Vendimi për mosfillimin e një dosje penale është marrë pak kohë më parë nga prokuroria e Tiranës, e cila pasi kreu një seri veprimesh hetimore, si këqyrje të pamjeve filmike, pyetjen 3 herë të Daniel Shimës, pyetjes 3 herë të të fejuarës së tij avokate dhe pyetjen dy herë të nënës së tij. L.Shima, ka dalë në konkluzionin se Shima ishte larguar me dëshirën e tij nga banesa pa u ndikuar nga askush.

Gazetari Elton Qyno ka mësuar se SPAK nuk ka shfaqur asnjë interes për këtë çështje dhe as të marrë ndonjë deklarim të Daniel Shimës.

Madje në dosjen e mosfillimit të hetimeve, është dhe një kthim përgjigje e titullarit, Altin Dumani, i cili informonte grupin e hetimit në prokurorinë e Tiranës se ndaj Daniel Shimës, nuk kishte asnjë hetim në SPAK.

Mësohet se për këtë çështje, Daniel Shima, është marrë në pyetje një herë në ambientet e Komisariatit Nr.1 në Tiranë dhe dy herë në ambientet e prokurorisë së kryeqytetit.

Shima ka mbajtur të njëjtin qëndrim në deklarimet e tij, duke pohuar se “zhdukja” e tij dhe humbja e kontakteve me të fejuarën dhe nënën e tij, ka qenë me dëshirë dhe nuk është ndikuar nga rrethana të tjera të kryera forcërisht nga persona të tretë.

“…Mos më thërrisni më për të më pyetur…”, mësohet t’i ketë thënë Daniel Shima, oficerit të prokurorisë që po kryente veprime hetimore rreth rastit të tij për largimin nga banesa në datën 20 Gusht 2025.

Ndërkohë përmbajtjen e SMS-së me tekst: “…po më arrestojnë…” që ja ka dërguar të fejuarës së tij, Daniel Shima, e ka shpjeguar në prokurori se gjithçka ka ndodhur në kushtet e gjendjes emocionale për shkak të një konflikti të momentin që ka pasur me bashkëjetuesen.

Për këtë fakt është marrë në pyetje 3 herë dhe e fejuara e tij avokate, e cila ka dhënë të njëjtin shpjegim që ka mbajtur dhe Daniel Shima.

Deklarim ka dhënë dhe L.Shima, nëna e Danielit, e cila u ka thënë hetuesve në prokurorinë e Tiranës se gjithçka Danieli e kishte inskenuar vetë, për shkak të një konflikti në çift. Sipas dëshmisë së saj, tashmë çifti është pajtuar dhe jetojnë bashkë.

Ndërkohë nga këqyrjet e disa pamjeve filmike të sekuestruara në disa biznese, është parë që Daniel Shima, ndodhet i vetëm në makinën e tij. Një kamerë e instaluar tek zona e rreth-rrotullimit të Fakultetit Ekonomik në rrugën e Elbasanit, ka filmuar qartë se Shima ka qenë i vetëm dhe i pashoqëruar nga askush.

Ky moment është fiksuar disa minuta pasi Shima i kishte dërguar bashkëjetueses mesazhin: ”…po më arrestojnë…”, gjë e cila sipas prokurorisë së Tiranës, ai ka shkëputur vetë lidhjet dhe nuk është marrë forcërisht dhe pa dëshirën e tij nga persona të tjerë./Syri.net

The post Mbyllet me vendim mos fillimi, dosja e ‘rrëmbimit’ të zv/drejtuesit të AKSHI-t appeared first on Albeu.com.

I. Projektligji “Për menaxhimin e integruar të mbetjeve”

Ky projektligj ka për qëllim krijimin e një sistemi të qëndrueshëm për menaxhimin e mbetjeve në Republikën e Shqipërisë, me synim mbrojtjen e mjedisit dhe shëndetit publik, si dhe përdorimin më efikas të burimeve natyrore, duke mbështetur kalimin drejt ekonomisë qarkulluese.

Projektligji përcakton rregullat për funksionimin e sistemit të menaxhimit të mbetjeve, duke u fokusuar në:
• parandalimin ose reduktimin e mbetjeve;
• minimizimin e ndikimeve negative nga krijimi dhe trajtimi i tyre;
• rritjen e eficiencës në përdorimin e burimeve.

Nga fusha e zbatimit të këtij ligji përjashtohen disa kategori të posaçme, si shkarkimet në atmosferë, tokat e paprekura, dherat e pastra të përdorura për ndërtim, mbetjet radioaktive, anijet e dala jashtë përdorimit, mbetjet nga aktivitetet minerare, ujërat e përdorura dhe nënproduktet shtazore të caktuara.

Ky projektligj është i përafruar me Direktivën 2008/98/KE të Parlamentit Evropian dhe të Këshillit “Mbi mbetjet”, duke siguruar harmonizimin e legjislacionit kombëtar me standardet e Bashkimit Evropian.

II. Udhëzimi për miratimin e kostos mesatare të ndërtimit të banesave nga Enti Kombëtar i Banesave për vitin 2025

Kostoja mesatare e ndërtimit të banesave përcaktohet në nivel kombëtar prej 56 491 lekë/m² sipërfaqe shfrytëzimi. Vlerat specifike sipas qyteteve pasqyrohen në tabelën përkatëse, ndërsa për qytetet që nuk kanë të dhëna të veçanta, do të përdoren vlerat e qytetit më të afërt.

Në rast ndryshimesh të çmimeve të zërave të ndërtimit, kostoja e gjeneruar nga manuali i integruar i çmimeve përmes portalit qeveritar “e-Albania” prevalon mbi koston e përcaktuar në këtë udhëzim.

III. Këshilli i Ministrave miratoi ndryshime në përbërjen e disa institucioneve:

– Z. Kastriot Gurra, drejtor i Përgjithshëm i Agjencisë Shtetërore për Shpronësimin, lirohet nga kjo detyrë.

-Z. Ermal Shena emërohet drejtor i Përgjithshëm i Agjencisë Shtetërore për Shpronësimin.

The post Mblidhet Këshilli i Ministrave, ja vendimet që u morën appeared first on Albeu.com.

V E N D I M
PËR
DISA NDRYSHIME DHE SHTESA NË VENDIMIN NR.42, DATË 16.1.2008, TË KËSHILLIT TË MINISTRAVE, “PËR MIRATIMIN E RREGULLORES PËR KRITERET DHE PROCEDURAT E DHËNIES SË LICENCAVE PROFESIONALE TË ZBATIMIT, KLASIFIKIMIT DHE DISIPLINIMIT TË SUBJEKTEVE JURIDIKE, QË USHTROJNË VEPRIMTARI NDËRTIMI”, TË NDRYSHUAR
Në mbështetje të nenit 100 të Kushtetutës dhe të nenit 18, të ligjit nr.8402, datë 10.9.1998, “Për kontrollin dhe disiplinimin e punimeve të ndërtimit”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave
V E N D O S I:
I. Në rregulloren “Për kriteret e procedurat e dhënies së licencave profesionale të zbatimit, klasifikimit dhe disiplinimit të subjekteve juridike, që ushtrojnë veprimtari ndërtimi”, të miratuar me vendimin nr.42, datë 16.1.2008, të Këshillit të Ministrave, të ndryshuar, bëhen këto ndryshime dhe shtesa:
1. Në të gjithë rregulloren, emërtimi “Ministria e Transportit dhe Infrastrukturës” zëvendësohet me fjalët “… ministria përgjegjëse për ndërtimin …”.
2. Në të gjithë rregulloren, fjalët “… sektori i licencimit …” zëvendësohen me “… sekretariati teknik …”.
3. Në të gjithë rregulloren, fjala “… bilanc …” zëvendësohet me fjalët “… pasqyra financiare …”.
4. Në kreun II bëhen këto ndryshime dhe shtesa:
a) Në pikën 1 bëhen ndryshimet dhe shtesat e mëposhtme:
i. Shkronja “a” ndryshohet, si më poshtë vijon:
“a) Komisioni i Posaçëm i Dhënies së Licencave Profesionale krijohet sipas këtij vendimi dhe përbëhet nga pesë anëtarë:
i. një përfaqësues nga Kryeministria, i cili është kryetar i Komisionit;
ii. dy përfaqësues nga ministria përgjegjëse për ndërtimin;
iii. një përfaqësues nga ministria përgjegjëse për infrastrukturën;
iv. një përfaqësues nga ministria përgjegjëse për energjinë.”.
ii. Pas shkronjës “a” shtohen shkronjat “a/1” dhe “a/2”, me këtë përmbajtje:
“a/1) Përbërja e Komisionit të Posaçëm të Dhënies së Licencave Profesionale, sipas shkronjës “a”, të kësaj pike, pas propozimeve për përfaqësuesit përkatës, miratohet me urdhër të ministrit përgjegjës për ndërtimin. Nënkryetari zgjidhet në mbledhjen e parë të Komisionit të Posaçëm të Dhënies së Licencave Profesionale.
a/2) Detyrën e sekretariatit teknik të Komisionit e kryen struktura përgjegjëse për licencimin në ministrinë përgjegjëse për ndërtimin.”.
iii. Shkronja “c” shfuqizohet.
iv. Shkronja “ç” ndryshohet, si më poshtë vijon:
“ç) Anëtarët e Komisionit shpërblehen për pjesëmarrjen dhe kontributin e tyre në komision sipas akteve nënligjore në fuqi, që përcaktojnë masën e shpërblimit për anëtarët e këshillave, të bordeve apo komisioneve në njësitë e qeverisjes qendrore.”.
b) Në pikën 2 bëhen ndryshimet dhe shtesat e mëposhtme:
i. Fjalia e dytë, e shkronjës “a”, zëvendësohet me “Komisioni shprehet me vendim brenda 20 (njëzet) ditëve kalendarike nga paraqitja e kërkesës nëpërmjet portalit “e-Albania” drejt sistemit elektronik të licencimit.”.
ii. Në shkronjën “b” bëhen ndryshimi dhe shtesa e mëposhtme:
⦁ Togfjalëshi “më pas” zëvendësohet me “më pak”;
⦁ Në fund të shkronjës shtohet fjalia, me këtë përmbajtje:
“Në rast se në një muaj bëhen më shumë se 2 (dy) mbledhje, kryetari dhe anëtarët e Komisionit nuk shpërblehen për mbledhjet shtesë.”.
iii. Në shkronjën “c”, fjalët “… të dorëzuar deri 7 ditë …” zëvendësohen me “… të ardhur nëpërmjet portalit “e-Albania” drejt sistemit elektronik të licencimit deri në 1 (një) ditë …”.
v. Shkronja “ç” shfuqizohet.
c) Në pikën 3 bëhen këto ndryshime:
i. Paragrafi i parë, i shkronjës “c”, ndryshohet, si më poshtë vijon:
“c) Kur konstatohet se ka kërkesa të shumta në numër, brenda dy ditëve punë, kryetari ose, në mungesë të kryetarit, nënkryetari, thërret jashtë radhe mbledhjen për shqyrtimin e materialit të depozituar deri në 1 (një) ditë kalendarike para fillimit të mbledhjes.”.
ii. Shkronja “ë” ndryshohet, si më poshtë vijon:
“ë) Licencat gjenerohen në sistemin elektronik të licencave me të dhënat e hedhura nga sekretaria, bazuar në vendimet e Komisionit duke marrë vulën elektronike të ministrisë përgjegjëse për ndërtimin, si dhe firmoset me firmën elektronike nga kryetari i komisionit dhe i dërgohet kërkuesit në llogarinë e tij në portalin“e-Albania”. Sekretaria, brenda 5 (pesë) ditëve punë nga marrja e vendimit në komisionin e posaçëm të licencimit, hedh të dhënat sipas procesverbalit të mbledhjes së firmosur nga të gjithë anëtarët e pranishëm në mbledhje.”.
ç) Në shkronjën “a”, të pikës 4, bëhen ndryshimet e mëposhtme:
i. Nënparagrafët I dhe II shfuqizohen.
ii. Nënparagarfi IV ndryshohet, si më poshtë vijon:
“IV. Kur kërkesa ka mangësi apo nuk shoqërohet me dokumentacionin përkatës, sipas kreut VI të kësaj rregulloreje, sekretariati brenda 5 (pesë) ditëve punë nga bërja e kërkesës, njofton kërkuesin, nëpërmjet portalit unik qeveritar “e-Albania” për plotësimin e dokumentacionit brenda 10 (dhjetë) ditëve kalendarike. Nëse mangësitë dhe dokumentacioni plotësohen brenda afatit të përcaktuar dhe konstatohen nga sekretaria se këto plotësime janë shteruese, afatet e shqyrtimit të kërkesës konsiderohen që nga momenti i bërjes së kërkesës për herë të parë. Në rast se mangësitë e konstatuara nuk plotësohen brenda afatit të përcaktuar, kërkesa i kthehet kërkuesit nëpërmjet sistemit të licencave.”.
iii. Nënparagrafi VI ndryshohet, si më poshtë vijon:
“VI. Përgatit rendin e ditës dhe ja shpërndan anëtarëve të komisionit një ditë para mbledhjes.”.
iv. Në paragrafin e dytë të nënparagrafit V bëhen këto ndryshime:
⦁ Në fjalinë e parë, fjala “… Rekomandimi …” zëvendësohet me “… Propozimi …”.
⦁ Fjalia e dytë shfuqizohet.
v. Në paragrafin VII, fjalët “… 2 (dy) ditë pune …” zëvendësohen me “… 5 (pesë) ditë pune …”.
vi. Paragrafi X ndryshohet, si më poshtë vijon:
“X. Përditëson të dhënat në regjistrin elektronik të subjekteve të licencuara sipas të dhënave në vendimmarrjet për licencat për subjektet dhe dërgon për publikim të gjitha vendimmarrjet për licencat për subjektet tregtare në Regjistrin Kombëtar të Licencave dhe Lejeve.”.
vii. Paragrafi IX shfuqizohet.
viii. Paragrafi XI ndryshohet, si më poshtë vijon:
“XI. Arkivimin e dokumentacionit të mbledhjeve të komisionit dhe sekretariatit, në përputhje me rregullat e parashikuara në legjislacionin për arkivat.”.
d) Në pikën 5 bëhen ndryshimet e mëposhtme:
i. Shkronja “b” ndryshohet, si më poshtë vijon:
“b) Kur kërkesa është në mbështetje të kësaj rregulloreje, brenda 10 (dhjetë) ditëve, subjekti njoftohet nëpërmjet portalit unik qeveritar “e-Albania”, për pranimin e përditësimit për një ose më shumë elemente:”;
ii. Nënparagrafi II, i shkronjës “b”, ndryshohet, si më poshtë vijon:
“II. Ndryshim emërtim shoqërie ose selie:”.
iii. Në nënparagrafin IV, të shkronjës “b”, bëhen këto ndryshime:
⦁ Fjalia e parë ndryshohet, si më poshtë vijon:
“Statusin aktiv, të çregjistruar apo të pezulluar sipas të dhënave nga regjistri mbi aktivitetin e shoqërisë, e pasqyruar në regjistrin elektronik të licencave, i cili përditësohet ndërmjet ndërveprimit midis dy sistemeve.”.
⦁ Paragrafi i fundit shfuqizohet.
iv. Shkronja “c” ndryshohet, si më poshtë vijon:
“c) Kur kërkesa ka të meta ose dokumentacioni provues nuk është në formën e kërkuar ligjore, brenda 7 (shtatë) ditëve nga dita e ardhjes së kërkesës, subjekti njoftohet nëpërmjet portalit unik qeveritar “e-Albania”, për plotësim sipas rastit të dokumentacionit dhe/ose kërkesës brenda 20 (njëzet) ditëve kalendarike. Kur subjekti nuk plotëson dokumentacionin dhe/ose kërkesën brenda afatit të përcaktuar, kërkesa i kthehet kërkuesit nëpërmjet sistemit të licencave.”.
dh) Pika 6 ndryshohet, si më poshtë vijon:
“6. Lëshimi i dublikatit do të kryhet për licenca të miratuara para datës 1 maj 2022. Kërkesa për lëshimin e dublikatit trajtohet brenda 3 (tri) ditësh pune.”.
5. Në kreun III bëhen ndryshimet dhe shtesa e mëposhtme:
a) Në pikën 1 hiqet fjala “garanci”.
b) Shkronjat “b” dhe “d”, të pikës 1, shfuqizohen.
c) Në pikën 2 bëhen ndryshimet e mëposhtme:
i. Titulli i pikës 2 ndryshohet, si më poshtë vijon:
“2. Elementet e licencës, sipas lidhjes nr.1;”.
ii. Në shkronjën “a” bëhen këto ndryshime:
– Në paragrafin III, fjala “… identifikimit …” zëvendësohet me “… licencës …”.
– Nënparagrafi IV ndryshohet, si më poshtë vijon:
“IV. Datën e regjistrimit në Regjistrin Profesional (e njëjtë me datën e marrjes së vendimit nga komisioni).”.
⦁ Nënparagrafët VIII dhe IX shfuqizohen.
iii. Shkronja “b” shfuqizohet.
ç) Në shkronjën “c”, të pikës 3, bëhen këto ndryshime:
i. Fjalia e parë, e paragrafit të parë, shfuqizohet;
ii. Fjalia e dytë, e paragrafit të pestë, ndryshohet, si më poshtë vijon:
“Njoftimi ka bashkëlidhur dokumentacionin provues sipas kësaj rregulloreje.”.
6. Në kreun IV bëhen ndryshimi dhe shtesa e mëposhtme:
a) Paragrafi i parë, i pikës 2, ndryshohet, si më poshtë vijon:
“Papajtueshmëritë me detyrën e drejtuesit teknik të shoqërisë së zbatimit:
a) Drejtuesit teknikë të shoqërisë mund të jenë të angazhuar në punëmarrje tjetër vetëm me kohë të pjesshme dhe kur nuk krijojnë apo kanë konflikt interesi me pozicionin e punës si drejtues teknik, si dhe kur nuk cenojnë vijueshmërinë e punës si drejtues teknik;
b) Drejtuesi teknik i shoqërisë nuk mund të jetë njëkohësisht i punësuar në dy apo më shumë shoqëri ndërtimi si drejtues teknik dhe ndalohet të disponojë licencë për mbikëqyrje e kolaudim të punimeve të zbatimit;
c) Kur personat që pranojnë të kryejnë detyrën e drejtuesit teknik të shoqërisë për zbatim, disponojnë licencë profesionale mbikëqyrjeje e kolaudim punimesh zbatimi, ata kanë detyrimin për evidentimin e këtij fakti në dokumentacionin e paraqitur për aplikim, si dhe licenca individuale në fushën e mbikëqyrjes dhe kolaudimit të punimeve të zbatimit pezullohet përpara ose në çastin kur shoqëria në fjalë merr licencën;
ç) Për licencat profesionale për mbikëqyrje e kolaudim punimesh zbatimi hiqet pezullimi sapo personi shkëput marrëdhëniet si drejtues teknik me shoqërinë.”.
b) Pas pikës 2 shtohet pika 3, me këtë përmbajtje:
“3. Komisioni shqyrton plotësimin e kriterit arsimor të kërkuesit për licencë, në bazë të fushës së diplomimit të përcaktuar në lidhjen 5 të kësaj rregulloreje.”.
7. Në kreun VI bëhen këto ndryshime dhe shtesa:
a) Fjalia e parë, e shkronjës “a”, të pikës 1, ndryshohet, si më poshtë vijon:
“a) Kërkesa e shoqërisë për pajisje me licencë bëhet nëpërmjet portalit “e-Albania” drejt sistemit elektronik të licencimit, sipas formularit të paraqitur në lidhjen nr.6.”.
b) Në shkronjën “a”, të pikës 3, nënparagrafi i fundit, pas nënparagrafit V, ndryshohet, si më poshtë vijon:
“Kur struktura përgjegjëse për licencimin në fushën e zbatimit të punimeve të ndërtimit pranë ministrisë përgjegjëse për ndërtimin njoftohet nga drejtuesi teknik që është larguar nga shoqëria, nëpërmjet portalit “e-Albania” drejt sistemit elektronik të licencimit, struktura përgjegjëse, brenda 7 (shtatë) ditëve, njofton shoqërinë për këtë largim dhe për detyrimin për plotësimin sipas kësaj rregulloreje.”.
c) Në nënparagrafin V, të pikës 3, fjalët “… katër viteve të fundit …” zëvendësohen me “… 5 (pesë) viteve të fundit …”.
ç) Në pikën 4 bëhen shtesat dhe ndryshimet e mëposhtme:
i. Në fund të pikës 4 shtohen fjalët “… dhe/ose selie …”.
ii. Shkronja “a” ndryshohet, si më poshtë vijon:
“a) Kërkesa për ndryshimin e emrit të shoqërisë ose selisë bëhet sipas sipas formularit të paraqitur në lidhjen nr.6 dhe ndryshimi zbardhet brenda 30 (tridhjetë) ditëve nga marrja e kërkesës nëpërmjet portalit “e-Albania” drejt sistemit të licencave.”.
d) Fjalia e dytë, e pikës 5, ndryshohet, si më poshtë vijon:
“Në këtë rast, drejtuesi ligjor ka përgjegjësi për njoftimin.”.
dh) Në pikën 6 bëhen ndryshimet e mëposhtme:
i. Në paragrafin I, të shkronjës “a”, fjalia “Dokumentacioni i mësipërm paraqitet në origjinal ose i njësuar me origjinalin” zëvendësohet me “Dokumentacioni i mësipërm ngarkohet nëpërmjet shërbimit elektronik në portalin “e-Albania” drejt sistemit elektronik të licencave në origjinal ose të njësuar me origjinalin.”.
ii. Nënparagrafi i dytë dhe i tretë, në paragrafin I, të shkronjës “a”, ndryshohen, si më poshtë vijon:
“Shoqëritë e reja të krijuara nga ndarja duhet të ngarkojnë edhe dokumentacionet e përcaktuara në pikat 1 dhe 8, të kreut VI, të kësaj rregulloreje.”.
iii. Në fjalinë e tretë të shkronjës “b”, fjalët “… që duhet të dorëzohet në komision …” zëvendësohen me “… që ngarkohet nëpërmjet shërbimit elektronik në portalin “e-Albania” drejt në sistemit elektronik të licencave.”.
iv. Në fund të pikës 6 shtohet fjalia, me këtë përmbajtje:
“Shoqëria e re e krijuar nga bashkimi duhet të ngarkojë edhe dokumentacionet e përcaktuara në pikat 1 dhe 8, të kreut VI, të kësaj rregulloreje.”.
e) Në nënparagrafin IV dhe në nënparagrafin II, të pikës 7, fjalët “… 4 vitet e fundit …” dhe “… 4 viteve të fundit …” zëvendësohen përkatësisht me “… 5 vitet e fundit …”dhe “… 5 viteve të fundit …”.
ë) Në pikën 9 bëhen ndryshimet dhe shtesat e mëposhtme:
i. Titulli i pikës 9 ndryshohet, si më poshtë vijon:
“9. Ekuivalentimi i licencës së shoqërive të huaja dhe dokumentacioni që duhet plotësuar:”.
ii. Shkronja “a” ndryshohet, si më poshtë vijon:
“a) Të jenë të regjistruara si degë e shoqërisë së huaj në Qendrën Kombëtare të Biznesit, sipas legjislacionit vendas ose të regjistruara në vendin e origjinës. Shoqëritë, të cilat janë të regjistruara në vendin e origjinës, kur ushtrojnë veprimtari tregtare në Shqipëri, zbatojnë legjislacionin vendas. Shoqëritë, të cilat nuk kanë hapur degë në Shqipëri, duhet të dorëzojnë një dokument që vërteton regjistrimin si biznes për kryerjen e aktivitetit të punimeve të zbatimit në ndërtim nga vendi i origjinës. (dokumentacioni i apostiluar, i përkthyer dhe i noterizuar në gjuhën shqipe).”.
iii. Pas shkronjës “a” shtohet shkronja “a/1)”, me këtë përmbajtje:
“a/1) Licencën (ose dokumentin që shërben si licencë për ushtrimin e aktivitetit profesional përkatës), që disponon shoqëria dhe drejtuesit teknikë të shoqërisë në vendin e origjinës, të njësuar sipas dispozitave në fuqi (noter të vendit të origjinës/apostilë/etj.) dhe të përkthyer në gjuhën shqipe nga përkthyes të licencuar (në rast se kërkohet edhe pjesë të legjislacionit përkatës të atij vendi, i nevojshëm për të bërë njësimin). Nëse në licencën që disponon nuk përcaktohen kategoritë dhe klasifikimi, atëherë duhet të paraqesë punimet e 4 (katër) viteve të fundit të shoqërisë mëmë, me situacione dhe akte kolaudimi apo të marrjes në dorëzim të objekteve ose dokumentacion tjetër që vërteton kryerjen e punimeve (të pasqyrohen në tabelën sipas lidhjes nr.8).”.
8. Kreu VII, “Sanksione”, ndryshohet, si më poshtë vijon:
“Kreu VII
Sanksione
1. Ndaj subjekteve të licencuara për shkelje të dispozitave të kësaj rregulloreje aplikohen nga komisioni këto masa administrative:
a) Vërejtje me paralajmërim për heqjen e licencës për ushtrimin e profesionit kur konstatohen ose provohen deklarime (sipas parashikimeve në këtë rregullore) të rreme, dokumente të pavërteta të subjektit deklarues;
b) Pezullim i licencës për një vit kur shoqëria kryen veprimtari pa drejtues teknik ose shkel afatet e njoftimit të caktuara në këtë rregullore.
c) Heqje e licencës për 1 vit, në rast se brenda 5 (pesë) vjetëve nga marrja e masës subjektet përsërisin shkeljen për të cilën kanë marrë masë sipas shkronjës “a”, të kësaj pike.
ç) Heqjen e licencës për 3 (tre) vjet, në rast se brenda 5 (pesë) vjetëve nga marrja e masës, subjektet përsërisin shkeljen për të cilën kanë marrë masë sipas shkronjës “b”, të kësaj pike.”.
9. Kreut VIII, “Ankimi” ndryshohet, si më poshtë vijon:
“Kreu VIII
Ankimi
1. Subjektet e interesuara kanë të drejtën e ankimit pranë Komisionit për çdo vendim që ky i fundit ka marrë, përveç atyre vendimeve që lidhen me sanksionet e parashikuara në kreun VII, të kësaj rregulloreje. Afati kohor për të bërë ankimin sipas kësaj pike është brenda 30 (tridhjetë) ditëve nga data e njoftimit.
2. Komisioni për ankimet, që bëhen sipas pikës 1, të këtij kreu, vendos brenda 20 (njëzet) ditëve për pranimin ose mospranimin e ankesës.
3. Në rast të mospranimit të ankesës, subjektet e interesuara, brenda 30 (tridhjetë) ditëve nga data e njoftimit, kanë të drejtën e ankimit pranë ministrit përgjegjës. Ministri pasi merr në shqyrtim ankesën e paraqitur nga subjekti, vendos, brenda 20 (njëzet) ditëve, për mospranimin ose kthimin për rishqyrtim të vendimit të marrë në Komision.
4. Subjektet e interesuara kanë të drejtën e ankimit pranë ministrit përgjegjës për çdo vendim të Komisionit për sanksione sipas kreut VII të kësaj rregulloreje. Afati kohor për të bërë ankimin sipas kësaj pike është brenda 30 (tridhjetë) ditëve nga data e njoftimit.
5. Ministri përgjegjës për ankimin sipas pikës 4, të këtij kreu, vendos brenda 20 (njëzet) ditëve për mospranimin ose kthimin për rishqyrtim të vendimit të marrë në Komision.”.
10. Në kreun III, pika 1, shkronja “a”, nënparagrafi II, në kreun V, pika 1, shkronja “a” dhe nënparagrafi II, në kreun VI, pika 7, nënparagrafi IV, në shkronjën “a” të pikës 9, të kreut VI dhe në lidhjen nr.8, të vendimit, fjalët “… punimet e 4 (katër) viteve të fundit …” zëvendësohen me “… punimet e 5 (pesë) viteve të fundit …”.
11. Lidhjet e projektvendimit ndryshohen, si më poshtë vijon:
a) Lidhja 1 zëvendësohet me lidhjen 1, bashkëlidhur këtij vendimi.
b) Lidhja 2 zëvendësohet me lidhjen 2, bashkëlidhur këtij vendimi.
c) Lidhja 3 zëvendësohet me lidhjen 3, bashkëlidhur këtij vendimi.
ç) Lidhja 5 zëvendësohet me lidhjen 5, bashkëlidhur këtij vendimi.
d) Lidhja 6 zëvendësohet me lidhjen 6, bashkëlidhur këtij vendimi.
dh)Në lidhjen 7, vetëdeklarimi 7/2 zëvendësohet me vetëdeklarimin 7/2 sipas këtij vendimi.
e) Vetëdeklarimi 7/3 në lidhjen 7 shfuqizohet.
12. Në fund të lidhjes 8 shtohet kategoria/punimi NS21 “Impiante të trajtimit të ujërave të zeza”.
II. Ngarkohet Ministria e Infrastrukturës dhe Energjisë për zbatimin e këtij vendimi.
Ky vendim hyn në fuqi pas botimit në “Fletoren zyrtare”.

The post Qeveria miraton disa vendime, ndryshime edhe në rregulloren e licencimit të subjekteve të ndërtimit appeared first on Albeu.com.

Ata nxitojnë në përfundime, ndjekin impulset e tyre dhe shpesh përfundojnë me vendime të gabuara. Sipas astrologjisë, ka më shumë gjasa që ata t’i përkasin një prej shenjave të mëposhtme marrin vendime të gabuara.

Të njohur për energjinë dhe padurimin e tyre, Dashi nuk mendon shumë përpara se të marrë një vendim dhe vepron sipas ndjenjës së tyre të brendshme.

Ata janë mjaft të pavendosur dhe shpesh luhaten midis aktit të tyre përfundimtar. Megjithatë, ata do të marrin një vendim pa e analizuar sa duhet më parë. Ata nuk mendojnë për pasojat e veprimeve të tyre derisa të përballen me pasojat dhe pastaj të kuptojnë se ndoshta kanë gabuar.

Fjala e parë që na vjen ndërmend kur dëgjojmë se dikush i përket shenjës së Shigjetarit është spontaniteti. Të lindurit nën këtë yll duan aventurat dhe surprizat. Kjo është arsyeja pse ata nuk mendojnë shumë përpara se të marrin një vendim. Ata madje mund të bien dakord për diçka në punë, për shembull, pa e menduar dhe kur vjen koha për ta realizuar, kuptojnë se nuk munden dhe më pas pendohen. Ata mendojnë me zemër dhe kjo nuk është gjithmonë pozitive.

Peshqit janë shenja mjaft impulsive. Në fakt, shumë thonë se janë “mbretërit e vendimeve të gabuara”. Zakonisht, ata përfundojnë duke marrë vendime të gabuara sepse mendojnë për diçka shumë, por pa kuptim, dhe kështu arrijnë në një rrugë pa krye. Përveç kësaj, ata kanë frikë të rrezikojnë ose të bëjnë gabime, deri në atë pikë sa nuk i shmangin pothuajse kurrë.

The post Të paduruar dhe të pavendosur, shenjat e Horoskopit që marrin gjithnjë vendime të gabuara appeared first on Albeu.com.

Përfundimi i një lidhjeje

Gënjeshtrat dhe situatat e ndërlikuara mund t’ju bëjnë të besoni se vendimi më i mirë mund të jetë përfundimi i një lidhjeje. Përpara se t’i jepni fund një miqësie ose marrëdhënieje romantike, jepini vetes kohë për të menduar për atë që po ndodh.

Jepini vetes disa orë ose një ditë për të menduar për situatën. Kur të jeni të qetë, mund të ktheheni dhe të flisni për atë që ka ndodhur. Mund të ketë diskutime si në miqësi ashtu edhe në marrëdhënie në çift.

Të lëndosh një person tjetër me qëllim

Dihet që në mes të një debati apo një momenti të keq mund të lindin komente të pakëndshme. Është e kuptueshme dhe ndërsa këto mund të dëmtojnë, është ende e mundur të ecësh përpara. Megjithatë, do të jetë problem nëse bëni  komente me qëllim që mund të lëndojnë të tjerët. Nuk ia vlen të përmendni grindjet e mëparshme, konfrontimet ose gjërat që ju e dini se do të ndikojnë te personi tjetër gjatë mëngjesit.

Largimi nga puna

Kur jeni duke kaluar një kohë të keqe, nuk keni pse të tërhiqeni nga emocionet. Ndoshta tani mendoni se puna juaj është gjithçka që nuk dëshironi. Por a është vërtet kështu? Ndonjëherë ndihemi të mbingarkuar nga stresi dhe presioni.

Jepini vetes pak kohë për të analizuar situatën tuaj. Ndoshta është e vërtetë që nuk jeni aty ku dëshironi dhe kështu mund të jetë e drejtë të lëvizni drejt horizonteve të reja. Megjithatë, nëse mendoni se është vetëm një moment lodhjeje, provoni të pushoni pak.

The post Vendimet që nuk duhe t’i merrni kur ndiheni keq appeared first on Albeu.com.

“Sot u miratua një projekt vendim, një marrëveshje ndërmjet republikës së Italisë dhe Këshillit të Ministrave të Shqipërisë për ngritjen e sistemit të mbrojtjes civile. Për pak javë  gjatë vitit të ardhshëm do të ratifikohet në parlament”, tha Peleshi.

Sa do të kushtojnë mjetet ajrore dhe a kemi në gjendje ne mjete ajrore?

“Nuk mund të them shifra për momentin, sepse nuk i kam, por kam informacion që brenda kësaj kredie mund të marrin dy mjete ajrore. Një gjë tjetër që duhet, është mirëmbajtja. Dhe kjo është shumë e kushtueshme, një tjëtër gjë është edhe kushtet e kontratës, sepse edhe nuk shkojnë gjërat siç duhet. Ju e dini siç ka shkuar me helikopterin në Itali. Po bën dy vite dhe ne jemi gati që të shkëpusim kontratën. Ne kemi mbrojtje ajrore në gadishmëri, një helikopter Kuger si dhe një helikopter për emergjencat,” u përgjigj ministri.

Peleshi u pyet edhe lidhur akuzat e medias malazeze se kryeministri Edi Rama dhe kryeministri i Malit të Zi Dritan Abazoviç kanë thyer embargon e SHBA dhe BE, duke lejuar tregtinë e grurit dhe të plehrave kimikë mes Serbisë dhe Rusisë, përmes Portit të Durrësit.

Peleshi u shpreh se nuk ka asnjë informacion për një lajm të tillë duke shtuar se nuk është i bindur nëse një lajm i tillë është i vërtetë.

“Nuk e kam këtë informacion, nuk jam njohur me këtë lajm. Nuk e di se sa e vërtetë është. Mund të ketë lloj-lloj portalesh që shkruajnë por këtë informacion nuk e kam”, tha Peleshi.

The post VENDIMET/ Peleshi: Kredi 30 mln euro për mbrojtjen e sistemit civil, do marrim dhe 2 mjete ajrore appeared first on Albeu.com.

Erzeni për sjellje të gabuar të spektatorëve, hedhjen e sendeve në terrenin sportiv, dënohet me gjobë në masën 50.000 lekë.
Vllaznia paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Tirana paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

Lojtari i Gramshit, Arbër Baku, për sulm ndaj zyrtarit të ndeshjes, dënohet me 12 muaj pezullim nga aktiviteti.

VENDIMET E PLOTA TË KOMISIONIT TË DISIPLINËS –

KF Erzeni, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/2, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë.

KF Vllaznia, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

KF Tirana, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.

FC Lushnja, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/1, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.

Zyrtari i KF Vora, Arbis Vjerdha, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.

Lojtari i KF Gramshi, Arber Baku, për sulm ndaj zyrtarit të ndeshjes, në bazë të nenit 48/1/b të KDS, dënohet me 12 (dymbëdhjetë) muaj pezullim nga aktiviteti.

Zyrtari i KF Ada, Etrit Nika, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.

KF Shkumbini, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/b të KDS, gjoba të aplikohet në masën 20%.

Lojtari i FC Internacional Tirana U19, Envi Bocka, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.

Lojtari i FC Internacional Tirana U19, Eldi Pojana, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i FC Internacional Tirana U19, Astjon Sulce, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i FC Internacional Tirana U19, Emanuel Guci, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i Akademia e Futbollit U19, Kevin Ducellari, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Lojtari i Akademia e Futbollit U19, Renato Krrashi, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.

Zyrtari i Akademia e Futbollit U19, Albi Fishti, për sulm ndaj kundërshtarit, në bazë të nenit 47/2/b të KDS, dënohet me 9 (nëntë) ndeshje pezullim nga aktiviteti.

Rrëzimin e kërkesës së lojtarit të Labëria F.C. Xhuliano Mirani, si të pabazuar në Kodin e Disiplinës Sportive.

Rrëzimin e kërkesës së lojtarit të Labëria F.C. Albano Çaushaj, si të pabazuar në Kodin e Disiplinës Sportive.

The post Komisioni i Disiplinës me dorë të “hekurt”, përjashton lojtarin për një vit appeared first on Albeu.com.

Pas mbarimit të mbledhjes, zëvendës kryeministri, Arben Ahmetaj tha se është miratuar vijimi i financimit për procesin e rindërtimit në zonat e prekura nga tërmeti. Ai bëri me dije se për të mbyllur rindërtimin në Durrës, duhen edhe 16 milion dollarë.

Në lidhje me miratimit e legalizimit të kanabisit për përdorim mjekësor, Ahmetaj tha se janë në bisedime me shtetet e zhvilluara dhe se më vonë do të ketë rezultate konkrete. Gjithashtu një tjetër vendim i Këshillit të Ministrave është edhe nisja e depistimit të kontrollit periodik të fëmijëve.

Nga ky kontroll përfitojnë 270 000 fëmijë. Nga ky kontroll fëmijët do të përfitojnë vizitat dhe kontrollin për sytë falas.

Ndërkohë që për pjesën e turizmit është vendosur që nga maji të hiqet detyrimi i pasaportës së vaksinimit për turitët që do të futen në Shqipëri. Po ashtu është bërë gati një paketë gjobash për ndotësit e mjedisit./albeu.com

The post Nga procesi i rindërtimit te kontrolli i syve të fëmijëve, vendimet e marra sot nga qeveria appeared first on Albeu.com.

Basha është shprehur se akoma nuk ka një rezultat pasi strukturat e PD-së janë në moment reflkektimi.

“Unë jam gati që të bëj çdo gjë që të bëj në interesin më të mirë të PD-së. Duhet të keni pak durim sepse ti paragjykojmë dhe të paraprijmë ngjarjeve në proces reflektimi është i nxituar. Do të mblidhet dhe kolegji i kryetarëve, ku disa kanë siguruar analizë specifike për 6 bashkitë. Partia Demokratike do të dalë e bashkuar pas kësaj dhe unë mbaj çdo përgjegjësi dhe në të mirë të PD-së”, ka thënë Basha.

The post Humbja në zgjedhjet e 6 marsit, kreu i PD-së: Jam i gatshëm të marr çdo vendim appeared first on Albeu.com.

Takimi dy-ditor në Montevideo ishte pjesë e një procesi të gjerë konsultimi pasi palët kërkuan të konfirmonin disa propozime që u ishin paraqitur agjentëve.

Disa nga propozimet janë si më poshtë:

Krijimi i Dhomës së Agjentëve për të trajtuar mosmarrëveshjet specifike

Kufizimi i licencave të agjentëve vetëm tek personat fizikë

Pagesa e tarifave të agjentëve përmes Shtëpisë së Kliringut të FIFA-s

Aplikimi i sanksioneve ndaj klientëve që punojnë me agjentë të palicensuar

Krijimi i Grupit Punues të Agjentit të Futbollit

Për më tepër, shoqatat e agjentëve nga Amerika, Afrika, Azia dhe Evropa të përfaqësuara në këtë takim njohën nevojën për të ngritur standardet etike dhe profesionale të profesionit të tyre dhe gjithashtu vunë në dukje se disa nga propozimet e tyre u pasqyruan në draftin e tretë të Agjentit të Futbollit të FIFA-s.

“Dëshirojmë të falënderojmë shoqatat e agjentëve pjesëmarrës për dialogun jashtëzakonisht pozitiv”, tha kreu i agjentëve të FIFA-s, Luis Villas-Boas Pires.

“Ekziston një objektiv i përbashkët për sa i përket ngritjes së standardeve etike dhe profesionale të këtij profesioni, mbrojtjes së lojtarëve dhe promovimit të stabilitetit dhe solidaritetit kontraktual. Kjo në fund ka të bëjë me ruajtjen e integritetit të sportit dhe sigurimin e funksionimit të duhur të sistemit të transfertave.”

Pas një procesi, i cili filloi në vitin 2018, kalon në një raund përfundimtar të reagimeve, rregulloret e reja pritet të miratohen dhe të hyjnë në fuqi në fund të këtij viti./ h.ll/albeu.com

The post FIFA takim me shoqatat e agjenteve, diskutohen rregulla të reja appeared first on Albeu.com.