Për shkak të natyrës sensitive të çështjes, vendimi mund të publikohet edhe javën e ardhshme, duke dhënë qartësi nëse Veliaj do të vazhdojë detyrën ose Bashkia e Tiranës do të shkojë në zgjedhje.

Seanca e një dite më parë zgjati 7 orë, ku Veliaj u përball me përfaqësuesit e Kryeministrisë dhe Presidencës, të cilët firmosën shkarkimin dhe dekretonin zgjedhjet.

Veliaj, i shfaqur për herë të parë në publik pas 9 muajsh në paraburgim, kërkoi anulimin e vendimit, duke e cilësuar procesin si të motivuar politikisht.

Ai deklaroi se është rrëmbyer nga zyra pa kryer asnjë shkelje dhe se po mbahet në një regjim më të rëndë sesa për vrasjet seriale, duke përjetuar shkelje të të drejtave themelore dhe përpjekje për ta heshtur si zgjedhur vendor.

“Besimi se vota e lirë është më e fortë se kulisat politike është fuqia që më shtyn të bëj këtë betejë”, u shpreh Veliaj.

Nga ana tjetër, Këshilli i Ministrave dhe Presidenca mbrojtën vendimin, duke argumentuar se kanë vepruar brenda kuadrit ligjor dhe kërkuan shpalljen e moskompetencës së Kushtetueses, duke propozuar që Veliaj të drejtohej në Gjykatën Administrative.

Debati mes Veliajt dhe përfaqësuesve të qeverisë u fokusua në ligjshmërinë e shkarkimit me arsyetimin e mungesës në detyrë për tre muaj, që Veliaj e cilësoi si padrejtësi dhe fyerje, sidomos nga kolegët e tij, të cilët sipas tij njohin më mirë punën e tij në bashki.

Gjykata Kushtetuese pritet të marrë vendimin përfundimtar brenda 30 ditëve, ndërsa trupa gjykuese mund të kërkojë kohë shtesë për arsyetimin e vendimit.

The post Shtatë orë seancë/ Ja kur do të jepet vendimi përfundimtar për Veliajn appeared first on Albeu.com.

FIFA kishte nisur hetimet pas denoncimit të bërë nga Federata e Futbollit të Kilit, për aktivizimin nga Ekuadori të futbollistit Byron Castillo.

Pretendimet ishin që lojtari kishte lindur në Kolumbi dhe kishte falsifikuar dokumentacionin. Hetimet janë mbyllur nga FIFA dhe nuk ka dënim për Ekuadorin, që do të marrë pjesë në Botërorin e Katarit./ h.ll/albeu.com

The post Italia apo Kili në Botëror për shkakun e Ekuadorit? FIFA merr vendimin përfundimtar appeared first on Albeu.com.

Mbrojtësi i West Ham, shkaktoi një protestë publike pasi klipi tronditës u zbulua nga “The Sun” në shkurt.

Zouma pranoi dy akuza sipas Ligjit për Mirëqenien e Kafshëve, ndërsa një e treta u la të qëndronte në dosje nga prokurorët.

Vëllai i tij Yoan, i cili u shfaq në bankën e të akuzuarve së bashku me të, u deklarua fajtor për një akuzë sipas Aktit pas filmimit të klipit shqetësues.

Të dy vëllezërit i shpëtuan burgut kur u dënuan sot në Gjykatën e Magjistraturës së Thames.

Zouma-s iu dorëzua një urdhër komunitar 12 mujor me 180 orë punë pa pagesë, ndërsa vëllait të tij iu dorëzua një urdhër komunitar 12 mujor dhe u urdhërua të kryente 140 orë punë pa pagesë.

Të dy u ndaluan të mbanin mace për pesë vjet dhe do të gjobiten me 8,887 paund, që është vetëm 12 orë paga për 125,000 paund në javë Zouma.

Gjatë dënimit, gjyqtarja e qarkut Susan Holdham tha: “Të dy keni marrë pjesë në këtë akt të turpshëm dhe të dënueshëm me këtë mace të gjorë”.

Në gjykatë u shfaqën më parë pamje tronditëse të Zouma duke shkelmuar dhe goditur macen e tij Bengal në rezidencën e tij me vlerë prej 2 milionë paund./ h.ll/albeu.com

The post Gjyqi final pë Zouma, merret vendimi përfundimtar nga Gjykata e Magjistraturës appeared first on Albeu.com.

Bomberi polak, i cili është objektivi kryesor i Barcelonës, këtë herë e ka deklaruar plotësisht se qëndrimi i tij te klubi gjerman nuk mund të vazhdoj më dhe është shprehur se zgjidhja më e mirë është largimi i tij nga kampionët e Gjermanisë.

“Nuk më pëlqen të jem në këtë situatë. Koha ime te Bayern ka mbaruar.

Nuk shoh asnjë shans për të vazhduar karrierën time atje. Shpresoj që të mos të më pengojnë të largohem, le të shohim se çfarë do të bëjë me të ardhmen time këto dy javë, por nuk do të vazhdoj më karrierën time këtu dhe zgjidhja më e mirë është të largohem.”

Në parim, lojtari polak preferon të presë përfundimin e pjesëmarrjes në Nation League me Poloninë, më 14 qershor, për të shpallur një vendim përfundimtar se te cili ekip do të transferohet.

“Pas kompeticionit do të kemi kohë të flasim për situatën, por nuk shoh më asnjë mundësi reale për të qëndruar më te Bayern”, ka përsëritur ai./h.ll/albeu.com

The post Lewandowski flet me bindje, bomberi polak vendos përfundimisht për të ardhmen appeared first on Albeu.com.