Periudha më intensive ishte midis mesit të korrikut dhe mesit të gushtit, gjatë së cilës studiuesit thanë se 38,881 njerëz vdiqën në të gjithë kontinentin.

Vdekshmëria e shkaktuar nga nxehtësia ishte shumë më e lartë te të moshuarit, veçanërisht te gratë.

Numri më i lartë i vdekjeve në Evropë nga i nxehti ishte në vitin 2003, kur u regjistruan mbi 70,000 vdekje.

Autori i studimit, Joan Ballester Claramunt, tha: “Vera e vitit 2003 ishte një fenomen jashtëzakonisht i rrallë.”

“Kjo natyrë e jashtëzakonshme nxori në pah mungesën e planeve parandaluese dhe brishtësinë e sistemeve shëndetësore për të përballuar emergjencat e lidhura me klimën, diçka që u trajtua deri diku në vitet në vijim.”

“Në të kundërt, temperaturat e regjistruara në verën e vitit 2022 nuk mund të konsiderohen të jashtëzakonshme, në kuptimin që ato mund të ishin parashikuar duke ndjekur seritë e temperaturave të viteve të mëparshme dhe se ato tregojnë se ngrohja është përshpejtuar gjatë dekadës së fundit”.

Studiuesi Hicham Achebak tha: “Fakti që më shumë se 61,600 njerëz në Evropë vdiqën nga nxehtësia në verën e vitit 2022, edhe pse, ndryshe nga viti 2003, shumë vende kishin tashmë plane parandaluese aktive, sugjeron që strategjitë e përshtatjes aktualisht të disponueshme mund të ende të pamjaftueshme.”

“Përshpejtimi i ngrohjes i vërejtur gjatë 10 viteve të fundit nënvizon nevojën urgjente për të rivlerësuar dhe forcuar në mënyrë thelbësore planet parandaluese, duke i kushtuar vëmendje të veçantë dallimeve midis vendeve dhe rajoneve evropiane, si dhe hendekut të moshës dhe gjinisë, të cilat aktualisht shënojnë dallimet në cenueshmëria ndaj nxehtësisë”.

Në të gjithë Evropën, temperaturat e ftohta shkaktojnë shumë më tepër vdekje sesa nxehtësia, megjithëse dimrat gjithnjë e më të butë po kontribuojnë në uljen e asaj shkalle të vdekshmërisë.

Sidoqoftë, Zyra për Statistikat Kombëtare tha: “Globalisht, ndryshimet klimatike të shkaktuara nga njeriu përbëjnë 37% të vdekjeve të lidhura me nxehtësinë.”

“Reduktimet fillestare të vdekjeve për shkak të dimrave më të butë janë parashikuar të tejkalohen nga rritja e vdekshmërisë së lidhur me nxehtësinë.”

“Vlerësimet sugjerojnë 257% vdekje shtesë të lidhura me nxehtësinë dhe një rënie prej 2% të vdekjeve të lidhura me të ftohtin deri në vitet 2050.”

“Gjetjet tona paraprake janë të ngjashme, megjithëse kemi gjetur një rënie më të madhe të vdekshmërisë nga të ftohtit.”

“Ndikimet shëndetësore të lidhura me të ftohtin kanë rënë gjatë shekullit të kaluar.”

“Ka prova që faktorë të tjerë përveç ndryshimit të klimës mund të kenë nxitur reduktimin e vdekshmërisë nga të ftohtit.”

“Disa prova sugjerojnë se përmirësimet në rrethanat socio-ekonomike, infrastrukturën shëndetësore dhe përshtatjen e sjelljes kanë reduktuar cenueshmërinë ndaj të ftohtit.”/Albeu.com/

The post STUDIMI/ Nxehtësia ekstreme vrau më shumë se 60,000 njerëz në Evropë në vitin 2022 appeared first on Albeu.com.

Gjithsej 10.420 vdekje më shumë sesa zakonisht u regjistruan gjatë periudhës mes 1 qershorit dhe 15 shtatorit në verën e dytë më të nxehtë të shënuar në Francë që nga viti 1900, sipas të dhënave nga agjencia e shëndetit publik.

Nga këto, 2.816 vdekje u regjistruan gjatë tre periudhave kur pati nxehtësi ekstreme, nga 14 deri më 22 qershor, nga 9 deri më 27 korrik dhe nga 29 korriku deri më 14 gusht.

Të moshuarit ishin më të prekurit, pasi që personat mbi 75 vjeç përbëjnë 2.272 nga gjithsej 2.816 personat e vdekur gjatë valës së nxehtësisë.
Shumicën e këtyre vdekjeve u shënuan në katër zona të Francës – Auvergne-Rhone-Alpes, Nouvelle Acqutaine, Occitaine dhe Provence-Alpes-Côte d’Azur – gjatë valës së të nxehtit.

Pandemia COVID-19 besohet të ketë pasur rol edhe në vdekjet gjatë këtyre periudhave të të nxehtit, sipas agjencisë, pasi 894 vdekje shkaku i këtij virusi u regjistruan në spitale gjatë valëve të nxehtësisë.

“COVID-19 mund t’i ketë bërë disa njerëz edhe më të ndjeshëm ndaj nxehtësisë dhe ekspozimi ndaj temperaturave të larta mund ta ketë përkeqësuar shëndetin e disa pacientëve me COVID-19”, thanë nga agjencia e shëndetit publik në Francë./REL/

The post Vera e nxehtë në Francë mund të ketë shkaktuar mbi 2 mijë vdekje appeared first on Albeu.com.

Studimet tregojnë se vetëm një rast i djegies nga dielli me flluska si fëmijë ose adoleshent është zbuluar se dyfishon rrezikun e zhvillimit të melanomës, e cila është forma më serioze e kancerit të lëkurës, më vonë në jetë.

Kjo është arsyeja se përse kremi i diellit duhet të vendoset që në moshë të hershme.

Megjithatë duhet theksuar që kremi kundër diellit nuk duhet të përdoret kurrë për një foshnjë që është gjashtë muajsh ose më e vogël, dhe se një fëmijë deri 1 vjeç nuk duhet të ekspozohet drejtpërdrejt ndaj rrezeve UV.

Në vend të kësaj, mbrojtjet e duhura për foshnjat përfshijnë rroba të lehta, të lirshme, hije dhe një kapelë të butë që nuk do të bëhet rrezik.er

The post Djegiet e diellit, përse janë shumë të rrezikshme nëse ndodhin në fëmijëri appeared first on Albeu.com.

Shmangia e daljes gjatë orëve të nxehta, mbajtja e freskët e ambienteve si dhe konsumi i sa më shumë lëngjeve, fruta, perime dhe veshja me rroba të lehta.

Sipas MeteoAlb, vendi ynë këtë të mërkurë do të jetë nën ndikimin e masave ajrore të nxehta ku temperaturat pritet të shkojnë deri në 40°C.

Shmangni daljet nga shtëpia gjatë orëve të nxehta.

Mbani freskët ambientin e shtëpisë.

Freskoni ambientine shtëpisë me kondicioner dhe ventilator, jo më pak se 25 gradë C.

Nëse ju duhet tëkonsumoni ushqime të marra me vete, mundohuni t’i mbani në vende të freskëta.

Vishni veshje të lehta dhe të freskëta, merrni kapele, syze dielli dhe ujë me vete.

Përdorni krem mbrojtës kunër rrezeve të diellit.

Nëse jeni me mjekim konsultohuni me mjekun tuaj.

Medikamentet që përdorni vendosini në ambiente të freskëta, frigorifer.

Kujdesuni për higjenën tuaj, bënmi banjë me temperaturë jo me pak se 25 gradë C./albeu.com

The post ISHP jep këshilla si të përballojmë të nxehtin appeared first on Albeu.com.

Në ditët e nxehta të verës, të marrësh një shishe me ujë të ftohtë në makinë ndërsa nget, duket si veprimi më i natyrshëm, por zjarrfikësit thotë që kjo mund të sjellë pasoja të dëmshme.

Një njësi zjarrfikëse në Oklahoma dhe një kompani energjetike në Idaho së fundmi kanë demostruar se si një shishe ujë e mbushur pjesërisht me ujë mund të përqendrojë rrezet e diellit dhe të nisë një zjarr.

David Richardson, i Departamentit të Zjarrfikëses së Midëest në Oklahoma, ka thënë për KFOR që rrezet e diellit “përdor lëngun dhe materialin e qartë të shishes për të zhvilluar një vatër fokale dhe, të jeni të sigurt, kjo mund të shkaktojë edhe zjarr. Rrezet e diellit kalojnë përmes shishes dhe kur ajo është e mbushur me ujë vepron si një lupë zmadhuese siç ndodh me syzet optike” ka thënë Richardson.

Një provë në departament, jashtë makinës, tregon rrezet e diellit që duke kaluar përmes shishes e rrisnin temperaturën e një cope letre deri në 250 gradë, raporton KFOR.

Përfaqësues nga Idaho Poëer, gjithashtu kanë folur për këtë rrezik potencial në një postim në Fb, me një video që tregonte dritën e diellit duke kaluar përmes një shisheje uji e cila krijonte tym dhe shenjë djegieje në ndenjësen e makinës, siç e tregon tekniku Dioni Amuchastegui.

The post Pse lënia e shishes së ujit në makinë gjatë verës është e rrezikshme appeared first on Albeu.com.