Vizita e Messi-t në Indi po bën shumë zhurmë, ndërsa lajmet që vijnë janë nga më të çuditshmet.

Së fundmi, sipas mediave lokale, stafi i Leo Messit, ka planifikuar edhe takime private mes Messit dhe personazheve VIP në Indi.

Gjithnjë sipas mediave, një takim kokë më kokë me legjendën argjentinase kushton afro 93 mijë euro.

The post 93 mijë euro për një takim privat, Lionel Messi u vendos “gjobë” VIP-ave në Indi appeared first on Albeu.com.

Ky ndryshim synon të garantojë më shumë transparencë, stabilitet dhe profesionalizëm në drejtimin e institucioneve publike, duke kufizuar ndërhyrjet diskrecionare dhe duke forcuar parimin e meritës në përzgjedhjen e drejtuesve të lartë.

Projektligji parashikon gjithashtu përmirësimin e modelit të Shërbimit Civil, me qëllim rritjen e efikasitetit të rekrutimit dhe menaxhimit të burimeve njerëzore në administratë, si dhe krijimin e kushteve për tërheqjen e profesionistëve të kualifikuar nga jashtë shërbimit civil.

Sipas ndryshimeve të propozuara, kufiri për kandidatët që mund të rekrutohen nga jashtë administratës rritet nga 20% në 50% të pozicioneve vakante brenda një viti, ndërsa struktura e pagave do të riformatohet për të inkurajuar performancën dhe motivimin e punonjësve.

The post Qeveria i vendos mandat Sekretarëve dhe titullarëve të institucioneve, publikohet projektligji “Për Nëpunësin Civil”: Si do të bëhet rekrutimi i punonjësve appeared first on Albeu.com.

Fituesi i Kupës së Botës 2014 është tani mbajtësi i vetëm i rekordit, përpara bashkëlojtarit të tij të gjatë Tomas Myler (362). Megjithatë, Nojerit i duheshin 530 ndeshje për të arritur këtë shifër, ndërsa Myler “vetëm” 503.

Pozicionet e tjera ndiqen nga Oliver Kahn (310), Manfred Kaltz (291), Robert Levandovski (274), Mats Humels (268), Filip Lahm (250), Lotar Mateus (249), Sep Maier (249) dhe Klaudio Pizaro (248), pothuajse të gjithë lojtarë që gjithashtu kanë qenë nën kontratë me Bajernin gjatë karrierës së tyre.

I vetmi përjashtim është Kaltz, i cili ka luajtur vetëm për Hamburger në Bundesliga.

The post I veçantë me Bajernin në Bundesligë, Manuel Nojer vendos rekordin e ri appeared first on Albeu.com.

Sipas këtij vendimi, bizneset mund të hedhin mbeturinat vetëm midis orës 20:00 dhe 23:00, ndërsa qytetarët midis 19:00 dhe 21:00.

Çdo shkelje e konstatuar, do të ndëshkohet nga Policia Bashkiake.

Për të siguruar që askush të mos “rrëmbejë pak minuta ekstra” jashtë orarit, në zonat problematike janë vendosur kamera sigurie.

Duket se tani edhe mbeturinat kanë orar zyrtar, dhe kush guxon t’i sfidojë rregullat do të duhet të paguajë çmimin.

The post Do të vëzhgohen me kamera/ Bashkia e Lezhës vendos orare për hedhjen e mbeturinave, bizneset dhe qytetarët që “rebelohen” do të gjobiten appeared first on Albeu.com.

Lajmi u bë i ditur nga Shtëpia e Bardhë.

Presidenti amerikan Donald Trump, nënshkroi të enjten një urdhër ekzekutiv që parashikon vendosjen e tarifave doganore më të larta, për një gamë të gjerë produktesh që vijnë nga dhjetëra vende të botës.

Ky veprim, sipas Shtëpisë së Bardhë, ka për qëllim “ristrukturimin e tregtisë globale në favor të punëtorëve amerikanë.”

Tarifat e reja do të hyjnë në fuqi më 7 gusht, në orën 00:01 me orën lokale të Uashingtonit, dhe jo më 1 gusht siç ishte parashikuar fillimisht.

Sipas informacionit zyrtar, tarifa minimale për importet nga shumica e vendeve, përveç atyre të përjashtuara më poshtë, është vendosur në 10%.

Ndërkohë, mallrat që dyshohet se kalojnë në vendet e treta për të shmangur tarifat më të larta do të përballen me tarifa shtesë ndëshkuese.

Ndër vendet që kanë nënshkruar marrëveshje tregtare me SHBA-në brenda afatit janë Bashkimi Evropian, Japonia dhe Koreja e Jugut, për të cilat do të aplikohet një tarifë prej 15%. Mbretëria e Bashkuar, ku produktet do të tarifohen me 10%.

Ndërkohë, disa ekonomi si Kina, Kanadaja dhe Meksika janë subjekt i rregullave të veçanta tregtare dhe trajtohen në bazë të dispozitave specifike që nuk përfshihen në këtë urdhër të ri.

The post SHBA vendos tarifa të reja doganore për importet! Lista e plotë e shteteve që bëri publike presidenti Trump appeared first on Albeu.com.

Seanca do të zhvillohet në orën 12:00.

Veliaj do të përballet me trupën gjykuese të Gjykatës së Lartë, ku kërkon lirimin nga burgu.

Për fatin e Veliajt do të vendosë trupa gjykuese e përbërë nga Medi Bici dhe Sokol Binaj, ndërsa relatore e çështjes është caktuar Albana Boksi.

Treshja e gjyqtarëve do të duhet të “peshojnë” në peshoren e drejtësisë se cilat argumenta janë në përputhje me ligjin, ato të Veliajt, apo ato prokurorëve të Strukturës së Posaçme kundër Korrupsionit dhe Krimit të Organizuar.

Këta të fundit, sërish do të kërkojnë mbajtjen në qeli të kryebashkiakut, të paktën deri në përfundimin e hetimeve, ndërsa Veliaj do të kërkojë sërish lirimin e tij me kusht, qoftë edhe në ‘arrest shtëpie’.

Kërkesa të ngjashme kanë bërë deri më tani të gjithë të arrestuarit me urdhër të SPAK, por vetëm rasti i Malltezit, ka fituar lirinë.

I pari ishte Berisha që u la për shkak të moshës në “arrest shtëpie”, ndërsa dhëndri i tij, Jamarbër Malltezi, u vendos në qeli.

Por brenda pak kohësh fitoi lirinë dhe u la gjithashtu në arrest shtëpie, derisa sot u caktua që mund të dalë nga banesa në këmbim të garancisë pasurore.

Megjithatë edhe rasti i tyre është ndryshe, pasi për dosjen “Partizani”, SPAK i ka mbyllur hetimet dhe çështja është pranuar për gjykim në Gjykatën e Posaçme.

Ndërsa si Veliaj, edhe presidenti i Partisë së Lirisë, Ilir Meta, janë ende duke u hetuar. Por ndryshe nga të hetuarit e tjerë, Veliaj mund të humbasë shumë, mund të humbasë detyrën e tij në krye të Bashkisë së Tiranës.

Disa ditë më parë, në një mbledhje me deputetët dhe drejtuesit e institucioneve të Bashkisë Tiranë, kryeministri Edi Rama, preku edhe mundësinë e zgjedhjeve të parakohshme në bashkinë Tiranë.

“Nuk i dihet si do të shkojë kjo punë”,- citohet të ketë thënë Rama. Ndaj edhe kjo pikëpyetje e ngritur nga Rama për mbajtjen ose jo të zgjedhjeve të pjesshme në Bashkinë Tiranë, duket se pret një “përgjigje” nga vendimi që do të marrë nesër Gjykata e Lartë.

Erion Veliaj, u prangos më 10 shkurt të këtij viti. Që prej asaj dite, Veliaj është mbajtur në paraburgim me kërkesë të SPAK, pasi mbi të rëndojnë disa vepra penale.

SPAK e akuzon Veliajn se bashkë me të shoqen ka krijuar një skemë përfitimi ryshfetesh për pasurim personal përmes një numri organizatash ‘OJF’. Kallëzimi për Veliajn u dorëzua nga një profil i rremë, nën identikitin Nesti Angoni.

The post Gjykata e Lartë vendos sot për Erion Veliajn appeared first on Albeu.com.

Në total, janë 96 kuti votimi.

Koalicioni opozitar PD-ASHM, paraqiti provat për ‘trenin bullgar’, votim familjar.

“Duke qenë se nga vëzhgimi i videove ka dyshime që ka eventualisht parregullsi në procesin e votimit, shfrytëzuam të drejtën që na jep Kodi, vendosëm të pranojmë hapjen e kutive të materialeve zgjedhore dhe votimit për KZAZ-të e Peqinit dhe Gramshit”, u shpreh Elvis Cefa.

The post KAS vendos hapjen e kutive të votimit në Peqin dhe Gramsh appeared first on Albeu.com.

Ky vendim, u mor pas kërkesës së dy anëtarëve të Partisë Demokratike në KAS.

Kështu, do të rinumërohen votat e partive politike dhe të kandidatëve në qarkun e Fierit.

Më herët, Komisioni i Ankimeve dhe Sanksioneve, ka vendosur për rinumërimin e votave për partitë politike dhe kandidatët edhe në qarkun e Tiranës.

The post KAS vendos rinumërimin e të gjitha kutive në qarkun e Fierit appeared first on Albeu.com.

Vendimi u mor pas verifikimit të 4 kutive të materialeve të qarkut Vlorë. 4 kutitë e votimit u hapën u hapën pas pretendimit të PD se mungojnë në gjithë vendin 130 mijë fletë votimi të papërdorura.

Por fletët e votimit të papërdorura ishin ruajtur në kuti të posaçme nga KQZ dhe kjo rezultoi edhe pas hapjes së katër kutive në bashkitë Vlorë, Selenicë, Sarandë dhe Finiq.

Verifikimi konfirmoi edhe qëndrimin e KQZ se; nuk kemi të bëjmë me zhdukje të fletëve të votimit të papërdorura, por me një gabim njerëzor, ku komisionerët në vend se të kishin shënuar në procesverbal sa fletë votimi nuk u përdorën më 11 maj, kanë shënuar zero.

Pas përfundimit të këtij procesi, KAS tha se në 4 kutitë që u hapën u gjetën këto shifra: 584, 578, 401 dhe 659 fletë votimi të papërdorura për secilën kuti të hapur.

Pas këtij verifikimi, përfaqësuesi i PD, Franc Nuri theksoi se, pas hapjes së kutive, në një prej tyre u gjetën 7 fletë votimi më shumë, ndërsa në një tjetër mungonin dy fletë të papërdorura.

Sa i takon rastit të kutisë ku rezultuan dy fletë votimi më shumë (të papërdorura), Marash Logu i PD pretendon se, kjo është një tregues që janë futur fletë votimi nga jashtë dhe mund të ketë ndodhur fenomeni i ashtuquajtur i trenit bullgar.

Kështu, PD kërkoi hapjen e të gjitha kutive në mbarë vendin aty ky komisionerët kanë deklaruar zero fletë votimi të papërdorura.

Përfaqësuesi i PD-së, Franc Nuri, kërkoi hapjen e kutive të votimit që janë me probleme të paktën 43 qendra votimi me anomali në raportim që thotë zero fletë të papërdorura.

“Unë si përfaqësuesi i PD nuk e vë në dyshim këtë informacion nga KQZ. Ata thonë se janë 233 qendra votimi në rang vendi me raportim anormal, hapeni dhe t’i shohim qark pas qarku. Këtë qëndrim e pata të qartë. Nga 4 qendra votimi ku u bë ky testim, të katërta dolën me anomali, nuk doli një që të përputheshin të dhënat me numrin e votuesve, fletëve që mungojnë dhe atyre të dëmtuara. E përsëris që të hapen përsëri”, tha Nuri.

Ndërkohë, përfaqësuesi i opozitës në KAS, Ledio Braho pyeti se çfarë do të prodhonte kjo gjë për opozitën, pasi sipas KAS edhe sikur të jenë dy ose tre fletë votimi të papërdorura më shumë, nuk është një ‘provë’ e mjaftueshme që zgjedhjet të përsëriten.

Pas shumë debatesh, vetëm dy anëtarë të KAS, Ledio Braho dhe Elvis Çefa të propozuar nga PD, ngritën një grup pune, i cili do të shkojë në magazinat e KQZ-së e do të verifikojë atje nëse ndodhen ose jo fletët e votimit të papërdorura për 233 qendra votimi.

“Pyetja ime është për efekt ekonomie, nëse do të vendosim ta vazhdojmë hapjen e këtyre votimi, ju si mendoni, ta bëjmë këtu në këtë sallë apo të gjejmë opsion tjetër më të shpejtë, që të gjeni një grup dhe t’i verifikoni në vend”, iu drejtua Elvis Çefa, Nurit.

“Këqyrja të bëhet atje ku janë kutitë e materialeve zgjedhore, i njëjti proces si këtu, subjekti ankues ka të drejtë të sjellë vëzhgues, procesi do të vazhdojë nga administrata e KQZ. Në secilën nga këto kuti të dalë numri i fletëve të papërdorura”, tha Braho.

Verifikimi do të bëhet në Vaqarr, aty ku KQZ po ruan të gjitha kutitë e 11 majit.

Më 27 maj, PD ankimoi rezultatin zgjedhor në këtë qark, ku pretendonte se atje është evidentuar përdorimi sistematik i administratës publike dhe strukturave shtetërore në funksion të interesave zgjedhore të Partisë Socialiste.

The post KAS vendos hapjen e 229 kutive të materialeve zgjedhore të Qarkut Vlorë appeared first on Albeu.com.

Specialistët për Hetimin e Krimeve në Komisariatin e Policisë Sarandë, kanë arrestuar në flagrancë shtetasin A. L., 54-vjeç, banues në Ksamil, i cili akuzohet se ka dhunuar dhe marrë në përdorim me forcë banesën e një gruaje, shtetases B. L., 38-vjeçe, gjithashtu banuese në Ksamil.

Sipas Policisë, ngjarja ka ndodhur më datë 31 maj 2025, kur është konstatuar se A. L. ka hapur me forcë derën e banesës, ka ndërruar bravën e portës, si dhe ka instaluar kamera sigurie dhe vendosur një portë të re, duke marrë kontrollin fizik të pronës në mënyrë të paligjshme.

Materialet procedurale i janë referuar Prokurorisë së Sarandës për veprime të mëtejshme, ndërkohë që 54-vjeçari pritet të përballet me akuzat për dëmtim prone, hyrje të paligjshme në banesë dhe marrje të padrejtë në posedim të pasurisë së tjetrit.

Njoftimi i policisë:

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasin A. L., 54 vjeç, banues në Ksamil, pasi më datë 31.05.2025, është konstatuar se në mënyrë të përsëritur ka dhunuar banesën e shtetases B. L., 38 vjeçe, banuese në Ksamil, e cila është e pajisur me certifikatë pronësie për këtë banesë. Ky shtetas dyshohet se ka hapur me forcë dhe ndërruar bravën e portës, si dhe ka instaluar e vendosur kamera sigurie dhe një portë të re, në banesën e 38-vjeçares.

The post Ksamil/ 54-vjeçari i zë shtëpinë 38-vjeçares, i ndërron bravën dhe vendos kamera appeared first on Albeu.com.