Gjithashtu, kryeministri u shpreh se; “do të kërkojmë mbrojtjen e pavarësinë së funksionimit të cenuar të qeverisë vetëm tek Drejtësia në Gjykatën Kushtetuese”.

“Do respektojmë vendimin e pezullimit të ministres, do të kërkojmë mbrojtjen e pavarësinë së funksionimit të cenuar të qeverisë vetëm tek Drejtësia në Gjykatën Kushtetuese.

Këta jemi neve, ky jam unë dhe kështu do të jetë deri në fund kur të kem privilegjin të udhëheq Shqipërinë drejt anëtarësimit në BE. Mbrojta e pavarësisë e re është prioriteti i ynë absolut edhe përballë situata kaq flagrante si kjo situatë, për të cilën po drejtësia duhet të gjejë përgjigjen Kushtetuese”, tha Rama.

Edi Rama: Faleminderit për pyetjen dua të them se nëse sot Shqipëria i ka hapur të gjithë kapitujt e negociatave, ndër disa arsye themelore është edhe fakti se Shqipëria po lufton seriozisht korrupsionin dhe krimin e organizuar. Sot edhe fakti që mund të bëhen pyetje me këtë përmbajtje lidhet me një epokë të re ku kemi hyrë. Këtë epokë të re e ka futuar kjo shumicë me mua në krye.

Sa i takon rastit konkret dua të them tre gjëra:

Pavarësia e gjyqësorit nuk është një manovër politike dhe asnjë eksperiment i përkohshëm, por shkëputje historike nga e kaluara. E realizuar vetëm në vitet e fundit kjo pavarësi i ka sjellë një risi absolute në jetën institucionale të shqipëris2ë dhe zhvillime të padiskutueshme pozitive. Duke filluar nga një fakt i pakundërshtueshëm, varrosja e pandëshkueshme risë. Por ka shfaqur edhe dobësitë e një pushteti të ri, fëminor nga mosha dhe reflekse të vjetra antidemokratike.

Sic thotë edhe një fjalë e mençur, kurrë nuk duhet hedhur fëmija bashkë me ujin e pistë.

Këtu vij tek e treta, pezullimi nga detyra e një ministri dhe në këtë rast zv kryeministri, është një tjetër shfaqje e atyre dobësive që përmenda më lart, të një pushteti krejt të ri dhe refleksve antidemokratike.

Ky është një rast unikal në historinë e Evropës dhe po ashtu edhe në historinë e trupave speciale të drejtësisë që janë krijuar në proceset integruese, që nuk ka ndodhur kurrë që një prokuror dhe një gjykatës të mblidhen dhe të pezullojnë një anëtar qeverie. Por nëse një prokuror dhe gjykatës special, i shkallës së parë kanë vendosur të pezullojnë një ministre.

Duke marrë kompetencat e kryeministrit, presidentit dhe parlamentit zgjedhja jonë në raport me këtë fakt është strategjikja si gjithmonë për ta ruajtur dhe mbështetur pavarësinë e gjyqësorit edhe në këtë rast ekstrem.

Ne nuk i përgjigjemi një arbitrit të këtyre përmasave me arbitraritet dhe as do angazhohemi në një betejë retorike.

The post Vendimi i GJKKO për Belinda Ballukun/ Paralajmërimi i Ramës: Do e çojmë në Gjykatën Kushtetuese, sa të jem unë udhëheqës kështu do të jetë deri në fund appeared first on Albeu.com.

Ditën e sotme, kjo Gjykatë ka zbardhur edhe vendimin e plotë, bashkëngjitur me akuzat që rëndojnë ndaj tyre.

Në seancën e parë që u zhvillua në GJKKO në ngarkim të të akuzuarve të Onkologjikut që kur dosja i kaloi SPAK, Gjykata e Posaçme ka lënë në fuqi masën arrest në shtëpi ndaj mjekut Edmond Gashi dhe farmacistit Florian Marku.

Ndërkohë, pala tjetër, mjekja Alketa Pere, ish-zv.drejtoresha e QSUT, Brikena Qirjazi, koordinatori i Onkologjikut, Emiljano Lela, ish-specialistja Drilona Kishta dhe administrator i klinikës Megis, Halil Gashi u është lënë në fuqi masa detyrim paraqitje.

Duket se vendimi i marrë ditën e djeshme, nuk ka qenë aspak i pranueshëm nga mjekja Alketa Ymeri (Pere), e cila pas daljes nga GJKKO, refuzoi të prononcohej për mediat dhe shtyu me duar mikrofonat e gazetarëve që i drejtuan pyetje.

Ndërkohë, avokatët e të pandehurve kanë kërkuar që çështja ndaj tyre të mos hetohet nga Prokuroria e Posaçme, por t’i kalojë Prokurorisë së Tiranës.

Mësohet se nëse kjo kërkesë e tyre rrëzohet, ata kërkojnë masa më të buta sigurie.

Nga hetimi i kryer nga prokuroria, ka rezultuar se pacientëve të diagnostikuar me tumor nuk u jepej trajtimi i duhur mjekësor dhe më pas drejtoheshin në klinika private.

Po ashtu, janë konstatuar raste të blerjes së ilaçeve me vlera të konsiderueshme për kimioterapi, nga farmaci të cilat këto medikamente i tregtonin pa pullën fiskale dhe me kod të prishur, duke krijuar dyshimin në lidhje me autenticitetin e këtyre barnave.

Prokuroria thotë se në Spitalin Onkologjik në QSUNT, u instalua një Aparaturë Kobalto-Terapie për trajtimin e të sëmurëve të diagnostikuar me sëmundje tumorale dhe sidomos të sëmundjeve të kancerit të lëkurës.

VENDIMI ZBARDHUR

1. Prokuroria e Posaçme kundër Korrupsionit dhe Krimit të Organizuar, më datë
17.07.2024 ka paraqitur pranë Gjykatës kërkesën me objekt: “Caktimin e masës së
sigurimit ndaj personave ndaj të cilëve zhvillohet hetimi: Edmond Gashi dhe Emiljano
Lela të dyshuar për kryerjen e veprave penale “Shpërdorimi i detyrës” dhe “Korrupsioni
pasiv i personave që ushtrojnë funksione publike”, e kryer në bashkëpunim, të
parashikuara nga nenet 248 dhe 259-25 të Kodit Penal; Alketa Ymeri (Pere), Brikena
Qirjazi dhe Drilona Kishta të dyshuara për kryerjen e veprës penale “Shpërdorimi i
detyrës”, të parashikuar nga neni 248 i Kodit Penal; Halil Gashi i dyshuar për kryerjen e
veprës penale“Fshehjes së të ardhurave”, të parashikuar nga neni 180/1 i Kodit Penal, si
dhe Florian Marku i dyshuar për kryerjen e veprës penale “Tregtimi dhe transportimi i
mallrave që janë kontrabandë” dhe “Ruajtja ose depozitimi i mallrave që janë
kontrabandë”, të parashikuara nga nenet 178 e 179 të Kodit Penal”.

2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Ardit Mustafaj, bazuar në
nenet 88, 228 e vijues, 244 dhe 245 të K.Pr.Penale, me vendimin Nr. 84, datë 24.07.2024,
vendosi:

1.Caktimin ndaj shtetasit Edmond Gashi të masës së sigurimit “arrest në shtëpi” të
parashikuar nga neni 237 i K.Pr.Penale, si i dyshuar: Për kryerjen e veprave penale
“Shpërdorimi i detyrës”, dhe “Korrupsioni pasiv i personave që ushtrojnë funksione
publike”, e kryer në bashkëpunim, të parashikuara nga nenet 248 dhe 259/2-25 të
Kodit Penal.

Urdhërohet personi ndaj të cilit zhvillohet hetimi Edmond Gashi, të mos largohet
nga banesa e tij e ndodhur në adresën ****.

2.Caktimin ndaj shtetasit Emiljano Lela të masës së sigurimit “Detyrim për tu
paraqitur në policinë gjyqësore” të parashikuar nga neni 234 i K.Pr.Penale, si i
dyshuar: Për kryerjen e veprave penale “Shpërdorimi i detyrës”, dhe “Korrupsioni
pasiv i personave që ushtrojnë funksione publike”, e kryer në bashkëpunim, të
parashikuara nga nenet 248 dhe 259/2-25 të Kodit Penal.

-Urdhërohet personi ndaj të cilit zhvillohet hetimi Emiljano Lela , të paraqitet të
martën e parë dhe të tretë të çdo muaji, ora 11:00 para oficerit së policisë gjyqësore,
pranë Prokurorisë së Posaçme kundër Korruspionit dhe Krimit të Organizuar.

3.Caktimin ndaj shtetases Alketa Ymeri (Pere), të masës së sigurimit “Detyrim për tu
paraqitur në policinë gjyqësore” të parashikuar nga neni 234 i K.Pr.Penale, si e
dyshuar: Për kryerjen e veprës penale “Shpërdorimi i detyrës”, të parashikuar nga
neni 248 i Kodit Penal.

–Urdhërohet personi ndaj të cilit zhvillohet hetimi Alketa Ymeri (Pere), të paraqitet
të martën e parë dhe të tretë të çdo muaji, ora 11:00 para oficerit së policisë gjyqësore,
pranë Prokurorisë së Posaçme kundër Korruspionit dhe Krimit të Organizuar.

4.Caktimin ndaj shtetases Brikena Qirjazi, të masës së sigurimit “Detyrim për tu
paraqitur në policinë gjyqësore” të parashikuar nga neni 234 i K.Pr.Penale, si e
dyshuar: Për kryerjen e veprës penale “Shpërdorimi i detyrës”, të parashikuar nga
neni 248 i Kodit Penal.

–Urdhërohet personi ndaj të cilit zhvillohet hetimi Brikena Qirjazi, të paraqitet të
martën e parë dhe të tretë të çdo muaji, ora 11:00 para oficerit së policisë gjyqësore,
pranë Prokurorisë së Posaçme kundër Korruspionit dhe Krimit të Organizuar.

5.Caktimin ndaj shtetases Drilona Kishta, të masës së sigurimit “Detyrim për tu
paraqitur në policinë gjyqësore” të parashikuar nga neni 234 i K.Pr.Penale, si e
dyshuar: Për kryerjen e veprës penale “Shpërdorimi i detyrës”, të parashikuar nga
neni 248 i Kodit Penal.

–Urdhërohet personi ndaj të cilit zhvillohet hetimi Drilona Kishta, të paraqitet të
martën e parë dhe të tretë të çdo muaji, ora 11:00 para oficerit së policisë gjyqësore,
pranë Prokurorisë së Posaçme kundër Korruspionit dhe Krimit të Organizuar.

6.Caktimin ndaj shtetasit Halil Gashi, të masës së sigurimit “Detyrim për tu paraqitur
në policinë gjyqësore” të parashikuar nga neni 234 i K.Pr.Penale, si i dyshuar: Për
kryerjen e veprës penale “Fshehjes së të ardhurave”, të parashikuar nga neni 180/1
të Kodit Penal.

–Urdhërohet personi ndaj të cilit zhvillohet hetimi Halil Gashi, të paraqitet të martën
e parë dhe të tretë të çdo muaji, ora 11:00 para oficerit së policisë gjyqësore, pranë
Prokurorisë së Posaçme kundër Korruspionit dhe Krimit të Organizuar.

7. Caktimin ndaj shtetasit Florian Marku, të masës së sigurimit “arrest në shtëpi” të
parashikuar nga neni 237 i K.Pr.Penale, si i dyshuar: Për kryerjen e veprave penale
“Tregtimi dhe transportimi i mallrave që janë kontrabandë” dhe “Ruajtja ose
depozitimi i mallrave që janë kontrabandë”, të parashikuara nga nenet 178 e 179 i
Kodit Penal.

–Urdhërohet personi ndaj të cilit zhvillohet hetimi Florian Marku, të mos largohet
nga banesa e tij e ndodhur në adresën ****.

8. Për ekzekutimin e këtij vendimi, ngarkohet Prokuroria e Posaçme kundër
Korrupsionit dhe Krimit të Organizuar dhe policia gjyqësore.

9. Kundër këtij vendimi bëhet ankim brenda 5 (pesë) ditëve në Gjykatën e Posaçme
të Apelit për Korrupsionin dhe Krimin e Organizuar.
Tiranë, më datë 25.07.2024

Gjykata e Posaçme e Shkallës së Parë për Korrupsionin dhe Krimin e Organizuar

The post Skandali tek Onkologjiku/ Zbardhet vendimi i GJKKO për masat e sigurisë ndaj mjekëve appeared first on Albeu.com.

Masa e sigurisë për ish-kryeministrin e vendit u dha në kuadër të hetimeve nga SPAK për privatizimin e kompleksit sportiv të klubit Partizani në kryeqytet.

Ndërkohë, mbrëmë u ndalua në aeroportin e Rinasit dhëndri i tij, Jamarbër Malltezi, i cili u arrestua nga policia. Po ashtu është arrestuar dhe artaku i tij, Fatmir Bektashi.

Në vendim thuhet se Jamarbër Malltezi akuzohet për “Korrupsioni pasiv i funksionareve te larte shtetërore ose te zgjedhurve vendore”, kryer në bashkëpunim, parashikuar nga neni 260 e 25 i Kodit Penal dhe “Pastrimi i produkteve te veprës penale ose veprimtarisë kriminale”. kryer në bashkëpunim, parashikuar nga neni 287 paragrafi i dytë i Kodit Penal.

Sali Berisha, akuzohet për kryerjen e veprës penale “Korrupsioni pasiv i funksionarëve të larte shteterore ose te zgjedhurve vendore”, kryer në bashkëpunim, parashikuar nga neni 260 e 25i Kodit Penal.

Fatmir Bektashi akuzohet për kryerjen e veprave penale “Korrupsioni aktiv i funksionarëve të lartë shtetërore ose të zgjedhurve vendore”, parashikuar nga neni 245 i Kodit Penal dhe “Pastrimi i produkteve të veprës”.

The post DOKUMENTI/ Zbardhet vendimi i GJKKO, akuzat që rëndojnë mbi Berishën, Malltezin dhe Bektashin appeared first on Albeu.com.