Ministria e Arsimit, ka hartuar Kodin e ri të etikës që detyron stafin mësimor të kenë rol me integritet, përgjegjshmëri dhe maturi edhe në rrjetet e tyre sociale.

Në paraqitje publike, ju kërkohet që postimet si foto dhe video të jenë në përputhje me etikën profesionale dhe të mos cenohet imazhin edukativ.

“Praktikat më të mira evropiane theksojnë rëndësinë e një kornize të qartë etike, që ndihmon mësuesit të përballen me sfidat profesionale me integritet, sidomos në një realitet arsimor që transformohet me ritme të shpejta nga teknologjia. Mësuesi kujdeset që ndërveprimi në rrjete dhe platforma sociale të mbështetet gjithmonë në standardet etike të komunikimit në publik. Mësuesi ruan figurën e tij si model edukues, edhe jashtë mjedisit të punës, nxit etikën dhe sjellje të përgjegjshme në mjediset e institucionit arsimor paraunversitar, jashtë tij si edhe në internet, duke i mësuar dhe edukuar nxënësit rreth përdorimit të sigurt të platformave”, sipas Kodit të Etikës së Ministrisë të Arsimit.

Kujdes ju kërkohet edhe për veshjen në punë. Mësuesit duhet të shfaqen në mjediset arsimore në zbatim të Kodit të etikës me një veshje të rregullt, të pastër dhe profesionale në përputhje me normat e shkollës, ku do të ndalohen aksesorët që bien në sy e bëjnë zhurmë.

“Përdorimi i stolive (bizhuteri) dhe elementeve shtesë në veshje duhet të jetë i kujdesshëm dhe i përshtatshëm për mjedisin shkollor, duke shmangur stolitë (bizhuteritë) e mëdha, me ngjyra të forta ose që shkaktojnë tinguj, të cilat mund të tërheqin vëmendjen apo shpërqendrojnë nxënësit gjatë procesit mësimor”, sipas Kodit të Etikës së Ministrisë të Arsimit.

Në nenin 5 të kodit të etikës, përcaktohet që mësuesi gjatë komunikimit me nxënësit, duhet të respektojë privatësinë dhe dinjitetin e nxënësve dhe të jetë model i sjelljes dhe i zgjidhjeve paqësore në marrëdhëniet me nxënësit dhe të gjithë të tjerët.

Gjithashtu, mësuesit me përvojë në arsim do të duhet të mbështesin mësuesit e rinj dhe t’i trajnojnë.

The post Kod i ri etik për mësuesit/ Nga veshja deri te rrjetet sociale, ndryshojnë rregullat në arsim appeared first on Albeu.com.

Shtëpia e Bardhë, iu drejtua zyrtarëve ukrainas për të mësuar nëse presidenti Volodymyr Zelensky, do të shfaqet me kostum gjatë takimit të tij me presidentin Donald Trump në Zyrën Ovale sot.

Sipas mediave te huaja, kjo cështje ka rëndësi, pasi në takimin e mëparshëm mes dy liderëve, në muajin mars, paraqitja e Zelenskyt ishte komentuar gjerësisht.

Trump kishte ironizuar zgjedhjen e presidentit ukrainas për të veshur uniformë me stil ushtarak, duke thënë gjatë pritjes në Shtëpinë e Bardhë se “sot është veshur shumë zyrtarisht”.

Zyrtarë amerikanë në atë kohë vlerësuan se çështja e veshjes kontribuoi, qoftë edhe pjesërisht, në klimën negative që mbizotëroi në takim.

Për vizitën e re, të njëjtat burime theksuan se Zelensky do të paraqitet me të njëjtin xhaketë të zezë që kishte veshur edhe në samitin e NATO-s në Holandë në qershor.

Me xhaketë të zezë, ai u shfaq gjithashtu edhe në takimin e djeshëm me Ursula von der Leyen në Bruksel.

Një këshilltar i Trump komentoi për Axios me shaka se; “do të ishte një shenjë e mirë për paqen” nëse Zelensky do të shfaqej me kostum, por shtoi se “nuk e presim”.

Një tjetër bashkëpunëtor i presidentit vuri në dukje se; “do të ishte ideale nëse do të mbante kravatë, por as këtë nuk e presim”, duke theksuar se nënpresidenti J.D. Vance ishte ndjerë më i bezdisur nga paraqitja dhe qëndrimi i Zelenskyt herën e kaluar sesa vetë Trump.

Sipas të njëjtave informacione, presidenti ukrainas nuk do të mbajë kravatë të hënën.

Megjithatë, këshilltarët e Trump theksuan se pakënaqësia e liderit amerikan herën e kaluar nuk kufizohej vetëm te veshja, por pasqyronte një shqetësim më të gjerë

The post Veshja e presidentit ukrainas çështje diskutimi para takimit me Trump, cila do të jetë zgjedhja e Zelensky-t appeared first on Albeu.com.

Organizatorët kanë vendosur të vendosin kufij të qartë për atë që quhet “modë provokuese”, duke ndaluar zhveshjen në emër të mirësjelljes. Fustanet e tejdukshme, prerjet ekstreme dhe “stilimet” që tërheqin më shumë klikime sesa komente për filmat, nuk do të jenë më të mirëpritura në bulevardin e famshëm Croisette.

Ky vendim vjen në një kohë kur vëmendja ndaj eventit, vit pas viti, është zhvendosur gjithnjë e më shumë nga kinemaja te “look-u i mbrëmjes”. Organizatorët duken të vendosur ta ndryshojnë këtë narrativë, me ndihmën e një kodi të ri veshjeje që do të zbatohet në çdo zonë të festivalit – nga tapeti i kuq te ambientet e brendshme.

“Zhveshja është e ndaluar në tapetin e kuq dhe në çdo zonë tjetër të festivalit,” thuhet në dokumentin zyrtar të shpërndarë për pjesëmarrësit. “Stafi i pritjes do të ndalojë hyrjen për këdo që nuk respekton rregullat.”

Ceremonia e hapjes do të drejtohet nga regjisorja franceze Amélie Bonnin, e cila do të prezantojë filmin “Leave One Day”. Një nisje që simbolikisht përputhet me frymën e re të Kanës: më pak zhurmë, më shumë thelb.

Në këtë edicion, në Grand Auditorium Louis Lumière, pritet të mbizotërojë eleganca klasike – kostume të qepura me kujdes, fustane të gjata dhe hijeshi pa teprime.

Nëse deri dje yjet e Kanës konkuronin për titullin e “më të zhveshurës”, këtë vit sfida është kush do të jetë më i/e sofistikuar. Dhe ndoshta, më në fund, filmat do të marrin vëmendjen që meritojnë.

Deri atëherë, rikujtojmë: në Kanë këtë vit, less skin, more cinema.

The post Rikthehet elegancë në tapetin e kuq të Kanës: Zhveshja “jashtë mode” këtë vit appeared first on Albeu.com.

Veshja e zbukuruar me kristale, u bë e famshme gjatë performancës së Spears në specialen “Britney Spears Live from Las Vegas”. Sipas burimeve, veshja u shit për $14,080, duke dëshmuar edhe një herë ndikimin e madh që ka ende ylli i pop-it në kulturën popullore.

Britney Spears ka qenë një ikonë e stilit që nga vitet 2000, dhe kjo veshje është vetëm një nga shumë look-et e saj që kanë mbetur në memorien kolektive të fansave. Ankandi përfshinte edhe objekte të tjera të lidhura me karrierën e saj, por ky kombinim ishte ndër më të kërkuarit.

The post Veshja ikonike e Britney Spears shitet për mijëra dollarë appeared first on Albeu.com.

Kësaj herë, procedurat janë bërë nga OBP, një institucion në varësi direkte të Kryeministrisë, pasi procedurat e policisë dhe burgjeve janë hetuar nga Prokuroria e Posaçme për abuzime të rënda.

Madje, ka pasur edhe arrestime dhe procedime. Por, duket se financat kanë rënë nga “shiu në breshër”. Me një vendim të beftë, ky Operator ka shtuar në maksimum kostot për policët dhe gardianët.

Ngë një llogari e thjeshtë që ka bërë VoxNews, ka rezultuar se kostoja për të veshur 1 polic është rreth 2400 euro.

Ndërkohë, për të veshur 1 gardian kostoja shkon në plot 3900 euro. Shifra të frikshme, pasi nuk bëhet fjalë për veshje firmato por për veshje fasonerie, ku shpeshherë tenderët e ngjashëm kanë qenë objekt i dosjeve penale.

Njoftimi i tenderit që ka hapur OBP për veshje për Policinë e Shtetit

Sipas dokumenteve që disponon VoxNews, Operatori i Blerjeve të Përqendruara, ka hapur tenderin me objekt “blerje dhe shpërndarje uniforma dhe këpucë për Policinë e Shtetit”. Fondi limit i procedurës është 2.724.218.857 lekë, teksa bën fjalë për “uniforma policie”.

Nëse do të bëjmë një llogaritje të thjeshtë rezulton se në Shqipëri janë 11 mijë e 645 punonjës policie.

Rezulton se kostoja për të veshur 1 polic del plot 236.515 lekë.

Ndërkohë, në vitin 2021, SPAK-u hapi një hetim dhe ndaloi 9 zyrtarë të Ministrisë së Brendshme për tenderin e uniformave të Policisë së Shtetit.

Tenderi u shty disa herë, duke ndryshuar edhe kriteret deri sa zyrtarët shpallën firmën e tyre të preferuar. A do të ndodhë edhe kësaj here e njëjta skemë?!

Në atë kohë, kostoja për 1 polic ishte 2.800 euro, por historiku i këtyre tenderëve gjithmonë ka qenë problematik dhe me lobime të fuqishme.

Firmat kanë nga pas politikanë që kërkojnë që ta fitojë firma e tyre. Përplasja më e madhe ka qenë në kohën e Saimir Tahirit, i cili hapi disa procedura dhe pas ikjes së tij, zëvendësi Fatmir Xhafaj i anuloi.

Njoftimi i Operatorit të Blerjeve të Përqendruara për tenderin e uniformave të gardianëve

Në të njëjtën kohë, Operatori i Blerjeve të Përqendruara, ka hapur një tjetër procedurë kësaj herë për të veshur policët e burgjeve. Vlera e akorduar është plot 1.390.769.925 lekë ose rreth 14 milionë euro.

Nëse do të bëjmë një llogari të thjeshtë, ku të gjithë sistemet peniteciare kanë rreth 3500 deri në 3700 efektivë, rezulton se kostoja për të veshur një gardian është plot 3900 euro. Një shumë dukshëm më e lartë se ajo për të veshur policët, teksa OBP nuk ka dhënë specifikimet përkatëse.

Por, ashtu siç ka ndodhur edhe me tenderët e policëve, akuza ka pasur edhe në këto procedura, disa të zhvilluara nga Drejtoria e Përgjithshme e Burgjeve./ Vox News

The post Tjetër skandal me tenderat/ 2.400 euro për të veshur 1 polic dhe 3.900 euro për 1 gardian? appeared first on Albeu.com.

Këngëtarja 36-vjeçare ka dy djem, RZA-n dy-vjeçar dhe Riot-in 14-muajsh, me ASAP Rocky, dhe ajo pranon se ka hequr dorë nga veshjet më magjepsëse për veshje komode.

Ajo tha për revistën People në ‘Savage X Fenty Lavish Lace Collection Preview’ në Nordstrom në Los Angeles: “Unë vesh çdo gjë që është komode, çdo gjë që është elastike, çdo gjë që është e lehtë për t’u përkulur dhe për të marrë fëmijët e mi. Këto janë gjërat që unë kërkoj, shkruan DailyMail.

Në këtë event, themeluesja e ‘Fenty Beauty’ tregoi gjithashtu rregullat e saj për veshjen e të brendshmeve si veshje të sipërme.

Ajo tha: “Të brendshmet për mua duhet të vishen në çdo mënyrë dhe kudo që dëshironi”.

“Pavarësisht nëse dëshironi që ajo të shfaqet jashtë bluzave, brenda një xhakete që ju bie, ose thjesht për të qenë komod ose thjesht për të pasur pak mbështetje.”

Ajo shtoi: “Janë gjërat e vogla. Heqja e makiazhit tim natën. Këto janë vetëm gjëra të vogla që do të thotë shumë. Ndihet si kujdes për veten dhe ndihet mirë.

ASAP Rocky së fundmi foli për dy fëmijët e çiftit, duke zbuluar se RZA ka trashëguar ballin e Rihannës.

Ai i tha revistës W: “Mendoj se RZA do ta mbajë veten. Ai është një introvert”.

“Riot është një ekstrovert – ai është njësoj si nëna e tij”.

The post Rihanna tregon se si ka ndryshuar stili i saj qëkur është bërë nënë appeared first on Albeu.com.

Ajo është tepër aktive dhe i pëlqen që të postoj sa më shumë foto të saja.

Megi Pojani nis sezonin e ri të “Përputhen”, duke zgjedhur për debutimin fustanin e kuq me lule 3D.

Fusani është i firmës Giuseppe di Morabito dhe kushton 1650 euro, ndërsa takat e firmës Alexandre Vauthier kushtonin 990 euro.

The post FOTO/ Shifra marramendëse, sa kushtoi veshja e Megi Pojanit? appeared first on Albeu.com.

Në daljet e saj publike e kemi parë gjithnjë klasike, ku stili prej princeshe e karakterizonte.

Por në të përditshmen e saj, Elia zgjedh gjithnjë komoditetin para klasikes. Tashmë, që e ka humbur edhe titullin princeshë, ajo është rikthyer te stili sportiv që e karakterizon.

Paparaci i “Panorama.com” e ka fotografuar ditët e fundit në zonën e Bllokut, ku për shumë mund edhe të ishte e vështirë të njihej.

E veshur me xhinse të gjera dhe një bluzë sportive, ajo kishte mbledhur flokët dhe kishte vendosur edhe një palë syze dielli, si për t’iu fshehur syve të kureshtarëve.

Duhet thënë se kjo është ndër shkrepjet e para që vijnë nga Elia që pas divorcit të saj me Lekën. Dhe pamja tashmë duket tërësisht e transformuar, duke nxjerrë në pah anën sportive të sajën.

The post FOTO/ Pas divorcit, Elia Zaharia befason me pamjen, ja si u shfaq ajo nëpër Tiranë appeared first on Albeu.com.

Përveçse deklaratave të bëra në intervistë vëmendje mori dhe paraqitja e Françeskës në emision, ashtu sikurse është mbajtur mend dhe në çdo “Prime”, një look elegant, i kuruar dhe me shifra marramendëse.

Me një look plot 17,480€ është paraqitur Françeska në emisionin djeshem.

Fustani të cilin e planifikoi të vishte në finale, i firmës Chanel kushtoi plot 11,620€, varësja Chanel 1.750€, vathët Chanel 1.100€, rripi i mesit 1,150€ dhe këpucët përsëri Chanel 1,860€.

@what.they.wearin

TOTAL: 17,480€! Franceska Murati wearin Chanel Dress (11,620€), Chanel Necklace (1,750€), Chanel Earrings (1,100€), Chanel Belt (1,150€) and Chanel Shoes (1,860€) #franceskamurati #chanel #bigbrothervipalbania #bbvipal

♬ original sound – MELINDA

The post Shifër e çmendur! Françeska veshi mbrëmë fustanin që planifikoi për finale appeared first on Albeu.com.

Sakaq mbrëmjen e sotme banorja është shfaqur me një look të zi, dhe në total shkon plot 3.630€.

Fustani i markës “Zimmermann” 1250€, këpucët “Rene Caovilla” 1430€ dhe vathët e markës “Chanel” 950€.

The post E kuruar në çdo detaj, ja sa kushtoi këtë herë veshja e Françeskës appeared first on Albeu.com.