Prokuroria Speciale e Republikës së Kosovës ka depozituar në Gjykatën Themelore në Prishtinë aktakuzë ndaj gjashtë të pandehurve.

B.D., A.D., L.D., G.D. dhe E.D. akuzohen për “Pjesëmarrja ose organizimi i grupit kriminal të organizuar”, në lidhje me veprat penale “Mashtrimi” dhe “Hyrja e paautorizuar në sistemet kompjuterike”.

Ndërkohë, B.C. akuzohet veçmas për veprën penale “Mashtrimi”.

Aktakuza pretendon se gjatë periudhës 2022–2024, B.D., A.D., L.D., G.D. dhe E.D. kanë qenë pjesë e një grupi të organizuar kriminal me veprimtari ndërkombëtare. Sipas Prokurorisë, veprimet kriminale janë kryer nga territori i Republikës së Kosovës ndaj shtetasve të Republikës Federale të Gjermanisë.

The post Prokuroria Speciale akuzon gjashtë persona për mashtrim dhe krime kibernetike appeared first on Albeu.com.

Prokuroria Themelore Publike në Shkup ka nisur kontrolle në 32 lokacione, përfshirë banesa, persona dhe ambiente zyrtare të Ministrisë së Punëve të Brendshme, në kuadër të hetimeve për falsifikimin e patentë-shoferëve.

Hetimet lidhen me dyshimet për kryerjen e veprës penale “Falsifikimi i dokumentit”, e parashikuar në nenin 378 të Kodit Penal. PTHP-Shkup bëri të ditur se po zhvillohen edhe veprime të tjera për mbledhjen dhe sigurimin e provave.

Edhe Ministria e Punëve të Brendshme konfirmoi më herët se ka ndërmarrë një aksion të ri për të hetuar lëshimin e paligjshëm dhe falsifikimin e patentë-shoferëve. Sipas MPB-së, operacioni vijon me synimin për të zbardhur rastet dhe për të siguruar prova materiale.

Aksioni i zhvilluar sot lidhet me hetimin e nisur muajin e kaluar nga Kontrolli i Brendshëm i MPB-së. Gjatë atij hetimi u konstatua se punonjës të shërbimeve administrative, kundrejt rreth 1.400 eurove, kishin regjistruar në mënyrë të kundërligjshme kategoritë C dhe D në patentë-shoferët e personave që nuk kishin dhënë provimet për drejtimin e kamionëve ose autobusëve.

Informacionet e deritanishme ngrenë dyshime se disa qytetarë e kanë kapërcyer të gjithë procedurën e kërkuar. Në vend që të ndiqnin orët e trajnimit dhe të zhvillonin provimet, ata dyshohet se kanë përfituar shtimin e drejtpërdrejtë të kategorisë në patentë-shofer kundrejt pagesës.

The post Hetim në 32 lokacione në Shkup për falsifikim dhe regjistrim të paligjshëm të patentë-shoferëve appeared first on Albeu.com.

Të ekstraduarit janë Besim Gashi, Alban Memetaj, Xhevahir Kuçi (Kuqi) dhe një 30-vjeçar me iniciale E. C.

Njoftimi i policisë:

Interpol Tirana

Vijon bashkëpunimi me homologët, për kapjen dhe ekstradimin e shtetasve të shpallur në kërkim për vepra të ndryshme penale.

Në Kosovë është kapur dhe ekstraduar drejt vendit tonë, një 53-vjeçar, i dënuar me 7 vjet burgim, si bashkëpunëtor në një rast trafikimi narkotikësh, në vitin 2017.

Në Gjermani, është kapur me qëllim ekstradimi një 40-vjeçar i dënuar me burgim, pasi në vitin 2017, iu gjetën në banesë 211 kg lëndë narkotike kanabis.

Në Greqi, është kapur me qëllim ekstradimi një 30-vjeçar, i akuzuar për posedim të lëndës narkotike kanabis, në banesë dhe në automjet;

Në Francë, është kapur me qëllim ekstradimi një 47-vjeçar, i dënuar me burgim, për veprën penale “Dhuna në familje”.

-Si rezultat i koordinimit të informacionit mes Interpol Tiranës dhe autoriteteve policore kosovare, është arrestuar në Kosovë dhe është ekstraduar drejt Shqipërisë, shtetasi Besim Gashi, 53 vjeç, lindur dhe banues në Kosovë, pasi

Gjykata e Rrethit Gjyqësor Lezhë e ka dënuar me 7 vjet burgim, për veprën penale “Prodhimi dhe shitja e narkotikëve”, kryer në bashkëpunim, nga të cilat i kanë mbetur për të vuajtur 4 vjet, 1 muaj e 14 ditë burgim. Ky shtetas është dënuar si bashkëpunëtor për trafikimin e një sasie lënde narkotike të kapur gjatë një operacioni policor, të zhvilluar në vitin 2017, në fshatin Rrilë, Lezhë.

Gjithashtu, si rezultat i bashkëpunimit mes Interpol Tiranës dhe homologëve europianë, u kapën dhe u arrestuan përkohësisht, si dhe vijojnë procedurat për ekstradimin drejt vendit tonë, shtetasit:

Alban Memetaj, 40 vjeç, lindur në Vlorë, i dënuar me 1 vit burgim nga Gjykata e Apelit të Vlorës, për veprën penale “Prodhimi dhe shitja e narkotikëve”, pasi në vitin 2017, në banesën e tij, në zonën e quajtur “Uji i ftohtë”, Policia gjeti dhe sekuestroi 211 kg lëndë narkotike kanabis;

E. C., 30 vjeç, lindur në Tepelenë, të cilit Gjykata e Apelit të Gjirokastrës i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”, pasi më 23 mars të vitit të shkuar, si rezultat i kontrolleve të ushtruara në banesën dhe në automjetin e këtij shtetasi, shërbimet e Policisë gjetën dhe sekuestruan një sasi lënde narkotike kanabis;

Xhevahir Kuçi (Kuqi), 47 vjeç, lindur në Pukë, i dënuar me 1 vit burgim nga Gjykata e Apelit të Shkodrës, për veprën penale “Dhuna në familje”./albeu.com

The post EMRAT/ Të dënuar me burg për vepra të ndryshme penale, ekstradohen drejt Shqipërisë 4 shtetas appeared first on Albeu.com.

Psikologu Altin Nika thotë se kjo është një risi që ruan në themel mirëqenien psikologjike të të miturit dhe shmang ripyetjen nga prokuroria apo gjykata, duke përshpejtuar kështu procedurat ligjore ndaj të miturve, krimet e të cilëve po shtohen nga viti në vit.

“Këto janë zyrat e intervistimit, me sistem audio-vidio, të marrjes në pyetje të të miturve. Janë 4 të tilla në rang kombëtar dhe është hera e parë që një zyrë e tillë funksionon, pasi është detyrim ligjor në bazë të ligjit 37 të vitit 2017 të Kodit të drejtësisë penale për të miturit. Këto ambiente janë financuar nga qeveria suedeze dhe, gjithë ekipi i oficerëve të policisë gjyqësore dhe psikologëve që punojnë në këto zyra, janë të trajnuar në sistemin e drejtësisë për të mitur”, thotë ai.

Në Shqipëri 5% e krimeve në shkallë vendi kryhen nga të miturit. Sipas të dhënave zyrtare, gjatë vitit të kaluar janë kryer nga të miturit 1470 vepra penale me pjesëmarrjen e rreth 1600 të miturve.

Sipas psikologut Nika, me përdorimin masiv të celularëve, internetit dhe rrjeteve sociale nga të miturit, po rritet me shpejtësi edhe numri i rasteve të keqpërdorimit të llogarive të të miturve në rrjetet sociale dhe kërcënimi përmes tyre.

“Shqetësues mbeten krimet që lidhen me pronën, kryesisht vjedhjet. Herën e fundit kemi patur një ndërhyrje të prokurorisë, në bashkëpunim me drejtorinë vendore të policisë së Shkodrës, për 4 të mitur që kanë kryer në qytetin e Shkodrës 53 vjedhje të dokumentuara, por, në krahun tjetër, mbetet shqetësuese edhe pjesa e të miturve nëpër shkolla, ku shpesh herë ndodhin edhe konflikte mes të miturve, qoftë fizike, qoftë edhe elementë të tjerë të bullizimit apo keqpërdorimit të rrjeteve sociale”, thotë psikologu Nika.

Krimet e kryera nga të miturit janë një alarm jo vetëm për policinë e shtetit, por edhe familjen, shkollën dhe komunitetin.

Drejtuesi i Qendrës rinore “Arka”, Marjan Lukani, thotë se, në më të shumtën e rasteve, të miturit në konflikt me ligjin vijnë nga familje me probleme social-ekonomike.

“E para, është gjendja e arsimimit të prindërve dhe, së dyti, gjendja ekonomike e familjeve shqiptare. Së treti, është koha që prindërit kanë për edukimin e fëmijëve sepse në familjet shqiptare prindërit punojnë gjithë ditën dhe nuk u mbetet kohë për edukimin e fëmijëve. Po ashtu, kemi edhe mentalitetin që baballarët nuk merren me edukimin e fëmijëve dhe se kjo është një çështje që i takon nënës”, thotë ai.

Pjesa më e madhe e të miturve që shkelin ligjin vazhdojnë shkollën, ndaj, sipas zotit Lukani, shkolla duhet të jetë një nga barrierat për të parandaluar përfshirjen e të miturve në krime.

“Mungesa e trajnimit të stafit pedagogjik, si të ballafaqohen me këto raste në mënyrë që të bëhet parandalimi, trajtimi dhe riedukimi i të miturve”, thotë ai.

Për shkak të lehtësirave që ofron kodi i drejtësisë penale për të miturit, nga rreth 1600 të mitur në konflikt me ligjin, vetëm 50 prej tyre janë arrestuar. Qindra të tjerë janë hetuar në gjendje të lirë, duke shtuar rrezikun e rikthimit në përsëritës të veprave penale si dhe objekt shfrytëzimi nga grupet kriminale.

The post Nga problemet ekonomike te rrjetet sociale, VOA: Rritet numri i të miturve që përfshihen në vepra kriminale në Shqipëri appeared first on Albeu.com.

Materialet i kaluan Prokurorisë, për veprime të mëtejshme procedurale.

Njoftimi i policisë:

Specialistët për Hetimin e Krimeve të Komisariatit të Policisë Nr. 2 ndaluan shtetasin D. Sh., 61 vjeç, banues në Tiranë, pasi i ka marrë një shumë parash një shtetasi, duke e mashtruar.

Specialistët për Hetimin e Krimeve të Komisariatit të Policisë Nr. 3 ndaluan shtetasit:

– Y. H., 45 vjeç, banues në Tiranë, pasi Gjykata e Rrethit Gjyqësor Tiranë e ka dënuar me 4 muaj burgim, për veprën penale “Dhuna në familje”;

– E. H., 35 vjeç, banues në Tiranë, pasi i ka vjedhur portofolin një shtetasi.

Specialistët e Qarkullimit Rrugor arrestuan shtetasit:

– D. K., 34 vjeç, banues në Tiranë, pasi u kap duke drejtuar automjetin, nën efektin e alkoolit;

– A. D., 23 vjeç, banues në Tiranë, pasi duke drejtuar automjetin, ka aksidentuar shtetasin H. P., 78 vjeç, i cili ndodhet jashtë rrezikut për jetën.

Materialet i kaluan Prokurorisë, për veprime të mëtejshme procedurale.

The post Nga dhuna në familje te vjedhja, 5 të arrestuar në Tiranë appeared first on Albeu.com.

“Gjithashtu, rezultoi se njëri prej shoferëve të kamionëve, nuk ishte regjistruar si i punësuar në këtë subjekt. Në vijim të veprimeve procedurale, u sekuestruan rreth 45 tonë materiale inerte dhe mjetet me të cilat ato transportoheshin.” thuhet ndër të tjera në njoftimin e policisë.

Në hetim është vënë edhe një 30 vjeçar që mbante në shtëpi të fejuarën pa dëshirën e saj

“Specialistët për Hetimin e Krimeve të Komisariatit të Policisë Mallakastër referuan materialet në Prokurori dhe nisi procedimi në gjendje të lirë për shtetasin G. B., 30 vjeç, banues në Ballsh, pasi dyshohet se ka mbajtur pa dëshirën e saj, në banesë, një shtetase (e fejuara e tij).”

Gjithashtu janë proceduar edhe dy të rinj të tjerë pasi nuk i janë bindur urdhërit të policisë për të ndaluar.

“Po nga këta specialistë u referuan materialet në Prokurori dhe nisi procedimi në gjendje të lirë për shtetasit A. L., 19 vjeç dhe E. Q., 20 vjeç, banues në Ballsh, pasi duke qarkulluar me një motomjet, nuk i janë bindur udhrit të punonjësit të Policisë, për të ndaluar.Materialet procedurale i kaluan Prokurorisë, për veprime të mëtejshme.”

The post Policia e Fierit procedon penalisht 4 persona, akuzohen për vepra të ndryshme penale appeared first on Albeu.com.

“Specialistët për Hetimin e Krimeve në Komisariatin e Policisë Korçë bënë arrestimin në flagrancë të shtetasit D. D., 33 vjeç, banues në Korçë, për veprën penale “Vjedhja”, pasi u kap nga shërbimet e Policisë duke vjedhur në lagjen nr. 9, Korçë, sende dhe materiale metalike, të cilat do t’i tregtonte për skrap.

Materialet i kaluan Prokurorive të Rretheve Gjyqësore Pogradec e Korçë, për veprime të mëtejshme”, njofton policia./albeu.com

The post Shiste hekurat për skrap, arrestohet i riu në Korçë appeared first on Albeu.com.

Pas pamjeve të bëra virale, ndaj reperit u ngrit akuza e veprës penale “Sulm”.

Së fundmi, Fero doli para Gjykatës Themelore të Gjilanit dhe u vendos që këngëtari të qëndrojë një muaj në paraburgim.

Por diçka e papritur ka ndodhur në Instagram e Feros së fundmi.

Një foto e tij është publikuar mbrëmë në Instagram, teksa reperi ndodhet në paraburgim./albeu.com

The post Fero në paraburgim, por çfarë po ndodh me Instagram-in e tij? appeared first on Albeu.com.

Njoftimi i policisë:

Morinë, Kukës

Vijon puna për lokalizimin dhe kapjen e personave të shpallur në kërkim kombëtar dhe ndërkombëtar.

Arrestohet, me qëllim ekstradimi drejt Gjermanisë, 1 person i shpallur në kërkim ndërkombëtar.

Vihet në pranga dhe person i shpallur në kërkim kombëtar.

Në hyrje të Pikës së Kalimit Kufitar Morinë, shërbimet e Policisë Kufitare, në vijim të punës për kapjen e personave të shpallur në kërkim ndërkombëtar, falë shkëmbimit të informacionit me Interpol Tirana, kanë ndaluar shtetasin e shpallur në kërkim ndërkombëtar E. C., 33 vjeç, banues në Prizren.

Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar, pasi NCB ëiesbaden, Gjermani, ka lëshuar urdhër arresti ndërkombëtar, për veprat penale “Përdorues droge”, “Mashtrim komercial” dhe “Organizatë kriminale”, parashikuar nga Kodi Penal i Gjermanisë.

Në përfundim të veprimeve hetimore, specialistët për Hetimin e Krimeve në DVP Kukës bënë arrestimin provizor të këtij shtetasi, me qëllim ekstradimin e tij drejt Gjermanisë.

Interpol Tirana, në bashkëpunim me autoritetet ligjzbatuese gjermane, vijon procedurat për ekstradimin e këtij shtetasi drejt Gjermanisë./albeu.com

The post Kërkohej nga drejtësia gjermane, arrestohet në Morinë 33-vjeçari nga Kosova appeared first on Albeu.com.

Specialistët e Seksionit për Hetimin e Pastrimit të Parave dhe Aseteve Kriminale bënë arrestimin në flagrancë të shtetasit P. T., 51 vjeç, për veprat penale “Ushtrimi i paligjshëm i veprimtarive financiare” dhe “Kundërshtimi i punonjësit të policisë së rendit publik”, pasi gjatë kontrollit fizik iu gjetën dhe sekuestruan në cilësinë e provës materiale bono privatizimi dhe një shumë parash, si dhe ka kundërshtuar punonjësit e Policisë, gjatë ushtrimit të detyrës.

Specialistët për Hetimin e Krimeve në Komisariatin e Policisë Nr. 5 bënë arrestimin në flagrancë të shtetasit B. L., 37 vjeç, pasi ka ushtruar dhunë fizike dhe psikologjike ndaj babit të tij.

Specialistët për Hetimin e Krimeve në Komisariatin e Policisë Nr. 6 bënë kapjen dhe ndalimin e shtetasit K. A., 33 vjeç, pasi ishte i shpallur në kërkim në kuadër të operacionit policor të koduar “Autostrada”, për veprën penale “Vjedhja” kryer në bashkëpunim.

Specialistët e Qarkullimit Rrugor bënë arrestimin në flagrancë të shtetasve:

– A. N., 47 vjeç, O. P., 40 vjeç, E. H., 29 vjeç, A. B., 49 vjeç, E. S., 29 vjeçe, pasi u kapën duke drejtuar mjetit përkatëse, në gjendje të dehur;

– K. Rr., 22 vjeç, pasi u kap duke drejtuar mjetin e tij, pa leje drejtimi.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

The post 10 të arrestuar në Tiranë për vepra të ndryshme penale appeared first on Albeu.com.