Drejtori i Policisë së Fierit, Lorenc Panganika tha për gazetarët se se pas një hetimi katër mujor u arrestuan Shpëtim Kalemi, 51 vjeç dhe Pandeli Petani, 57 vjeç, të cilët akuzohen se kanë trafikuar nga Greqia vepra arti, që përfshijnë piktura, ikona fetare dhe objekte arkeologjike që dyshohet se i përkasin periudhës së antikitetit,

Policia tha se sekuestroi një automjet me të cilin autorët transportonin veprat nga Greqia në Shqipëri, municion luftarak, një sasi lënde narkotike kanabisi dhe një peshore elektronike.

Pritet një vlerësim nga ekspertët e trashëgimisë kulturore për rëndësinë e këtyre veprave të artit dhe periudhave historike, të cilave u përkasin. Pak ditë më parë Shqipëria i ktheu Maqedonisë së Veriut 20 ikona që u përkisnin kishave dhe manastireve, të cilat ishin sekuestruar disa vite më parë.

Ikonat u sekuestruan gjatë një operacioni të policisë shqiptare në vitin 2013 dhe rezultuan si pasuri e shtetit fqinj.

The post Policia shqiptare bllokon 107 vepra arti të trafikuara nga Greqia appeared first on Albeu.com.