Fillimisht u raportua se shkak për këtë është bërë bullizimi që i kanë bërë persona të paindenfikuar Bedrie Lokës në Tik Tok, por më vonë dëshmitë e fëmijëve dhe publikimi i pamjeve, treguan se viktima po ashtu kishte probleme me bashkëshortin e saj, i cili e dhunonte.

Emisioni “Në Shenjestër” ka siguruar dosjen hetimore në lidhje me ngjarjen e tragjike, e po ashtu janë siguruar edhe dëshmitë e Xhemal Lokës dhe 3 fëmijëve.

Xhemal Loka në polici është se shprehur se shkak për vetëvrasjen e Bedrie Lokës është bërë fotoja që i është publikuar në Tik Tok dhe më pas ka përshkruar edhe ngjarjen, nga momenti që e gjeti Bedrien të shtrirë të dhomën e ndenjes pasi kishte pirë fostoksinë, transportimin në spitalin e Durrës dhe më pas në QSUT.

Dokumentari:

Bedrie Loka u gjet në grahmat e fundit në katin e parë të banesës së saj, në fshatin Vardardhë të Sukthit, në orën 07:30 të mëngjesit të datës 2 Janar, për të humbur jetën vetëm disa orë më pas në një nga pavionët e Qendrës Spitalore Universitare Nënë Tereza në Tiranë.

Policia raportoi se shkaku i vdekjes, së 41-vjeçares, nënë e katër fëmijëve, ishte përdorimi i fostoksinës, por në fakt shkaku i saj i vërtetë i vdekjes, nuk ishte thjesht një medikament helmues vdekjeprurës, por u bë një helm njerëzor që e kishte përfshirë atë në një intrigë që më pas do të përfundonte me dhunën e vazhdueshme të bashkëshortit të saj, që e çoi edhe drejt aktit final të vetëflijimit.

E ndjera, e cila punonte në një fabrikë fasonësh në zonën ku jetonte, ishte prej një viti skenë e një poshtërimi publik, të ndërmarrë nga persona end të paidentifikuar, të cilët e kishin vënë në shënjestër, duke hapur një profil të rremë në Tik-Tok, një profil që cenonte rëndë nderin e saj si grua dhe nënë. Akt të cilin Bedrie Loka e kishte denoncuar prej më shumë se një viti në polici dhe më tej në prokurori, q pavarësisht këtij denoncimi, këto dy organe nuk ndërmorën asnjë veprim, për të zbardhur të vërtetën se kush ishte dora që fshihej pas këtij profili që synonte të çnderonte imazhin e saj si grua, ku vetë viktima e këtij sulmi, kishte dhënë në polici edhe emra konkret, të personave që ajo mendonte se ishin investuar për ta fyer publikisht.

“Unë quhem Bedrie Loka. Jam paraqitur përballë jush sepse sot rreth orës 16.00 jam njoftuar nga familjarët e mi se mua më kanë hapur një llogari në TikTok, ku kanë hedhur një foto timen dhe kanë shkruar shumë fjalë denigruese dhe ofenduese për mua. Dyshoj se këtë faqe e kanë hapur dy persona që banojnë në lagjen 4. Quhen Albina D. rreth 30 vjece dhe bashkëshorti i saj Bilbil D. Arsyeja është se kjo vajza Albina D., punon me mua dhe të gjitha komentet që i ka shkruar i ka bërë rreth punës time dhe prandaj unë dyshoj te kjo. Unë punoj tek një firmë e përpunimit të litarëve që ndodhet në vendin e quajtur Mbikalimi i Fllakës. Unë kërkoj të gjendet se kush ma ka hapur mua këtë profil dhe pse e ka bërë”, thuhet në denoncimin në policisë të së ndjerës.

Por pavarësisht këtij profili dhe gojëve të liga të botës, ndërsa Bedrie Loka i qëndroi e fortë për afro një vit dhe i rezistoi presionit të opinionit publik, ajo nuk mundi të jetë e tillë përballë terrorit psikologjik dhe dhunës që i shkaktoi bashkëshorti i saj, Xhemal Loka. Ai u kthye nga Greqia në ditët e fundit të vitit në banesë dhe sipas dëshmive të dhëna tashmë edhe nga fëmijët e çiftit, ai nisi të rrihte gruan dhe nënën e tyre, ku shkak thuhej se ishte profili i hapur në tik-tok që denigronte figurën e saj.

“Mami dhe babi gjithmonë kanë pasur debate me njëri tjetrin e nuk i kanë pasur mirë marrëdhëniet. Ata debatuan fort edhe dhe një ditë para se mami të pinte helm dhe të vdiste. Babi nuk e lejonte mamin të shkonte të shtëpia e gjyshes dhe filloi duke e sharë.

Debati atë natë filloi nga ora 19.00 deri në orën 23:00. Babi kur ka qenë në Greqi, gati një vit më parë, ka marrë në celular mamin dhe i ka thënë që; unë ty do të bëj të vrasësh veten, mbaje mend”, ka deklaruar djali i Bedrie dhe Xhemalit, Destan Loka.

Dhunën e babait mbi nënën e tyre e konfirmoi përpara policisë edhe vajza e tyre e madhe, Rozalinda, e cila rrëfeu edhe bisedën e fundit që pati me të, vetëm pak çaste, para se ajo ti jepte fund jetës. Por edhe se si babai i saj, pavarësisht se më të shumtën e kohës ndodhej në emigrim, e dhunonte bashkëshorten e tij, duke ushtruar presion psikologjik, edhe nëpërmjet komunikimeve që ata kishin në telefon.

“Prej një viti ato nuk i kanë pasur mirë marrëdhëniet. Gjyshja ime kishte kaluar një trompozë dhe babi nuk e linte mamin të shkonte për vizitë te ajo. Mami më thoshte shpesh se ishte e lodhur dhe do ti jepte fund jetës. Biseda e fundit që unë pata me mamin ka qenë rreth orës 22:30. Ajo më tha që kishin debatuar prapë.

I thashë: ‘Po leje pra atë muhabet dhe qepe’ dhe ajo më tha; ‘mirë mo mami, mirë se e qep unë’.”, ka dëshmuar e bija e çiftit, Rozalinda Loka.

Por vetë Xhemal Loka, nuk pranoi në polici, as përpara gjykatës, kur u njoh me masën e sigurisë, se ishte ai shkaktari që çoi në vetëvrasjen e bashkëshortes së tij. Ai tha se gruan e tij e vrau Tik-Tok-u, dhe se ai e donte atë, por ai u përpoq ta fshihte dhunën që kishte shkaktuar ndaj saj.

“Unë u ngrita në mëngjes dhe e pashë Bedrien të shtrirë në tokë te dhoma e ndenjjes, në mes të shtëpisë. Fillimisht e transportova me automjetin e vëllait për në urgjencën e spitalit në Durrës. Aty më thanë se kishte konsumuar fotoksinë dhe e kanë nisur menjëherë me ambulancë në drejtim të QSUT ku e kanë dërguar në reanimacion. Gruaja ka pasur stres dhe ankth të shtuar kohët e fundit. Unë mendoj se këtë veprim ajo mund ta ketë bërë pasi një vit më parë i kanë hapur një adresë tik-tok në emrin e saj. Ajo prej kohësh shprehej se nuk mund ta përballonte dot foton që i kishin publikuar në rrjetin Tik-Tok”, ka dëshmuar në polici, Xhemal Loka.

Por një video e publikuar në media, tregoi se Xhemal Loka, nuk ishte i sinqertë në thëniet e tij. Ai shikohet teksa dhunon bashkëshorten brenda banesës, me fjalë nga më fyeset, në prani të djalit të tyre të dytë, i cili përpiqet me sa të mundet që të frenojë tërbimin e babait të tij, që sulet të godasë bashkëshorten. Episod ky i vazhdueshëm dhunës, që ajo përjetonte, dhe që është dokumentuar vetëm disa orë para se e ndjera t’i jepte fund jetës.
“Më datë 2 Janar në sallën operative të policisë në Manzë, ka mbërritur njoftimi që bënte fjalë se shtetasja Bedrie Loka ka konsumuar lëndë të dyshuar fostoksinë në banesën e saj, dhe është dërguar me urgjencë nga familjarët e saj fillimisht në spitalin rajonal në Durrës dhe më pas në QSUT. Nga kryqja e banesës së familjes Loka në: ‘Katin e parë të banesës janë gjetur shishe plastike me ujë dhe disa kapsula të dyshuara fostoksinë, të cilat mendohet se i ka konsumuar kjo shtetase. Pavarësisht se gjendej e shtruar në QSUT ‘Nënë Tereza’ dhe nën kujdesin e mjekëve, më datë 3 janar 2024, Bedrie Loka ka ndërruar jetë si pasojë e komplikacioneve shëndetësore.”, thuhet në dosjen hetimore.

Por është Tik-Toku në të vërtetë shkaku që çoi Bedrije Lokën, drejt aktit të vetëvrasjes, apo një intrigë më e madhe njerëzore luhet nën rrogoz, ku një nga personat që mund të ketë gisht mund të jetë vetë bashkëshorti i saj Xhemal Loka, një personazh me dritëhije të shumta në jetën e tij. I dënuar për disa vepra penale brenda jashtë vendit, kryesisht për vjedhje dhe përfshirje në drogë në Zvicër dhe Francë, të cilit në momentin e arrestimit, në ambientet e jashtme të banesës iu gjet edhe një armë zjarri dhe një sasi fishekësh. Burri që pas vetëvrasjes së gruas tentoi të fshihte provat, duke e çuar telefonin e tij te e motra, ndërsa, policia gjeti në celularin e djalit të mitur të çiftit, videot me përmbajtje të dhunës dhe kërcënimit, që babai i tij ushtronte ndaj nënës. Video të cilat, pasi ai kishte dokumentuar dhunën, ia kishte dërguar të motrës së tij, Rozalindës që ishte ndërkohë e fejuar, ku e informonte për situatën e rëndë që ishte krijuar në familje.

“Ato gjithmonë ziheshin me njëri tjetrin. Unë kam bërë me celularin tim ca video dhe ja kam çuar motrës ku i thoja: ‘Ja çfarë po bën babi me mamin. Telefoni im është në polici, e ka marrë babi dhe ka thënë që është i veti.”, ka dëshmuar djali i vogël i çiftit.

Por familja e Xhemal Lokës, u përpoq t’i dilte në krah njeriut të tyre. Para Gjykatës, ku ai pritej të njihej me masën e sigurisë, nëna e tij, tha se i biri ia kishte falur të shoqes historinë e Tik-Tokut, duke aluduar kështu për një histori të mirëqenë. Madje duke kthyer në vëmendje edhe një incident që kishte ndodhur 12 vite më parë në familjen e Xhemal Lokës, ku ishin grabitur një sasi e konsiderueshme parash, por që sipas nënës së tij, Xhemali ia kishte falur të dyja historitë Bedries, duke e bërë këtë të fundit indirekt fajtore.

“Djali ja fali TikTok-un, ja fali dhe lekët. Bedria ka fjetur në shtëpinë e lekëve të djalit”, ka dëshmuar nëna e Xhemal Lokës, Sanije Loka.

Vëllai i Xhemal Lokës, shfajëson Xhemalin, duke thënë se ai nuk e dhunonte gruan e tij, ndërsa akuzon vëllezërit e të ndjerës për kërcënime.

“Vëllezërit e Bedries na kanë kërcënuar”, ka dëshmuar vëllai i Xhemalit, Fatmir Loka.

Por vëllezërit e Bedries Lokës, kanë një tjetër mendim nga familja e bashkëshortit të saj. Ata bëjnë fajtor, për humbjen e jetës së motrës dhe njeriut të tyre të afërt, bashkëshortin e saj Xhemal Loka, që sipas tyre e ka dhunuar bashkëshorten e tij, që ditën e parë, që ata janë lidhur në martesë.

“Që në muajin mars 2000 që kur është martuar motra ime ai e ka trajtuar keq. E ka dhunuar fizikisht disa herë. Besoj se dhe këtë veprim e ka bërë vetëm prej dhunës së Xhemalit. Nuk ka lidhje puna e tik tokut”, ka deklaruar vëllai i Bedrie Lokës, Avdi Bushi.

Por a ishte Tik-Toku një sebep i sajuar enkas, qoftë edhe nga bashkëshorti, për të vënë në një pozitë që nuk e kishte të ndjerën Bedrije Loka, i cili me të ardhur nga Greqia në fundin e vitit 2023, filloi ta akuzonte të shoqen për imoralitet dhe për gjoja një lidhje të saj jashtëmartesore, siç është edhe kjo dëshmi e djalit të dytë të çiftit.

“Më 27 dhjetor kur babi erdhi në shtëpi, u zu me mamin, pasi thoshte se kishte dëgjuar fjalë të njerëzve të tjerë për të. Ai i tha mamit lloj-lloj fjalësh. I tha po kështu se do të vras, e ka ofenduar me fjalë të rënda dhe e ka goditur mamin me grushte dhe shkelma. Madje e akuzonte duke i thënë që kë zënë dashnor”, ka dëshmuar Kledjan Loka.

Por ndërsa shumë mendime rrotullohen rreth asaj që mund të jetë intriga e vërtetë e shkakut që çoi në flijimin e Bedrije Lokës, është vetë Rozalinda, vajza e madhe e çiftit, e cila në dëshminë e saj dhënë në polici, i jep tashmë një tjetër dinamikë, skenarit të mundshëm të arsyeve që çuan në shkaktimin e vetëvrasjes së nënës së tyre. Ku tanimë në mes të kësaj historie futet një grua franceze, e cila dyshohet se kishte krijuar një lidhje me babain e saj, çka duket se e intrigon edhe më tej ngjarjen e rëndë që pasoi dhe pse jo, shkakun dhe autorët që u investuan për të hapur një profil të rremë tik-toku, për nënën e katër fëmijëve.

“Diku nga muaji Shtator 2023, mami i ka gjetur babit disa letra në gjuhën franceze të cilat ja ka dërguar një femër. Ajo ishte një franceze dhe ka komunikuar me vëllain tim dhe i ka thënë që ka pasur një lidhje me Xhemalin. Kjo ka qenë një arsye që e ka vrarë edhe më shumë psikologjikisht mamin tim.”, ka dëshmuar Rozalinda Loka.

Tashmë debati më i madh publik është nëse të ndjerën Bedrie Loka, nënën e katër fëmijëve e vrau Tik Toku, apo ligësia njerëzore, një lloj bime helmuese që gjendet dhe rritet rëndom mes nesh. Dhe a është kjo kriza e vërtetë morale ku shoqëria shqiptare është zhytur….

The post “U ngrita në mëngjes dhe e pashë Bedrien të shtrirë në dhomën e ndenjes”, Zbardhet dëshmia e Xhemal Lokës dhe fëmijëve të 41-vjeçares appeared first on Albeu.com.

Për këtë ngjarja fillimisht u tha se vetëvrasja ka ndodhur për shkak të disa videove denigruese në rrjetet sociale që ishin publikuar në emër të Bedrie Lokës.

Por ngjarja mori tjetër rrjedhë kur dolën fakte se bashkëshorti i saj, Xhemal Loka e dhunonte. Kjo është pohuar edhe nga fëmijet e çiftit. Vajza, Rozalinda ka treguar bisedën e fundit me të emën, ndërsa ngre dyshime se babai i saj ka pasur lidhje me një franceze.

“Komunikimi i fundit që unë e kam bërë me mamin… ka qenë ora rreth 22.30 dhe ajo më tha që prapë debat i thashë po leje pra atë muhabet dhe qepe, mirë mo mami më tha, mirë se e qep unë si dhe “diku nga muaji shtator 2023 mami… i ka gjetur babit… disa letra në gjuhën franceze të cilat ja ka dërguar një femër ajo ishte një franceze dhe ka komunikuar me vëllain tim Destanin dhe i ka thënë që ka patur një lidhje me Xhemalin”, është shprehur vajza.

Pjesë nga dosja

Në deklarimet e saj të datës 05.01.2024, vajza e çifit Loka, shtetësja Rozalinda Loka deklaron “prej një viti ato nuk i kanë patur mirë marrëdhëniet me njëri tjetrin, kanë patur debate që prej muajit shkurt 2023… sepse gjyshja ime… ka kaluar një trompozë dhe babi im nuk e linte mamin të shkonte për vizitë te gjyshja”, “mami im ka qenë shumë e ngarkuar emocionalisht dhe psikologjikisht dhe shumë herë shpreheshe se do t’i jepte fund jetës se thoshte jam e lodhur”, duke theksuar “komunikimi i fundit që unë e kam bërë me mamin… ka qenë ora rreth 22.30 dhe ajo më tha që prapë debat i thashë po leje pra atë muhabet dhe qepe, mirë mo mami më tha, mirë se e qep unë si dhe “diku nga muaji shtator 2023 mami… i ka gjetur babit… disa letra në gjuhën franceze të cilat ja ka dërguar një femër ajo ishte një franceze dhe ka komunikuar me vëllain tim Destanin dhe i ka thënë që ka patur një lidhje me Xhemalin kjo ka qenë një arsye që e ka vrarë shumë psikologjikisht mamin tim”.

The post “Babai ka pasur lidhje me një franceze”, Vajza e Bedrie Lokës tregon bisedën e fundit me të ëmën: Mami i gjeti disa letra appeared first on Albeu.com.

Videoja e siguruar shfaq momentin kur Xhemal Loka, tani i burgosur, e ofendon me fjalë të rënda gruan në praninë e djalit të tyre i cili përpiqet ta ndalojë fizikisht të atin.

The post PAMJE TË RËNDA/ “Do të të…” Momenti kur bashkëshorti dhunon dhe ofendon rëndë Bedrie Lokën, djali përpiqet ta ndalojë appeared first on Albeu.com.

Ai ka treguar se kishin dijeni për dhunën që 45-vjeçari ushtronte ndaj viktimës, por u shpreh se e kishin falur me mendimin se do të ndryshonte.

Vëllai i së ndjerës rrëfeu se kunati i tij, i cili është arrestuar nga policia nën akuzën se nxiti të shoqen të vetëvritej, ka qenë 15 vite burg dhe se ishte arratisur nga qelia.

View this post on Instagram

A post shared by Albeu.com (@albeucom)

“E kemi falur me mendimin se do të ndryshojë. Fëmijët janë marrë mbrojtje nga dajat e tyre. Ne dibranët ti gjuajmë gruas me shpullë nuk e quajmë gjë, është diçka mes çiftit. Por të më mbysë motrën në dru e të ma nxijë. Motrën time nuk e shponin plumbat, jo të hante helmin. I lutem shtetit të më zbardhë çështjen. E kemi ndihmuar shumë motrën, e kam rritur vetë. Jo vetëm ndihmë ekonomike, por edhe psikologjike.

Ai burrë ka bëre 15 vite burg dhe në rrjetet televizive nuk është e deklaron policia. Ka qenë në burg në Dibër, ka thyer burgun para rreth 20 vitesh dhe u iku”, tha ai për News24.

Ngjarja tragjike ndodhi mëngjesin e Janarit, ndërsa sipas policisë Xhemal Loka e kishte kërcënuar me vdekje të shoqen në sy të një prej fëmijëve.

Celularin e tij ku i kishte dërguar video dhe mesazhe kërcënuese gruas së tij, ai ia kishte dhënë të motrës për ta fshehur, por është sekuestruar nga blutë së bashku me telefonin e viktimës.

The post “E dinim që burri e dhunonte, por e falëm”, Flet vëllai i 41-vjeçares: Motrën se shponin as plumbat, jo të pinte helmin appeared first on Albeu.com.

Në një prononcim për News24, vëllai i të ndjerës është shprehur se e motra ka pasur shenja dhuna, pavarësisht se nga ekspertiza ligjore nuk ka rezultuar diçka e tillë.

Ai është shprehur se “spitali thotë që nuk është rrah, fëmijët thonë që është rrahur”.

“E ka mbyt burri i vet, jam më se i bindur, kam rrethanat, kam fëmijët. Nuk mendoja se do e çonte motrën në këtë pikë. 23 vite nuk i ka parë ditë të bardha në atë derë. Një fjalë të dobët për të në atë lagje nuk ka thënë, e kanë respektuar.

Isha në Greqi, më mori nusja në telefon, ka ngrën Bedria helm. Erdha në varrim. I kam marrë nipat edhe mesat, nuk i lë ata. Ca është pasuria e saj nuk kanë për ta gëzuar. Spitali thotë që nuk është rrah, fëmijët thonë që është rrahur”, tha vëllai i të ndjerës.

View this post on Instagram

A post shared by Albeu.com (@albeucom)

Ndërkohë edhe kushëriri i Bedrie Lokës është shprehur se e ndjera kishte shenja dhune në krahun e majtë. Sipas tij, edhe infermierët i kanë thënë që ishte e dhunuar.

Ndër të tjera, ata janë shprehur se do të kërkojnë ekspertize të re ligjore për të zbardhur deri në fudn ngjarjen.

“Ka pasur shenjë dhune në krahun e majtë. Doktori ka thënë që nuk është dhunuar. Doktoreshat i kanë treguar vëllai tjetër që është e dhunuar. Do bëjmë ekspertizë tjetër. Nuk e lëmë më kaq”, deklaroi kushëriri i viktimës.

The post “Kishte shenja në krahun e majtë”, Vetëvrasja e 41-vjeçares, flet vëllai dhe kushëriri: E ka vrarë i shoqi! Kërkojmë ekspertizë të re ligjore appeared first on Albeu.com.

41-vjeçarja mori hapin fatal për jetën, pasi bullizohej në rrjetin social “TikTok” nga kolegët e fasonerisë ku ajo punonte. Ditën e sotme është arrestuar edhe bashkëshorti i saj Xhemal Loka. Nga hetimet rezultoi se 45-vjeçari ka dhunuar në mënyrë të vazhdueshme bashkëshorten e tij, Bedrie Loka.

Ai ishte kthyer nga Greqia dhe e kishte kërcënuar me thikë gruan për ta vrarë, në prezencë të njërit prej fëmijëve të tyre.

Për këtë ngjarje ka reagur edhe këngëtari Alban Skënderaj I cili shprehet se është fatale dhe e pafalshme nga ana e policisë që nuk ka reagur edhe pse denoncimi ishte bërë para 1 viti e gjysmë.

Postimi i plotë:

“Si çdo familjar dhe qytetar i regullt i këtij vendi jam i shokuar me rastin e vetëvrasjes se 41-vjeçares Bedrie Loka e cila është bullizuar sistematikisht në platformen e Tik Tok-ut. Ngushëllime të sinqerta familjes! Nuk dua të perseritem për fenomenin e tmerrshëm dhe sjelljes primitive e mesjetare që shpesh haset në atë platformë pasi shumë nga personazhet mediatike e kanë ngritur tashmë si problem serioz. Ajo që më bën përshtypje dhe që jam i shokuar është qe 41-vjecarja Bedrie Loka e ka denoncuar rastin në polici para 1 viti e gjysmë dhe mesa munda të informohem nuk është marrë asnjë masë!!! Nëse kjo është e vërtetë atëherë është fatale dhe e pafalshme!
Përse?
A ka një arsye konkrete?
Nëse jo a ka përgjegjës për këtë?
A ka një hetim për këtë?
Një njeri ka humbur jetën!
4 femijë kanë humbur nënën!
Një bashkëshort ka humbur bashkëshorten!
Njerëzit duan përgjigje!!!!”

The post Vetëvrasja e 41-vjeçares në Durrës, reagon Alban Skënderaj: Sjellje primitive e mesjetare appeared first on Albeu.com.

“Si shoqëri, duhet të reagojmë fort kundër krimit dhe bullizmit online, duke filluar nga fëmijët dhe familjet tona për të mos pritur viktimën e rradhës pas Bedrie Lokës, si shtet do të na duhet të rishikojmë ligjet tona”, shkruan Manja në Facebook.

Edhe kryetarja e Kuvendit, Lindita Nikolla dhe ministri i Brendshëm, Taulant Balla kanë paralajmëruar ashpërsimin e ligjit.

The post Manja: Do të ashpërsojmë ligjet, të mos presim viktimën e radhës nga bullizimi online appeared first on Albeu.com.

Në një deklaratë për media, Mahmut Bushi ka thënë se motrën e tij nuk e kanë vrarë akuzat apo postimet në “Tik-Tok’, por bashkëshorti i saj.

“Motrën tone nuk e vrau Tik-Toku e vrau bashkëshorti! Ne jemi te mendimit qe bashkëshorti i saj ka ushtruar dhune psikologjike dhe fizike. Ja thamë policisë qe bashkëshorti e ka çuar deri ne vetevrasje! Sot kemi hapur dyert e mortit presim ngushëllime”, është shprehur Mahmut Bushi.

View this post on Instagram

A post shared by Albeu.com (@albeucom)

The post Vetëvrasja e 41 vjeçares/ Dëshmia e të vëllait: Motrën nuk e vrau TikTok-u por bashkëshorti appeared first on Albeu.com.

Xhemal Loka është arrestuar pasi akuzohet se shtyu të shoqen drejt vetëvrasjes.

The post I akuzuar si një nga shkaktarët e vetëvrasjes së 41-vjeçares, momenti kur bashkëshorti i saj shoqërohet në komisariat me pranga appeared first on Albeu.com.

Fqinjët e 41-vjeçares ke kanë cilësuar të renë si një grua shumë punëtore, dhe një familje të rregullt.

Fqinji i Bedrie Lokës, Ylber Xhulja tha se nuk ishte në dijeni të konflikteve mes çiftit, ndërsa sa i përket postimeve që bëheshin për të ndjerën në “TikTok”, u shpre se kishte dëgjuar për to, por nuk kishte parë gjë.

“Shumë familje të rregullt e njohim. E shoqja e tij ka qenë shumë e mirë, është sjell mirë, punëtore, të gjitha i ka pas. Fatkeqësi, më shumë nuk dimë gjë. Fëmijët i ka rritur me halle me probleme si të gjithë, ka pas punuar në fabrikë. Bashkëshorti ka qenë në emigrim më shumë, nuk e njoh shumë mirë,” u shpreh Ylber Xhulja.

E kishit parë çfarë kishte ndodhur në TikTok?

“Nuk e kam pas parë, e kisha dëgjuar. Këtu fjalët më të mira thonë për të. Fatkeqësi, jashtë mase na ka prek. Fëmijët ja njoh, të rregullt. Nuk kanë pasur ndonjëherë probleme. Nuk kanë pas konflikte, ai emigrant vinte rrinte si të gjithë, ikte. Shumë ngjarje e rëndë, duhet të gjendet pse ka ndodh”, tha ai.

The post “S’kishte konflikte me burrin”, Vetëvrasja e 41-vjeçares në Durrës, flet fqinji: Ishin familje e rregullt appeared first on Albeu.com.