Një tragjedi ka ndodhur ditën e hënë në bregdetin e Shëngjinit, ku ka gjetur vdekjen një djalë i ri nga Kosova, i identifikuar si Shpejtim Syla.

Shkolla e mesme e artit “Adem Kastrati” në Gjilan, ku i ndjeri kreu studimet, ka reaguar për humbjen e parakohshme të ish-nxënësit të saj.

Përmes një telegrami ngushëllimi, drejtuesit e institucionit arsimor shprehën dhimbjen e tyre të thellë. “I shprehim ngushëllimet tona më të ndjera familjes së Shpejtimt, miqve, mësimdhënësve dhe gjithë komunitetit të nxënësve, në veçanti bashkëmoshatarëve të tij,” thuhet në njoftim.

Në mesazhin e shkollës theksohet se Shpejtim Syla ndoqi mësimet për tri vite në degën e Pikturës, duke e finalizuar arsimin e mesëm në muajin maj të këtij viti. “Largimi i tij i hershëm nga kjo botë përfaqëson një humbje të madhe për familjarët dhe për të gjithë ne që patëm rastin ta njihnim. Shpirti i tij pushoftë në paqe!” shkruhet në deklaratën e shkollës.

The post Tragjedia në Shëngjin, identifikohet 19-vjeçari nga Gjilani që u mbyt në det appeared first on Albeu.com.

Ardian Gjini, kryetar i Aleancës, i ka përcjellë ngushëllimet e tij familjes Kryeziu dhe kolegëve të Altin Kryeziut në Policinë e Kosovës.

Zyrtari policor nga Bubaveci i Malishevës ndërroi jetë në QKUK si pasojë e plagëve të marra disa ditë më parë, kur u godit nga një veturë në Malishevë teksa po kryente detyrën zyrtare.

Përmes një postimi në Facebook, Gjini u shpreh se dhimbja për Altinin i bashkon të gjithë.

“Familjes Kryeziu dhe të gjithë kolegëve të tij në Policinë e Kosovës u shpreh ngushëllimet më të sinqerta.

Të gjithë na bashkon dhimbja për Altinin. Respekti dhe kujtimi për shërbimin e tij do të mbeten përgjithmonë”, shkroi Gjini.

The post Gjini: Të gjithë jemi të bashkuar në dhimbjen për Altinin appeared first on Albeu.com.

Albulena Haxhiu, kryetare e Kuvendit dhe ushtruese e detyrës së Presidentes së Kosovës, ka ngushëlluar familjen e zyrtarit policor Altin Kryeziu. Ai ndërroi jetë pasi nuk u mbijetoi plagëve të marra në një aksident komunikacioni gjatë kryerjes së detyrës.

Në një reagim në Facebook, Haxhiu deklaroi se lajmi për ndarjen nga jeta të Kryeziut e kishte pikëlluar thellë. Ajo çmoi kontributin e tij në Policinë e Kosovës, duke nënvizuar se ai e kishte zgjedhur këtë detyrë për t’u shërbyer qytetarëve.

“Më pikëlloi thellë lajmi për ndarjen nga jeta të zyrtarit policor Altin Kryeziu, i cili nuk arriti t’u mbijetojë plagëve të marra pasi u godit nga një automjet gjatë kryerjes së detyrës.

Sot, familja e tij humbi njeriun e dashur, ndërkaq Policia e Kosovës një koleg dhe pjesëtar të saj që detyrën e kishte zgjedhur si shërbim ndaj të tjerëve”, ka shkruar Haxhiu.

The post Haxhiu i shpreh ngushëllime familjes së policit Altin Kryeziu appeared first on Albeu.com.

Altin Kryeziu, polici që humbi jetën disa ditë pas aksidentit të ndodhur gjatë kryerjes së detyrës, do të përcillet për në banesën e fundit të hënën, më 24 gusht.

Familja bëri të ditur se ceremonia mortore do të zhvillohet në varrezat e fshatit Bubavec, duke nisur nga ora 17:00.

“Në këtë ditë të rëndë, do t’i japim lamtumirën e fundit Altinit, djalit, policit dhe njeriut që la pas kujtime, dhimbje e respekt të pashlyeshëm.

U prehsh në paqe, Altin. Lavdi jetës dhe veprës tënde!”, thuhet në njoftimin e familjarëve.

The post Altin Kryeziu do të varroset të hënën, familja njofton për ceremoninë appeared first on Albeu.com.

Pas vdekjes së zyrtarit policor Altin Kryeziu, Sindikata e Policisë së Kosovës ka përcjellë një mesazh ngushëllimi. Kryeziu humbi jetën si pasojë e lëndimeve të pësuara në një aksident, derisa ishte duke kryer detyrën.

Në reagimin e publikuar në Facebook, Sindikata u ka shprehur ngushëllimet familjes Kryeziu, të afërmve, miqve, kolegëve të tij dhe gjithë pjesëtarëve të Policisë së Kosovës.

Përmes telegramit të ngushëllimit, SPK ka theksuar angazhimin dhe kontributin e Kryeziut në shërbim të qytetarëve, si edhe përkushtimin e tij gjatë ushtrimit të detyrës zyrtare.

“Në këto çaste të dhimbjes së thellë, shprehim respektin tonë për jetën dhe kontributin e të ndjerit në shërbim të qytetarëve dhe në përmbushjen e detyrës zyrtare, duke ndarë dhimbjen me familjen dhe kolegët e tij për këtë humbje të rëndë”, thuhet në reagim.

Mesazhi i Sindikatës së Policisë përfundon me fjalët: “I paharruar qoftë kujtimi për të ndjerin Altin Kryeziu”.

The post Sindikata e Policisë nderon kujtimin e zyrtarit të ndjerë Altin Kryeziu appeared first on Albeu.com.

Ministri në detyrë i Punëve të Brendshme, Xhelal Sveçla, i ka përcjellë ngushëllimet e tij për familjen, kolegët dhe të gjithë personat që e kanë njohur zyrtarin policor Altin Kryeziu, i cili ndërroi jetë të dielën në QKUK. Kryeziu kishte marrë lëndime disa ditë më parë, pasi ishte goditur nga një veturë në Malishevë.

Sveçla deklaroi se humbja e tij ka sjellë dhimbje të madhe për familjen Kryeziu, Policinë e Kosovës, kolegët dhe të gjithë të njohurit e tij. Sipas ministrit në detyrë, vendi humbi një pjesëtar shembullor të Policisë së Kosovës, i cili ishte i përkushtuar ndaj detyrës dhe mbrojtjes së sigurisë së qytetarëve.

Ai shprehu gjithashtu mirënjohje për personelin mjekësor, duke vlerësuar përpjekjet dhe angazhimin e tij të jashtëzakonshëm për trajtimin e Altinit deri në çastet e fundit të jetës.

Në reagimin e tij, ministri në detyrë i Brendshëm u bëri thirrje të gjithë pjesëmarrësve në komunikacion që të veprojnë me kujdes dhe përgjegjësi të plotë. Sveçla theksoi se pakujdesia në trafik mund të shkaktojë humbje jete, ndërsa rasti i Altin Kryeziut përfaqëson humbjen e një jete të re dhe të një zyrtari që ishte në shërbim të qytetarëve.

The post Sveçla: Me ndarjen nga jeta të Altin Kryeziut, Policia e Kosovës humbi një zyrtar shembullor appeared first on Albeu.com.

Kryetari i Komunës së Malishevës, Ekrem Kastrati, ka reaguar pas vdekjes së pjesëtarit të Policisë së Kosovës, Altin Kryeziu, i cili humbi jetën si pasojë e plagëve të marra në një aksident të ndodhur ditë më parë gjatë kryerjes së detyrës.

Përmes një telegrami ngushëllimi, Kastrati e ka cilësuar ndarjen nga jeta të Kryeziut si një dhimbje të rëndë për familjen e tij dhe një humbje të madhe për Policinë e Kosovës, ku ai shërbeu me përkushtim e profesionalizëm.

Altin Kryeziu ndërroi jetë pas aksidentit që pësoi disa ditë më parë në krye të detyrës.

Kryetari i Malishevës u ka përcjellë ngushëllimet familjarëve të policit, kolegëve, miqve dhe bashkëpunëtorëve të tij.

“Në këto momente të vështira, jemi pranë familjes së tij, duke ndarë dhimbjen dhe pikëllimin për këtë humbje të rëndë”, ka deklaruar Kastrati.

Mesazhin e tij, Ekrem Kastrati e ka mbyllur duke uruar që kujtimi për Altin Kryeziun të jetë i përjetshëm.

The post Ekrem Kastrati shpreh dhimbjen për ndarjen nga jeta të policit Altin Kryeziu appeared first on Albeu.com.

Prokuroria Themelore e Prishtinës ka urdhëruar ndalimin për 48 orë të personit me inicialet A.K., në kuadër të hetimeve për vdekjen e punëtorit të KEK-ut, Arbenit Ahmeti, 32-vjeçar.

A.K. dyshohet për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”, e paraparë në nenin 358 të Kodit Penal të Republikës së Kosovës.

Sipas informacioneve të para, ngjarja ka ndodhur gjatë transportimit dhe zhvendosjes së kabllove 6kV. Dyshohet se viktima ka rënë në kontakt me tensionin elektrik, duke pësuar plagë të rënda.

Prokurori kujdestar i Departamentit të Përgjithshëm është vënë në dijeni për aksidentin e ndodhur në Koorporatën Energjetike të Kosovës (KEK), ku një punëtor humbi jetën në vendin e punës.

Pas raportimit të rastit, në vendngjarje kanë shkuar njësitet përkatëse të Policisë së Kosovës, Komisioni i Pavarur për miniera dhe minerale (KPMM), Inspektorati i Punës dhe Inspektorati i Brendshëm i Koorporatës Energjetike (KEK).

Nën udhëzimet e prokurorit kujdestar, institucionet përgjegjëse kanë kryer veprimet e nevojshme hetimore me qëllim sqarimin e plotë të rrethanave dhe shkaqeve që çuan në humbjen e jetës së punëtorit.

Prokurori i çështjes do t’i vlerësojë brenda afatit ligjor rrethanat dhe provat e mbledhura deri tani. Në vijim, ai do të ndërmarrë masat e nevojshme, përfshirë edhe paraqitjen e kërkesës për caktimin e njërës prej masave të sigurisë ndaj të pandehurit në procedurën penale, në përputhje me legjislacionin në fuqi.

The post Ndalim 48-orësh për një person pas vdekjes së punëtorit të KEK-ut appeared first on Albeu.com.

Në këtë krim brenda familjes, vetë autori i krim Refit Buzi, vrau veten teksa ishte rrethuar nga forcat e policisë dhe efektivët e repartit special RENEA.

Gazetari Elton Qyno, ka mësuar se para se të ndodhte tragjedia e rëndë, policitë kriminale të Fierit dhe ajo e Tiranës, kishin marrë dy denoncime shqetësuese nga ish- e fejuara e Buzit, shtetësja, Rosalinda Plaka.

Në të dyja denoncimet ajo paralajmëronte një situatë të rëndë dhe se ish-i fejuari i saj, Refit Buzi, e kërcënonte seriozisht se do e vriste.

“…do të vras nëse ndahesh prej meje…” dhe “…nuk ke për të jetuar asnjë ditë e qetë nëse të shoh me dikë tjetër…”.

Gjithashtu, Refit Buzi, ka tentuar t’a dërgojë me forcë dhe me kërcënime në hotel. Pasi i ka treguar për ngjarjen të vëllait të saj, sipas denoncimit, Refit Buzi, e ka kërcënuar edhe atë me fjalët: “…nuk do t’a lë motrën rehat…”.

Sipas dosjes hetimore, për denoncimin e bërë në policinë e Tiranës nga Rozalinda Plaka, uniformat blu në muajin Nëntor 2025, kanë arrestuar Refit Buzin. Ai është lënë në masën e “arrestit në burg” për akuzën e “Kanosjes” dhe “Përndjekjes”.

Megjithëse apeloi vendimin duke kërkuar një masë më të butë sigurie si “arrest shtëpie” apo “detyrim paraqitje”, gjykata e Apelit Tiranë nuk i ka plotësuar dëshirën Buzit.

Pasi në 22 dhjetor 2025 ka vendosur të miratojë vendimin e Gjykatë së Shkallës së Parë, duke e lënë në masën e sigurisë “arrest në burg”.

Nuk dihet ende se në çfarë rrthana ka dalë nga burgu Refit Buzi, por ka indicie dhe të dhëna se një gjyqtar në gjykatën e Tiranës, ka ndryshuar masën e sigurisë të tij, duke e liruar nga burgu.

Dosja

Sipas dosjes hetimore të siguruar nga gazetari Elton Qyno, ngjarja është rregjistruar në 17 Nëntor 2025, rreth orës 19:00, pasi salla operative ka marrë njoftim se një shtetase që ndodhej në Bulevardin “Bajram Curri”, kërkonte ndihmën e policisë pasi ishte kanosur me armë nga ish-i dashuri i saj, Refit Buzi.

Policia e ka vlerësuar menjëherë denoncimin dhe ka arritur të lokalizojë dhe arrestojë, Refit Buzin. Por në momentin e arrestimit ky person u ka deklaruar policëve se bëhet fjalë për një pistoletë lodër.

Nga kqyrja e vendit të ngjarjes ka rezultuar se në autostradën Tiranë – Elbasan, sapo mbaron tuneli, pranë daljes së parë, është gjetur një send plastik i dëmtuar dhe i çmontuar, në dukje armë.

Lidhur hetimet për ngjarjen, është marrë në pyetje në cilësinë e personit që ka dijeni për veprën penale dhe në kallëzimin e saj, Rosalinda Plaka ka deklaruar se ish i fejuari i saj, Refit Buzi, e përndjek dhe e kërcënon vazhdimisht, duke i krijuar një gjendje ankthi, pasigurie dhe frike.

Sipas saj para 2 muaj ky person ka hapur një adresë fallco me fotot e tyre dhe e ka kërcënuar që ta kontaktonte ndryshe do t’a degjeneronte.

Ka pranuar që të takoheshin dhe kur janë takuar ai e ka futur në makinë duke e kërcënuar me fjalët: “…do të vras nëse ndahesh prej meje…” dhe “…nuk ke për të jetuar asnjë ditë e qetë nëse të shoh me dikë tjetër…”.

Gjithashtu, ka tentuar t’a dërgojë me forcë dhe me kërcënime në hotel. Pasi i ka treguar për ngjarjen të vëllait të saj, Refit Buzi e ka kërcënuar edhe atë me fjalët “..nuk do t’a lë motrën rehat…”.

Në vijim, Refit Buzi, i ka dërguar video intime shoqëruar me kërcënimin se do t’i publikonte në rrjetet sociale. Çdo ditë i dërgon mesazhe ofenduese dhe kërcënuese, duke e bërë të ndihet e pasigurtë për jetën e saj.

Ndërkohë në datë 16 Nëntor 2025, ndërsa ka qenë duke pirë kafe së bashku me kunatën e saj në lokalin ku punon dhe i vëllai, aty ka shkuar dhe Refit Buzi, i cili me ton kërcënues i ka thënë: “…nëse nuk vjen të më takosh do bëj ekstremin në lokal…”.

I vëllai i saj i ka kërkuar që të largohet, por ai në prani të tij e ka kërcënuar se nuk do të kishte asnjë ditë të qetë dhe nëse do t’a denonconte kur të dilte nga burgu do t’a vriste.

Për situatën e krijuar Rosalinda, ka njoftuar dhe familjarët e Refit Buzit, të cilët i kanë thënë se nuk kishin dijeni që ai ishte në Tiranë, pasi prej gati 15 ditësh u kishte thënë se shkonte në Kosovë.

Ato i kanë kërkuar që të mos bënte denoncim pasi do të flisnin me të që të mos e bezdiste më. Pas këtij komunikimi me familjarët e Refit Buzit, ky i fundit e ka marrë në telefon dhe e ka kërcënuar me fotot nudo që do t’i publikonte në internet.

Më 17 nëntor 2025, rreth orës 10:30 tek hyrja e pallatit ka konstatuar ish të fejuarin, Refit Buzi, i cili e kapi prej krahu atë i kërkon kunatës së saj të largohej pasi kishte diçka për të sqaruar.

Kur ai e ka tërhequr, tek beli i tij ka konstatuar një armë. Ka ndjerë frikë pasi më pare ai e kishte kërcënuar që do t’a shkrepte.

Ndërkohë i pyetur në cilësinë e personit ndaj të cilit zhvillohen hetimet, Refit Buzi, ka deklaruar se ka kërkuar të takohet me ish të fejuarën, për t’i kërkuar, një shpjegim për arsyen e ndarjes pasi kishin qenë tetë vite bashkë.

Për këtë moment është pyetur dhe në cilësinë e personit që ka dijeni për veprën penale, edhe kunata K.K, e cila ka deklaruar se më 17 nëntor 2025 tek hyrja e pallatit kanë parë Refit Buzin, i cili i drejtohet kunatës së saj me fjalët: “…për kokë të Malos do t’a shkrep….”.

Më pas e ka kap kunatën e saj për nga krahu dhe me dorën tjetër ngre xhupin dhe tregon armën. Të dyja janë ndjerë të frikësuara dhe në rrezik për jetën.

Më pas Refit Buzi, e ka tërhequr kunatën e saj për nga krahu, ndërsa ajo bërtiste dhe qante, dhe i thonte: “…do flasim qetësisht, mos bërtit se ka njerëz dhe po na shikojnë, do t’a shkrep armën…”.

Për këtë ngjarje është marrë në pyetje dhe i vëllai i Rosalindës i cili ka deklaruar se motra e tij njihej prej 8 vitesh me Refit Buzin, i cili para një viti është kthyer në Shqipëri.

E motra i kishte thënë që e kërcënonte nëpërmjet telefonit që mos të ndaheshin dhe se e shantazhonte me publikimin në internet të videove intime.

Më 16 nëntor 2025 atë e ka marrë në telefon Refit Buzi dhe i ka kërkuar të takoheshin. Në rast se nuk do të shkonte ai do të vriste veten.

Kur janë takuar e ka parë që nuk ishte mirë mendërisht dhe i ka thënë që të shkonte tek shtepia e prindërve në Fier për t’u qetësuar.

Ndërsa më datë 17 nëntor 2025 e motra e ka marrë në telefon dhe i ka treguar për ngjarjen. Lidhur me këtë ngjarje policia dhe prokuroria e Tiranës kanë ngritur 2 akuza për Refit Buzin si “Përdjekja” dhe “Kanosja”.

Prokurori i çështjes e ka cilësuar Buzin si person me rrezikshmëri të lartë shoqërore, pasi veprën penale për të cilën ai dyshohet paraqet rrezikshmëri të theksuar shoqërore.

Por pavarësisht kësaj, nuk kaloi shumë kohë dhe Buzi arriti të dalë nga qelia, duke sjellë më pas vrasjen e dy prindërve të Rozalindës, marjen peng të saj dhe më pas vrasjen e vetes./SYRI.net

The post S’do ta le motrën rehat/ Dosja e Refit Buzit, si e kanosi në Tiranë ish-të fejuarën, presion me foto dhe video intime… appeared first on Albeu.com.

Ngjarja tragjike ndodhi në orët e para të mëngjesit të kësaj të premteje, (7 gusht), ku të dy ishin nisur për ne punë, por fati i kishte rezervuar diçka tjetër. Udhëtimin e tyre të fundit!

Gruaja 43-vjeçare dhe djali i saj 21-vjeçar humbën jetën menjëherë kur makina me të cilën udhëtonin u përplas ballë për ballë me një kamion , në rrethana që po hetohen nga autoritetet.

Pamjet e aksidentit

Pamjet e aksidentit që i mori jetën dy personave, është filmuar nga një kamera e instaluar në kamion dhe do të administrohet nga autoritetet helene për ti ardhur në ndihmë zbardhjes së plotë të rrethanave të aksidentit.

Djali ishte shoferi

Sipas informacioneve që citohen nga mediat greke djali 21-vjeçar ka qenë duke drejtuar makinën, ndërsa nëna e tij ishte pasagjere në sediljen e parë.

Përplasja ishte aq e forta, saqë të dy, nënën e bir ishte e pamundur të mbijetonin.

Familja, me origjinë nga Shqipëria, jetonte në Paleokomi dhe e kishte ndërtuar jetën e saj në atë zonë me dinjitet dhe punë të palodhur.

Nënë e bir punonin në të njëjtën kompani të madhe blerje dhe menaxhimi pasurish të paluajtshme, me seli në plazhin e Ofrynit (Tuzla), dhe atje po shkonin kur fati kishte rezervuar fundin më tragjik për ta.

Ata lënë pas një familje që do të përballet me një humbje të paimagjinueshme. Babai dhe vajza e familjes tani përballen me një boshllëk të madh, pasi brenda pak sekondash humbën dy nga njerëzit e tyre më të dashur.

The post Nënë e bir humbën jetën në aksidentin tragjik/ Ishin nisur për në punë, por fati u kishte rezervuar udhëtimin e fundit (FOTO) appeared first on Albeu.com.