duhen kontrolluar, por kjo mund të bëhet edhe pa struktura të posaçme.

“Ne na pëlqen fjala vetting, ministri nuk tha asgjë tjetër përveç disa shtesave të ligjit aktual të noterisë. Nëse ka licenca të paligjshme, t’i venë para përgjegjësisë, ka drejtori përkatëse që i kontrollon. Ka kritere për vendosjen dhe heqjen e licencës së noterëve, nuk bëhet me vetting. Noteri nuk është vendimmarrës, zbaton vullnetin e të tjerëve, jo të tij. Dokumentin e bën dikush tjetër, t’i bëjmë vetting noterit apo atyre të cilët marrin vendime. Noterët duhen kontrolluar, por mund të bëhet edhe pa struktura të posaçme. Mos gënjejmë veten me vetting politik, ne nuk e ndalojmë dot politikën. Struktura anti-korrupsion, me persona që hetojnë, qeveri pa spiunë nuk ka.”

Kurse, juristi Ledio Braho e cilëson vettingun e noterëve një nismë personale të ministrit Manja.

“Është pak pa sens, është bërë trend fjala vetting. Është e tepërt, të gjithë noterët veprojnë online, qeveria e kontrollon në kohë reale. Vettingu i policisë shërbeu për të pastruar miqtë e ish-drejtorit të policisë, por nuk shërbeu për asgjë tjetër. Kjo mund të ndodhë edhe me vettingun e noterit. Vettingu i politikanëve mund të bëhet nga SPAK, GJKKO dhe Gjykata Kushtetuese. Vettingu i politikanëve nuk zgjat shumë, janë më pak subjekte se ato të gjyqësorit. Çdo ditë shpiken struktura që kanë qëllim të luftojnë korrupsion, por korrupsioni vetëm lulëzon.”

Kjo nismë e ministrisë së Drejtësisë i është dukur si e nevojshme avokatit Sajmir Vishaj, kjo pasi sipas tij, noteria është kthyer në produkt të pastrimit të veprave kriminale.

“Jam dakord me vettingun e noterëve, janë shtuar dhe marrin licenca noterimi kushdo. Noteria është kthyer në produkt të pastrimit të veprave kriminale.” /abcnews.al/

The post Vettingu i noterëve, juristët: Duhen kontrolluar, por kjo bëhet edhe pa struktura të posaçme appeared first on Albeu.com.

Manja tha se dikasteri që ai drejton i ka të gjitha mekanizmat ligjorë për të bërë të mundur Vetingun e noterëve.

Gjithashtu pas mbledhjes së qeverisë ai u shpreh se noterët aktual do t’i nënshtrohen një lloj procesi vettingu i cili do të kryhet nga kjo ministri dhe se do të përcaktohen kritere të reja për futjen në këtë profesion.

“Ky projektligj ka për qëllim forcimin e integritetit të noterit dhe lidhet me besueshmërinë e publikut tek ky shërbimin, kritere të reja për futjen e profesionit të noterit. Këtyre kritereve do t’u nënshtrohen edhe noterët aktual.

Ndryshimet vijnë si pasojë e rekomandimeve të mëparshme. Janë angazhimet të qeverisë shqiptare. Do të përcaktohen kritere të reja për pranimin në këtë profesion siç janë ato të kandidatëve për gjyqtarë dhe prokuror. Është një proces vettingu për noterët që janë në shërbim. Do të verifikohet nëse kanë lidhje me krimin e organizuar. Ministria e Drejtësisë do të bëjë filtrin e këtij sistemi”, tha Manja./albeu.com/

The post Ulsi Manja: Vetingun e noterëve do e bëjmë ne si ministri, do të futen në filtër appeared first on Albeu.com.