Ndër çështjet kryesore të aprovuara ishin rialokimi i miliona eurove për projekte kapitale në komuna, ndarja e mjeteve për mbështetjen e mërgatës, emërimi i Bordit të Përkohshëm të Ndërmarrjes Publike Qendrore “Infrakos”, si dhe nisma për një marrëveshje granti që synon forcimin e sistemit shëndetësor në Kosovë, transmeton “Bota sot”.

Po ashtu, ekzekutivi mori vendime që kanë të bëjnë me procedura shpronësimi për projekte infrastrukturore, si edhe me funksionimin e Odës së Avokatëve të Kosovës.

Në mbledhje u miratua ndarja e 3,000,000.00 € (tre milionë euro) për zbatimin e Masës 4.5 “Mbështetja e Mërgatës” në kuadër të Pakos së Ringjalljes Ekonomike.

Qeveria aprovoi gjithashtu ndarjen e 44,004.22 € (dyzet e katër mijë e katër euro e njëzet e dy centë) për Komunën e Shtimes, me qëllim përfundimin e projektit “Impianti për trajtimin e ujërave të zeza, Shtime”, përmes Klauzolës së Investimeve.

Një tjetër vendim ishte emërimi i Bordit të Përkohshëm të Drejtorëve të Ndërmarrjes Publike Qendrore ”lnfrakos” Sh.A. Në këtë përbërje janë: Getuar Zogu, kryesues; Detrina Alishani Sopi, anëtare; Fjolla Gashi, anëtare; dhe Genc Hundozi, anëtar.

U miratua edhe Nisma për lidhjen e Marrëveshjes së Grantit ndërmjet Republikës së Kosovës, e përfaqësuar nga Ministria e Financave, dhe Asociacionit Ndërkombëtar për Zhvillim, për KOMPAS – Projekti i Qasjes Gjithëpërfshirëse të Kosovës për Forcimin e Sistemit Shëndetësor.

Në fushën e financave dhe drejtësisë, Qeveria miratoi kërkesën e Ministrisë së Drejtësisë për ndarjen e 200,000.00 € (dyqind mijë euro), të dedikuara për financimin e furnizimit dhe instalimit të një gjeneratori të ri në Burgun e Sigurisë së Lartë.

Po ashtu, u aprovua kërkesa e Agjencisë Kosovare të Privatizimit për kthimin e fondeve në vlerë prej 12,513.00 € (dymbëdhjetë mijë e pesëqind e trembëdhjetë euro), të transferuara në Buxhetin e Republikës së Kosovës, për Ndërmarrjen Shoqërore “Komogllava”.

Qeveria miratoi vendimin për rialokimin e mjeteve buxhetore në shumë prej 1,150,000.00 € në Ministrinë e Infrastrukturës dhe Transportit, nën programin Projektet e Bashkëfinancimit me Kuvendet Komunale. Mjetet kalojnë nga kategoria e shpenzimeve kapitale, konkretisht nga projekti “Programi i Bashkëfinancimit me Kuvendet Komunale”, në 4 (katër) projekte kapitale të reja, në përputhje me memorandumet e mirëkuptimit të nënshkruara nga Ministri i Infrastrukturës dhe Transportit dhe kryetarët e komunave përkatëse.

Një tjetër rialokim u miratua në shumën 1,050,000.00 € për Ministrinë e Administrimit të Pushtetit Lokal, në kuadër të programit Administrata Qendrore. Këto mjete, nga kategoria e shpenzimeve kapitale dhe nga projekti “Programi komunal për zhvillim të infrastrukturës socio-ekonomike dhe bashkëpunim ndër-komunal”, kalojnë në 4 (katër) projekte kapitale, sipas 4 (katër) marrëveshjeve për mbështetje financiare të nënshkruara nga Ministri i MAPL-së dhe kryetarët e komunave përkatëse.

Po në këtë mbledhje u aprovua edhe rialokimi i 350,000.00 € (treqind e pesëdhjetë mijë euro) në Ministrinë e Zhvillimit Rajonal, nën programin Administrata Qendrore. Këto mjete zhvendosen nga kategoria e investimeve kapitale, përkatësisht nga projekti “Programi për Zhvillim Rajonal”, në tetë (8) projekte të investimit kapital, në pajtim me Marrëveshjet e Mirëkuptimit për bashkëfinancim të projekteve të nënshkruara nga Ministri i Zhvillimit Rajonal dhe kryetarët e komunave.

Në aspektin juridik, ekzekutivi vendosi ndalimin e ekzekutimit të Rregullores për pranimin dhe trajtimin e thirrjeve telefonike në sistemin e caktimit të avokatëve sipas detyrës zyrtare (Ex-Officio) të Odës së Avokatëve të Kosovës, deri në vendimin përfundimtar të gjykatës kompetente.

Gjithashtu u miratua ndalimi i ekzekutimit të aktit administrativ për lartësinë e shpenzimeve të regjistrimit të Odës së Avokatëve të Kosovës, po ashtu deri në vendimin përfundimtar të gjykatës kompetente.

Qeveria emëroi edhe Komisionin për Kompensimin e Viktimave të Krimit.

Në fushën e infrastrukturës, u miratua vendimi për shqyrtimin e mëtejmë të kërkesës për shpronësim për interes publik të pronave të paluajtshme të pronarëve dhe zotëruesve të interesit që preken nga realizimi i projektit: Sanimi i Rrëshqitzës në rrugën: Hani i Elezit-Gorancë, Zona Kdadastrale: Rezhancë, Komuna e Hanit të Elezit.

Po ashtu, u miratua edhe vendimi për shqyrtimin e mëtejmë të kërkesës për shpronësim për interes publik të pronave të paluajtshme të pronarëve dhe zotëruesve të interesit që preken nga realizimi i projektit: Rehabilitimi i rrugës Rajonale R112, segmenti: Gjonaj-Bishtazhin, Zona Kadastrale: Gjonaj, Komuna e Prizrenit.

Një nga vendimet e marra ishte edhe miratimi i qiradhënies për një sipërfaqe prej 99715 metër katrorë nga sipërfaqja e përgjithshme prej 1685079 metër katrorë, sipas kërkesës së Agjencisë Pyjore të Kosovës/Ministria e Bujqësisë, Pylltarisë dhe Zhvillimit Rural. Qiraja jepet për 15 vite dhe ka të bëjë me nxjerrjen dhe shfrytëzimin e gurit gëlqeror në Zonën Kadastrale Seqisht, Komuna Hani i Elezit.

The post Qeveria në detyrë miraton një sërë vendimesh: nga projektet kapitale te mbështetja me 3 milionë euro për mërgatën appeared first on Albeu.com.

Dhomat e Specializuara të Kosovës në Hagë kishin caktuar këtë datë si afat për nxjerrjen e vendimit të shkallës së parë, por ende mbetet e paqartë nëse trupi gjykues do ta respektojë atë apo nëse do të kërkojë kohë shtesë për ta përmbyllur aktgjykimin.

Sipas Speciales, shtyrja e deritanishme është arsyetuar me vëllimin e madh të lëndës dhe kompleksitetin e saj, duke theksuar se materiali kërkon kohë të konsiderueshme për analizë dhe shqyrtim nga gjyqtarët.

Megjithatë, vetë Dhomat e Specializuara nuk e përjashtojnë mundësinë që ky afat të shtyhet sërish, në rast se gjyqtarët e konsiderojnë të nevojshme. Ndërkohë, Thaçi dhe të tjerët vijojnë të mbeten në paraburgim edhe më shumë se katër muaj pas përfundimit të procesit gjyqësor.

Sipas njohësve të ligjit, që nga fillimi ky proces nuk ka qenë i drejtë dhe është zvarritur në masë të madhe, duke sjellë shkelje të të drejtave të të akuzuarve. Ata vlerësojnë gjithashtu se ekziston mundësia që vendimi të shtyhet përsëri.

“E ligjshme është, sa i përket e logjikshme për ne që jetojmë në Kosovë është e palogjikshme për shkak se është një zvarritje dhe sipas të gjitha gjasave ndodh, ka shkresa të shumta, edhepse gjyqtarët vazhdimisht gjatë proceseve gjyqësore I kanë shqyrtu, I kanë lexu I kanë dëgju dëshmitarët, prapë ligji I obligon që ti analizojnë të gjitha shkresat një nga një e jot ë gjitha së bashku. E rëndësishme në fund të fundit është vendimi me ardh pozitiv edhe ata me u liru, ndërsa për zvarritje, kanë prit disa vite, le të presin edhe disa muaj se më tepër nuk shkon”, tha për RTK, Skender Musa, avokat.

Se vazhdimi i paraburgimit gjatë kohës që pritet aktgjykimi përbën shkelje të të drejtave të tyre, e thotë edhe avokati Arbër Jashari.

“Me momentin që janë dëgju dëshmitarët e prokurorisë nuk ka asnjë arsye më që ata njerëz të qëndrojnë atje, arsye ligjore e kam fjalën, vet fakti që janë administrua të gjitha provat dhe procesi ka përfundua dhe tash jemi vetëm në pritje të aktgjykimit tregon që kanë pushuar pothuajse edhe ato arsyet minimale me të cilat gjykata mund ta justifikoj atë se këta të dyshuar mund ta pengojnë procesin”, pohoi ai.

Thaçi dhe të tjerët mbahen në paraburgim në Hagë që nga nëntori i vitit 2020. Në shkurt, gjatë fjalëve të tyre përmbyllëse, ata deklaruan se janë të pafajshëm dhe se lirimi i tyre do të ishte vendimi më i drejtë.

The post Specialja lë të hapur mundësinë për një tjetër shtyrje të aktgjykimit appeared first on Albeu.com.

Sipas vendimit të shpallur këtë të mërkurë, Adulla Hoxhaj, Admir Tutaj dhe Bojken Turtulli u shpallën fajtorë për trafikim armësh dhe pjesëmarrje në grup të strukturuar kriminal, ndërsa Rifat Avdiaj u shpall i pafajshëm për të gjitha akuzat.

Adulla Hoxhaj u dënua fillimisht me 13 vite burg për disa vepra penale, përfshirë trafikimin e armëve, pjesëmarrjen në grup të strukturuar kriminal dhe mbajtjen pa leje të armëve e municioneve. Për shkak të gjykimit të shkurtuar, dënimi iu ul me një të tretën dhe përfundimisht ai u dënua me 8 vite e 8 muaj burg.

Ndërkohë, Admir Tutaj dhe Bojken Turtulli u dënuan secili me nga 8 vite burg, pas përfitimit të uljes së dënimit për shkak të gjykimit të shkurtuar.

Nga ana tjetër, gjykata vendosi të shpallë të pafajshëm Rifat Avdiajn, duke argumentuar se nuk u provua përfshirja e tij në veprat penale për të cilat akuzohej. Për këtë arsye, GJKKO urdhëroi heqjen e masës “arrest në burg” dhe lirimin e menjëhershëm të tij, nëse nuk mbahet për ndonjë shkak tjetër ligjor.

Gjatë operacionit dhe kontrolleve të kryera në vitin 2024, autoritetet sekuestruan një arsenal të konsiderueshëm armësh, municionesh dhe pajisjesh të ndryshme. Sipas vendimit të gjykatës, këto prova materiale do të konfiskohen.

Mes sendeve të sekuestruara përfshihen pistoleta, pjesë armësh, kallashnikovë, qindra fishekë të kalibrave të ndryshëm, silenciatorë, dylbi optike, pajisje lazer, pranga, elektroshok, si dhe pajisje të tjera që lidhen me përdorimin dhe modifikimin e armëve.

Gjykata vendosi gjithashtu që disa automjete dhe pasuri të tjera të mbeten nën hetim financiar dhe pasuror.

The post EMRAT/ GJKKO dënon tre persona për trafik armësh, një i pandehur shpallet i pafajshëm appeared first on Albeu.com.

Çështja u dërgua në gjykatë pasi një e pesta e deputetëve të Partisë Demokratike, pretendojnë se Presidenti i Republikës ka shkelur Kushtetutën duke dekretuar një ministre që nuk plotëson kriteret ligjore.

Përmes kësaj padie, deputetët e opozitës kërkojnë shfuqizimin si antikushtetues të dy akteve të Presidentit të marra në shtator të vitit 2025: pikërisht nenit 2 të dekretit nr. 331 për emërimin e Kryeministrit dhe fjalisë së dytë të pikës 1, neni 1 të dekretit nr. 333 për emërimin e Këshillit të Ministrave.

The post Gjykata Kushtetuese mbyll shqyrtimin gjyqësor për ministren Diella, trupa gjykuese tërhiqet për vendim appeared first on Albeu.com.

Sipas vendimit, kompanitë e transportit do të përfitojnë 50 lekë kompensim për çdo litër karburanti të konsumuar gjatë muajve mars, prill dhe maj 2026.

Kompensimi do të llogaritet mbi sasinë e karburantit të përdorur në këtë periudhë, por jo më shumë se konsumi i të njëjtëve muaj të vitit 2025 për secilën kompani.

Fondi total i parashikuar për këtë mbështetje është 250 milionë lekë. Një pjesë do të mbulohet nga fondi rezervë i shtetit, ndërsa për linjat urbane të Tiranës financimi do të bëhet nga Bashkia e Tiranës.

Për të përfituar kompensimin, subjektet duhet të aplikojnë çdo muaj pranë tatimeve dhe të dorëzojnë dokumentacionin përkatës, përfshirë faturat e karburantit dhe licencat e transportit.

Kërkesat do të pranohen deri më 1 gusht 2026.

Qeveria thekson se do të kryhen edhe kontrolle në terren për të shmangur abuzimet me skemën e kompensimit.

VENDIMI:

PËRCAKTIMIN E PROCEDURAVE, TË DOKUMENTACIONIT DHE TË MASËS SË KOMPENSIMIT PËR SHOQËRITË E LINJAVE TË TRANSPORTIT QYTETËS, RRETHQYTETËS DHE NDËRQYTETËS NË KUSHTET E SITUATËS SË VEÇANTË NË TREGUN HIDROKARBUR

Në mbështetje të nenit 100 të Kushtetutës dhe të nenit 14, të ligjit nr.87/2025, “Për buxhetin e vitit 2026”, me propozimin e ministrit të Infrastrukturës dhe Energjisë dhe të ministrit të Financave, Këshilli i Ministrave

V E N D O S I:

I. TË PËRGJITHSHME

1. Kompesimin e shoqërive të transportit për linjat qytetëse, rrethqytetëse dhe ndërqytetëse, në masën 50 (pesëdhjetë) lekë për litër karburanti, për një periudhë trimujore, mars, prill, maj 2026. Kompensimi bëhet për shumën e konsumimit të karburantit për periudhën mars, prill, maj 2026, por jo më shumë se sasia e konsumuar për të njëjtën periudhë të vitit 2025, për secilën nga shoqëritë.

2. Efektet financiare, prej 250 000 000 (dyqind e pesëdhjetë milionë) lekësh, do të përballohen nga:

a) fondi rezervë i buxhetit të shtetit;
b) buxheti i Bashkisë Tiranë, respektivisht, për shoqëritë e linjave qytetëse të Tiranës.

II. KRITERET DHE DOKUMENTACIONI PËR PËRFITIMIN E KOMPENSIMIT

1. Kërkesa për të përfituar kompensimin financiar, të përcaktuar në pikën 1, të kreut I, të këtij vendimi, bëhet nga subjekti çdo muaj pranë administratës tatimore, nën juridisksionin e së cilës ai është regjistruar, e cila bën verifikimin e dokumentacionit të paraqitur.

2. Subjektet kërkuese duhet të paraqesin pranë administratës tatimore, nën juridiksionin e së cilës janë regjistruar, dokumentacionin e mëposhtëm:

a) Kërkesën, sipas shtojcës nr.1, që i bashkëlidhet këtij vendimi;
b) Kopjen e licencës përkatëse të vlefshme për transportin qyetetës, rrethqytetës dhe ndërqytetës;
c) Të dhënat identifikuese të subjektit tatimpagues të pajisur me NIUS;
ç) Emrin e bankës, ku subjekti përfitues ka llogarinë rrjedhëse bankare;
d) IBAN-in e llogarisë bankare, jo më shumë se 28 karaktere dhe në monedhën lekë;
dh) Për shoqëritë që kryejnë vetëm aktivitet të transportit qytetës, rrethqytetës dhe ndërqytetës, kopje të faturave fizike të furnizimit me karburant për periudhën mars, prill, maj të viteve 2025 dhe 2026;
e) Për shoqëritë, që përveç aktivitetit të transportit qytetës, rrethqytetës dhe ndërqytetës ushtrojnë edhe aktivitete të tjera, përveç kopjeve të faturave fizike të furnizimit me karburant për periudhën mars, prill, maj të viteve 2025 e 2026, duhet të paraqesin edhe:

i. vetëdeklarim të sasisë së karburantit të përdorur për transportin qytetës, rrethqytetës dhe ndërqytetës;
ii. kopje të fletëdaljeve të karburantit gjatë muajve mars, prill, maj të viteve 2025 e 2026, të përdorur për transportin qytetës, rrethqytetës dhe ndërqytetës, sipas targave të mjeteve.

3. Kërkesat nga subjektet paraqiten pas datës 10 (dhjetë) të muajit pasardhës, duke filluar nga muaji prill 2026.

4. Në rastin kur konstatohet se dokumentet e dorëzuara nga subjekti janë të paplota apo kanë mangësi, administriata tatimore, brenda 5 (pesë) ditëve punë, e kthen kërkesën me qëllim plotësimin e dokumentacionit.

5. Administrata tatimore pas verifikimit të dokumentacionit, të përcaktuar në pikën 2, të këtij kreu, dërgon pranë degës përkatëse të thesarit, brenda 15 (pesëmbëdhjetë) ditëve punë, urdhërshpenzimet, duke bashkëlidhur listën përmbledhëse të subjekteve përfituese, sipas bankave të nivelit të dytë, ku përfituesit kanë llogarinë e tyre bankare.

6. Kur shpenzimet përballohen nga Bashkia Tiranë, administrata tatimore, pas verifikimit të dokumentacionit të përcaktuar në pikën 2, të këtij kreu, i dërgon, brenda 10 (dhjetë) ditëve punë Bashkisë Tiranë, në tërësi, dokumentacionin e administruar dhe listën përmbledhëse të subjekteve përfituese dhe vlerave.

7. Bashkia Tiranë, brenda 10 (dhjetë) ditëve punë, dërgon pranë degës përkatëse të thesarit urdhërshpenzimet, duke bashkëlidhur listën përmbledhëse të subjekteve përfituese, sipas bankave të nivelit të dytë, ku përfituesit kanë llogarinë e tyre bankare.

8. Për shoqëritë e regjistruara pas muajit maj 2025, si vlerë reference për kompesim do të merret vlera më e lartë e konsumit të karburantit, për periudhën janar – shkurt 2026.

9. Me qëllim shmangien e abuzimit, strukturat e administratës tatimore mund të kryejnë edhe verifikime në vend, në rast konstatimi të pasaktësive në dokumentacionin e paraqitur në kërkesë.

10. Struktura e thesarit në degë, mbas marrjes së urdhërshpenzimit me listën e përfituesve, sipas pikës 5, të këtij kreu, kryen pagesën brenda 5 (pesë) ditëve punë.

III. ÇËSHTJE TË FUNDIT

1. Kërkesat për kompensim do të pranohen deri në datën 1 gusht 2026.

2. Efektet financiare, prej 250 000 000 (dyqind e pesëdhjetë milionë) lekësh, do të përballohen nga:

a) fondi rezervë i buxhetit të shtetit, në masën 120 000 000 (njëqind e njëzet milionë) lekë;
b) buxheti i Bashkisë Tiranë, respektivisht, për shoqëritë e linjave qytetëse të Tiranës, në masën 130 000 000 (njëqind e tridhjetë milionë) lekë.

3. Ngarkohen Ministria e Financave, Bashkia Tiranë dhe Drejtoria e Përgjithshme e Tatimeve për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA

The post Vendimi i qeverisë, miratohet kompensimi i shoqatave të transportit publik me 50 lekë për litër karburanti për 3 muaj appeared first on Albeu.com.

Partia e tij e re, “Bullgaria Progresive”, siguroi shumicën absolute në parlament në zgjedhjet e 19 prillit, duke i dhënë fund periudhës së gjatë me qeveri të paqëndrueshme dhe koalicione të brishta.

Parlamenti bullgar e miratoi emërimin e tij dhe qeverinë e re një ditë më parë, duke hapur rrugën për nisjen e mandatit të ri.

Radev, ish-komandant i Forcave Ajrore dhe figurë e njohur politike, e zhvilloi fushatën e tij duke kritikuar korrupsionin dhe krizën politike në vend. Ai premtoi ndryshime të thella në sistemin e drejtësisë dhe në ekonominë e vendit.

Qeveria e re ka shpallur si prioritete kryesore:

uljen e çmimeve dhe inflacionit,
reformën në sistemin e drejtësisë,
disiplinën fiskale,
dhe përdorimin e fondeve të rimëkëmbjes nga Bashkimi Evropian.

Udhëheqësit evropianë kanë përshëndetur ndryshimin politik në Bullgari dhe kanë shprehur gatishmëri për bashkëpunim të ngushtë me qeverinë e re në fushat e sigurisë, ekonomisë dhe energjisë.

The post Fitoi zgjedhjet me rezultat të thellë, Rumen Radev merr zyrtarisht mandatin dhe fillon punën si kryeministër i Bullgarisë appeared first on Albeu.com.

Një nga vendimet e kësaj mbledhjeje ishte emërimi i Drejtorit të ri Teknik të FSHF-së, një pozicion kyç në drejtimin strategjik dhe zhvillimin afatgjatë të futbollit në vend.

Komiteti Ekzekutiv miratoi emrin e Abdyl Kuriut në detyrën e Drejtorit të ri Teknik të FSHF-së. Ish-anëtar për 16 vite në Komitetin Ekzekutiv, Kuriu sjell një përvojë të gjerë në fushën e futbollit, si edhe një kontribut të vyer në aspektin akademik dhe institucional.

Falë eksperiencës së tij shumëvjeçare dhe njohjes së thellë të strukturave të federatës, ai është konsideruar një profil i përshtatshëm për të adresuar sfidat dhe për të çuar përpara projektet zhvillimore të futbollit shqiptar.

Komiteti Ekzekutiv vlerësoi maksimalisht emrin e Abdyl Kuriut, duke e miratuar atë me votë unanime.

The post Komiteti Ekzekutiv miraton emrin e Abdyl Kuriut si Drejtorin e ri Teknik i FSHF-së appeared first on Albeu.com.

Ai zëvendëson vulosjen manuale të pasaportave me regjistrimin elektronik të hyrjeve dhe daljeve të shtetasve nga vendet jo-anëtare të Bashkimit Evropian.

Sistemi EES, i cili ka nisur të zbatohet pjesërisht që prej tetorit 2025, do të aplikohet për të gjithë shtetasit që udhëtojnë për qëndrime afatshkurtra, deri në 90 ditë brenda një periudhe 180-ditore, në zonën Shengen.

Qytetarët duhet të kenë parasysh se në hyrjen e parë pas datës 10 prill 2026, në pikën kufitare do të regjistrohen:

– të dhënat e pasaportës;

– fotografia e fytyrës;

– gjurmët e gishtërinjve.

Refuzimi për të dhënë të dhënat biometrike sjell refuzimin e hyrjes në territorin Shengen. Në fazën fillestare të zbatimit mund të ketë vonesa në aeroporte, porte dhe pika kufitare tokësore; për këtë arsye, qytetarët këshillohen të paraqiten më herët për udhëtim.

Pasaporta duhet të jetë e vlefshme dhe në gjendje të mirë fizike, ndërkohë që nuk kërkohet aplikim paraprak për EES; sepse regjistrimi kryhet në momentin e kalimit kufitar.

Gjithashtu, sistemi i ri nuk ndryshon rregullin ekzistues të qëndrimit: maksimumi 90 ditë në çdo periudhë 180-ditore.

Ministria për Evropën dhe Punët e Jashtme rekomandon që qytetarët të informohen paraprakisht mbi procedurat e reja dhe të planifikojnë udhëtimet e tyre duke marrë në konsideratë kohën shtesë të nevojshme për kontrollet kufitare.

The post Ministria e Jashtme njoftim të rëndësishëm për shqiptarët: Nga nesër futet në fuqi sistemi EES, nuk ka më vulosje të pasaportës, do regjistrohet fytyra appeared first on Albeu.com.

Sipas vendimit, fondi i përgjithshëm arrin në 203 milionë lekë dhe do të përdoret për mbështetjen financiare të katër bashkësive kryesore fetare në vend.

Konkretisht, Komuniteti Mysliman i Shqipërisë përfiton 57.3 milionë lekë, të ndara për financimin e punonjësve të administratës dhe të institucioneve arsimore.

Ndërkohë, Kisha Ortodokse Autoqefale e Shqipërisë përfiton 48.6 milionë lekë, të shpërndara po ashtu për administratën dhe sistemin arsimor.

E njëjta shumë, 48.6 milionë lekë, i është akorduar edhe Kishës Katolike në Shqipëri, me fokus mbështetjen e stafit administrativ dhe atij në arsim.

Ndërsa Kryegjyshata Botërore Bektashiane përfiton 48.5 milionë lekë, të cilat përfshijnë financim për administratën, kontribut për ndërtimin e Teqesë së Shtufit në Gjirokastër, si dhe mbështetje për veprimtarinë e saj ndërkombëtare.

Vendimi parashikon që fondi të disbursohet brenda muajit prill 2026, ndërsa për zbatimin janë ngarkuar Ministria e Financave dhe Komiteti Shtetëror për Kultet.

Njoftimi:

V E N D I M PËR PËRCAKTIMIN E MASËS SË FINANCIMIT NË BUXHETIN E VITIT 2026 PËR BASHKËSITË FETARE, QË KANË NËNSHKRUAR MARRËVESHJE ME KËSHILLIN E MINISTRAVE

Në mbështetje të nenit 100 të Kushtetutës, të neneve 2, pika 2, 3, 4, pika 2, 5, pika 1, e 6, të ligjit nr.10140, datë 15.5.2009, “Për financimin, nga buxheti i shtetit, të bashkësive fetare, që kanë nënshkruar marrëveshje me Këshillin e Ministrave”, dhe të ligjit nr.87/2025, “Për buxhetin e vitit 2026”, me propozimin e Kryeministrit, Këshilli i Ministrave

V E N D O S I:

1. Masa e financimit, prej 203 000 000 (dyqind e tre milionë) lekësh, nga buxheti i vitit 2026, e miratuar për të mbështetur financiarisht bashkësitë fetare, përdoret, si më poshtë vijon:

a) Komuniteti Mysliman i Shqipërisë përfiton shumën 57 300 000 (pesëdhjetë e shtatë milionë e treqind mijë) lekë, të ndarë në:

i. 28 200 000 (njëzet e tetë milionë e dyqind mijë) lekë, për financimin me gjysmën e pagës minimale buxhetore për 94 (nëntëdhjetë e katër) punonjës të administratës;

ii. 29 100 000 (njëzet e nëntë milionë e njëqind mijë) lekë, për financimin me gjysmën e pagës minimale buxhetore për 97 (nëntëdhjetë e shtatë) punonjës të institucioneve të arsimit parashkollor, parauniversitar dhe universitar.

b) Kisha Ortodokse Autoqefale e Shqipërisë përfiton shumën 48 600 000 (dyzet e tetë milionë e gjashtëqind mijë) lekë, të ndarë në:

i. 24 600 000 (njëzet e katër milionë e gjashtëqind mijë) lekë, për financimin me gjysmën e pagës minimale buxhetore për 82 (tetëdhjetë e dy) punonjës të administratës;

ii. 24 000 000 (njëzet e katër milionë ) lekë, për financimin me gjysmën e pagës minimale buxhetore për 80 (tetëdhjetë) punonjës të institucioneve të arsimit parashkollor, parauniversitar dhe universitar.

c) Kisha Katolike në Shqipëri përfiton shumën 48 600 000 (dyzet e tetë milionë e gjashtëqind mijë) lekë, të ndarë në:

i. 15 000 000 (pesëmbëdhjetë milionë) lekë, për financimin me gjysmën e pagës minimale buxhetore, për 50 (pesëdhjetë) punonjës të administratës;

ii. 33 600 000 (tridhjetë e tre milionë e gjashtëqind mijë) lekë, për financimin me gjysmën e pagës minimale buxhetore për 112 (njëqind e dymbëdhjetë) punonjës të institucioneve të arsimit parashkollor, parauniversitar dhe universitar.

ç) Kryegjyshata Botërore Bektashiane përfiton shumën 48 500 000 (dyzet e tetë milionë e pesëqind mijë) lekë, të ndarë në:

i. 9 000 000 (nëntë milionë) lekë, për financimin deri në gjysmën e pagës minimale buxhetore për 30 (tridhjetë) punonjës të administratës;

ii. 28 000 000 (njëzet e tetë milionë) lekë, si kontribut në ndërtimin e Teqesë së Shtufit, Gjirokastër;

iii. 11 500 000 (njëmbëdhjetë milionë e pesëqind mijë) lekë, për shkak të pozitës së veçantë, si Kryegjyshatë Botërore, me qendër në Tiranë, dhe të shtrirjes së veprimtarisë së saj jashtë vendit, që do të përdoret për të mbuluar plotësisht ose pjesërisht kërkesëpreventivat e paraqitura prej saj në kërkesën për vitin 2026, sipas dokumentacionit financiar të paraqitur.

2. Kalimi i fondit, i përcaktuar në pikën 1, të këtij vendimi, bëhet njëherësh, brenda muajit prill të vitit 2026.

3. Ngarkohen Ministria e Financave dhe Komiteti Shtetëror për Kultet për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

The post Qeveria ndan 203 milionë lekë nga buxheti i vitit 2026 për të mbështetur financiarisht komunitetet fetare! Ja sa ka përfituar secili appeared first on Albeu.com.

Ky vendimi është marrë nga Këshilli i Ministrave. Ky vendim hyn në fuqi menjëherë dhe botohet në “Fletoren zyrtare”.

V E N D I M PËR LIRIM NGA DETYRA

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Z. Andrea Shllaku, zëvendësministër i Mbrojtjes, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA

V E N D I M PËR EMËRIM NË DETYRË

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

V E N D O S I:

Znj. Pranvera Skana emërohet zëvendësministër i Mbrojtjes.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA.

The post Lirohet nga detyra zëvendësministri i Mbrojtjes, ja nga kush zëvendësohet appeared first on Albeu.com.