Shërbimi i Prokurorisë së Kurorës tha se kishte autorizuar akuzat kundër vëllezërve në vitin 2024, përpara se të lëshohej një urdhër ekstradimi për t’i sjellë ata nga Rumania.

Dy britaniko-amerikanët janë nën hetim në Rumani, duke u përballur me një numër akuzash, të cilat ata i mohojnë – dhe CPS tha se “çështjet penale të brendshme në Rumani duhet të zgjidhen së pari”.

Vendimi i CPS-së për ngritjen e akuzave erdhi pasi ajo mori një dosje me prova nga Policia e Bedfordshire në lidhje me akuzat e bëra në Mbretërinë e Bashkuar.

CPS tha se Andrew Tate, një influencues 38-vjeçar dhe ish-kikbokser, përballet me 10 akuza të lidhura me tre viktima të dyshuara, duke përfshirë përdhunim, dëmtim trupor, trafikim qeniesh njerëzore dhe kontrollim të prostitucionit për qëllime fitimi. Tristan Tate, 36 vjeç, përballet me 11 akuza të lidhura me një viktimë të supozuar, duke përfshirë përdhunim, dëmtim trupor dhe trafikim qeniesh njerëzore.

Dyshja kane lindur në SHBA, por u zhvendos në Luton të Mbretërisë së Bashkuar me nënën e tyre pasi prindërit e tyre u divorcuan.

Vitet e fundit, Andrew Tate ka ndërtuar një prani masive online, duke përfshirë më shumë se 10 milionë ndjekës në X, më parë Twitter, duke ndarë stilin e tij të jetesës me makina të shpejta, avionë privatë dhe jahte.

Ai dhe vëllai i tij u arrestuan për herë të parë në Rumani në dhjetor 2022, me Andrew-n të akuzuar për përdhunim dhe trafikim qeniesh njerëzore dhe Tristan-in të dyshuar për trafikim qeniesh njerëzore.

The post Prokurorët britanikë: Autorizohen 21 akuza kundër vëllezërve Tate appeared first on Albeu.com.

Në pranga kanë rënë vëllezërti me inciale  I. D., 40-vjeç dhe  ⁠P. D., 45-vjeç, banues në fshatin Kullaxhi.

Nga kontrolli në magazinë u gjetën dhe u sekuestruan në cilësinë e provës materiale  tre thasë me kanabis në formë boçeje gjithsej 24.5 kilogramë.

Ndërsa nga kontrolli në banesë dhe territorin  banesës u gjetën dy armë zjarri ( kallashnikov e pushkë), 4 armë gjahu, 2 radio marrëse-dhënëse si të Policisë, 1 shkop gome, 1 shkop bejzbolli, 1297 fishekë luftarak dhe 17 fishekë çifteje.

Armët e zjarrit do dërgohen për ekspertim në Institutin e Policisë Shkencore për të parë nëse janë përdorur më parë për kryerje të veprave penale kundër personit.

Njoftimi i policisë:

Finalizohet operacioni policor i koduar “Double Strike”, për goditjen e veprimtarisë kriminale  të kultivimit dhe prodhimit të kanabisit dhe të armëmbajtjes pa leje.

Operacioni nga shërbimet e Komisariatit të Policisë Mirditë në bashkëpunim me Forcat Operacionale të DVP Lezhë  dhe me Forcat Kombëtare të Sigurisë, Njësia Tiranë.

Sekuestrohen drogë, armë  zjarri e gjahu, municion luftarak, radio si të policisë e sende të tjera të kundraligjshme.

Në kuadër të  kontrolleve dhe patrullimeve të pandërprera në të gjithë territorin e rrethit Mirditë  me fokus parandalimin, evidentimin  e armëmbajtjes pa leje dhe të lëndëve narkotike,  si dhe bazuar në inteligjencën policore se dy vëllezër në fshatin Kullaxhi, Mirditë ushtronin veprimtarinë kriminale të kultivimit, prodhimit dhe shitjes së kanabisit si dhe mbanin armë zjarri në banesë, shërbimet e Komisariatit të Policisë Mirditë  organizuan dhe finalizuan operacionin policor të koduar “Double Strike”.

Gjatë operacionit, në fshatin Kullaxhi, Mirditë, me mbështetjen dhe të Forcës  Operacionale të DVP Lezhë  dhe  Forcës Kombëtare të Sigurisë, Njësia Tiranë,  u ushtrua kontroll në magazinën dhe  banesën në pronësi të vëllezërve   I. D dhe P. D.

Nga kontrolli në magazinë u gjetën dhe u sekuestruan në cilësinë e provës materiale  tre thasë me kanabis në formë boçeje gjithsej 24.5 kilogramë.

Ndërsa nga kontrolli në banesë dhe territorin  banesës u gjetën dy armë zjarri ( kallashnikov e pushkë), 4 armë gjahu, 2 radio marrëse-dhënëse si të Policisë, 1 shkop gome, 1 shkop bejzbolli, 1297 fishekë luftarak dhe 17 fishekë çifteje.

Në vijim të operacionit u bë kapja dhe arrestimi në flagrancë i 2 vëllezërve  I. D., 40-vjeç dhe  ⁠P. D., 45-vjeç, banues në fshatin Kullaxhi, Mirditë.

Armët e zjarrit do dërgohen për ekspertim në Institutin e Policisë Shkencore për të parë nëse janë përdorur më parë për kryerje të veprave penale kundër personit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme për veprat penale “Mbajtja pa leje dhe prodhimi i armëve, armëve shpërthyese dhe i municionit” , “Prodhimi dhe mbajtja pa leje e armëve të gjuetisë dhe sportive”, “Prodhimi dhe shitja e narkotikëve”,  “Fshehja e të ardhurave”, “Mbajtja pa të drejtë e uniformës”,  kryer në bashkëpunim.

The post Iu gjetën reth 25 kg drogë, kallashnikov dhe 2 radio si të policisë, arrestohen dy vëllezërit. Armët do dërgohen për ekspertim nëse janë përdorur në ngjarje kriminale appeared first on Albeu.com.

Sipas dëshmisë të dy të pandehurve, të moshës 17 dhe 19-vjeç, kushëriri i tyre 28-vjeçar i ka abuzuar seksualisht kur ata ishin 4 dhe 6 vjeç.

Dy vëllezërit dolën në gjyq rreth orës 10 të mëngjesit të sotëm dhe u deklaruan fajtorë për akuzën e veprës penale të vrasjes së shkallës së dytë në gjendje të qetë shpirtërore.

Mediat greke raportojnë se dy të rinjtë kanë qëndruar për disa kohë jashtë zyrës së hetimit, pasi vendimet nda tyre i kanë paraprirë deklarimet e prindërve dhe personave të afërt.

Mes tyre ishte edhe një shok i njërit prej të pandehurve, i cili dyshohet se kishte folur me të dhe ai i kishte treguar se ai ishte abuzuar nga viktima.

Siç dëshmojnë dy vëllezërit, makthin që përjetuan e kanë mbajtur të fshehtë deri para 2 vitesh, kur 19-vjeçari, i shqetësuar nga karakteri i mbyllur i vëllait të tij të vogël, foli hapur për atë që kishin kaluar.

“Ne kemi lindur në Greqi, por kur unë isha 6 vjeç (dhe vëllai im ishte 4 vjeç) ne u larguam si familje dhe jetuam për dy vjet në Shqipëri. Edhe kushëriri im ishte në një shtëpi aty pranë. Kushëriri im më ngacmonte seksualisht dhe bëhej më i dhunshëm me kalimin e kohës. Isha i vogël, nuk e kuptoja, por pak nga pak e ndjeva se diçka nuk ishte normale. Këto gjëra ndodhën kur ne ishim atje përgjatë dy viteve. Më pas u kthyem në Greqi dhe qëndruam në Kypseli. Isha traumatizuar nga këto ngjarje dhe shumë i mbyllur.

Kur u bëra 16 vjeç, ndjeva se po e kaloja ngadalë. Ndërkohë nuk kisha folur me askënd. Ndërkohë, pashë që edhe vëllai im ishte shumë i mbyllur dhe nuk më fliste, mendova se edhe ai kishte përjetuar të njëjtën gjë. Para dy vitesh folëm hapur me vëllain tim dhe ai më konfirmoi se gjatë kohës që ishim në Shqipëri ishte përdhunuar. Prindërve u thamë vitin e kaluar në gusht, deri atëherë ata nuk dinin asgjë, por u tronditën kur ia thamë. Të dy menduam se ai na kishte shkatërruar jetën. Babai im në një moment (tetor 2023) kontaktoi kushëririn dhe e pyeti nëse ishte e vërtetë. Ai e pranoi dhe tha se ishin gabime që bëmë ne djemtë. Pas kësaj ai më dërgoi një mesazh përmes mesazherit për të kërkuar falje për atë që ndodhi në të kaluarën. Të dielën mbrëma ai më kërkoi në Instagram që të takoheshim të gjithë bashkë për të biseduar dhe organizuam takimin në Fokionos Negri të hënën 10.07.2024, në orën 20:30-21:00” , ka deklaruar 19-vjeçari në dëshminë e tij, sipas protothema.gr.

Vëllai i tij i mitur konfirmon fjalët e 19-vjeçarit, duke theksuar, njëkohësisht, se makthi për fëmijët nuk u ndal 12 vite më parë.

Shpesh 28-vjeçari komunikonte me të duke dërguar mesazhe nga rrjetet sociale, deri në mbrëmjen e ngjarjes tragjike ku vranë kushëririn duke e goditur me thikë në qafë.

“Ai është kushëriri ynë. Kur ishim të vegjël abuzoi seksualisht mua dhe vëllain tim kundër dëshirës tonë në Shqipëri ku jetonim të gjithë bashkë. Që atëherë nuk e kam parë, por herë pas here më dërgon mesazhe në aplikacionin Instagram dhe më pyet se çfarë po bëj. Sot na tha që të takohemi të gjithë bashkë në mbrëmje në rrugën Chanion. E kisha me vete një thikë për siguri”, ka rrëfyer në dëshminë e tij 17-vjeçari.

The post Vranë kushëririn që i p*rdhunoi kur ishin të mitur, lihen në paraburgim dy vëllezërit shqiptar në Greqi appeared first on Albeu.com.

Dy vëllezërit janë futur me forcë brenda oborrit të policisë dhe aty kanë goditur policin e “Shqiponjave”. Gjithçka ka ndodhur pasi policia ka ndalur në rrugë një automjet për kontroll rreth orës 14:00 të 29 shtatorit, por dy personat që ndodheshin brenda kanë kundështuar forcat “Shqiponja”, duke mos iu bindur dhe më pas janë shoqëruar në komisariat.

Pas këtij shoqërimi në mjediset e policisë, kanë mbërritur vëllezërit Marjan dhe Mateo Doçi, duke qenë se makina e ndaluar është e tyre. Ata janë njoftuar nga dy personat që ndodheshin në automjet për ndalimin nga ana e policisë.

Këta dy shtetas, kanë kërkuar që automjeti të nxirret me forcë nga mjediset e komisariatit dhe aty janë konfliktuar edhe me një efektiv të Shqiponjave, duke e goditur me grusht.

Pas kësaj ngjarje forcat e policisë kanë arrestuar dy vëllezërit Doçaj, të cilët janë të dyshuar për veprën penale “goditje për shkak të detyrës” dhe “kundërshtim i forcave të policisë”.

Policia po heton për zbardhjen e plotë të kësaj ngjarje të ndodhur në Shkodër. Ndërkohë shpesh herë efektivët e policisë përballen me të tilla raste me persona me rrezikshmëri, për shkak se nuk iu binden ndalimeve që bëjnë uniformat blu.

The post E rëndë në Shkodër/ Dy vëllezërit dhunojnë efektivin brenda komisariatit (EMRAT) appeared first on Albeu.com.

Sipas Vip Magazine, Egla Ceno dhe Juli mund të marrin në dorë prezantimin e emisionit satiro-investigativ “Fiks Fare”. Mirëpo alternativë janë dhe vëllezërit, Donald dhe Romeo Veshaj për këtë pozicion.

Presim konfirmimin e tyre, sakaq theksojmë se disa prej banorëve të Big Brother Vip këtë verë i kanë shijuar pushimet bashkë.

Ndryshe ka ndodhur me vëllezërit Veshaj me Eglën dhe Julin pas përfundimit të spektaklit. Ata kanë shkëmbyer edhe mesazhe thumbuese në rrjete sociale dhe ndjekësit i kanë ndjekur me shumë kureshtje.

The post Vëllezërit Veshaj “në garë” me Eglën dhe Julin për drejtimin e këtij programi appeared first on Albeu.com.

Policia ka shpallur në kërkim vëllezërit Prendi dhe një person tjetër si autor të dyshuar të ngjarjes, banues në fshatin Rranxa, raporton gazetari Senad Nikshiqi.

Mendohet se njëri prej tyre, ka qëlluar nga një motor me automatik kallashnikov në drejtim të mjetit të blinduar tip Audi, ndërsa të tjerët kanë qenë në një mjet tip BMW që është sekuestruar nga policia.

Mjeti tip BMW është i dëmtuar edhe ai nga plumbat, duke ngritur dyshime se ka patur shkëmbim zjarri.

Ndërkohë është ende e paqartë se kush janë personat që ndodheshin në mjetin e blinduar, të cilët pasi janë gjendur përballë kësaj prite me armë zjarri, dyshohet se janë kundërpërgjigjur.

Automjeti tip Audi që u qëllua ka qenë në ecje e sipër dhe dyshohet se personat që ndodheshin brenda, po shkonin tek vëllezërit Prendi për një konflikt të dyshuar mes tyre por janë pritur me armë zjarri.

Policia ka ushtruar kontrolle në banesën e vëllezërve Prendi në Rranxa, por nuk i kanë gjetur aty dhe është bërë shpallja e tyre në kërkim.

Personat e ndodhur në automjetin tip Audi, dyshohet se janë larguar me një makinë tjetër e cila ishte në mbështetje të tyre.

Policia ka mbledhur kamerat e sigurisë në zonën përreth, duke bërë të mundur identifikimin e autorëve të dyshuar dhe sekuestrimin e automjetit tip BMW.

Efektivët vijojnë punën për zbardhjen e plotë të ngjarjes.

The post Atentati ndaj mjetit të blinduar në Shkodër/ Shpallen në kërkim vëllezërit, detaje nga ngjarja appeared first on Albeu.com.

Njëri prej tyre Hazis Musai, 78- vjeç, ka goditur me sëpatë vëllanë e vet, Nazif Musain, rreth 77- vjeç.

Ky i fundit më pas ka qëlluar me pistoletë vëllanë e tij.

Të dy kanë përfunduar në spital, ku sipas policisë Hazis Musai, i qëlluar me pistoletë, është në gjendje të rëndë.

Policia ka shkuar menjëherë në vendngjarje.

“Lushnje/Informacion paraprak

Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 -vjeç, ndërsa ky i fundit ka plagosur shtetasin H. M., me armë zjarri pistoletë.

Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.

Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.

Grupi hetimor po punon për të dokumentuar me prova ligjore rrethanat e rastit”.

The post Lushnje/ Konflikt i rëndë me armë, dy vëllezërit përfundojnë në spital appeared first on Albeu.com.

Megjithatë, policia ka dyshime se ata janë lidhje e një grupi kriminal në Shkodër, për interes të të cilëve kryenin këtë veprimtari kriminale.

Vëllezërit i montonin vetë minat, bashkonin eksplozivet me celularët.

Në Tiranë, ata zotëronin 3 banesa, dy në “Don Bosko” dhe një në “Liqenin e Thatë”.

Në të tre banesat, ata kishin materiale për kijimin e minave të cilat janë gjetur nga policia.

The post Dy vëllezërit i montonin vetë minat, dyshohet se janë pjesë e një grupi kriminal, detajet appeared first on Albeu.com.

Në pranga kanë rënë Besnik dhe Prengë Gjoka.

Ndërkohë, po në Rrëshen në pranga ka rënë edhe Nikollë Karaqi, në banesë iu gjet 1 kallashnikov dhe 11 krehëra me fishekë.

Njoftimi i plotë

“Rrëshen/Gjatë 12 orëve të fundit, finalizohen 2 operacione për parandalimin e ngjarjeve kriminale dhe goditet një rast i mbajtjes pa leje të armëve të zjarrit, në banesë. Sekuestrohen 4 armë zjarri dhe municion luftarak.

Rrëshen/Në kuadër të operacionit “Repsi”, bazuar në inteligjencën policore, Policia parandalon një ngjarje të mundshme kriminale. Me armë zjarri me vete, kapen në flagrancë në hyrje të Rrugës së Kombit, 2 shtetas (vëllezër). Sekuestrohen 1 kallashnikov me fishekë në fole, gati për qitje, dhe 1 pushkë.

Rrëshen/Në kuadër të operacionit policor të koduar “Fani”, u vu në pranga 1 shtetas që u kap me armë zjarri kallashnikov me fishekë në fole. Sekuestrohen kallashnikovi, 11 krehra dhe municion luftarak.

Kurbin/Sekuestrohet 1 armë zjarri pushkë që u gjet në banesën e një shtetasi, në Fushë Kuqe. Procedohet në gjendje të lirë, për shkak të moshës, pronari i banesës.

Strukturat e DVP Lezhë, në vijim të operacioneve të njëpasnjëshme në fushën e armëmbajtjes pa leje, të zhvilluara në kuadër të megaoperacionit policor mbarëkombëtar të koduar “Sundimi i ligjit”, bazuar dhe në informacionet e siguruara nga inteligjenca policore, kanë finalizuar 2 operacione për parandalimin e ngjarjeve kriminale dhe kanë goditur një rast të mbajtjes pa leje të armëve të zjarrit, në banesë.

-Në Rrëshen, në kuadër të operacionit “Repsi”, bazuar në informacionet e siguruara se 2 shtetas qarkullonin me armë dhe dyshohet se do të kryenin një ngjarje kriminale kundër personit, shërbimet e Policisë kanë ndërhyrë dhe kanë kapur në flagrancë, në hyrje të Rrugës së Kombit, shtetasit B. Gj. dhe P. Gj. Gjatë kontrollit fizik, këtyre shtetasve iu gjetën 1 armë zjarri kallashnikov me fishekë në fole gati për qitje dhe 1 armë zjarri pushkë.

-Gjithashtu, në Rrëshen, në kuadër të operacionit Fani”, bazuar në informacionet e siguruara se një shtetas që posedonte një armë zjarri kallashnikov, mund të kryente një ngjarje kriminale kundër personit, shërbimet e Policisë kanë ndërhyrë dhe kanë ndaluar shtetasin N. K., si dhe kanë sekuestruar armën e zjarrit kallashnikov që ai posedonte, bashkë me 11 krehra dhe municion luftarak.

-Në Kurbin, bazuar në informacionet e siguruara nga inteligjenca policore se shtetasi T. Gj. mbante armë zjarri në banesë, shërbimet e Policisë kanë ushtruar kontroll në banesën e tij, ku kanë gjetur 1 armë zjarri pushkë dhe municion luftarak, të cilat u sekuestruan në cilësinë e provës materiale.

Në përfundim të veprimeve procedurale për këto raste:

-nga specialistët për Hetimin e Krimeve të Komisariatit të Policisë Mirditë u arrestuan në flagrancë shtetasit: B. Gj., 39 vjeç (i dënuar më parë për veprën penale “Dhuna në familje”) dhe P. Gj., 29 vjeç (vëllezër), të dy banues në fshatin Zall Xhuxhë, Mirditë; N. K., 66 vjeç, banues në fshatin Petoq, Mirditë;

-nga specialistët për Hetimin e Krimeve të Komisariatit të Policisë Kurbin janë referuar materialet në Prokurori ku nisi procedimi në gjendje të lirë për shtetasin T. Gj.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme”, njofton policia.

The post Dyshohet se do kryenin një krim, arrestohen dy vëllezërit në Rrëshen appeared first on Albeu.com.

Dy vëllezër Nela dyshoheshin se në 2013 ne Britani kishin vrarë Guximtar Sadrinë vëllain e Luan Sadrisë, i cili atje kishte emrin Xhem Krasniqi.

Në shenjë hakmarrje ai kërkon eliminimin e tyre dhe këtë e merr përsipër Bujar Gërmizi, i arrestuar nga policia me urdhër të SPAK që goditi një grup kriminal pas zbërthimit të aplikacionit “Sky”.

Në kuadër të këtij operacioni u arrestuar Dedan Gjoni, oficer policie dhe Erzen Breçani, ish-zyrtar i policisë, si dhe u shpall në kërkim Ervin Mata, djali i Erzen Breçanit, Eralbi Breçani si dhe u shpallën në kërkim disa persona të tjerë.

Sipas dosjes hetimore, Dedan Gjoni kryen veprime aktive duke ndjekur motrën dhe nënën e dy vëllezërve, tenton t’ju vërë GPS në makinë, ndërsa nxjerr nga sistemi TIMS të dhënat për Albert dhe Edmond Nelën.

Vrasja nuk realizohet, pasi nuk arrijnë t’i gjejnë vendndodhjen e dy vëllezërve. Ndërkohë, Ismail Zeneli rezulton person kyç në trafikun e drogës nga Brazili dhe Ekuadori në drejtim të vendeve të BE-së dhe bashkëpunon ngushtë me Eralbi Breçanin.

The post Këta janë dy vëllezërit që kërkonte të vriste Ismail Zeneli, zbulohet roli i Dedan Gjonit në planin për eleminimin e tyre appeared first on Albeu.com.