17-vjeçari Elmidin Dyli, i mbetur i plagosur në këtë përplasje mes dy familjeve Ferracaku dhe Gocaj për disa shezlongë, ka rrëfyer si ka ndodhur ngjarja dhe kush qëlloi i pari me armë zjarri.

Elmidin Dyli, nipi i Kujtim Ferracakut, i cili është një nga viktimat e kësaj masakre ka treguar  se të dyja palët në konflikt ishin të armatosur, por pala tjetër kishte automatikë.

“Punoja tek gjyshi Kujtim Ferracaku si kamarier dhe pasi kam mbaruar punën rreth orës 23:30 kemi dalë me stafin e lokalit para hotel “Fantazisë” për të pirë një kafe dhe aty kam dëgjuar debate që vinin përtej lokalit të Hasanit dhe siç kemi qenë bashkë kemi shkuar tek vendi në fjalë.

Aty kam parë Hasanin që ishte në tavolinë me një person duke sqaruar debatin mes tyre, kishte edhe persona të tjerë të pranishëm. Në këtë kohë ka shkuar aty edhe Kujtimi, gjyshi im dhe ka lëshuar disa fjalë drejt tyre “janë marre këto punë, kush jeni ju” dhe aty kam dëgjuar krisma arme që më kanë ardhur në krah pas meje dhe kam parë gjyshin që është rrëzuar në tokë.

Aty kanë filluar edhe të shtëna të tjera me armë zjarri. Armë ka patur gjyshi Kujtimi, Hasan Ferracaku dhe Abedin Ferracaku, djali i Hasanit kurse pala tjetër ka patur automatik. Kur ata kanë qëlluar gjyshi i është kundërpërgjigjur”, ka thënë Dyli. /albeu.com/

The post Flet 17-vjeçari që i mbijetoi masakrës në Velipojë: Pashë gjyshin në tokë, ata kishin automatik! appeared first on Albeu.com.

Ai ka deklaruar se fillimisht ka ndodhur një përplasje tek shezlongët dhe më pas janë nisur drejt hotelit Gocaj, për t’u sqaruar. Ai ka deklaruar se debati mes tyre është acaruar dhe kanë përfunduar duke përdorur armët.

Hasan Ferracaku nuk pranon për asnjë moment që ka qëlluar, ndërsa krijon edhe një alibi për të vëllanë e ndjerë, duke pretenduar se kishte pasur qëllim vetëm vetëmbrojtjen.

Dëshmia: Fillimisht kemi zhvilluar një debat tek shezlongët. Na i kishin vendosur shezlonget në vendin tonë. Pas debatit shkuam në hotel Gocaj për sqarim dhe iu thamë që të gjejmë një marrëveshje. Këtë vit ishte e drejta jonë, ata i vunë shazlongët. Ne kishim këtë të drejtë pas aplikimit që kemi bërë. Biseda u acarua dhe u përdorën edhe armët. /albeu.com/

The post E FUNDIT/ I mbijetuari i masakrës së Velipojës zbulon si ndodhi përplasja: Shkuam për sqarim, përdorëm armët! appeared first on Albeu.com.

Mes viktimave, ishte dhe djali i ri Myzerim Zeneli, i cili ishte në ditën e parë si kamarier në hotelin Gocaj ku ndodhi dhe përplasja mes dy familjeve.
Personi në foto është Myzerim Zeneli, i cili humbi jetën pas përplasjes mes pronarëve Ferracaku dhe Gocaj në Velipojë.

20-vjeçari kishte vetëm një ditë që kishte shkuar të punonte si kamerier në hotelin e “Gocaj”, por rezultoi që dita e parë e punës, të ishte dita e fundit e jetës së tij.
Policia e Shkodrës ka shpallur në kërkim dy persona si të perfshire në ngjarjen e rëndë. Dy personat dyshohen se ishin bashkë me vëllezerit Ferracaku.

Nderkohë janë rreth 20 persona të shoqëruar deri më tani si persona që mund të kenë dijeni të metejshme rreth konfliktit që çoi në përplasjen me armë mes vëllezërve Ferracaku dhe Gocaj.

Në ngjarje janë përdorur 6 armë.Vëllezërit Ferracaku kanë patur secili nga një pistolete sipas dyshimeve dhe dy personat në kërkim dyshohen se kanë qenë të armatosur. Nga ana tjeter edhe vëllezërit Gocaj kane patur pistolete dhe automatik kallashnikov.Policia ka sekuestruar vetem një pistolete deri më tani dhe disa prej gëzhojave që janë nga disa armë të ndryshme. /albeu.com/

The post Dita e parë e punës iu bë e fundit e jetës! Del fotoja e kamarierit 20-vjeçar që u vra në Velipojë (FOTO LAJM) appeared first on Albeu.com.