Punonjësi u “gëlltit” nga motori i një avioni Delta që po shkonte drejt portës me një motor të ndezur, thanë zyrtarët.

Përgjegjësit e viktimës thonë se një hetim fillestar tregon se incidenti nuk kishte lidhje me procedurat e sigurisë, por ende nuk është e qartë se si ndodhi.

Hetime po kryhen edhe nga një agjenci qeveritare.

Bordi Kombëtar i Sigurisë së Transportit tha se kishte qenë në kontakt me Delta Air Lines dhe ishte “në procesin e mbledhjes së informacionit në këtë pikë”.

Avioni, një Airbus A319, mbërriti në San Antonio të premten mbrëma nga Aeroporti Ndërkombëtar i Los Anxhelosit, shkruan BBC.

Zyrtarët ende nuk kanë emëruar punonjësin e Unifi Aviation, të cilin Delta Air Lines e kontrakton për operacionet e ekuipazhit tokësor.

“Nga hetimi ynë fillestar, ky incident nuk kishte lidhje me proceset operative të Unifi, procedurat e sigurisë dhe politikat”, tha kompania.

Një zëdhënës i Delta tha se linja ajrore ishte “zemërthyer” dhe e pikëlluar për humbjen e “jetës së një anëtari të familjes së aviacionit”.

Linja ajrore i tha gjithashtu transmetuesit lokal KENS 5 se po punonte me autoritetet “ndërsa ata fillojnë hetimin e tyre”./Albeu.com/

The post U “gëlltit” nga motori i avionit, humb jetën punonjësi i aeroportit appeared first on Albeu.com.