Në një nga seancat e fundit të zhvilluara në gjykatën e Posaçme Kundër korrupsionit e Krimit të Organizuar, për ecurinë e hetimeve për të dyshuarit e operacionit “Plumbi i Artë”. Xhixha e ka ripërsëritur kërkesën për tu marrë në mbrojtje. Ai ka shkuar edhe më tej, teksa ka deklaruar që nëse, prokuroria do ta kishte marrë dëshminë e tij, nuk do të kishte kaq shumë të vrarë në Fushë Krujë e Fushë Kuqe, mesa duket duke nënkuptuar ekzekutimet mafioze të njerëzve të afërt të Ervis Martinaj dhe zhdukjen pa gjurmë të të shumëkërkuarit të drejtësisë.

Besian Xhixha dhe miku i tij, Enver Diva u arrestuan me urdhër të SPAK më 17 qershor 2021, pasi i penduari i drejtësisë, Klevis Alla i implikonte si bashkëpunëtorë në vrasjen e dy vëllezërve Besmir dhe Viktor Haxhia në prill të 2020.Ata akuzohen se kanë siguruar kushtet dhe mjetet për vrasjen e dy vëllezërve, ndërsa kanë qenë të parët e kontraktuar për vrasjen e tyre nga Nuredin Dumani dhe Talo Cela. Plani dështoi pasi Enver Diva u prek nga Covid.

Por pas arrestimit të Nuredin Dumanit, ky i fundit pasi mori statusin e të penduarit e rëndoi situatën penale të Xhixhës, pasi e implikon në krime të tjera të rënda./BW

The post “Do rrëfej krime të tmerrshme”, i akuzuari për vrasjen e vëllezërve Haxhiaj kërkon statusin e “të penduarit” appeared first on Albeu.com.

I penduari tha se ata nuk e vunë në jetë planin, për shkak se njëri prej tyre u infektua me Covid-19. Besmir Xhixha që tashmë ndodhet para hekurave bashkë me mikun e tij Enver Diva, me akuzën se krijoi kushte për vrasje të kryer në bashkëpunim, mohoi para hetuesve të kishte njohje me Nuredin Dumanin.
“Nuredin Dumanin nuk e njoh dhe nuk kam dëgjuar asnjëherë emrin e tij dhe nuk ka sesi të kem kontakte telefonike me të”, është shprehur Xhixha. Ai ka mohuar të ketë njohje dhe me Talo Çelën, apo të penduarin e drejtësisë Klevis Alla. Ndërsa iu konfirmoi hetuesve se kishte njohje me Enver Divën dhe se ky i fundit kishte kaluar pranverën e 2020 Covid-19.

Por, alibia e ngritur nga i dyshuari u rrëzua, pasi hetuesit e SPAK-ut zbuluan kontakte telefonike mes tij dhe të shumëkërkuarit Dumani. I penduari foli për takime mes të shumëkërkuarit dhe Besian Xhixhës, si dhe për faktin që ai vetë i kishte shoqëruar dy krutanët te shtëpia e Besmir Haxhisë, për të studiuar terrenin dhe morën përsipër kryerjen e vrasjes.

Në vendimin e Gjykatës thuhet ndër të tjera se: “Deklarimet e Besian Xhixhës, sipas të cilave ai nuk e njeh fare Dumanin, nuk gjejnë mbështetje në deklarimet e të hetuarit Klevis Alla.

Nga analiza e tabulateve telefonike rezulton se ata njihen dhe kanë pasur 4 komunikime me njëri-tjetrin nga datat 16, 18, 19 dhe 27 prill 2020. Referuar bisedës së datës 19 prill, Nuredini telefonohet nga Besian Xhixha dhe kjo është data kur Enver Diva ka rezultuar pozitiv me Covid-19. Pra, ai e ka njoftuar Nuredinin rreth pamundësisë se Enverit për të kryer vrasjen e porositur me pagesë të Besmir Haxhisë”.

Sipas SPAKut, kur dështuan për ta ekzekutuar Haxhinë me vrasës me pagesë, atëherë Talo Çela, Nuredin Dumani, Altin Ndoci e Klevis Alla, pasditen e 27 prillit u organizuan dhe qëlluan për vdekje dy vëllezërit pranë tregut të makinave në Shënavlash të Durrësit.
Sipas të penduarit, motivi i vrasjes ishte përplasja e pjesëtarëve të grupit për lekët e grabitura në barkun e një avioni në Aeroportin “Nenë Tereza”.

The post Ekzekutimi i vëllezërve Haxhia, Besian Xhixha hedh poshtë deklaratën e të penduarit appeared first on Albeu.com.

Ata akuzohen se kanë siguruar kushtet dhe mjetet për vrasjen e dy vëllezërve, ndërsa kanë qenë të parët e kontraktuar për vrasjen e tyre nga Nuredin Dumani dhe Talo Cela.

Por infektimi me covid 19 te Enver Divës, bëri që të dështonte plani i parë, duke detyruar Çelën dhe Dumanin të kryenin vetë ngjarjen duke implikuar edhe tashmë bashkëpunëtorin e Drejtësisë Klevis Allën.

Ka qenë ky i fundit që zbardhi planin e grupit dhe motivin e vrasjes, që lidhej me vlerat monetare të grabitura në Rinas.

The post Vrasja me pagesë e vëllezërve Haxhia në Durrës, Gjykata lë në burg Enver Divën e Besmir Xhixhën appeared first on Albeu.com.

I penduari Klevis Alla është shprehur se me porosi të Nuredin Dumanit dërgoi Besian Xhixhën dhe Enver Diven te shtëpia e Besmir Haxhisë.

Gjatë dëshmisë ai është shprehur se: “Nuredini më tha: ‘ata do të vrasin Besmirin’. Xhixha e Diva thanë se vrasja bëhej se vendi ishte i mirë dhe më kërkuan mua si shofer”.

Sipas Allës, Nuredin Dumani është i rrezikshëm, ndërsa shton se ata kanë lidhje të forta në policinë e Durrësit. Ai shprehet se nuk e tregoi në fillim emrin e Dumanit pasi ai e kërcënonte.

“Se tregova emrin e Dumanit se me kërcënoi se do me vriste motrën. Besian Xhixha një natë qëndroi në shtrinë e Nuredin Dumanit”. Besian Xhixha dhe Enver Diva nga Fushë-Kruja u arrestuan ditën e djeshme dhe nesër paradite ndaj tyre GJKKO pritet të caktojë masën e sigurisë.

The post “Bëra shoferin e vrasësve”, Klevis Alla: Dumani më kërcënoi se do me vriste motrën appeared first on Albeu.com.

Policia e Shtetit ka dhënë versionin zyrtar të arrestimit të dy shtetasve të përfshirë në vrasjen e vëllezërve Haxhia në vitin 2020. Policia bën me dije se shtetasit Besian Xhixha dhe Enver Diva janë vënë në pranga pasi në bashkëpunim me njëri tjetrin kanë siguruar mjetet për vrasjen e vëllezërve Haxhia.

NJOFTIMI ZYRTAR I POLICISË:

Finalizohet operacioni policor i koduar “Vazhdimi”, për vënien në pranga të personave të përfshirë në një vrasje të dyfishtë të ndodhur në vitin 2020.

Operacioni nga DVP Durrës, në bashkëpunim me Drejtorinë Kundër Krimeve ndaj Jetës dhe Pronës, me mbështetjen e Forcave Speciale Renea dhe të Forcës së Posaçme Operacionale në DPPSH, nën drejtimin e Departamentit të Policisë Kriminale në Policinë e Shtetit.

Në vijim të punës hetimore të bërë nga strukturat hetimore të Drejtorisë Vendore të Policisë Durrës, në bashkëpunim me Drejtorinë Kundër Krimeve ndaj Jetës dhe Pronës, nën drejtimin e SPAK-ut, për zbardhjen dhe dokumentimin e plotë të vrasjes së dyfishtë të ndodhur në vitin 2020, në tregun e makinave në Shkozet, Durrës, ku mbetën të vrarë me armë zjarri dy vëllezër, bazuar në provat e grumbulluara, mëngjesin e sotëm u organizua dhe u finalizua me sukses operacioni policor i koduar “Vazhdimi”.

Në kuadër të këtij operacioni u bë kapja dhe ndalimi i shtetasve Besian Xhixha., 30 vjeç, banues në Larushkë, Krujë dhe Enver Diva., 42 vjeç, banues në Fushë Mamurras, Kurbin.

Për këta shtetas, Gjykata e Posaçme Kundër Korrupsionit dhe Krimit të Organizuar ka caktuar masën e sigurisë “Arrest në burg”, për veprat penale “Sigurimi i kushteve dhe mjeteve materiale për të kryer vrasje” , kryer në bashkëpunim dhe “Mashtrimi”.

Nga hetimet e kryera dyshohet se këta shtetas, në bashkëpunim me njëri tjetrin, kanë krijuar dhe siguruar mjetet për kryerjen e vrasjes së shtetasve B. H. dhe V. H. (vëllezër).

Nën drejtimin e SPAK-ut vijon puna për zbardhjen dhe dokumentimin e plotë të kësaj ngjarjeje dhe kapjen e personave të tjerë të implikuar.

Materialet do t’i dërgohen Gjykatës së Posaçme Kundër Korrupsionit dhe Krimit të Organizuar.

The post Atentati që u mori jetën vëllezërve Haxhia, zbardhet arrestimi i dy bashkëpunëtorëve dhe roli i tyre (VIDEO) appeared first on Albeu.com.

Ky shtetas kishte rënë dakord të kryentë vrasjen e vëllezërve Haxhia por ishte infektuar me COVID-19 duke I prishur kështu planet e ekzekutimit.

Vetëm tre ditë para vrasjes së vëllezërve Haxhia, Diva foli për mediat ku denonconte faktin se ishte infektuar me COVID nga bashkëshortja e cila punonte në një fasoneri.

Meqënse i ishte anuluar plani për të kryer atentatit pasi ishte infektuar me COVID, më datë 24 prill, 42-vjeçari denonconte po ashtu se nuk kishte para për të mbajtur familjen dhe 3 fëmijët.

“Bashkëshortja ime ka qenë në punë në Krujë, na ka infektuar dhe mua, dhe nusen e çunit të xhaxhait, ne jemi copë copë, edhe ilaçet i kemi blerë vetë.

Pse duhet të ble unë ilaçe kur ato duhet të jenë falas, gruaja punonte te këpucët në Krujë. Erdhën na bërë tamponët, na ka sjellë vetëm një thes miell bashkia dhe vetëm kaq, e dy kile oriz dhe dy kile makarona”- shprehej Enver Diva.

Enver Diva konsiderohet si një person me rrezikshmëri të lartë shoqërore. Ai është arrestuar më parë për grabitjen e një argjendarie, dhe është arratisur nga burgu i Shën Kollit, ku vuante dënimin me 10 vite burg për grabitje me armë, e më pas i arrestuar nga RENEA në 2013. /albeu.com/

The post Grabitje me armë e arratisje nga burgu, si COVID-19 i prishi planet vrasësit me pagesë të vëllezërve Haxhia appeared first on Albeu.com.

Këtë të fundit janë marrë të pandehur për vrasjen e dy vëllezërve Besmir e Viktor Haxhia në prill të 2020 si dhe të Dorian Shkozës e Anxhelo Avdisë në mars të të njëjtit vit.

“Besmir Haxhinë e nxora unë në pritë. I telefonova dhe i thashë hajde të të jap lekët e borxhit. E lamë të shiheshim te tregu i makinave. Kur pashë makinën e tij e parakalova. Atë moment Talo Çela dhe Nuredin Dumani, qëlluan me breshëri. Sulmi zgjati 3 minuta. Ne nuk e dinim që në makinë me të ishte edhe vëllai tjetër Viktori. Për vrasjen e Dorian Shkozës, dua të them se Talon e informoja unë për lëvizjet e tij. Vrasjen e Dorianit mendoj e ka bërë Besmir Haxhia dhe Talo, nisur nga karakteristikat trupore. Shofer s’e di kush ka qenë”, thotë Alla, raporton “News 24”.

Mbi personat e lartpërmendur rëndojnë akuzat e vrasjes në rrethana cilësuese, pjesëmarrje në grup të strukturuar kriminal, dhe armëmbajtje pa leje. I penduari rrëfen në dëshminë e tij se ishte Nuredin Dumani, ai që i dërgoi foton e Besmir Haxhisë dhe i tha se do ta vriste. Ai thotë se automjetin që përdorën në vrasje e bleu dhe Nuredini në zonën e Astirit, ndërsa i kishin premtuar 10 mijë euro që të kishte rolin e shoferit në vrasje, por kur ai refuzoi e morën nën kërcënim. Para hetuesve ai tregon edhe takimin me ekzekutorët te tuneli në Shënavlash, pak minuta para se të qëllonin për vdekje dy vëllezërit.

“Kur mbërrita te tuneli në Shënavlash, aty ishte Talo Çela, Altin Ndoci e Nuredini. Talo kishte maskë me fytyrë njeriu. Nuredini kapuc si RENEA, xhup pa krahë me mbishkrimin OFL. Ata zbritën nga makina e tyre dhe morën 3 armë në bagazh. Unë shkova deri aty t’ju dërgoja makinën. Por Talo me kërcënoi: Ma ke thënë, ti do vish me se sbën dhe me ka kërcënuar. Hipa në Toyotan me targa AA 375 XN. Të tre u futën në automjet. Unë telefonova Besmir Haxhinë dhe lashë takimin”.

Po ashtu ai tregon se pas krimit autori u përpoq të fshihte provat. “Armët i hodha në kanalin përballë xhamisë me dy minaret. Makinën e lashë te varrezat në Arapaj. Të nesërmen kam shkuar me biçikletë te makina dhe kam mbledhur gëzhojat dhe i futa në një qese, të cilën e hodha në një rezervuar”, thotë ai.

Një tjetër episod që tregohet nga i penduari është momenti kur oficeri i zonës i kërkoi të paraqitej në polici dhe arsyet përse vendosi të fliste.

“Më telefonoi polici, Arbeni më kërkoi të shkoja në polici. U tremba, por vendosa të shkoj. Tregova ngjarjen. Dërgova policinë te vendi ku hodha armët. Polumbarët i gjetën. I tregova dhe vendin ku hodha qesen me gëzhojat dhe vendin ku lashë makinën e çelësin e saj”, tregon ai.

Klevis Alla tregon edhe motivin e vrasjes së dy vëllezërve si dhe miqve të tyre…. “Pas ngjarjes në Rinas, filloi përçarja e grupit të Talo Çelës, Dorian Shkozës, Altin Ndocit e Besmir Haxhisë. Përçarja filloi pasi hyri në lojë lek i madh nga vjedhja e Rinasit”.

Fillimisht Alla është përpjekur të mos e implikojë Nuredin Dumanin në krimet e rënda duke rënduar pozitën e Altin Ndocit, për të cilin fillimisht tha se kishte qëlluar ai dhe Talo Çela mbi dy vëllezërit, por më pas shpjegoi se ai kishte qenë në makinë, porse nuk kishte përdorur armë.

The post Zbardhet dëshmia e të penduarit Klevis Alla: Besmirin e nxora unë në pritë, Talo Çela vrau vëllezërit Haxhia appeared first on Albeu.com.