Kryetari i LDK-së, Lumir Abdixhiku reagoi pas akuzave të bëra nga zyrtarë të Vetëvendosjes rreth vendimit të Panelit Zgjedhor për Ankesa dhe Parashtresa që të votohet vetëm në përfaqësi diplomatike. Abdixhiku shikon në këto lëvizje të Vetëvendosjes përpjekje për mashtrim.

“Mashtrimi është bërë sot mendësi e tyre. E vërteta është se që nga caktimi i datës së zgjedhjeve, e deri më tani, po provohet nga Vetëvendosja në çdo mënyrë të ndërtohet një sistem i manipulimit të votave. I vjedhjes së tyre për ta thënë më thjeshtë”, u shpreh kryetari i LDK-sw Lumir Abdixhiku.

Kreu i LDK-së përmendi dhe disa raste të mëparshme kur sipas tij Vetëvendosja ka tentuar të ndryshojë mënyrën e votimit.

“Një herë, provuan ta kthejnë sistemin e vjetër të votimit me email… Pastaj tentuan të votojnë në depo mallrash, salla dasmash e restorante; pra jashtë ambasadave e konsullatave siç e thotë ligji. Votime në vende ku nuk ka shtet, nuk ka kontroll, nuk ka monitorim. PZAP, natyrisht, siç e thotë ligji, nuk e lejoi këtë gjë”, shtoi ai.

Zëdhënësi i komunës së Prishtinës, Donat Lushaku njoftoi më herët se PZAP-i ka pranuar ankesën e Lidhjes Demokratike të Kosovës që votimi jashtë vendit për zgjedhjet e parakohshme të 28 dhjetorit të bëhet vetëm në përfaqësitë diplomatike apo hapësirat e tyre.

The post Akuza Vetëvendosjes për manipulimin e votave të diasporës, Kryetari i LDK-së: Mashtrimi, mendësia e tyre appeared first on Albeu.com.

Vetëvendosja, e udhëhequr nga kryeministri Albin Kurti, fitoi më së shumti vota nga votimi me postë, 51.57 për qind, apo me mbi 31.000 vota.

Lidhja Demokratike e Kosovës arriti t’i sigurojë 30.55 për qind të votave, Partia Demokratike e Kosovës me 9.48 për qind dhe koalicioni Aleanca për Ardhmërinë e Kosovës – Nisma me 3.23 për qind.

Mbi 84.000 shtetas të Kosovës në mërgatë kishin zgjedhur të votonin përmes postës për zgjedhjet e 9 shkurtit, sipas Komisionit Qendror të Zgjedhjeve (KQZ).

Në aneksen e saj, Vetëvendosje tha se “ky organizim i tillë i votimit, unik dhe mirë i organizuar në formë manipuluese, nuk ka mundur të ndodhte pa një organizim, koordinim dhe bashkëveprim me deputetët e LDK-së”.

Ndërkohë, Manxhuka shkroi të shtunën në Facebook se “është evidente skema që është përdorur nga votimi përmes postës në mërgatë. 400% më shumë vota për LDK-në, me vota shabllone për kandidatë të caktuar, ndërkohë që ekstremisht larg nga ky trend janë PDK e parti të tjera opozitare”.

Eugen Cakolli nga Instituti Demokratik i Kosovës tha se, ndonëse dyshimet mbi manipulimet e mundshme të votave duhen trajtuar e hetuar kujdesshëm, përsëritja e votimit përmes postës do të kishte “pasoja të mëdha”.

“Një vendim i tillë jo vetëm që do të shkaktonte vonesa në certifikimin e rezultateve, por mbi të gjitha do të ndëshkonte edhe ata qytetarë që kanë votuar në mënyrë të rregullt”, tha Cakolli në Facebook të shtunën.

Panelit Zgjedhor për Ankesa dhe Parashtresa i duhen zakonisht 72 orë për të vendosur për ankesat që i pranon.

Procesi i numërimit të të gjitha votave përfundoi më 5 mars, rreth një muaj pas mbajtjes së zgjedhjeve parlamentare në vend më 9 shkurt.

Sipas rezultateve përfundimtare, që përfshijnë edhe votat në vendvotimet në Kosovë, ato në përfaqësitë diplomatike, me kusht dhe atyre të personave me nevoja të veçanta, asnjëra parti nuk ka siguruar numër të mjaftueshëm për të qeverisur e vetme.

Për të pasur shumicën, nevojiten së paku 61 deputetë në Kuvendin me 120 ulëse të Kosovës.

Si partia e parë, Vetëvendosje i ka fituar 396.022 vota, apo 42.27 për qind, duke i siguruar 48 ulëse.

Udhëheqësi i saj, kryeministri Albin Kurti, është zotuar se do ta formojë qeverinë në mënyrë të pavarur.

Partitë aktualisht në opozitë, përveç Nismës, e kanë përjashtuar mundësinë e koalicionit me të.

KQZ-ja pritet të bëjë certifikimin e rezultateve në mes të këtij muaji.

Analistët thonë se ka disa opsione të mundshme për formimin e qeverisë së re./ REL

The post Vetëvendosje kërkon përsëritjen e votimit përmes postës në Kosovë appeared first on Albeu.com.

Kandidati për deputet nga VV, Hekuran Murati përmes një video mesazhi në “Facebook”, ka shkruar se këtë mandat do ta nisim me Valutën digjitale të Kosovës.

Ai tha se shteti do të krijojë valuta digjitale, e bazuar në blockchain, e krijuar nga shteti do të përdoret për pagesa.

Murati tha se krijimi i valutës digjitale hap mundësitë të reja për inovacion dhe krijon ekosistem të inovatorëve, e që me këtë e vendosim Kosovën në qendër të zhvillimeve më të fundit teknologjike, thuhet përmes një video mesazhi të publikuar në faqen e Lëvizjes Vetëvendosje në Facebook.

The post Vetëvendosje: Kosova do të bëhet me valutë digjitale appeared first on Albeu.com.

Në bazë të ligjit të ri të vetëvendosjes për gjininë këtej e tutje gratë e burrat trans si dhe njerëzit transgjinorë që nga lindja, të cilët kanë tipare femërore dhe mashkullore, mund të aplikojnë lehtësisht për ndryshimin e gjinisë në dokumenta. E njëjta gjë vlen edhe për njerëzit që nuk klasifikohen as meshkuj dhe as femra.

Lehtësimi i procedurës mundësohet nga ligji i ri i miratuar të premten (12.04.2024) në Bundestag me shumicë votash nga partitë e koalicionit qeverisës: socialdemokratët, të gjelbërit dhe liberal-demokratët. Ligji u mbështet edhe nga grupi i të majtëve. Partitë opozitare kristiandemokrate/kristiansociale, Alternativa për Gjermaninë (AfD) dhe Aleanca Sahra Wagenknecht (BSW) e refuzuan prerazi këtë ligj.Ligji i vitit 1980 ende sot në fuqi njihet si ligji për transgjinorët (TSG). Qofshin njerëzit burrë, grua apo ndryshe: Në të ardhmen secili vendos vetë se cilën gjini do të regjistrojë në dokumenta si dhe emrin në pasaportë.Në vend të një ekspertize të dyfishtë si deri më tani, bazuar në rregulloren e re do të mjaftojë një vetëdeklarim në gjendjen civile. Të prekurit do të duhet të mbrohen në privatësinë e tyre në rast se nuk duan ta bëjnë publike këtë ndryshim.

Ndryshimet në gjendjen civile do t’u mundësohen edhe të rinjve nga mosha 14 vjeç. Ata mund të japin vet një deklaratë, por u duhet edhe miratimi i personave që kujdesen për ta. Në rast konflikti vendos gjykata për çështjet familjare. Për fëmijët mund të aplikojnë për ndryshim gjinie vetëm prindërit apo përfaqësuesit ligjorë të tyre.

Opozita kritikon

Ligji ka boshllëqe sigurie dhe mund të shpërdorohet prej kriminelëve, kritikon grupi parlamentar kristiandemokrat/kristiansocial në Bundestag. Kjo për arsye, se nuk parashikohet deklarimi i ndryshimit të gjinisë dhe të emrit në organet e sigurisë. Po ashtu konservatorët argumentojnë, se në ligjin e ri nuk garantohet mbrojtja e fëmijëve dhe të rinjve.

I ngarkuari i qeverisë federale për pranimin e shumëllojshmërisë seksuale dhe gjinore, ekologjisti Sven Lehmann, theksoi, se ligji i ri ua lehtëson shumë procedurat personave të prekur. Lehtësimi i aplikimit për ndryshim gjinie dhe emri do „t’ua lehtësojë jetën interseksualëve dhe transseksualëve”, u shpreh ai për rrjetin redaksional Deutschland./DW

The post Gjermani: Vetëvendosje për gjininë, parlamenti voton ligjin që lehtëson procedurën appeared first on Albeu.com.

Beteja e zgjedhore për president të Maqedonisë së Veriut sapo ka nisur, por është ashpërsuar shpejt, veçanërisht ajo ndërmjet dy kandidatëve shqiptarë për president, Bujar Osmanit nga koalicioni i udhëhequr nga BDI-ja e Ali Ahmetit – partia më e madhe e shqiptarëve atje, dhe Arben Taravarit nga koalicioni i opozitës shqiptare.

Një plan 9 pikësh i propozuar nga Organizata për Siguri dhe Bashkëpunim në Europë (OSBE) në qershor të vitit të kaluar për shtensionimin e situatës në veri është bërë çështje në fushatën zgjedhore në RMV, pasi Bujar Osmani, i cili e kishte kryesuar këtë organizatë të rëndësishme, foli para pak ditësh se si kishte kontribuar për shtensionimin e situatës në Kosovë, duke e përpiluar vetë atë plan.

Zëdhënësi i Qeverisë së Kosovës, Përparim Kryeziu, reagoi të dielën duke thënë se vetëm tash e kishin kuptuar se vetë Osmani e kishte hartuar atë plan, duke e akuzuar kandidatin për president të RMV se e ka parë Kosovën me sytë e ndërkombëtarëve.

Kryeziu shkroi se si plani përfshinte kërkesën për tërheqje të Policisë Speciale nga veriu i Kosovës, Serbia ta ulte gatishmërinë e ushtrisë. Kësisoj, ai tha se po të përfillej plani i Osmanit, do të kishte një realitet tjetër në vend pas sulmit terrorist të 24 shtatorit në Banjskë të Zveçanit, që e la të vrarë rreshterin e Policisë së Kosovës, Afrim Bunjaku.

“Gati katër muaj më pas, me 24 shtator, një patrollë e policisë së rregullt u sulmua nga trupa paramilitare, me armatim të sofistikuar, të financuar e mbështetur nga shteti i Serbisë. Aty mbeti i vrarë rreshteri i Policisë së Kosovës, Heroi, Afrim Bunjaku. Rendin dhe sigurinë në terren brenda ditës e riktheu Policia Speciale e Kosovës. Po mos të ishte kjo njësi në veri, sot do të njihnim një realitet tjetër pas sulmit terrorist dhe paramilitar të 24 shtatorit në Banjskë”, shkroi Kryeziu, duke e krahasuar propozimin e OSBE-së me kërkesat e Serbisë.

“Dje e kuptuam që plani 9 pikësh i OSBE-së, qenka hartuar nga vetë z. Bujar Osmani. Një rast tjetër kur shqiptarët e shohin Kosovën me sytë e ndërmjetësve ndërkombëtarë. Në fund, ky plan, nuk u bë plan i qeverisë. Deeskalimi ndodhi. Pa e dëmtuar sovranitetin e pa rrezikuar sigurinë. Në katër komunat në veri ka më shumë normalitet se kurdoherë tjetër. Sa herë që ka patur tensione, ato janë shkaktuar nga struktura e organizime kriminale. Dorëheqje të kryetarëve nuk ka. Ka trasim të një procesi ligjor e demokratik drejt zgjedhjeve të reja në këto komuna që respekton edhe kushtetutshmërinë e legjislacionin, por edhe vullnetin e qytetarëve. E kur të mbahen, ato do të jenë të lira e demokratike. Nuk kanë qenë gjithmonë ashtu”, shkroi zëdhënësi i Qeverisë së Kosovës.

Këtë ndihmë të Qeverisë së Kosovës në betejën zgjedhore atje nuk mbeti pa e shfrytëzuar Taravari, i cili shkroi se si Osmani ia paska bërë “argatin Serbisë”.

“Tash sapo lexova komunikatën e lëshuar nga zëdhënësi i Qeverisë së Kosovës në lidhje me planin 9 pikësh të OSBE-së për Kosovën. Qeveria e Kosovës paska zbuluar dje se në fakt ky plan është shkruar nga vetë dora e Bujar Osmanit e jo nga ndërkomëtarët. Jam i shokuar të kuptoj se Osmani, si kryesues shqiptar i OSBE-së, ka keqpërdorur pozicionin e tij për t’i bërë argatin Serbisë duke bërë te vetat kërkesat e Beogradit”, shkroi Taravari.

“Plani 9 pikësh i Bujar Osmanit ka kërkuar tërheqjen e policisë speciale të Kosovës, nga territori legjitim i Kosovës. Ai ka kërkuar poashtu dorëheqjen e kryetarëve shqiptarë të komunave veriore. Dokumenti i Bujar Osmanit ka kërkuar që të mos qëndrojnë në veri ata heronjë që na bënë krenarë të gjithëve në rastin e sulmit të Vuçiçit në Banjskës, ku u vra nga terroristët serbë polici dëshmor Afrim Bunjaku”, shtoi ai.

Taravari shkroi se sa mirë ka bërë Qeveria e Kosovës që “nuk e ka pranuar planin e Bujar Osmanit”, pasi me të, “bandat e Vuçiçit nuk do të kishin gjetur rezistencë”.

“Na vjen të gjithëve vështirë, kur një politikan shqiptar nga Maqedonia e Veriut, siç është Bujar Osmani, mban qëndrime të tilla antikombëtare në rastin e Kosovës”, shkroi Taravari.

Osmani reagoi më pas, duke i shënjestruar ato që ai i quajti “lojra elektorale”.

“Po ta dinte Arben Taravari se si është sintetizuar, përgatitur dhe miraturar plani nëntëpikësh i Kryesuesit të OSBE-së për deeskalim në veri dhe rolin e këtij plani për të parandaluar zgjidhje teritoriale për çështjet etnike në Kosovë, do mendonte dy herë para se të involvohet në lojra elektorale që nuk i njeh dhe që mund ta dëmtojnë shumë interesin e Kosovës!”, shkroi Osmani.

“Kosova është çliruar me rezistencë dhe përpjekje të koordinuara. Dhe, liria dhe pavarësia e Kosovës mund të mbrohet vetëm me veprime të koordinuara”, shtoi ai.

Lëvizja Vetëvendosje është përfshirë zyrtarisht në garën zgjedhore në Maqedoninë e Veriut dhe Bekim Qoku, këshilltar i kryeministrit të Kosovës, Albin Kurti, së bashku me dy gra nga LVV, do të garojnë për deputetë në zgjedhjet parlamentare të 8 majit.

Partia që e ka pushtetin në Kosovë, do të garojë në RMV me koalicionin e partive opozitare “VLEN”.

“Në Maqedoninë e Veriut Lëvizja VETËVENDOSJE! ka shumë aktivistë dhe simpatizantë. Bashkë do të punojmë sot për Ndryshimin që VLEN e nesër për forcimin e popullit tonë shqiptar!”, shkroi para pak ditësh këshilltari i kryeministrit Albin Kurti.

Kurti ka mohuar se po përzihet në garën zgjedhore në Maqedoninë e Veriut, por duket se ajo i intereson shumë. Para zgjedhjeve parlamentare dhe presidenciale në shtetin fqinj, ai para disa javësh i solli në Prishtinë liderët e disa partive politike shqiptare, me të cilët u pajtuan se presidenti i radhës në Shkup duhet të jetë shqiptar.

Paraprakisht, ai thoshte nga Shkupi se LVV nuk garon dhe se shqiptarët duhet të vendosin vet nëse do të kenë një kandidat për president

Në fund të vitit të kaluar, kryetari i Lëvizjes Demokratike, Izet Mexhiti kishte shkruar se Lëvizja Vetëvendosje e Kurtit i ishte bashkuar koalicionit të opozitës shqiptare, me ç’rast njoftonte për hapjen e një shtabi të përbashkët në Shkup. Ky njoftim kishte ardhur disa muaj pasi këtë mbështetje kryeministri i Kosovës ua kishte ofruar edhe fizikisht gjatë një vizite shumë të diskutueshme në Maqedoninë e Veriut, në gusht të vitit 2023.

Aktualisht, Qeveria e Maqedonisë së Veriut udhëhiqet nga Talat Xhaferi i BDI-së, i cili është bërë shqiptari i parë që e mori këtë detyrë. Është një qeveri teknike që do të zgjasë derisa të pasohet nga qeveria e re me mandat të plotë, e cila do të dalë nga zgjedhjet parlamentare të 8 majit. Po atë ditë, zhvillohet edhe rundi i dytë i zgjedhjeve presidenciale. I pari do të zhvillohet më 24 prill. /Gazeta Express

The post Qeveria e Kosovës i përgatit terrenin Taravarit për ta sulmuar Bujar Osmanin appeared first on Albeu.com.

Gorani komentoi pajtimin e Qeverisë së Kosovës me vendimin e Gjykatës Kushtetuese për 24 hektarët e Manastirit të Deçanit.

Kundërshtimin ndër vite të Lëvizjes Vetëvendosje ndaj këtij vendimi Gorani e ka cilësuar si farsë.

Ai ka thënë se Qeveria e Albin Kurtit tregoi se për ta nuk ka rëndësi kauza politike a orientimi ideologjik sa ka rëndës arsyetimi.

Sipas tij, arsyetimi i sotëm ishte anëtarësimi potencial në Këshillin e Evropës.

”Qeveria sot na tregoi që për këtë nuk ka rëndësi kauza politike, as orientimi ideologjik, për të është i rëndësishëm vetëm arsyetimi. Këtë herë arsyetimi është Këshilli i Evropës, nesër për Zajendnicë mund të jetë diçka tjetër”, ka thënë Gorani. /Gazeta Express

The post Gorani: Përfundoi një farsë 12-vjeçare, partia që kundërshtoi më shumë çështjen e Manastirit sot e zbatoi appeared first on Albeu.com.

Lidhur me këtë ka reaguar edhe zyrtari i LDK-së, Berat Rukiqi, duke ironizuar me moton e Vetëvendosjes “Krejt dhe Drejt” duke e modifikuar të në “Krejt dhe drejt në baltë”

“Krejt dhe drejt në baltë
Ilustrim i qartë i qeverisjes së pushtetit aktual dhe ku jemi duke përfunduar me këtë pushtet.
Pra përfundimin e kemi në baltë, gropa dhe rrugë pa krye.
Te paaftë dhe të dëmshëm”, ka shkruar Rukiqi. /Express/

The post Kjo ështe gjendja e autostradës për Gjilan, Rukiqi i LDK-së: Krejt dhe drejt në baltë appeared first on Albeu.com.

Përfshirja e Lëvizjes Vetëvendosje në garën për zgjedhjet parlamentare në Maqedoninë e Veriut, Andoni beson se rrezikon t’i cënojë edhe zgjedhjet në Kosovë.

“Ekspansioni politik” i LVV-së, siç e quan ai këtë, sipas Andonit tregon se Albin Kurti ka synime të qarta afatgjate “për të qëndruar gjatë dhe fort në pushtet”.

Kryeministri i Kosovës, Albin Kurti do të garojë për pushtet edhe në Maqedoninë e Veriut. Partia e tij dje u fut zyrtarisht në koalicion me opozitën shqiptare në shtetin fqinj.

Zgjedhjet parlamentare atje do të mbahen më 8 maj 2024 dhe Kurti është futur që herët në këtë garë, duke u renditur kah partitë shqiptare në opozitë si Alternativa, Lëvizja Besa dhe Lëvizja Demokratike.

Gazetari dhe publicisti shqiptar, Ben Andoni i tha Gazetës Express se Kurti “do ta shndërrojë Vetëvendosjen në një parti pan-kombëtare, duke kërkuar të shtrijë ndikimin e tij ngado”. Këtë plan të shefit të Qeverisë së Kosovës, ai e quan “disi agresiv” dhe “jo normal”.

“Në fakt, ishte e paralajmëruar prej vizitës së tij të paradokohshme në Maqedoninë e Veriut, porse një plan kaq konkret duket disi agresiv dhe jo normal në përçarjen që ekziston në atë vend. Por, ende Vetëvendosje s’e ka precizuar synimin në zgjedhje, veç qenësisë në opozitë dhe duket se verdiktin e fundit do ta japë institucioni që merret me administrimin e zgjedhjeve në Maqedoninë e Veriut, nëse e prek apo jo Kodin Zgjedhor të vendit. Po mendoj se edhe pa Vetëvendosjen, faktori shqiptar është shumë i përçarë në Maqedoni. Ky rast, thjesht do e konfuzojë dhe mbi të gjitha është larg sensit për një ideologji bashkëkombëtare dhe akoma më larg asaj që po bëhet në këtë fushë nga fushat e ndryshme shqiptare. Shqiptarët e Maqedonisë së Veriut kanë nevojë të merren vesh mes tyre, para se të futen faktorë të jashtëm, qoftë edhe si Vetëvendosja, që tashmë nuk mund të konsiderohet më si risi”, tha Andoni.

Shpalosja e hapur e Kurtit me interesa politike edhe jashtë territorit të Kosovës, sipas Andonit do t’ia bëjë faktorit maqedon më të lehtë përballjen me faktorin shqiptar në Maqedoninë e Veriut.

“Nga reagimi i z. Kovaçevski kupton se ka një element befasie dhe më shumë paqartësie për publikun, sepse ky është rasti i dytë pas Shqipërisë, që Vetëvendosja shpaloset hapur me interesa politike jashtë territorit të Kosovës. Tashmë, faktori maqedon do e ketë më të lehtë në përballje me atë shqiptar, sepse mund të përdori lehtësisht dhe elementin e ndërhyrjes së shqiptarëve në punët e brendshme të vendit. Ndërkohë, që shqiptarëve u duhet të tregojmë maturi dhe mbi të gjitha përpjekje për tu bërë bashkë dhe kjo është para çdo gjëje tjetër”, thotë ai.

Andoni beson se kjo shpërfaqje e Kurtit rrezikon t’i cënojë dhe zgjedhjet në Kosovë, pasi parashikon se partia e Kurtit do të përpiqet thjesht ta mbajë atë në pushtet dhe “ta shuajë pak e nga pak çdo fushë për opozitën”. Duke kujtuar edhe vitin 2021 kur Kurti u fut me partinë e tij edhe në zgjedhjet parlamentare në Shqipëri, publicisti thotë se kuptohet pse “nuk flitet më aq shumë për problematikat e mëdha të brendshme të Kosovës”, aq sa për “Kurtin si lider”.

“Po besoj se është egoja e Kurtit që prevalon mbi partinë. Vetëvendonja tashmë më duket thjesht si zgjatim i tij. Ndërsa më parë besonim se Kosova bënte zgjedhjet më të mira, parashikoj që edhe Kosova (lexo Vetëvendosja) këtej e tutje do ketë përpjekje thjesht të mbajë Kurtin në fuqi dhe të shuajë pak e nga pak çdo fushë për opozitën. Me këtë ekspansion të Vetëvendosjes për ndërfutje politike në Shqipëri e Maqedoni të Veriut kupton se pse nuk flitet më aq shumë për problematikat e mëdha të brendshme të Kosovës, por vetëm për Kurtin si lider dhe interesat e tij, që në fakt përcillen përmes Vetëvendosjes dhe aksioneve të tilla”, tha Andoni.

Përveç këtyre që ai i rendit si dëme që mund të derivojnë nga kjo lëvizje e partisë në pushtet në Kosovë, Andoni beson se skenari “do të jetë njësoj si edhe në Shqipëri” në vitin 2021.

“Po besoj se do jetë njësoj si edhe në Shqipëri. Njerëzit e thjeshtë, në këtë rast atë maqedon, duan të kenë përballë ata politikanë, që njohin dhe që kanë impakt në jetën politike-ekonomike-sociale. Ky lloj ekspansioni politik i Vetëvendosjes tregon se ata kanë synime të qarta afatgjata për të qëndruar gjatë dhe fort në pushtet. Kjo logjikë, që nuk fokusohet shumë në problematikat e brendshme, po mendoj se pak e nga pak do cënojë dhe zgjedhjet në Kosovë, sak atë fushë, ku Kosova krenohet para të gjithëve në Ballkan. Besoj se pak e nga pak kjo rrugë do e bjerrë Vetëvendosjen dhe nga votuesi i thjeshtë në Kosovë, që do përgjigjet e tashmë për ekonominë dhe problemet sociale dhe jo ëndrat për të garuar në Maqedoni e Veriut dhe Shqipëri”, thotë Andoni.

Që prej ardhjes në pushtet, Kurtin duket se e intrigoi pjesëmarrja në skenën politike shqiptare edhe në shtetet përreth, në disa mënyra. Në Shqipëri i bëri zyrtarisht opozitë kryeministrit Edi Rama duke garuar me partinë e tij në zgjedhjet parlamentare në vitin 2021, në Luginë intervenoi duke e mbështetur një krah politik, e opozitës shqiptare në Maqedoninë e Veriut ia dha një dorë në gusht, në një vizitë atje që shkaktoi shumë polemika.

The post Andoni: Ekspansioni politik i Kurtit në Maqedoninë e Veriut e rrezikon Kosovën, dëshiron të qëndrojë gjatë në pushtet appeared first on Albeu.com.

Ata kanë thënë mes tjerash se pjesë e këtij koalicioni është edhe Lëvizja Vetëvendosje e Albin Kurtit.

Të pyetur nga Zhurnal se si do jetë forma e pjesëmarrjes së VV-së në garën zgjedhore, Izet Mexhiti bëri të ditur se në listën e LEN-it do të ketë edhe kandidat të Vetëvendosjes.

“Me ne është edhe Vetëvendosje. Në listën tonë do të ketë edhe kandidat të Vetëvendosjes, ndoshta edhe me kandidat presidencial që do e propozon ky koalicion. Ende nuk është vendos cili, sepse ende është herët”, tha Mexhiti në takimin me gazetarët për Zhurnal.

Udhëheqësia e LEN poshtu kanë paralajmëruar se nëse nuk u jepet vendi i anëtarit në KSHZ, atëherë nga viti i ri do të lëshojnë Kuvendin dhe do të radikalizojnë veprimet e tyre. /zhurnal/

The post Vetëvendosje do të garojë në zgjedhjet parlamentare në Maqedoni bashkë me opozitën shqiptare appeared first on Albeu.com.

Mujeci, 40-vjeçar është asamblist i Vetëvendosjes në Kuvendin Komunal të Prishtinës.

Të martën, autoritetet shqiptare kanë thënë se Mujeci është në mesin e pesë të arrestuarve, të cilët dyshohen se kanë shpërndarë drogë të llojit ekstazi në lokalet e e natës në zonën e ish-Bllokut në Tiranë, pasi kanë trafikuar lëndë narkotike nga Kosova në Shqipëri.

Ministrja e Drejtësisë në Kosovë, Albulena Haxhiu, ka thënë pas përjashtimit të Mujecit se njerëz të tillë “nuk kanë vend në Lëvizje”.

“Komisioni Disiplinor mori vendim për përjashtimin e Besnik Mujecit nga Lëvizja VETËVENDOSJE! Veprimet për të cilat është arrestuar Besnik Mujeci janë krime të rënda dhe institucionet e drejtësisë duhet ta marrin dënimin e merituar!”, ka thënë ajo përmes një postimi në Facebook.

The post U kap në Tiranë me 11 mijë pilula ekstazi, përjashtohet nga Vetëvendosje anëtari i Këshillit Bashkiak të Prishtinës appeared first on Albeu.com.