Komisioni i Disiplinës dhe Etikës pranë Federatës Shqiptare të Futbollit publikoi sot masat e marra për ngjarjet e javës së fundit në “Abissnet Superiore” dhe Kategorinë e Parë.

Një vendim pozitiv ka ardhur për AF Elbasanin, të cilit i është miratuar kërkesa për konvertimin e pjesës së mbetur të dënimit që parashikonte zhvillimin e ndeshjeve pa spektatorë. Për rrjedhojë, duke nisur nga përballja me Egnatian, verdheblutë do të mund të mbështeten sërish nga tifozët në tribunat e stadiumit.

Ndërkohë, KF Vllaznia është ndëshkuar për sjelljen e mbështetësve të saj. Klubi shkodran mori një gjobë prej 100.000 lekësh për vendosjen e një banderole pa miratimin e zyrtarëve të ndeshjes dhe për përdorimin e koreve fyese. FC Dinamo City, nga ana tjetër, këtë herë ka shmangur ndëshkimin, por është paralajmëruar se përsëritja e vonesave në përmbushjen në kohë të detyrave të përcaktuara nga Rregullorja e Aktivitetit do të sjellë masa disiplinore.

VENDIMET:

Për sjelljen e gabuar të spektatorëve, të cilët vendosën një banderolë pa lejen e zyrtarëve të takimit dhe përdorën kore fyese, KF Vllaznia gjobitet me 100.000 (njëqind mijë) lekë, mbështetur në nenet 17/2/e dhe 17/2/h të KDE.

Në zbatim të nenit 6/1/a të KDE, FC Dinamo City merr paralajmërim se, nëse përsërit vonesat në realizimin brenda afatit të detyrave sipas Rregullores së Aktivitetit, do t’u nënshtrohet masave disiplinore të parashikuara nga Kodi i Disiplinës dhe Etikës dhe Rregulloret e FSHF.

Edhe KF Iliria paralajmërohet sipas nenit 6/1/a të KDE. Në rast se përsërit mosmarrjen e masave për zbatimin e rregullave të lojës, duke sjellë vonesa në nisjen e ndeshjes, klubi do të bëhet subjekt i sanksioneve që përcaktojnë Kodi i Disiplinës dhe Etikës dhe Rregulloret e FSHF.

Bekim Kuli, zyrtar i KF Pogradeci, pezullohet nga veprimtaritë për 2 (dy) ndeshje për provokim të spektatorëve, bazuar në nenin 14/1/f.

KS Besa dënohet me gjobë prej 100.000 (njëqind mijë) lekësh për mosmarrjen e masave të domosdoshme të sigurisë dhe për sjelljen e gabuar të tifozëve, të cilët hodhën sende në fushën e lojës. Masa është vendosur sipas neneve 17/1 dhe 17/2/b të KDE, ndërsa në bazë të nenit 76/1/a të KDE gjoba zbatohet në masën 50%.

Për hedhjen e sendeve në fushë nga spektatorët dhe vënien në rrezik të sigurisë së zyrtarëve të ndeshjes dhe lojtarëve kundërshtarë, Flamurtari FC gjobitet me 100.000 (njëqind mijë) lekë, në përputhje me nenet 17/2/b dhe 17/2/h të KDE. Sipas nenit 76/1/a të KDE, gjoba aplikohet në masën 50%.

KF Burreli ndëshkohet me 300.000 (treqind mijë) lekë gjobë për mungesën e masave të nevojshme për ruajtjen e rendit dhe sigurisë, si edhe për sjelljen e gabuar të spektatorëve. Këta të fundit hodhën sende në fushën e lojës, duke cenuar sigurinë e zyrtarëve të takimit dhe futbollistëve të skuadrës kundërshtare. Vendimi mbështetet në nenet 17/1, 17/2/b dhe 17/2/h të KDE, ndërsa sipas nenit 76/1/a të KDE gjoba zbatohet në masën 50%.

Futbollisti i KF Burreli, Igli Rrapi, dënohet me 3 (tre) ndeshje pezullim nga aktiviteti për sjellje të dhunshme ndaj lojtarëve kundërshtarë, në bazë të nenit 14/1/h të KDE.

Për sjellje josportive kundrejt zyrtarëve të ndeshjes, zyrtari i KS Kastrioti, Ramadan Ndreu, pezullohet nga aktiviteti për 4 (katër) ndeshje, sipas nenit 14/1/j të KDE.

Gazmend Vogli, zyrtar i KS Kastrioti, dënohet me 4 (katër) ndeshje pezullim nga veprimtaritë. Masa është marrë në bazë të nenit 13/2/a të KDE, pasi ai shkeli rregullat themelore të sjelljes së mirë duke hyrë në fushë në mënyrë të paautorizuar dhe të parregullt.

Lojtari i KS Kastrioti, Fabio Hasa, pezullohet nga veprimtaritë për 4 (katër) ndeshje për shkelje të rregullave bazë të sjelljes së mirë dhe provokim të spektatorëve. Dënimi bazohet në nenet 13/2/a dhe 14/1/f të KDE.

Komisioni pranoi kërkesën e AF Elbasanit për konvertimin e pjesës së mbetur të dënimit që e detyronte të luante pa praninë e spektatorëve, në përputhje me nenin 75 të Kodit të Disiplinës dhe Etikës.

Është miratuar gjithashtu kërkesa e zyrtarit të FC Dinamo City, Ilir Daja, për konvertimin e pjesës së mbetur të dënimit, duke u bazuar në nenin 75 të Kodit të Disiplinës dhe Etikës.

Kërkesa e futbollistit të FK Partizani U-17, Artur Aliaj, u rrëzua si e pambështetur në Kodin e Disiplinës dhe Etikës.

Si e pabazuar në Kodin e Disiplinës dhe Etikës u hodh poshtë edhe kërkesa e lojtarit të KF Delvina, Keli Musta.

Vendimi mund të ankimohet pranë Komisionit të Apelit brenda 3 (tre) ditëve.

The post Disiplina hap dyert për tifozët e Elbasanit, gjobitet Vllaznia dhe paralajmërohet Dinamo City (VENDIMET) appeared first on Albeu.com.

Një kërkim i ri tregon se mënyra se si e mbajmë trupin gjatë uljes mund të lidhet me mënyrën si marrim vendime, përballemi me rrezikun dhe përjetojmë emocionet.

Studimi, i realizuar nga kërkues të Universitetit McGill, sugjeron se një pozicion më i drejtë i trupit shoqërohet me ndjenja më të theksuara krenarie dhe me një mënyrë disi të ndryshme të menaxhimit të situatave me rrezik.

Gjetjet nënvizojnë gjithashtu se sjellja njerëzore mund të ndikohet nga detaje të vogla të ambientit, edhe atëherë kur individët nuk e kuptojnë se këto elemente po luajnë rol.

Në eksperiment u përfshinë afro 200 persona, të cilëve nuk iu tha se qëllimi i vërtetë ishte të vëzhgohej lidhja mes qëndrimit fizik dhe vendimmarrjes.

Studiuesit ndryshuan mënyrën e organizimit të vendit të punës. Disa pjesëmarrës përdorën një tablet të vendosur në një platformë të ngritur mbi një tavolinë të rregullueshme, pozicion që i orientonte natyrshëm të qëndronin më drejt. Grupi tjetër punoi në një tavolinë më të ulët, duke u përkulur më shpesh përpara.

Pas kësaj, të gjithë iu nënshtruan një loje kompjuterike të quajtur “detyrë e rrezikut me balonë”. Në të, ata duhej të frynin një balonë virtuale me shtypje të njëpasnjëshme. Sa më shumë shtypje të bënin, aq më i madh bëhej shpërblimi i mundshëm, por rritej edhe mundësia që balona të shpërthente dhe pikët e atij raundi të humbnin.

Ata që kishin qëndruar më drejt kryen zakonisht më shumë shtypje dhe arritën rezultate më të mira.

Megjithatë, sipas studiuesve, ky rezultat nuk tregon se këta persona ishin thjesht më impulsivë.

Jorge Armony, profesor i psikiatrisë dhe psikologjisë në Universitetin McGill dhe autori kryesor i studimit, tha se të dhënat lënë të kuptohet se pjesëmarrësit mund të kenë qenë më të aftë në menaxhimin e rrezikut dhe jo domosdoshmërisht më të prirur për të vepruar pa u menduar, transmeton Telegrafi.

Efekti i qëndrimit u shfaq edhe në përjetimin emocional. Personat që uleshin në një pozicion më të drejtë raportuan më shpesh një ndjenjë më të fortë krenarie.

Krenaria lidhet me vlerësimin që njeriu i bën vetes dhe veprimeve të tij. Për këtë arsye, autorët mendojnë se pozicioni i trupit mund të ndikojë jo vetëm në sjellje, por deri në një farë mase edhe në mënyrën se si përjetohen përvojat.

Studiuesit, megjithatë, theksojnë se ndikimi i matur ishte i moderuar dhe u vu re në kushte të kontrolluara laboratorike.

Prandaj, rezultatet nuk nënkuptojnë se drejtimi i shpinës do ta bëjë menjëherë dikë më të aftë për vendimmarrje ose më të sigurt në vetvete.

Një veçori e rëndësishme e kërkimit ishte se pjesëmarrësve nuk iu dha udhëzimi i drejtpërdrejtë për të ndryshuar qëndrimin. Pozicioni i trupit u përcaktua kryesisht nga mënyra se si ishte rregulluar hapësira e punës dhe shumica e tyre nuk e dinin se mënyra e uljes ishte pjesë e eksperimentit.

Kjo qasje u mundësoi studiuesve të shmangnin një problem të njohur në disa kërkime mbi “pozat e fuqisë”: rrezikun që pjesëmarrësit të kuptojnë objektivin e studimit dhe të ndryshojnë sjelljen sipas asaj që besojnë se pritet prej tyre.

Në këtë rast, pozicioni fizik u ndikua nga pajisjet dhe jo nga udhëzimet e studiuesve. Përmes analizimit të videove, ekipi mati edhe këndet e qafës së pjesëmarrësve, duke verifikuar se ndryshimi i qëndrimit kishte ndodhur realisht.

Gjetjet nuk provojnë në mënyrë të thjeshtë se ulja drejt çon automatikisht në vendime më të mira. Ato sugjerojnë se edhe përbërës të zakonshëm të mjedisit të përditshëm mund të kenë ndikim të caktuar mbi sjelljen dhe emocionet.

Lartësia e tavolinës, vendosja e ekranit dhe organizimi i hapësirës së punës mund të ndikojnë në komoditetin fizik, por potencialisht edhe në reagimet tona gjatë situatave që kërkojnë vendimmarrje.

Gjithsesi, autorët përsërisin se efektet ishin të kufizuara dhe u evidentuan në laborator. Për këtë arsye, studimi nuk duhet konsideruar si një teknikë e provuar për përmirësimin e gjykimit apo të vendimmarrjes.

Megjithatë, kërkimi hap një diskutim interesant mbi ndikimin që mund të kenë në sjelljet e përditshme faktorë kaq të zakonshëm sa pozicioni i trupit dhe hapësira ku punojmë. /Telegrafi/

The post Qëndrimi në karrige mund të ndikojë te rreziku dhe emocionet, zbulojnë studiuesit appeared first on Albeu.com.

Komisioni i Disiplinës dhe Etikës pranë Federatës Shqiptare të Futbollit ka bërë publike masat e marra pas episodeve të dhunshme të shënuara pas përballjes Elbasani–Vllaznia, e luajtur në kuadër të javës së dytë të Superiores.

Alban Xhaferi, zyrtari i klubit të Vllaznisë, është pezulluar për 15 ndeshje nga aktivitetet sportive për sulmin ndaj zyrtarit të ndeshjes, konkretisht goditjen me grusht të asistentit të arbitrit Ergys Spahiu. Gjatë kësaj periudhe, atij i ndalohet edhe hyrja në të gjitha stadiumet ku zhvillohen veprimtari sportive të organizuara nga FSHF.

Masë disiplinore është dhënë edhe ndaj trajnerit të Vllaznisë, Edi Martini, i cili nuk do të marrë pjesë në 6 ndeshje për shkelje të rregullave themelore të sjelljes së mirë dhe sjellje josportive ndaj zyrtarëve të ndeshjes. Ndërkohë, zyrtari tjetër i klubit shkodran, Elis Dervishaj, është pezulluar për 4 ndeshje për sjellje josportive ndaj zyrtarëve të takimit.

Për incidentet e ndodhura pas përfundimit të ndeshjes, si brenda stadiumit, ashtu edhe në afërsi të tij, Elbasani është ndëshkuar me 100.000 (njëqind mijë) lekë gjobë, për mospërmbushje të përgjegjësive që lidhen me rendin dhe sigurinë.

Dy ndeshje pezullim është vendimi për trajnerin e Dinamo City, Ilir Daja, për protestat ndaj vendimeve të zyrtarëve të ndeshjes në sfidën Skënderbeu–Dinamo.

Komisioni ka pranuar gjithashtu kërkesën e lojtarit të FK Partizani, Human Lancaster Rowan, për konvertimin e pjesës së mbetur të dënimit, në bazë të nenit 75 të Kodit të Disiplinës dhe Etikës.

Sa i përket kërkesave të tjera, është rrëzuar ajo e Klubit të Futbollit Delvina për faljen e dënimit për zhvillimin e ndeshjeve pa spektatorë, pasi është konsideruar e pabazuar në Kodin e Disiplinës dhe Etikës. Të njëjtin përfundim kanë marrë edhe kërkesat e lojtarit të KF Iliria, Brajan Selmani, dhe futbollistit të KF Oriku, Bruno Telushi.

Vendimet e Komisionit të Disiplinës dhe Etikës:

1. AF Elbasani, për mospërmbushje të përgjegjësive lidhur me rendin dhe sigurinë, për incidentet e ndodhura pas përfundimit të ndeshjes brenda dhe në afërsi të stadiumit, bazuar në nenet 8/1 dhe 17/1 të KDE, dënohet me gjobë në masën 100.000 (njëqind mijë) lekë.

2. Zyrtari i KF Vllaznia, Alban Xhaferi, për sulm ndaj zyrtarëve të ndeshjes, bazuar në nenin 14/1/l të KDE, dënohet me 15 (pesëmbëdhjetë) ndeshje pezullim nga veprimtaritë. Në zbatim të nenit 6/2/c të KDE, atij i ndalohet hyrja në të gjitha stadiumet gjatë zhvillimit të veprimtarive sportive të organizuara nga FSHF, deri në përfundimin e dënimit.

3. Zyrtari i KF Vllaznia, Edi Martini, për shkelje të rregullave themelore të sjelljes së mirë dhe sjellje josportive ndaj zyrtarëve të ndeshjes, bazuar në nenet 13/2 dhe 14/1/j të KDE, dënohet me 6 (gjashtë) ndeshje pezullim nga veprimtaritë.

4. Zyrtari i KF Vllaznia, Elis Dervishaj, për sjellje josportive ndaj zyrtarëve të ndeshjes, bazuar në nenin 14/1/j të KDE, dënohet me 4 (katër) ndeshje pezullim nga veprimtaritë.

5. Zyrtari i FC Dinamo City, Ilir Daja, për protestë ndaj vendimeve të zyrtarëve të ndeshjes, bazuar në nenin 14/1/c të KDE, dënohet me 2 (dy) ndeshje pezullim nga veprimtaritë.

6. Pranohet kërkesa e lojtarit të FK Partizani, Human Lancaster Rowan, për konvertimin e pjesës së mbetur të dënimit, bazuar në nenin 75 të Kodit të Disiplinës dhe Etikës.

7. Rrëzohet kërkesa e Klubit të Futbollit Delvina për faljen e dënimit për zhvillimin e ndeshjeve pa spektatorë, si e pabazuar në Kodin e Disiplinës dhe Etikës.

8. Rrëzohet kërkesa e lojtarit të KF Iliria, Brajan Selmani, si e pabazuar në Kodin e Disiplinës dhe Etikës.

9. Rrëzohet kërkesa e lojtarit të KF Oriku, Bruno Telushi, si e pabazuar në Kodin e Disiplinës dhe Etikës.

Kundër këtij vendimi mund të bëhet ankim brenda 3 (tre) ditëve pranë Komisionit të Apelit.

The post Vendimet e Disiplinës pas incidentit Elbasan–Vllaznia, pezullime të rënda për Xhaferin e Martinin dhe gjobë për klubin verdheblu appeared first on Albeu.com.

Komisioni i Disiplinës dhe i Etikës pranë Federatës Shqiptare të Futbollit ka bërë publike vendimet për incidentet e regjistruara në javën e parë të sezonit të ri të “Abissnet Superiore”, si edhe për aktivitetet e kategorive të moshave.

Trajneri i Vllaznisë, Edi Martini, është ndëshkuar vetëm me një paralajmërim për mosrespektimin e detyrimit për të dhënë intervistë pas ndeshjes. Shkodrani është paralajmëruar se përsëritja e kësaj shkeljeje mund të sjellë një masë më të rëndë disiplinore.

Komisioni ka marrë masë edhe ndaj lojtarit të Partizanit, Human Lancaster Rowan, i cili gjatë përballjes me Teutën goditi me grusht një futbollist kundërshtar. Mesfushori i “të kuqve” do të mungojë në dy ndeshjet e ardhshme.

VENDIMET E PLOTA:

Zyrtari i KF Vllaznia, Edi Martini, për mosrespektimin e detyrimit për të dalë në intervistën pas ndeshjes, në kundërshtim me nenin 77 të Rregullores së Aktivitetit, në bazë të nenit 6/1/a të KDE, paralajmërohet se, në rast përsëritjeje të kësaj shkeljeje ose të çdo shkeljeje tjetër të ngjashme që lidhet me përmbushjen e detyrimeve mediatike, do t’i nënshtrohet masave disiplinore të parashikuara nga Kodi i Disiplinës dhe Etikës dhe rregulloret e FSHF.

Lojtari i FK Partizani, Human Lancaster Rowan, për sjellje josportive ndaj lojtarëve të ekipit kundërshtar, në bazë të nenit 14/1/b të KDE, dënohet me 2 (dy) ndeshje pezullim nga veprimtaritë futbollistike.

Rrëzohet si e pabazuar në Kodin e Disiplinës dhe Etikës kërkesa e lojtarit të FK Partizani U-18, Rei Zekaj.

Rrëzohet si e pabazuar në Kodin e Disiplinës dhe Etikës kërkesa e lojtarit të FK Partizani U-18, Riseld Hocja.

Rrëzohet si e pabazuar në Kodin e Disiplinës dhe Etikës kërkesa e lojtarit të FK Partizani U-18, Jon Caushi.

Kundër vendimit lejohet ankim brenda 3 (tre) ditëve përpara Komisionit të Apelit.

The post Edi Martini merr paralajmërim, ndërsa mesfushori i Partizanit pezullohet për dy ndeshje (VENDIMET) appeared first on Albeu.com.

Sipas Hoxhajt, rikthimi i emërtimeve të lidhura me Josip Broz Titon përfaqëson rikthimin e simbolikës së një regjimi që, siç është shprehur ai, i shtypi shqiptarët për dekada.

“Vendimet për të rikthyer emërtimet e periudhës jugosllave në Tetovë prekin kujtesën historike, identitetin dhe frymën mbi të cilën u ndërtua bashkëjetesa pas Marrëveshjes së Ohrit. Rikthimi i emërtimeve që lidhen me Josip Broz Titon përfaqëson rikthimin e një simbolike të regjimit që shtypi shqiptarët për dekada. Po ashtu, ai rikthen në kujtesë edhe trashëgiminë e Ushtrisë Popullore Jugosllave (JNA), e cila kreu krime të rënda dhe mori pjesë në fushata gjenocidale kundër shqiptarëve në Kosovë, si edhe kundër boshnjakëve dhe kroatëve gjatë shpërbërjes së Jugosllavisë”, ka shkruar Hoxhaj.

Ai ka nënvizuar se të drejtat e fituara të shqiptarëve në Maqedoninë e Veriut nuk duhet të vihen në dyshim përmes vendimeve që, sipas tij, prodhojnë pasiguri dhe thellojnë ndarjet.

“Të drejtat e fituara të shqiptarëve në Maqedoninë e Veriut nuk duhet të vihen në pikëpyetje përmes vendimeve që krijojnë pasiguri dhe nxisin ndarje. Ruajtja e barazisë, respektimi i gjuhës shqipe dhe i karakterit shumetnik të shtetit janë themeli i stabilitetit dhe i orientimit euroatlantik të vendit”, ka deklaruar ai.

Në përmbyllje, Hoxhaj është shprehur se çdo veprim që prek frymën e Marrëveshjes së Ohrit dëmton demokracinë, paqen dhe perspektivën evropiane të Maqedonisë së Veriut.

“Çdo hap që dobëson frymën dhe parimet e Marrëveshjes së Ohrit nuk i shërben as demokracisë, as paqes, e as perspektivës evropiane të Maqedonisë së Veriut. Shqiptarët meritojnë siguri juridike, barazi të plotë dhe respekt për të drejtat e fituara, jo kthim prapa”, ka përfunduar Hoxhaj.

The post Hoxhaj: Vendimet për rikthimin e emërtimeve jugosllave në Tetovë dëmtojnë frymën e Ohrit dhe të drejtat e shqiptarëve appeared first on Albeu.com.

Bashkëshortja e kryebashkiakut të Tiranës, kërkon të shfuqizohen si jo kushtetues vendimet e kontrollit dhe të sekuestrave, pasi sipas paditëses kanë shkelur parimet e një procesi të rregullt ligjor.

Në këtë çështje, palë është edhe Spak që do të paraqesë me shkrim prapësimet kundër pretendimeve të Xoxës dhe kërkuesit tjetër, shoqërisë Partners Low

The post Të shfuqizohen vendimet për kontrollet dhe sekuestrot/ Gjykata Kushtetuesja pranon kërkesën e Ajola Xoxës, e kalon në seancë appeared first on Albeu.com.

The post Nga pagat e mësuesve dhe policisë te regjistri për lojërat e fatit/ Zbardhen vendimet e Këshillit të Ministrave appeared first on Albeu.com.

Sipas tij, në takim janë marrë tre vendime kryesore. Kryesia ka vendosur të mos njohë zgjedhjet e 11 majit, ndërsa të premten do të marrë pjesë në seancën plenare në Kuvend.

Po ashtu, PD ka kërkuar ngritjen e dy komisioneve hetimore parlamentare: një për zgjedhjet dhe një për çështjen McGonigal.

Gazetari Osman Stafa: Ka përfunduar mbledhja e Kryesisë së PD-së. Dy janë vendimet më të rëndësishme që janë marrë. Kryesia Kryesia e PD vendos të mos njohë zgjedhjet e 11 majit.

Kryesia vendos të shkojë në Kuvend të premten. Kërkesa për dy komisionet parlamentare: Komision Hetimor Parlamentar për Zgjedhjet dhe Komision Hetimor Parlamentar për McGonigal.

The post Përfundon mbledhja e Kryesisë së PD-së, ja tre vendimet që u morën appeared first on Albeu.com.

Ekipi i Erzenit është dënuar me katër ndeshje pa tifozë dhe me një gjobë prej 50 mijë lekë. Gjykata Sportive ka paralajmëruar Bylisin duke e këshilluar që të mos përsëriten sjelljet jo të duhur nga tifozët.

Të gjitha vendimet e Komisionit të Disiplinës dhe Etikës së FSHF 19.10.2022:

KF Erzeni, për dështim në përmbushjen e detyrimeve dhe përgjegjësive, sjelljes së gabuar të spektatorëve si dhe hedhjen e sendeve në terrenin sportiv, në bazë të neneve 64/2, 65/3/c dhe 65/4/b të KDS, dënohet me 4 (katër) ndeshje pa spektatorë në stadiumin përkatës dhe gjobë në masën 50.000 (pesëdhjetë mijë) lekë.

FK Bylis, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

FK Egnatia, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1, dhe 65/3/c të KDS, dënohet me gjobë në masën 50.000 (pesëdhjete mijë) lekë.

Flamurtari FC, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

FK Tomori, për sjelljen e gabuar të spektatorëve duke hedhur sende brenda rrethimit të fushës si dhe dështim në përmbushjen e detyrimeve dhe përgjegjësive duke lejuar hyrjen brenda rrethimit të fushës të personave të pa autorizuar, që shkaktuan ndërprerje të përkohshme të lojës, në bazë të neneve 64/3/b dhe 65/3/c të KDS, dënohet me zhvillimin e 4 (katër) ndeshjeve pa spektatorë në stadiumin përkatës si dhe gjobë në masën 50.000 (pesëdhjetë mijë) lekë. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj. Në zbatim të nenit 116/1/a të KDS, gjoba të aplikohet në masën 50%.

FK Apolonia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF

KF Butrinti, për braktisjen e ndeshjes së vlefshme për turin 1/16 të Kupës së Shqipërisë, kundër FK Dinamo, në bazë të nenit 54/1 të KDS dhe nenit 36/2 të Rregullores së Veprimtarisë Futbollistike, humbet ndeshjen në tavolinë me rezultatin 3-0 dhe përjashtohet nga gara për sezonin aktual si dhe atë pasardhës të Kupës së Shqipërisë.

Pranimin e kërkesës së zyrtarit të KS Kastrioti, Emiljano Cela, duke pezulluar zbatimin e pjesës së mbetur të dënimit. Në bazë të nenit 32/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.

The post Komisioni i Disiplinës nuk fal, gjobë dhe katër ndeshje pa tifozë për Erzenin appeared first on Albeu.com.

“U vendos ngritja e grupit të audititmit dhe verifikimit të përdorimit të fondeve të PD për aktivitete lobimi për fushatën zgjedhore të vitit 2017”, tha Garo.

vijon…/albeu.com

The post Financimet ruse, Floriana Garo: Vendimet në mbledhjen e PD-së do t’i takojnë Këshillit Kombëtar appeared first on Albeu.com.