Hernan Gil, u shpëtua pas një operacioni të gjatë dhe tepër të ndërlikuar, pasi ekipet e emergjencës kishin arritur ta lokalizonin nën rreth 140 tonë rrënoja.

Presidentja në detyrë e Venezuelës, Delcy Rodríguez, e vizitoi Gil në spital dhe e cilësoi atë si një “mrekulli të gjallë”, ndërsa publikoi edhe një video nga takimi në rrjetet sociale.

Sipas bilancit të fundit, të paktën 2.595 persona kanë humbur jetën nga tërmetet, ndërsa dhjetëra mijëra të tjerë rezultojnë ende të zhdukur.

Operacioni për nxjerrjen e Gil u përshkrua nga një zjarrfikës kilian si “ndër më kompleksët dhe teknikisht më të vështirët” me të cilët është përballur ndonjëherë.

Gjatë ditëve që qëndroi i bllokuar, ekipet e shpëtimit i siguruan ujë, i vendosën serum intravenoz dhe i dërguan maskë mbrojtëse e syze për ta mbrojtur nga pluhuri, ndërsa punonin për ta nxjerrë.

Operacioni u vështirësua edhe më shumë, pasi disa nga tunelet e krijuara për të arritur te Gil u shembën disa herë, duke rrezikuar si jetën e tij, ashtu edhe të shpëtimtarëve.

Një anëtar i Kryqit të Kuq të Meksikës, Marco Antonio Franco, e përshkroi Gil si një njeri me humor të mirë, duke treguar se ai bisedonte vazhdimisht me ekipet e shpëtimit, pyeste për familjen dhe madje kërkonte pije hidratuese me shijet e tij të preferuara.

The post Mrekulli në Venezuelë, burri nxirret i gjallë nga rrënojat 8 ditë pas tërmetit appeared first on Albeu.com.

NASA vlerëson se afërsisht 58,870 ndërtesa u dëmtuan ose u shkatërruan, duke shkaktuar probleme serioze për strehimin dhe infrastrukturën.

Organizata Botërore e Shëndetësisë, ka shprehur gjithashtu shqetësim për rrezikun e përhapjes së epidemive, pasi sistemet për regjistrimin e personave të zhdukur dhe viktimave janë të pamjaftueshme.

🇻🇪 Thousands feared dead after devastating Venezuela earthquakes…

The death toll has climbed to 1,943 and is still rising:

Over 10,500 injured

40,000-50,000 missing

Nearly 59,000 buildings damaged or destroyed

A full-scale humanitarian nightmare is unfolding as rescuers…

— Mario Nawfal (@MarioNawfal) July 1, 2026

Problemet e shumta në sistemin shëndetësor, rrjetet e ujit dhe kanalizimeve, të kombinuara me zhvendosjen e detyruar të popullatave, mund të favorizojnë shpërthimin e sëmundjeve të parandalueshme nga vaksina, të tilla si fruthi, difteria dhe kolla e mirë.

Mediat shkruajnë se Programi Botëror i Ushqimit po kërkon 50 milionë dollarë ndihmë, ndërsa komuniteti ndërkombëtar është mobilizuar duke dërguar 40 ekipe shpëtimi, ndërsa SHBA-të njoftuan ndihmë financiare prej 300 milionë dollarësh.

A three-year-old boy was rescued alive early Tuesday morning after remaining trapped under the rubble for nearly six days in Venezuela, where search operations are ongoing following the 7.2 and 7.5 magnitude earthquakes that struck last Wednesday. pic.twitter.com/Yh3R4SqbHD

— Massimo (@Rainmaker1973) June 30, 2026

The post Tërmeti i fortë në Venezuelë! Shënohen 2 mijë viktima ndërsa shtohet rreziku i përhapjes së epidemive (VIDEO) appeared first on Albeu.com.

Operacioni i shpëtimit u zhvillua në shtetin bregdetar La Guaira dhe u konsiderua si një moment shprese për ekipet ndërkombëtare që vazhdojnë kërkimet për të mbijetuar të tjerë.

Dy të mbijetuarit u transportuan me barela të improvizuara drejt një ambulance. Të dy ishin ishin në gjendje të vështirë shëndetësore, por arritën të mbijetonin.

Sipas autoriteteve, shpëtimi u bë i mundur pas dymbëdhjetë orësh pune intensive. Ekipet përdorën kamera të posaçme për kërkim, pajisje teknologjike dhe mjete të specializuara për të depërtuar në strukturat e paqëndrueshme pa rrezikuar jetën e personave të bllokuar.

Tërmetet që goditën Venezuelën të mërkurën e kaluar kanë shkaktuar të paktën 1450 viktima, ndërsa mijëra persona rezultojnë ende të zhdukur.

Vetëm gjatë fundjavës u shpëtuan të paktën 33 persona, por autoritetet paralajmërojnë se shpresat për të gjetur të mbijetuar zvogëlohen ndjeshëm pas 72 orëve nga një tërmet.

Megjithatë, shpëtimi i babait dhe djalit katër ditë pas katastrofës ka rikthyer optimizmin te ekipet e kërkim-shpëtimit dhe familjet që ende presin lajme për të afërmit e tyre.

The post Tërmeti i fortë në Venezuelë/ Babë e bir mbijetojnë nën rrënoja, shpëtohen pas katër ditësh kërkime! appeared first on Albeu.com.

“Era është një shenjë se ka ende trupa nën rrënoja”, shkroi organizata e të drejtave të njeriut Provea në platformën X gjatë fundjavës. Numri zyrtar i të vdekurve deri më tani është 1,450, sipas Presidentit të Asamblesë Kombëtare, Jorge Rodríguez. Rreth 3,200 persona janë plagosur.

Dhjetëra mijëra njerëz ende rezultojnë të zhdukur. Rreth 30,000 punonjës të emergjencës venezueliane dhe 2,700 ekspertë shpëtimi nga 24 vende janë të vendosur.

“Sot shpëtuam të mbijetuar, prandaj operacionet e shpëtimit nuk do të anulohen”, tha presidentja në detyrë Delcy Rodríguez të dielën. Sipas ekspertëve, shanset e mbijetesës për ata që janë varrosur nën rrënoja bien ndjeshëm pas 72 orësh – domethënë, tre ditësh.

Megjithatë, pas 86 orësh, ekipet ndërkombëtare shpëtuan një grua 60-vjeçare në Caraballeda, La Guaira, siç raportoi presidenti i El Salvadorit, Nayib Bukele, në X.

Qeveria po kontrollon nëse ndërtesat janë të banueshme

Sipas vlerësimit të fundit të dëmeve, afërsisht 780 ndërtesa banimi dhe 38 spitale u shkatërruan ose u dëmtuan rëndë. Qendrat tregtare dhe ndërtesa të tjera publike u shembën gjithashtu – një total prej rreth 2,500 ndërtesash banimi dhe objektesh të tjera. Të paktën 430 lëkundje pasuese u regjistruan pas tërmeteve me magnitudë 7.2 dhe 7.5 të shkallës Rihter të mërkurën në mbrëmje herët (ora lokale).

Më shumë se 70,000 familje kanë nevojë për ndihmë humanitare pas katastrofës. Shumë njerëz po flenë jashtë ose në strehimore emergjente. Presidenca ka ngritur një komision të posaçëm për të vlerësuar shkallën e dëmit dhe banueshmërinë e ndërtesave, siç njoftoi Presidenti Rodríguez.

Kërkim i dëshpëruar nga të afërmit

Sipas një platforme jozyrtare për kërkimin e personave të zhdukur, më shumë se 47,000 persona konsiderohen aktualisht të zhdukur – pasi u paraqitën pothuajse 79,000 raportime për persona të zhdukur. Megjithatë, këto shifra nuk mund të verifikohen në mënyrë të pavarur. Njerëzit po kërkojnë gjithashtu emrat e të afërmve të tyre në listat e të mbijetuarve, si ata në strehimore emergjente.

Venezuela ishte tashmë në një situatë të vështirë para tërmeteve. Për vite me radhë, vendi ka vuajtur nga tensione politike, probleme ekonomike dhe një nga krizat më të mëdha të migracionit në botë. Në janar, Uashingtoni kreu një operacion ushtarak në vend, duke kapur udhëheqësin autoritar Nicolás Maduro. Presidenti aktual ishte nënkryetar në qeverinë e Maduros.

Ditët e fundit, presidentja në detyrë është përballur me kritika në rritje. Pasi u fishkëllye gjatë një turneu në kryeqytetin, Karakas, të premten, ajo u kritikua në mediat sociale të dielën për një takim protokollar me ekipet ndërkombëtare të shpëtimit. “Çdo sekondë ka rëndësi. Çdo sekondë. Megjithatë, qeveria e Delcy Rodríguez po i pengon punëtorët e shpëtimit të punojnë për një marifet politik”, shkroi gazetari kritik ndaj qeverisë Orlando Avendaño në X.

Fituesja e Çmimit Nobel për Paqen dëshiron të kthehet në atdheun e saj

Ndërkohë, politikania e opozitës, María Corina Machado, njoftoi se ka ndërmend të kthehet në atdheun e saj për shkak të tërmeteve. “Absolutisht, ka ardhur koha”, tha ajo për Fox News. Megjithatë, sipas një raporti në New York Times, qeveria amerikane e konsideron një kthim kaq të shpejtë, të papërshtatshëm.

Dhjetorin e kaluar, politikania, e cila kishte jetuar e fshehur, u largua fshehurazi nga Venezuela për të pranuar personalisht Çmimin Nobel për Paqen në Oslo. Pak më vonë, ndërsa ajo ndodhej jashtë vendit, Presidenti Maduro u kap. Uashingtoni tani po punon ngushtë me Presidenten në detyrë Delcy Rodríguez. / Der Standard.

The post Shpresat për të mbijetuarit pas tërmetit në Venezuelë po veniten, rritet numri i viktimave appeared first on Albeu.com.

Fëmija, i quajtur Moises, u gjet i bllokuar nën rrënoja dhe u shpëtua pas një operacioni të gjatë të ekipeve të kërkim-shpëtimit.

Në videon e publikuar nga presidentja e përkohshme e Venezuelës, Delsy Rodríguez, shihen shpëtimtarët duke transportuar 11-vjeçarin me barelë, pasi ai kishte kaluar më shumë se 70 orë nën rrënoja.

“Pak minuta më parë, një djalë 11-vjeçar u shpëtua në Karabageda. Në këto momente, çdo jetë e shpëtuar është një burim shprese për Venezuelën”, shkroi Rodríguez në një postim në platformën X, duke e shoqëruar mesazhin me pamjet e operacionit të shpëtimit.

Në operacion morën pjesë, ndër të tjerë, anëtarë të ekipit të specializuar USAR Colombia 1, si edhe zjarrfikës nga Bogota, të cilët ndodhen në Venezuelë për të ndihmuar në operacionet e kërkimit dhe shpëtimit.

Ndërkohë, operacionet e kërkimit dhe shpëtimit vijojnë pa ndërprerje në zonat e prekura nga tërmetet, ndërsa autoritetet shpresojnë se, pavarësisht kalimit të ditëve, ende mund të gjenden të mbijetuar nën rrënoja.

Buenas noticias en medio de esta tragedia.

Varios uniformados de @BomberosBogota participaron, junto al resto del equipo USAR Colombia 1, en el rescate de Moisés, un niño de 11 años que estaba atrapado entre los escombros y fue encontrado con vida.

Tengo fe en que el equipo… pic.twitter.com/kBTBp7nlov

— Carlos F. Galán (@CarlosFGalan) June 27, 2026

Sipas bilancit më të fundit zyrtar, të paktën 1.430 persona kanë humbur jetën, ndërsa 3.238 të tjerë janë plagosur nga dy tërmetet e fuqishme me magnitudë 7.2 dhe 7.5, që goditën Venezuelën me vetëm pak sekonda diferencë të mërkurën.

Autoritetet druhen se numri i viktimave do të rritet ndjeshëm, pasi më shumë se 50 mijë persona rezultojnë ende të zhdukur.

Dëmet e shkaktuara nga dy tërmetet vlerësohen në rreth 7 miliardë dollarë, një shumë që përfaqëson afërsisht 6% të Prodhimit të Brendshëm Bruto (PBB) të Venezuelës, sipas vlerësimit të publikuar nga Programi i Kombeve të Bashkuara për Zhvillim (UNDP).

Vlerësimi paraprak i UNDP-së, i kryer në orët e para pas katastrofës, bazohet kryesisht në imazhe satelitore dhe të dhëna demografike.

Megjithatë, organizata sqaron se kjo përllogaritje nuk përfshin dëmet në infrastrukturë, pasojat e plota ekonomike apo koston afatgjatë të rindërtimit, duke theksuar se ndikimi real i katastrofës mund të jetë deri në tre herë më i madh.

The post Mrekulli pas tërmetit në Venezuelë,11-vjeçari nxirret i gjallë nga rrënojat pas 3 ditësh appeared first on Albeu.com.

Alfredo Romero, drejtori i grupit venezuelian të të drejtave të njeriut “Foro Penal” tha se ata u liruan nga burgjet në të gjithë vendin dhe ka të ngjarë të ketë lirime të tjera. Ndërkohë presidentja e përkohshme e Vnezuelës, Delcy Rodriguez, tha të premten se 626 persona janë liruar nga burgu, por ajo nuk specifikoi afatin kohor të lirimeve të raportuara. Megjithatë, Foro Penal, para të dielës, kishte konfirmuar lirimin e vetëm 156 të burgosurve politikë në Venezuelë që nga 8 janari.

Rodriguez shtpi se do të ketë një telefonatë me Komisionerin e Lartë të Kombeve të Bashkuara për të Drejtat e Njeriut Volker Turk, për t’i kërkuar OKB-së të verifikojë listat e personave të liruar deri më tani.

The post Ditë të mira për Venezuelën, lirohen 80 të bugosur politikë gjatë ditës së sotme appeared first on Albeu.com.

“Kërkoj nga populli i Venezuelës të kthehet gradualisht në aktivitetet ekonomike, profesionale, arsimore dhe çdo lloj aktiviteti tjetër, dhe që vendi të rikthehet në rrugën e tij kushtetuese”, deklaroi Padrino López.

Ai u bëri thirrje qytetarëve për paqe dhe rregull, duke shtuar: “Mos lejoni që të ndikoheni nga presioni i luftës psikologjike, kërcënimeve dhe frikës që duan t’i imponojnë popullit tonë”.

Deklarata e tij vjen në një moment të tensionuar pas operacionit amerikan që çoi në arrestimin e liderit venezuelian, ndërsa ushtria dhe institucionet vendase përpiqen të ruajnë stabilitetin dhe rendin publik.

The post Ministri i Mbrojtjes i Venezuelës apel qytetarëve: Rikthehuni qetësisht në aktivitetet tuaja! Mos u ndikoni nga presionet dhe kërcënimet appeared first on Albeu.com.

Maduro pritet të dalë javën e ardhshme para gjykatës federale në Manhattan, ku do të përballet me akuza për trafik droge dhe armësh.
Presidenti amerikan Donald Trump deklaroi se pas rrëzimit të Maduros, Shtetet e Bashkuara do të “drejtojnë për një kohë të pacaktuar Venezuelën” dhe do të marrin nën administrim rezervat e mëdha të naftës të vendit.

Ai tha se kompanitë amerikane do të ftohen të investojnë miliarda dollarë në industrinë venezueliane të naftës, ndërsa konfirmoi se trupa amerikane do të kenë prani në territorin venezuelian “sa i përket çështjeve të naftës”.
Liderja e opozitës, María Corina Machado, ka bërë thirrje që vendin ta drejtojë një figurë opozitare, duke e konsideruar rrëzimin e Maduros si një moment kritik për tranzicionin politik.
Nga ana tjetër, ministri i Jashtëm i Venezuelës këmbëngul se Maduro vazhdon të jetë presidenti legjitim i vendit, duke e quajtur ndërhyrjen amerikane shkelje të sovranitetit të Venezuelës.
Në Karakas, shumë venezuelianë kanë shprehur reagime të përziera: një pjesë shpresojnë në fundin e krizës politike dhe ekonomike, ndërsa të tjerë kanë frikë nga përshkallëzimi i tensioneve dhe paqëndrueshmërisë.
Venezuela prej vitesh ndodhet në krizë të thellë ekonomike, me inflacion rekord dhe largim masiv të qytetarëve drejt vendeve të tjera. Me nisjen e procesit gjyqësor ndaj Maduros në SHBA, vëmendja ndërkombëtare mbetet tek fati politik dhe ekonomik i vendit.

The post U arrestuan nga forcat amerikane, Nicolas Maduro dhe bashkëshortja e tij mbërrijnë në bazën ushtarake të Nju Jorkut appeared first on Albeu.com.

Njësia e njohur Delta Force, ishte gjithashtu përgjegjëse për misionin e vitit 2019 që çoi në vdekjen e ish-udhëheqësit të Shtetit Islamik, Abu Bakr al-Baghdadi, shkruan CBS News.

Ministri venezuelan i Mbrojtjes, Vladimir Padrino López, njoftoi në një video të publikuar në rrjetet sociale mobilizimin e forcave ushtarake në të gjithë vendin, pas sulmeve të ushtrisë amerikane.

Ministri i mbrojtjes bëri thirrje për një front të bashkuar rezistence përballë “agresionit më të keq” kundër Venezuelës.

Ai deklaroi se të gjitha forcat e armatosura do të vendoseshin në terren sipas “urdhrave të Maduros”, por nuk përmendi kapjen e supozuar të presidentit.

Na kanë sulmuar, por nuk do të na mundin”, tha ai, duke bërë thirrje për qetësi dhe unitet, dhe paralajmëroi kundër anarshisë dhe çrregullsisë, duke shtuar: “të mos biem pre e panikut që armiku kërkon të instaloje”.

Shtetet e Bashkuara nisën një sulm ndaj disa vendeve në Venezuelë, duke përfshirë bazat ushtarake në vend. Shpërthime të fuqishme u dëgjuan në orën 2 të mëngjesit sipas orës lokale në kryeqytetin e Venezuelës, Karakas, dhe vende të tjera në shtetet Miranda, Aragua dhe La Guaira.

Aksioni ushtarak u urdhërua nga Presidenti i SHBA-së, Donald Trump, i cili në javët e fundit kishte ngritur mundësinë e sulmeve tokësore kundër Venezuelës dhe kishte deklaruar se ditët e Presidentit të Venezuelës, Nicolás Maduro, ishin “të numëruara”, pasi vendosi një flotë anijesh luftarake në Karaibe.

Përmes një reagimi Trump tha se Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, presidentit Nicolás Maduro, i cili, së bashku me bashkëshorten e tij, është kapur dhe është nxjerrë jashtë vendit.

The post Sulmi i SHBA në Venezuelë/ CBS: Presidenti Maduro u arrestua nga njësia speciale elitare amerikane ‘Delta Force’ appeared first on Albeu.com.

Sipas CNN, Leavitt deklaroi se skafi transportonte drogë dhe për këtë arsye përbënte kërcënim për SHBA-në. Por kur u pyet se çfarë rreziku paraqisnin të mbijetuarit pas sulmit të parë dhe pse duhej goditja e përsëritur, ajo nuk dha sqarime të mëtejshme.

“Admirali Bradley veproi brenda kompetencave dhe ligjit, duke urdhëruar goditjen për të siguruar shkatërrimin e plotë të mjetit lundrues dhe eliminimin e kërcënimit që përbënin trafikantët e drogës për Shtetet e Bashkuara,” tha Leavitt, duke iu referuar admiralit Frank M. ‘Mitch’ Bradley.

Ajo shtoi se çdo pyetje shtesë mbi arsyetimin e këtij vendimi duhet t’i drejtohet Departamentit të Mbrojtjes, pasi “nuk ka qenë e pranishme në sallën e vendimmarrjes”.

Lidhur me një rast tjetër në tetor, kur dy të mbijetuar u shpëtuan dhe u riatdhesuan, Leavitt tha se nuk ka dijeni për ndonjë ndryshim të politikës amerikane: “Jo, nga sa di unë.”

Ministri i Mbrojtjes informon Kongresin pas shqetësimeve për ligjshmërinë e sulmit

Shtëpia e Bardhë konfirmoi gjithashtu se ministri i Mbrojtjes, Pete Hegseth, ka zhvilluar biseda me ligjvënës që shprehën shqetësim për sulmin e përsëritur më 2 shtator, i cili dyshohet se vrau çdo të mbijetuar të skafit të dyshuar për trafik droge në Karaibe.

“Sulmi u krye në ujëra ndërkombëtare dhe në përputhje me ligjin e konflikteve të armatosura,” tha zëdhënësja Leavitt.

Ajo nuk specifikoi se me cilët anëtarë të Kongresit është konsultuar ministri.

Ligjvënës nga të dyja partitë kanë ngritur pikëpyetje mbi ligjshmërinë e urdhrit për goditjen e dytë, ndërsa kërkojnë transparencë mbi procedurat dhe justifikimet ligjore.

Sipas Shtëpisë së Bardhë, deri tani janë zhvilluar 13 informime të mbyllura për Kongresin mbi operacionet në Venezuelë, si dhe disa seanca të posaçme për shqyrtimin e dokumenteve të klasifikuara, përfshirë opinionin ligjor të Departamentit të Drejtësisë.

The post Sulmi i dytë ndaj skafit me drogë pranë Venezuelës shkakton debat në Kongres, Shtëpia e Bardhë: U eleminua kërcënimi i radhës i trafikantëve appeared first on Albeu.com.