Kapiteni i anijes dhe 3 anëtarët e tjerë të ekuipazhit u arrestuan lidhur me ngjarjen e rëndë që çoi në vdekjen e 36-vjeçarit nga Kreta. Ata pritet të dalin para organeve të drejtësisë. Kapiteni, shefi, oficeri i kuvertës dhe oficeri i parë përballen së bashku me akuzën e vrasjes nga pakujdesia si dhe shkeljen e neneve të Kodit të së Drejtës Publike Detare.

Foto nga momenti i arrestimit:

Njëkohësisht, sot në mjekësinë ligjore të Pireut pritet të kryhet autopsia e trupit të fatkeqit Antonis.

Sipas asaj që deklaroi ministri i Transportit, Miltiadis Varvitsiotis, 36-vjeçari kishte hipur në anije më herët mbrëmjen e së martës dhe për një arsye të panjohur ishte përzënë.

Megjithatë, ai u përpoq të rihynte pak para se anija të nisej për në Kretë me ekuipazhin që reagoi në mënyrë tronditëse dhe përfundimisht fatale.

Βίντεο σοκ: Το πλήρωμα έσπρωξε από το Blue Horizon στον θάνατο τον 36χρονο που σκοτώθηκε στο λιμάνι Πειραιά pic.twitter.com/FdzFTliZLg

— kakajason (@kakajason50) September 5, 2023

Vëllai i 36-vjeçarit ka folur për mediet dhe ka komentuar vdekjen tragjike të Antonis.

“Jam i shokuar, nuk arrij ta kuptoj çfarë ka ndodhur me vëllain tim. Tani për tani kam ardhur në spital për të parë vëllain tjetër, i cili sapo ka dëgjuar për vdekjen e vëllait, është mërzitur… Videon e vëllait e kam parë shumë herë që nga mbrëmë dhe vërtet është një vrasje. E vranë, është e paimagjinueshme…”, tregon vëllai i tij Antonis për protothema.gr.

36-vjeçari Antonis jetonte në Agios Nikolaos Lasithiou, në banesën e punëtorëve me dy motrat e tij, ndërsa pak kohë më parë kishte humbur nënën./Albeu.com/

The post FOTO/ U shty me dhunë nga ekuipazhi grek dhe ra nga anija, ky është 36-vjeçari që humbi jetën appeared first on Albeu.com.