Gazetarja Klodiana Lala, raporton se ndaj Shemsi Shaljanit, gjykata e Tiranës caktoi me datë 16 mars masën e sigurisë “arrest me burg” pasi dyshohet se ka dhunuar të venë e vëllait të vrarë.

Burime konfirmuan se me 13 mars në polici u paraqiti e veja e Muçi Shaljanit alias Sheqerit, e cila ka pretenduar se pas vdekjes së bashkëshortit të saj, vëllezërit e këtij të fundit kanë ngritur pretendime në lidhje me pronësinë e objektit 4-katësh, ku ata jetojnë në rrugën “Spiro Deda”, si dhe të 2 ambienteve bar-kafe që janë administruar nga bashkëshorti i saj.

Më tej, ajo i ka thënë policisë se Denis Morina, vëllai nga ana e nënës i shtetasit Muçi Shaljani, i kishte marrë çelësin e hyrjes së këtij objekti, me pretendime lidhur me pronën.

Fillimisht ajo nuk ka bërë kallëzim, por ka kërkuar ndihmën e policisë që vëllezërit e bashkëshortit të ndjerë t’i dorëzonin çelësin e objektit dhe ka paraqitur edhe dokumentacionin përkatës lidhur me pronësinë.

Policia ka thirrur Denis Morinën, vëllain e Muçi Shaljanit dhe mes palëve është arritur marrëveshje dhe i është dorëzuar çelësi 40-vjeçares, ndërsa lidhur me pretendimet që mund të kishin palët për pronësinë e godinës janë orientuar që t’i drejtoheshin gjykatës.

Një ditë më vonë, bashkëshortja e agjentit të vrarë është paraqitur në komisariat dhe ka kallëzuar për dhunë kunatin e saj Shemsi Shaljani, duke pretenduar se ky i fundit i ka shkuar te dera e banesës, duke goditur me grushte derën dhe i ka kërkuar të largohet nga prona së bashku me fëmijët e saj.

Në kallëzim ajo ka pretenduar se është kërcënuar me jetë.

Policia ka sekuestruar pamjet filmike si dhe ka marrë në pyetje dëshmitarët e ngjarjes, e më pas ka plotësuar urdhër të menjëhershëm mbrojtje për gruan.

Shemsi Shaljani, është arrestuar dhe ndodhet në paraburgim për akuzën e dhunës në familje.

Vrasja e Muçi Shaljanit

Mesditën e 11 nëntorit të 2025 Muci Shaljani alias Sheqeri sapo ishte kthyer nga Spanja bashkë me Gilamdno Danin që njihej si I besuari I Emiljano Shullazit, kur në drejtim te tyre tek rrethrrotullimi I Rinasit u qëllua me breshëri kallashnikovi.

Dani mbeti I vrarë në vend, ndërsa Shaljani ndërroi jetë më vonë te spitali I Traumës. Hetimet për atentatin mafioz po kryhen nga prokuroria e posaçme. Ndërkohë lidhur me punësimin e paligjshëm të Shaljanit si agjent janë marrë të pandehur për akuzën e “shpërdorimit të detyrës” ish-drejtori I komanduar i AMP-së, Artjol Saliasi, si dhe drejtori I burimeve njerëzore Gëzim Sala.

The post Arrestohet vëllai i Muçi Shaljanit të vrarë në atentatin në Rinas, zbardhen konfliktet e gruas së ish-agjentit të AMP-së me familjen e bashkëshortit appeared first on Albeu.com.

Në daljen e saj publike pas kësaj ngjarje të trishtë, aktorja e njohur nuk i mbajti dot lotët në studio ndërkohë që tregonte për momentin e vështirë që kaloi këtë periudhë.

“Mua nuk më është mbyllur mirë 2025. Normal që nuk është e mirë as 2026. Kam humbur gjysmën time. Janë ato dhurata e hidhura që bën Zoti. Për momentin jetoj në dy dimensione, uroj që kjo mos të ndikojë në punë.

Është dita e parë e punës, dalja ime e parë mediatike dhe s’mund të ishte në një vend tjetër veç se këtu. Edhe pse e kam thënë me dy mendje “Po”, kur erdha dhe u takuam, u dakordësova me veten që të jem këtu dhe vetëm këtu mund ta filloja.

Nuk është mirë të flasim për gjëra të tilla, sepse janë delikate, por edhe për elefantin në dhomë, nuk mund të rrimë pa folur.

Edhe pse kjo humbje e gjysmës time më të mirë, mua më ka sjellë shumë bekime, kam parë shumë dashuri nga njerëz që nuk i njoh, nga njerëz që i njoh.

Vëllai im është përcjellë si mbret. Dhe i them faleminderit të gjithë atyre që na kanë shkruar, janë munduar të na mbështesin në të gjitha format, edhe në rrugë.

Sytë e atyre njerëzve që kanë pasur ndroje të na thonin dhe për hir të tyre dua ta shfrytëzoj këtë mundësi për të thënë faleminderit.

Edhe pse e di që aty ka shumë njerëz të tjerë që kalojnë situata të rënda. Nga një forcë madhore që ne e dimë që ekziston, e dimë që është një fund, por s’jemi asnjëherë gati dhe përjetojmë dhimbje dhe mesa duket kuptimi i vetëm i dhimbjes është në të tilla momente.

Të tjerat janë kalimtare. Ky është një moment që ke një ndjesi që është ekstremi i asaj tjetrës. Dhimbja s’ka as etikë, as moral, as fjalor. Kam zbuluar që as fjalët s’janë të duhurat”, tha Ema Andrea.

The post “Humba gjysmën time më të mirë, po jetoj në dy dimensione”/ Aktorja Ema Andrea emocionohet për humbjen e vëllait appeared first on Albeu.com.

Më poshtë do të shihni foton kur Eva ka mbërritur në shtëpi e takohet pas 12 vitesh me të ëmën Mide Dumanin.
Një moment prekës e plot lot gëzimi prej nënës e të bijës. Pak momente më pas takimi me Endrin i kthyer nga Siria 6 vite më parë.

Një dramë e vërtetë 12 vjeçare për Mide Dumanin të cilës bashkëshorti Shkëlzeni ia mori fëmijët duke i çuar në Siri.

The post FOTO/ Eva Dumani shpëton nga kampet e Sirisë, përqafimi i parë me nënën dhe vëllanë pas ardhjes në Shqipëri appeared first on Albeu.com.

Ai tregoi se i vëllai kishte dalë me shokët, por u aksidentua me njërin prej tyre dhe që nga ai moment nuk dihet se ku ka përfunduar trupi.

“Këto kanë qenë ditë të vështira, shumë të vështira. U bënë plot 20 ditë që kërkojmë, unë, policia, njerëzit e mi të afërt por ende asgjë. Natën e ngjarjes ai ka qenë me shokët dhe ka ndodhur aksidenti. Unë nuk kam qenë në Shqipëri dhe nuk e di saktësisht si ka ndodhur. Deri tani po na ndihmon ushtria, bashkia, FNSH e Shkodrës dhe banorë të zonës, të gjithë pa përjashtim. Dua ta gjej që ta di ku ta qaj, ta di se ku prehet që t’i çoj një lule. E kemi kërkuar ngado por nuk ka asnjë shenjë deri më tani. Unë dua t’i falenderoj të gjithë për ndihmën, ish-deputetin Kreshnik Çollaku, ushtrinë e Kosovës dhe të gjitha autoritetet shqiptare”,- tha ai.

Aksidenti i rëndë ka ndodhur në orët e para të 9 janarit, ku një makinë u aksidentua dhe përfundoi në përroin në fshatin Darsë të Klosit.

I riu ka qenë duke udhëtuar me makinë, ku drejtues ishte Andi Losha, i cili u largua nga vendi i ngjarjes pa lajmëruar policinë dhe pa i dhënë ndihmë pasagjerit.

The post Kishte dalë me shokët dhe u aksidentua/ Prej 20 ditësh 30-vjeçari Jurgen Karaj i zhdukur, vëllai i tij prek me fjalët: Dua ta gjej që ta di ku ta qaj… appeared first on Albeu.com.

Vajza e Ema Andreas, Sara Kapo ka bërë një dedikim prekës për dajën, në rrjetet sociale duke zbuluar kështu se gëzonin një raport të veccantë.

“Përjetësisht do më mungosh daja”, shkruan Sara.

Rreth shtatë vjet më parë, Enea kaloi një problem me zemrën, por pas asaj periudhe u rikthye në formën optimale fizike.

The post U nda nga jeta, vajza e Ema Andreas prek me dedikimin për dajën: Përjetësisht do më mungosh appeared first on Albeu.com.

“Beni ynë nuk ja doli dot”, shkruan ish-deputeti i PS-së.

Ish-ligjvënësi shprehet se familjes së tyre, do t’u mbetet shpirti i përvëluar.

“Shendeti i lig i bëri pritë të pabesë”, Petro Koçi Lufta me diagnozen onkologjike vijoi thuajse nje vit e gjysem dhe perfundoi duke u gdhire dita e sotme.

Jeta vazhdon, por familjes tone, bashkeshortes e femijeve te Benit e sidomos nenes tone qe me humbjen e Benit, pas humbjes se vellait tone te vogel Arjanit vetem 26 vjec ne 1998 en, do u mbetet shpirti i perveluar”, shkroi ai.

Postimi:

Beni yne nuk ja doli dot!

Nder 5 djem qe shtuan familjen qe krijuan babai dhe nena jone, Beni ishte i dyti. Lindi ne Fier, ne 13 Shkurt 1964.

Edhe se i rritur ne kushtet e vetekuptueshme te nje familjeje ne veshtiresi ai shpejt u shnderrua ne nje djalosh energjik dhe me shpirt sportiv.

8 vjecaren e kreu te Shkolla Andon Xoxa e me pas vijoi ne nje shkolle teknike per te plotesuar etjen dhe pasionin per fushat teknike dhe elektronike. Punoi disa vjet si teknolog ne Azotik, Fier. Dallohej per nje shpirt krenar e te paster. Ndersa mberriti ne moshen e duhur per te krijuar familje e sfidoi shoqerine dhe mentalitetin e kohes duke u lidhur krenarisht me shoqen e jetes, Vasilika Gjikopullin, mbese e te pushkatuarit politik Milto Gjiokopulli. Beni nuk iu dorezua as presionit shoqeror e as atij familjar, duke i mbetur besnik zgjedhjes se tij shpirterore.

Familja e re lindi dy femijet Xhinen dhe Vasilin. Hapja e kufijve solli dhe ikjen e Benit si emigrant drejt Greqise. Per te siguruar familjen beri pune te veshtira e te mundimshme. Para disa vitesh u kthye ne qytetin e lindjes Fier.

Me duar te arta e shpirt punetor te palodhur vijoi te udheheqe familjen e tij fierake.

Por shendeti i lig i beri prite te pabese. Lufta me diagnozen onkologjike vijoi thuajse nje vit e gjysem dhe perfundoi duke u gdhire dita e sotme.

Jeta vazhdon, por familjes tone, bashkeshortes e femijeve te Benit e sidomos nenes tone qe me humbjen e Benit, pas humbjes se vellait tone te vogel Arjanit vetem 26 vjec ne 1998 en, do u mbetet shpirti i perveluar!

The post E trishtë/ Vuante nga një sëmundje e rëndë, ndahet nga jeta vëllai i ish-deputetit të PS-së (FOTO) appeared first on Albeu.com.

Januzi ishte dënuar nga Gjykata Themelore në Ferizaj më 30 prill 2024 për veprën penale “Vrasje” nga neni 172 i Kodit Penal, për privimin nga jeta të G.H. në maj të vitit 2022, si dhe për “Mbajtje në pronësi, kontroll ose posedim të paautorizuar të armëve”. Aktgjykimi ishte konfirmuar edhe nga Gjykata e Apelit.

Avokati i tij, Florin Vërtopi, kishte kërkuar që Januzi të shpallej fajtor për “vrasje në gjendje të afektit mendor” dhe t’i shqiptohej një dënim më i butë, ose çështja të kthehej për rigjykim. Prokuroria e Shtetit kishte propozuar refuzimin e kërkesës si të pabazuar.

Në vendimin e Supremes theksohet se provat, përfshirë video-incizimin e ngjarjes, tregojnë se viktima nuk e kishte sulmuar apo fyer të pandehurin para se ky i fundit t’i afrohej me armë dhe të shtinte gjashtë herë mbi të. Gjykata vuri në dukje gjithashtu se kërkesa për mbrojtje të ligjshmërisë nuk mund të ushtrohet për lartësinë e dënimit.

Vendimi i Supremes e bën përfundimtar dënimin prej 17 vitesh burgim ndaj Qëndrim Januzit.

The post Gjykata Supreme lë në fuqi dënimin me 17 vjet burgim ndaj vëllait të Butës, Qëndrim Januzaj appeared first on Albeu.com.

Fatkeqësisht, i riu ka ndërruar jetë në vendngjarje, ndërsa shoku i tij ndodhet në spital.

“Klan Kosova” ka publikuar momentin e rëndë kur Gjesti ka mbërritur në vendin ku u aksidentua për vdekje vëllai i tij, totalisht i shkatërruar, ndërsa miqtë i qëndrojnë pranë në këto orë të vështira për të gjithë.

“Oh vëllau jem…”, dëgjohet të thotë këngëtari, duke qëndruar disa metra më tej vendit të përplasjes.

The post “Oh vëllau jem…”, momenti i rëndë kur Gjesti mbërrin në vendin ku u përplas për vdekje vëllai appeared first on Albeu.com.

Dasma e organizuar një natë më parë, kishte mbledhur bashkë familjarë e miq të shumtë të familjes Osmani, ku të gjithë duartrokitën, festuan dhe trokitën gotat për një kapitull të ri në jetën e Sidritit dhe partneres dhe shoqes së tij të zemrës.

Fjalimi i Arbanës për të atin, ka tërhequr vëmendjen e të gjithëve! Ashtu e përsosur në të folur dhe ne detaje, moderatorja arriti që të lumturonte akoma dhe më tepër në këtë ditë të veçantë babain e saj. Ajo solli suprizë këngëtarin e tij të preferuar, Sinan Hoxhën, i cili i mblodhi tok të gjithë bashkë në tryezën e rrumbullakët e ku kënduan dhe kërcyen pa mbarim.

Përpos të gjitha këtyre suprizave e fjalimeve, diçka që ka tërhequr vëmendje është padyshim fustani i Arbanës. E kuruar deri në detaj, me një fustan madhështor, ashtu sikurse dhe gjithmonë ka arritur të shkëlqejë, sigurisht pas nuses!

Arbana mbrëmjen e djeshme kishte veshur një fustan të “Roberto Cavalli” me xhaguari print dhe që kushton plot 3500 euro.

The post Arbana Osmani marton vëllain! Fjalimi i moderatores që na “shkriu zemrat” dhe fustani i saj magjik appeared first on Albeu.com.

Në hetimet e SPAK thuhet se Armando Ndreca ka pasur rol organizativ në kultivimin dhe shpërndarjen e sasisë prej 243 kilogramë kanabis, gjatë vitit 2020 në zonën e Lezhës

Vëllai i ish-deputetit u arrestua në 2024, me dyshimin se ishte i përfshirë në kultivimin e bimëve narkotike. Kjo ndodhi pas zbulimit të një stani të kthyer në shtëpi bari në një fshat të Lezhës.

Ndreca u lirua nga gjykata pasi nuk kishte prova që vërtetonin përfshirjen e tij në kultivimin e lëndëve narkotike, por në janar të këtij viti u arrestua sërish në kuadër të operacionit “Revanshi”.

Armando Ndreca u arrestua pasi u zbulua në komunikimet e Sky Ecc për kultivimin e kanabisit. Ndaj tij, Prokuroria e Posaçme ngriti akuzën e prodhimit dhe shitjes së lëndëve narkotikëve në kuadër të grupit kriminal.

The post Pjesë e një grupi të strukturuar kriminal, por jo vetëm! SPAK përfundon hetimet, çon në gjyq vëllain e deputetit të PS-së appeared first on Albeu.com.