“Me pikëllim mora lajmin për ndarjen e parakohshme nga jeta të intelektuales aktive, Vera Isaku.

Personalitet i respektuar i gazetarisë dhe publicistikës shqiptare, autore e një sërë veprash të vlerësuara, qytetare dhe familjare model, kontributi i saj për kulturën, progresin dhe emancipimin shoqëror e ka merituar nderimin dhe respektin e mbarë opinionit.

Duke ndarë dhembjen me familjen Isaku, të afërmit, kolegët dhe bashkëpunëtorët e saj, ju shpreh ngushëllimet më të ndjera.

Të prehet në paqe!”, shkruan Meta./albeu.com

The post Vdekja e Vera Isakut, Meta: Personalitet i respektuar i gazetarisë dhe publicistikës shqiptare appeared first on Albeu.com.

Vera Isaku lindi në Bilisht në mars të 1955, ku kaloi vitet e fëmijërisë dhe të rinisë së hershme. Ka qenë gazetare dhe shkrimtare e njohur si dhe ka mbajtur pozicione të rëndësishme drejtuese në institucione të ndryshme në vend.

Pasi kreu studimet universitare për letërsi në Universitetin e Tiranës, së bashku me bashkëshortin, Agim Isakun, ajo jetoi dhe punoi për një kohë të gjatë në Lezhë.

Me nisjen e proceseve demokratike, ajo iu bashkua shtypit opozitar, duke qenë gazetarja e parë femër e gazetës Rilindja Demokratike. Isaku ka qenë gjithashtu drejtuese në Radio-Televizionin Shqiptar dhe drejtore e Qendrës Ndërkombëtare të Kulturës.

Kontributet intelektuale të Vera Isakut përfshijnë një numër të madh shkrimesh publicistike në shtypin vendas dhe të huaj. Ajo është autore e një serie librash në zhanre te ndryshme si romani, tregimi, poezia dhe eseistika. Në vitet e fundit ajo iu kushtua edhe pikturës duke hapur një ekspozitë të suksesshme me 30 punime në 2015.

Librat

2000 – “Bald Fates” – “Fate Tullace”

2002 – “Fate hang in Biarritz” – “Në Biarritz rri fati”

2004 – “Qëllime të mira” – “Qëllime të mira”

2007. – Shqipëtarët nuk e njohin grinë: publicistike Tiranë: Botimet “Isaku”

2008 – “Zonjat ruse në Shqipëri” – “Ruset ne Shqipëri”

The post Ndahet nga jeta gazetarja e njohur shqiptare appeared first on Albeu.com.