Me fjalë të tjera, nuk ofendojnë atë që duan, por atë që munden. Në inteligjencën e veshëve tanë qëndron çelësi që e shtyn dikë të manipulojë realitetin tonë ose të humbasë në insinuata që nuk bëjnë gjë tjetër veçse i prishin imazhin.

Thuhet se “ajo që thotë Filani për Fistekun, zbulon më shumë për Filanin sesa për Fistekun”. Para se t’u japim rëndësi atyre “këshillave”, atyre “opinioneve” apo “kritikave” që nuk na sjellin gjë të mirë, dobi apo të vërtetën, duhet të ndalemi në qëllimet e personit me të cilin përballemi.

Veshë të zgjuar ndaj njerëzve kritikë

Nuk ka asnjë simptomë që e tregon më shumë varfërinë emocionale, sesa kritika e vazhdueshme dhe dashakeqe. Në çdo rast, ndeshja e vazhdueshme me fjalë injorante tenton të çojë në rraskapitje emocionale.

Kështu, për të mbrojtur veten dhe për të ushqyer inteligjencën e veshëve tanë, duhet të jemi të qartë se:

Për të jetuar, nuk kemi nevojë për mendimin e askujt.

Emocionet dhe ndjenjat kanë gjithmonë vlerë dhe nuk duhet të kemi turp për këtë.

Ne duhet të largojmë frikën e të ndjerit dhe të menduarit për veten tonë.

Të shmangim vlerësimin e fjalive që duken si absolute (kurrë dhe gjithmonë, për shembull).

Dëgjimi i vazhdueshëm i kritikave dhe thashethemeve mund të na ngopë dhe të na bëjë të ndihemi shumë keq.

Nuk mund të harrojmë se të gjithë duhet të respektohen, edhe ata që nuk kanë respekt për të tjerët. Predikimi me shembuj na ndihmon të sigurojmë mirëqenien tonë emocionale.

Duhet mbajtur mend se kritikat e pabaza vijnë nga njerëz që vuajnë nga një varfëri e madhe emocionesh, e jetës. Nëse një person i tillë jeton i izoluar në pakënaqësinë e tij dhe nuk e lejon veten të ndihmohet, na duhet të jemi emocionalisht egoistë dhe të distancohemi.

Kush është në paqe me veten, nuk flet keq për të tjerët

Një hap tjetër për të krijuar një mburojë dhe për t’i bërë veshët tanë inteligjentë është të mësojmë të identifikojmë ato fjali që, në dukje të pafajshme, kanë pas tyre qëllime dashakeqe.

Këto fjali janë dukshëm toksike në kontekste të caktuara:

Kur flasim për një dashuri apo aftësi, klasikja “Do të doja të kisha kohë për këtë” duket njësoj si “ti nuk punon aq shumë sa unë” ose “koha e lirë është një temë e pamundur për mua, mos rri kot”.

“Natyrisht”, “Siç e dinë të gjithë”. Jo, jo dhe jo. Jo të gjithë e dinë dhe nuk është e qartë. Përdorimi i këtyre shprehjeve është një përpjekje për ta bërë personin tjetër të ndihet injorant ti të ndihesh superior ndaj folësit.

“Ju nuk keni fjalë sepse nuk i dini këto çështje si unë.” Ata nuk mund të na heqin të drejtën për të shprehur mendimin tonë apo edhe për të na denigruar, duke na zhvleftësuar arsyetimin me fraza të tipit “argumentet tuaja janë të trashë dhe pa bazë”.

“Nëse profesori im thotë kështu, atëherë është e vërtetë.” Këto forma të gënjeshtrës përfitojnë nga respekti i një eksperti për t’i dhënë peshë disa tezave.

“Ti më bën të ndihem shumë keq”. Thirrja ndaj ndjenjave dhe mbajtja e të tjerëve përgjegjës për to, është një formë tjetër manipulimi.

Ka edhe shprehje që, në vend që të propozojnë argumente të vlefshme, përpiqen të emocionojnë njerëzit.

“Shkoni ku të doni, unë nuk po vij”. Për të përfunduar këtë fjali do të ishte me vend të shtohej”Dhe do të jeni përgjegjës për këtë, pasi jeni egoistë që mendoni vetëm për veten tuaj”. E kuptove mesazhin, apo jo?

Ne duhet të gjejmë kohë për të përmirësuar veten dhe për të ndërtuar veshë inteligjentë, pasi kjo do të na ndihmojë të mbajmë një qëndrim të shëndetshëm ndaj jetës dhe të bazojmë marrëdhëniet tona në komunikim të mirë dhe mirëkuptim më të mirë.

The post Përgjigja për fjalët injorante? Veshë inteligjentë! appeared first on Albeu.com.

Dylli përbëhet nga yndyra dhe qeliza të vdekura të cilat së bashku mbrojnë veshët nga infeksionet.
Megjithatë, ekspertët rekomandojnë pastrimin e rregullt të veshëve sepse akumulimi i tepërt i dyllit mund të bllokojë dëgjimin.

Nga ana tjetër, ekspertët janë kategorikisht kundër përdorimit të kunjave, karficave apo sendeve të tjera të mprehta për heqjen e dyllit. Madje ata nuk rekomandojnë as kunjat me pambuk pasi mund ta shtyjnë më shumë dyllin.

Ja disa nga mënyrat si të pranoni veshët nga dylli

Uji i Oksigjenuar
Ky solucion natyral ndihmon në eliminimin e dyllit të tepërt pa rrezikuar kanalin e veshit. Ai pakëson bakteret dhe e mban veshin të pastër. Përzieni sasi të barabarta të ujit natyral dhe ujit të oksigjenuar dhe përdorni një pipëz për të hedhur në secilin vesh 2-3 pika nga ky solucion.

Glicerina
Glicerina është e shkëlqyer për të zgjidhur problemet me veshin. Ajo zbut dyllin dhe e pastron veshin. Ju mund të hidhni në secilin vesh disa pika glicerinë të lëngshme dhe ta mbani kokën mënjanë për 3 minuta. Kjo procedurë duhet bërë një herë në javë.

Uthulla e Mollës
Përveç pastrimit të veshëve nga dylli, uthulla e mollës ndihmon edhe në rregullimin e pehashit të veshit.
Pëzieni sasi të barabarta të uthullës dhe ujit të vakët dhe më pas me një pipëz hidhni disa pika në secilin vesh dhe mbajeni kokën mënjanë për 3 minuta.
Kjo kurë duhet përsëritur një herë në muaj.

The post Si të pastroni veshët nga dylli me këto hapa të thjeshtë dhe natyralë appeared first on Albeu.com.