Znj. Rodriguez, deri vonë nënkryetare e Nicolas Maduros, mori pushtetin në fillim të shkurtit dhe që atëherë ka tentuar një afrim spektakolar me Shtetet e Bashkuara, pas ndërprerjes së marrëdhënieve diplomatike në vitin 2019.

Në këtë kontekst, ajo priti kreun e misionit diplomatik amerikan në Venezuelë, drejtorin e CIA-s, kreun e Shtabit të Përbashkët të SHBA-së për Amerikën Latine dhe Sekretarin e Energjisë të SHBA-së.

“Le të marrin fund bllokada dhe sanksionet kundër Venezuelës”, tha ajo në një fjalim të transmetuar drejtpërdrejt në televizionin publik.

SHBA-të kishin vendosur një embargo ndaj naftës venezueliane në vitin 2019. Megjithatë, në javët e fundit, Departamenti i Thesarit i SHBA-së ka dhënë licenca që u lejojnë disa kompanive shumëkombëshe të operojnë në vendin me rezervat më të mëdha të naftës në botë, në kushte të caktuara.

Që nga rrëzimi i Nicolas Maduros, Uashingtoni e ka bërë të qartë se synon të luajë një rol vendimtar në vendimet e Venezuelës.

Gjatë fjalimit të tij “Gjendja e Kombit” të martën, Donald Trump vlerësoi marrëdhënien me presidentin në detyrë, duke vënë në dukje se SHBA-të kishin marrë më shumë se 80 milionë fuçi naftë nga Venezuela, të cilën ai e përshkroi si “mikun dhe partnerin tonë të ri”.

“President Trump, si miq, si partnerë, ne po përurojmë një program të ri bashkëpunimi me Shtetet e Bashkuara”, theksoi znj. Rodriguez.

Nën presionin e SHBA-së, qeveria e re ka shtyrë përpara reformat në sektorin e naftës, duke e hapur atë për sektorin privat, dhe një ligj amnistie që synon lirimin e të burgosurve që opozita dhe organizatat joqeveritare i përshkruajnë si politikë.

Megjithatë, opozita, organizatat e të drejtave të njeriut dhe të afërmit e të burgosurve ankohen se lirimi po ndodh me një ritëm shumë të ngadaltë.

Sipas organizatës Foro Penal, më shumë se 560 të burgosur politikë janë ende në burg.

The post Rodriguez i bën thirrje Trumpit të heqë bllokadën dhe sanksionet ndaj Venezuelës appeared first on Albeu.com.

Sipas një zyrtari të administratës amerikane, të ardhurat nga këto shitje fillestare po mbahen në llogari bankare të kontrolluara nga qeveria e SHBA-së, në përputhje me një urdhër të lëshuar të premten.

Një burim i njohur me planin bëri të ditur se llogaria kryesore është hapur në Katar, i cili është zgjedhur si një vendndodhje neutrale. Kjo lejon që fondet të zhvendosen me miratimin e SHBA-së, pa rrezikun e sekuestrimit apo arrestimit.

The post SHBA-ja dhe Venezuela finalizojnë fazën e parë të marrëveshjes, shitet nafta me vlerë 500 milionë dollarë appeared first on Albeu.com.

Këto grupe janë identifikuar nga organizata ndërkombëtare, si EUROPOL dhe INTERPOL, si ndër aktorët kryesorë në trafikimin e kokainës nga shtetet e Amerikës Latine drejt Evropës.

Venezuela ka ardhur në qendër të vëmendjes ndërkombëtare, si një shtet transit për trafikimin e kokainës pas arrestimit të udhëheqësit të rrëzuar, Nicolas Maduro, nga forcat e Shteteve të Bashkuara në fillim të janarit.

Maduro do të përballet me gjykim në SHBA në bazë të një aktakuze që e ngarkon me mbikëqyrje të një rrjeti të tregtisë me kokainë, që ka bashkëpunuar me grupe të dhunshme, përfshirë kartelet meksikane Sinaloa dhe Zetas, rebelët majtistë kolumbianë të FARC‑ut dhe bandën venezuelase Tren de Aragua.

Maduro në seancën e parë dëgjimore të mbajtur në një gjykatë në Nju Jork i mohoi akuzat.

Cili është rëndësia e Venezuelës për grupet kriminale nga Ballkani?

Siç thekson për Radion Evropa e Lirë, Sasha Gjorgjeviq nga Nisma Globale për Luftimin e Organizatave Kriminale Transnacionale (GI-TOC), Venezuela është e rëndësishme për kontrabandën e kokainës, në të cilën janë të përfshira rrjete kriminale nga Ballkani Perëndimor, sepse ajo përbën “korridor strategjik dalës nga Amerika Latine drejt Atlantikut”. Nga atje, shumica e kokainës shkon ose direkt në Evropë, ose përmes Afrikës Perëndimore në Evropë.

Sipas tij, për grupet kriminale nga Ballkani, Venezuela është e rëndësishme, por jo destinacioni kryesor për trafikimin e kokainës nga Amerika Latine drejt Evropës.

Në këtë kuptim, vendet si Kolumbia dhe Brazili, janë shumë më të rëndësishme dhe në vitet e fundit edhe Ekuadori.

Arrestimi i Maduros dhe veprimet e SHBA-së kundër grupeve kriminale që merren me trafikimin e kokainës, sipas Gjorgjeviqit nuk do të kenë shumë ndikim te këto grupe, anëtarët e të cilave janë me origjinë nga vendet e Ballkanit.

“Duke pasur parasysh se këto grupe gjithmonë kanë qenë fleksibile, supozoj se ato grupe që kanë përdorur Venezuelën do të gjejnë rrugë alternative në këto vende ku, sipas meje, ekzistojnë baza shumë më të rëndësishme”, vlerëson ai.

Kush janë aktorët kryesorë?

Lidhjet e grupeve kriminale nga Ballkani me Venezuelën u zbuluan përmes sekuestrimit të kokainës pranë bregut të Arubës, afër Venezuelës, në shkurt të vitit 2020.

Në atë rast, marina holandeze ndaloi anijen “Aressa”, e cila më parë ishte ankoruar në portin venezuelas të Guaranos. Në bordin e anijes u sekuestruan 5 tonë kokainë.

Gjatë aksionit u arrestuan 11 shtetas të Malit të Zi, pjesëtarë të ekuipazhit të anijes. Sipas Drejtorisë së Policisë së Malit të Zi, sekuestrimi i kokainës në Arubë ishte si rezultat i bashkëpunimit mes Mali i Zi, Mbretërisë së Bashkuar, Serbisë dhe Holandës.

Para gjykatës në Arubë, shtetasit malazezë u dënuan në mars të vitit 2021 me dënime nga nëntë deri në 15 vjet burgim.

EUROPOL-i e lidhi kokainën e sekuestruar në Arubë me shtetasin serb Mirosllav Starçeviq, i arrestuar në maj të vitit 2023 së bashku me 12 persona të tjerë. Ata akuzohen nga autoritetet në Serbi për trafik ndërkombëtar të drogës.

Siç është konfirmuar për Radion Evropa e Lirë nga Gjykata e Lartë në Beograd, procesi gjyqësor kundër këtij grupi është drejt fundit.

Policia serbe e ka cilësuar Starçeviqin si udhëheqës kryesor “të organizatës më të madhe kriminale për trafikim të drogës nga Ballkani” që u zbulua me ndihmën e EUROPOL-it.

Sipas Policisë serbe, karteli i udhëhequr nga Starçeviq qëndron pas dërgesave me shumë tonë kokainë që kanë mbërritur në Evropë nga Kolumbia, Brazili, Ekuadori, por edhe përmes Afrikës Perëndimore.

Grupi i Starçeviqit në raportet e GI-TOC lidhet me klanin Kavaç, klan kriminal me origjinë nga Mali i Zi.

Klanet Kavaç dhe Shkalar janë nga Mali i Zi. Bëhet fjalë për dy klane të armatosura, dhe gjatë përplasjeve që kanë pasur që nga viti 2014 kanë humbur jetën më shumë se 60 persona.

Pa përgjigje nga ministritë e Brendshme të Serbisë dhe Malit të Zi.

Nuk dihet nëse dhe sa janë të përfshira ende grupet kriminale, pjesëtarë të të cilave janë me origjinë nga Serbia dhe Mali i Zi, në trafikun e kokainës të lidhur me Venezuelën.

Për këto pyetje, deri në publikimin e këtij teksti, nuk janë përgjigjur Ministria e Brendshme e Serbisë, dhe as ajo e Malit të Zi.

Nga EUROPOL-i thanë shkurt për REL-in se organizata nuk ka bashkëpunim të drejtpërdrejtë me Venezuelën, kështu që të dhënat për përfshirjen e grupeve kriminale nga Ballkani merren në mënyrë indirekte, nga policitë e këtyre shteteve.

Grupet kriminale nga vendet e Ballkanit Perëndimor, në raportet e agjencive ndërkombëtare si EUROPOL dhe INTERPOL, cilësohen si të rëndësishme për trafikun e kokainës nga Amerika Latine, kryesisht drejt vendeve të Evropës Perëndimore.

Këtë pozicion, sipas raporteve të GI-TOC, ato e kanë ndërtuar për dekada, kryesisht përmes lidhjeve të drejtpërdrejta me vendet prodhuese dhe distributorë të kokainës.

Pse është e veçantë Venezuela?

Ajo që e bën Venezuelën interesante, thotë Gjorgjeviq nga GI-TOC, është përdorimi i transportit detar dhe ajror për kokainën që dërgohet nga ky shtet.

“Janë avionë të vegjël, për të cilët kontrolli dhe monitorimi është shumë më i ulët se për fluturimet komerciale”, shpjegon ai.

Në Venezuelë nuk prodhohet kokainë, por sipas raporteve të Zyrës së Kombeve të Bashkuara për Drogën dhe Krimin (UNODC), Venezuela cilësohet si një nga shtetet kryesore transit për kokainën, e cila prodhohet kryesisht në Kolumbi dhe më pas shpërndahet drejt SHBA-së dhe Evropës.

Indikacionet e forta që pjesë të aparatit shtetëror venezuelas janë të përfshirë në aktivitetet kriminale vijnë nga gjetjet e Indeksit për Krim Global, sipas të cilit Venezuela renditet në dhjetë për qindëshin më të lartë të vendeve në botë për ndikimin e aktorëve kriminalë brenda vendit.

Raportet vjetore për këtë indeks i publikon GI-TOC, organizatë joqeveritare me seli në Gjenevë.

Në raportin e fundit të publikuar në nëntor të vitit 2025, thuhet se grupet guerile kolumbiane “menaxhojnë zinxhirët e furnizimit në bashkëpunim me zyrtarë të korruptuar venezuelas”.

“Grupet janë integruar në komunitetet lokale, shpesh duke manipuluar të rinjtë që të punojnë për ta nën maskën e punësimit të ligjshëm, dhe kanë marrë në dorë sistemet lokale të drejtësisë dhe strukturat e qeverisjes”, theksohet në raport.

Aty shtohet se marrëdhënia simbiozë midis grupeve guerile kolumbiane dhe zyrtarëve shtetërorë venezuelas ka lehtësuar operacionet e tyre, duke rezultuar në “dhunë minimale, por kontroll të konsiderueshëm mbi rajonet kufitare”./rel

The post Korridor strategjik dalës nga Amerika Latine drejt Atlantikut/ Lidhjet e grupeve kriminale nga Ballkani me Venezuelën appeared first on Albeu.com.

“Sapo u informova se Venezuela do të blejë VETËM produkte të prodhuara në SHBA me paratë që do të marrë nga marrëveshja jonë e re për naftën”, shkroi presidenti republikan, duke theksuar fjalën “vetëm” me shkronja të mëdha.

Sipas Trump, këto blerje do të përfshijnë, ndër të tjera, produkte bujqësore amerikane, medikamente të prodhuara në SHBA, pajisje mjekësore, si dhe materiale për përmirësimin e rrjetit të energjisë elektrike dhe infrastrukturës energjetike.

Mbrëmjen e së martës, presidenti amerikan kishte njoftuar se qeveria e përkohshme e Venezuelës do t’i “dorëzojë” administratës së tij “30 deri në 50 milionë fuçi naftë”, duke shtuar se ato do të shiten “me çmimet e tregut” dhe se “paratë do t’i kontrolloj unë”.

The post Donald Trump: Venezuela do të blejë vetëm produkte amerikane me të ardhurat nga nafta appeared first on Albeu.com.

Në një dokument konfidencial, CIA vlerësoi se për të ruajtur stabilitetin e menjëhershëm në Venezuelë, ishte e nevojshme që pushteti të mbetej në duart e njerëzve që ishin pjesë e sistemit aktual.

Arsyet kryesore të këtij sugjerimi ishin mbështetja e ushtrisë, rreziku i kaosit dhe rezistenca e armatosur.

Rodriguez dhe besnikët e tjerë të regjimit kanë kontroll mbi ushtrinë dhe elitat e vendit. Për këtë arsye, CIA paralajmëroi se udhëheqësit e opozitës, si Maria Machado dhe Edmundo Gonzalez, do ta kishin shumë të vështirë të kontrollonin vendin.

Sipas raportit, opozita do të përballej me rezistencë të fortë nga forcat e sigurisë dhe organizatat kriminale që mbështesin regjimin e vjetër.

Me pak fjalë, inteligjenca amerikane besonte se një kalim i menjëhershëm i pushtetit te opozita do të shkaktonte një luftë civile ose kaos të pakontrollueshëm, ndaj zgjodhi një “rrugë të mesme” me figura të njohura të regjimit.

The post Prapaskenat e CIA-s: Pse Trump lejoi që zëvendësja e Maduros të merrte pushtetin? appeared first on Albeu.com.

Në një interviste për revistën “The Atlantic”, Trump tha se duhet urgjentisht ndërtimi i Venezuelës, pasi vendi është “i falimentuar” dhe “një katastrofë në çdo mënyrë”.

Duke iu referuar të ardhmes së qeverisjes politike të vendit , presidenti republikan theksoi se ” rindërtimi dhe ndryshimi i regjimit ” janë një perspektivë që meriton “më mirë se ajo që ekziston sot” në Venezuelë, duke shtuar se “nuk mund të jetë më keq”.

Pak më parë, Sekretari i Shtetit i SHBA-së, Marco Rubio, kishte deklaruar se Uashingtoni është i gatshëm të bashkëpunojë me zyrtarët venezuelianë “nëse ata marrin vendimet e duhura”, ndërsa vuri në dukje se Shtetet e Bashkuara ende kanë mjete presioni, siç është embargoja e naftës.

Të shtunën, Donald Trump kishte thënë se Delcy Rodriguez dukej e gatshme të bashkëpunonte me SHBA-në. Nga ana e saj, ajo u përgjigj pak më vonë se qeveria në Caracas është e gatshme të “mbrojë” Venezuelën dhe se presidenti legjitim i vendit është Nicolas Maduro.

The post Trump kërcënon zëvendësen e Maduros: Do të paguajë një çmim më të lartë se ai appeared first on Albeu.com.

“Nuk kemi frikë nga ushtarët në tokë nëse është e nevojshme. Mbrëmë kishim çizme në tokë në një nivel shumë të lartë, në fakt. Nuk kemi frikë prej saj”, tha Trump.

Sa i përket pyetjes se kush do ta drejtojë Venezuelën, presidenti tha se “njerëzit që qëndrojnë menjëherë pas meje, ne do ta drejtojmë atë”.

Duke e zhvendosur vëmendjen vetëm për pak kohë te Presidenti i Kolumbisë, Gustavo Petro, Trump paralajmëroi: “Ai duhet të jetë i kujdesshëm”.

I pyetur nëse i qëndroi besnik deklaratës së tij, e bërë për herë të parë javët e fundit, ai tha: “Po, mendoj se i qëndroj besnik deklaratës sime të parë.

“Ai po prodhon kokainë. Po e dërgojnë në Shtetet e Bashkuara. Kështu që duhet të jetë vigjilent”, u shpreh Trump.

The post “S’kemi frikë të vendosim ushtarë në territor”, Trump paralajmëron Presidentin e Kolumbisë: Po prodhon kokainë, duhet të ketë kujdes! appeared first on Albeu.com.

“Sot në mëngjes, më 1 janar, nënat dhe të afërmit raportuan lirimet e mëtejshme të të burgosurve politikë nga burgu i sigurisë maksimale të Tocoron”, në shtetin e Argua, rreth 134 kilometra nga Karakasi, njoftoi Komisioni për Lirinë e të Burgosurve Politikë (Clippve).

Mediat e huaja shkruajnë se të gjithë të liruarit ishin arrestuar mes krizës politike të shkaktuar nga rizgjedhja, në korrik 2024, e Nicolás Maduros për një mandat të tretë në presidencë. Opozita kishte denoncuar mashtrimin në atë kohë. Pasi Maduro u shpall fitues i zgjedhjeve, u organizuan protesta që çuan në arrestimin e rreth 2.400 personave, të cilët vetë presidenti i cilësoi si “terroristë”.

The post Venezuela liron 87 të burgosur politikë për shkak të natës së Vitit të Ri appeared first on Albeu.com.

Trump njoftoi një “bllokadë” të të gjitha cisternave të sanksionuara që hyjnë dhe dalin nga Venezuela.

Kjo do të shënonte herën e dytë në javët e fundit që Shtetet e Bashkuara kanë kapur një cisternë pranë Venezuelës dhe vjen mes një grumbullimi të madh ushtarak amerikan në rajon.

Zyrtarët, të cilët po flisnin në kushte anonimiteti, nuk thanë se ku po zhvillohej operacioni, por shtuan se Roja Bregdetare ishte në krye. Roja Bregdetare dhe Pentagoni i referuan pyetje Shtëpisë së Bardhë, e cila nuk iu përgjigj menjëherë një kërkese për koment.

Ministria e naftës e Venezuelës dhe kompania shtetërore e naftës PDVSA nuk iu përgjigjën menjëherë kërkesave për koment.

“Unë po urdhëroj një bllokadë totale dhe të plotë të të gjitha cisternave të sanksionuara të naftës që hyjnë dhe dalin nga Venezuela”, tha Trump të martën.

Në ditët që kur forcat amerikane kapën një cisternë nafte të sanksionuar në brigjet e Venezuelës javën e kaluar, ka pasur një embargo efektive, me anije të ngarkuara që transportonin miliona fuçi naftë që qëndrojnë në ujërat e Venezuelës në vend që të rrezikojnë sekuestrimin.

Që nga konfiskimi i parë, eksportet e papërpunuar venezueliane kanë rënë ndjeshëm. Ndërsa shumë anije që marrin naftë në Venezuelë janë nën sanksione, të tjerat që transportojnë naftën dhe naftën e papërpunuar të vendit nga Irani dhe Rusia nuk janë sanksionuar dhe disa kompani, veçanërisht Chevron amerikane (CVX.N), hap një skedë të re, transportojnë naftë venezueliane në anijet e tyre të autorizuara.

Kina është blerësi më i madh i naftës së papërpunuar venezueliane, e cila përbën afërsisht 4% të importeve të saj, me dërgesat në dhjetor në rrugën e duhur për mesatarisht më shumë se 600,000 fuçi në ditë, kanë thënë analistët.
Tani për tani, tregu i naftës është i furnizuar mirë dhe ka miliona fuçi naftë në cisterna në brigjet e Kinës që presin të shkarkohen.

Nëse embargoja qëndron në fuqi për ca kohë, atëherë humbja e gati një milion fuçi në ditë të furnizimit të papërpunuar ka të ngjarë të shtyjë çmimet e naftës më lart./ Reuters

The post Tension në ujërat ndërkombëtare! Bllokada e Trump hyn në fuqi, SHBA sekuestron anije pranë Venezuelës appeared first on Albeu.com.

“Do të fillojmë t’i bëjmë ato sulme në tokë, e dini, toka është shumë më e lehtë, është shumë më e lehtë dhe ne i dimë rrugët që ndjekin”, tha Trump sot nga Shtëpia e Bardhë, duke shtuar se SHBA-të do të fillonin sulmet tokësore “shumë shpejt”.

Në fjalën e tij, Trump tha se SHBA-të mund të synojnë çdo vend që trafikon narkotikë të paligjshëm në SHBA, duke përmendur si Kolumbinë ashtu edhe Venezuelën.

“Kushdo që e bën këtë dhe ia shet vendin tonë është subjekt i sulmit. Jo vetëm Venezuela. Venezuela ka qenë shumë keq. Venezuela ka qenë vërtet keq në diçka tjetër, ndoshta më keq se shumica. Por edhe shumë njerëz të tjerë e bëjnë këtë”, tha Trump.

Trump më parë ka thënë se donte të zgjeronte sulmet ushtarake amerikane kundër karteleve të drogës që kanë nxitur një krizë vdekjeprurëse të opioideve vendase.

Komentet e tij të përsëritura në lidhje me zgjerimin e operacioneve ushtarake të kombinuara me një fushatë më të gjerë presioni kundër Presidentit Nicolas Maduro kanë nxitur shqetësimin se SHBA-të mund të përfshihen në një konflikt ushtarak me Venezuelën.

Trump e ka ngritur idenë e sulmeve tokësore në mënyrë të përsëritur në muajt e fundit. Në tetor, ai tha se “toka do të jetë e radhës”, ndërsa në mesin e nëntorit presidenti deklaroi se do të ishte “krenar” nëse do ta zgjeronte operacionin ushtarak në vazhdim në objektivat e karteleve në tokë në Venezuelë, Kolumbi dhe Meksikë.

The post Venezuela “shënjestër” e SHBA-ve, Trump paralajmëron nisjen e ofensivave tokësore: Jemi të qartë për rrugët që do të ndjekim appeared first on Albeu.com.