AFP raporton se në një rezolutë të miratuar me 506 vota në asamblenë prej 705 vendesh, parlamenti tha se “Qeveria ruse dhe Vladimir Putin mbajnë personalisht përgjegjësi penale dhe politike për vdekjen e kundërshtarit të tyre më të zëshëm, Alexei Navalny”.

Ligjvënësit kërkuan një “hetim ndërkombëtar të pavarur dhe transparent” mbi rrethanat e vdekjes së Navalny dhe kërkuan nga 27 shtetet anëtare të BE-së që të “intensifikojnë” mbështetjen për të burgosurit politikë rusë. Nëntë ligjvënës votuan kundër rezolutës.

The post Parlamenti Europian fajëson qeverinë ruse dhe Putinin për vdekjen e Alexei Navalny appeared first on Albeu.com.

Dhe ky shkak i vdekjes është raportuar më parë nga mediat e kontrolluara nga shteti rus, shkruan Sky News.

Gjatë forumit të së dielës në Kiev, Budanov thuhet se ishte dakord me këtë vlerësim.

Shumë kanë fajësuar presidentin rus Vladimir Putin për vdekjen e liderit të opozitës në një burg të Arktikut, me thirrjet në rritje për një hetim të pavarur.

Trupi i figurës së opozitës ruse Alexey Navalny i është dhënë nënës së tij më shumë se një javë pasi ai vdiq, tha të shtunën zëdhënësja e Navalny, Kira Yarmysh.

Navalny vdiq më 16 shkurt pas hekurave në një burg aty pranë.
Shërbimi rus i burgut tha se ai “u ndje keq pas një shëtitje” dhe “pothuajse menjëherë” humbi vetëdijen.

Familja dhe kolegët e Navalny kanë fajësuar presidentin rus Vladimir Putin për vdekjen e Navalny, e cila vjen përpara zgjedhjeve presidenciale muajin e ardhshëm në Rusi.

The post Shefi i inteligjencës së Ukrainës: Vdekja e Alexei Navalny, shkak mpiksja e gjakut appeared first on Albeu.com.

Lajmi është bërë i ditur nga zëdhënësja e Navalny, Kira Yarmysh.

“Trupi i Alexey iu dorëzua nënës së tij. Shumë faleminderit për të gjithë ata që e kërkuan këtë me ne”, ka postuar Yarmysh në rrjetet sociale.

Yarmysh shtoi se nëna e Navalny, Lyudmila Navalnaya, është ende në Salekhard, qyteti i Arktikut ku mbahej trupi i djalit të saj.

Navalny vdiq të premten e 16 shkurtit në një burg të largët në Arktik.

Shërbimi rus i burgut tha se ai “u ndje keq pas një shëtitje” dhe “pothuajse menjëherë” humbi vetëdijen.

Familja dhe kolegët e Navalny kanë fajësuar presidentin rus Vladimir Putin për vdekjen e Navalny, e cila vjen përpara zgjedhjeve presidenciale muajin e ardhshëm. Putin nuk po konkurron kundër asnjë opozite kuptimplotë dhe pritet të kalojë në mandatin e pestë në detyrë.

Si një prej figurave më të rëndësishme të opozitës, 47-vjeçari ishte në burg nën akuza që, sipas kritikëve të Kremlinit, kanë qenë të motivuara politikisht.

Autoritetet e burgut thanë se ai pësoi “sindromën e vdekjes së papritur”, por aleatët e tij besojnë se ai u vra me urdhër të presidentit rus, Vladimir Putin.

Ai ishte helmuar më 2020 me agjent nervor Noviçok, dhe atëbotë pati fajësuar aparatin shtetëror, në krye me Putinin, për atë vendim.

Navalny ishte shëruar në Gjermani pas helmimit, dhe në ditën e kthimit në Rusi, ishte dërguar në burg.

The post Disa ditë pas vdekjes së Alexey Navalny, trupi i dorëzohet nënës së tij appeared first on Albeu.com.

Valery Boyarinov, nënkryetari i shërbimit penitenciar FSIN, i cili është përgjegjës për burgjet ruse, është graduar gjeneral i Ministrisë së Punëve të Brendshme.

Drejtori i Fondacionit Kundër Korrupsionit, i cili u themelua nga Navalny, shkroi sot në llogarinë e tij në platformën Telegram se Boyarinov ishte personalisht përgjegjës për torturimin e Navalny në burg.

“Kjo duhet të kuptohet si shpërblimi i dukshëm i Putinit për torturën”, shkroi Ivan Zhdanov për promovimin e Boyarinov.

Në korrik të vitit 2023, urdhri i Boyarinov për të kufizuar aftësinë e politikanit të opozitës për të blerë ushqime dhe gjëra thelbësore ditore u zbulua gjatë një seance gjyqësore të Navalny.

Të burgosurit mund të përdorin normalisht paratë e tyre për të plotësuar racionet e pakta që u jepen nga dyqani i burgut.

Sipas Zhdanov, gjenerali i sapograduar ishte gjithashtu përgjegjës për ngacmimet e mëtejshme të Navalny-t të burgosur.

Promovimi i Boyarinov u bë i njohur dje, të hënën, kur u publikua dekreti përkatës presidencial. Përveç Boyarinov, tre oficerë të tjerë të zbatimit të ligjit u promovuan në gradën e gjeneralit.

Zëdhënësi i Kremlinit Dmitry Peskov mohoi çdo lidhje midis vdekjes së Navalny dhe promovimeve, duke thënë se ishte rutinë.

The post Putin promovon zyrtarin e burgut pas vdekjes së Navalny, opozita akuzon për torturë appeared first on Albeu.com.

Autoritetet e burgut thanë se ai pësoi “sindromën e vdekjes së papritur”, por aleatët e tij besojnë se ai u vra me urdhër të presidentit rus, Vladimir Putin. Kremlini i cilësoi si “të neveritshme” akuzat e tilla. BE-ja tha se është “e indinjuar” nga vdekja e politikanit të opozitës dhe shtoi se “përgjegjësia përfundimtare i takon presidentit Putin dhe autoriteteve ruse”.

Ajo bëri thirrje për një hetim ndërkombëtar të rrethanave të vdekjes së papritur të Navalnyt.

“BE-ja nuk do të kursejë asnjë përpjekje për të kërkuar llogari nga lidershipi politik dhe autoritetet ruse, në koordinim të ngushtë me partnerët tanë”, tha blloku. Ai, po ashtu, bëri thirrje për lirimin e menjëhershëm të disa qindra njerëzve që u arrestuan teksa kujtonin Navalnyn në disa qytete të Rusisë.

The post Bashkimi Evropian bën thirrje për një hetim ndërkombëtar të vdekjes së Navalnyt appeared first on Albeu.com.

“Ne i shprehëm ngushëllimet më të thella të BE-së Yulia Navalnayas. Vladimir Putin dhe regjimi i tij do të mbajnë përgjegjësi për vdekjen e Alexei Navalnyt”, shkruan Borrell.

“Siç e tha edhe Yulia, Putini nuk është Rusi. Rusia nuk është Putin. Ne do të vazhdojmë mbështetjen tonë për shoqërinë civile të Rusisë dhe mediet e pavarura”, nënvizon ai më tej.

The post Meta shpërndan në profilin e tij mesazhin e Borrell për vdekjen e Alexei Navalny appeared first on Albeu.com.

Vdekja e Navalnyt në një burg të Arktikut, javën e kaluar, e tronditi opozitën në mërgim të Rusisë, e cila, ashtu sikurse Perëndimi, drejtoi gishtin e fajit nga Kremlini.

“Ne i shprehëm ngushëllimet më të thella të BE-së Yulia Navalnayas. Vladimir Putin dhe regjimi i tij do të mbajnë përgjegjësi për vdekjen e Alexei Navalnyt”, shkroi Borrell në platformën X.

“Siç e tha edhe Yulia, Putini nuk është Rusi. Rusia nuk është Putin. Ne do të vazhdojmë mbështetjen tonë për shoqërinë civile të Rusisë dhe mediat e pavarura”, shtoi ai.

Navalnaya iu drejtua ministrave të jashtëm të BE-së në Bruksel, pasi u zotua se do të vazhdojë luftën e burrit të saj kundër kontrollit të vrazhdë të Putinit mbi Rusinë.

Ministrat e BE-së diskutuan opsionet për t’i shkaktuar kosto të reja Kremlinit, pas vdekjes së Navalnyt.

BE-ja ka vendosur tashmë sanksione ndaj Moskës, përfshirë Putinin, për shkak të pushtimit të Ukrainës.

Por, Borrell tha se pret që shtetet anëtare të BE-së të propozojnë sanksione të reja ndaj atyre që janë drejtpërdrejt përgjegjës për trajtimin e Navalnyt, përfshirë sistemin e burgjeve të Rusisë.

Ai, po ashtu, tha se Brukseli do ta riemërtojë listën e zezë të sanksioneve globale për të drejtat e njeriut sipas Navalnyt.

Kremlini mohoi se ka gisht në vdekjen e Navalnyt.

The post Josep Borrell: Vladimir Putin do të mbajë përgjegjësi për vdekjen e Alexei Navalny appeared first on Albeu.com.

Kjo është vala më e madhe e arrestimeve gjatë aktiviteteve politike në Rusi që nga shtatori 2022, kur mbi 1300 persona u arrestuan gjatë demonstratave kundër “mobilizimit të pjesshëm” të rezervistëve për fushatën ushtarake në Ukrainë.

Juristi i burgosur 47-vjeçar, Alexei Navalny, ra pa ndjenja dhe më pas vdiq pas një ecjeje në burgun “Ujku Polar” në Arktik, ku po vuante një dënim me 30 vite burg, njoftoi shërbimi i burgjeve.

OVD-Info raportoi se shumica e arrestimeve të së shtunës ndodhën në Shën Petersburg dhe Moskë, ku lëvizja e Navalny ka pasur ndikim të fortë. Në Shën Petersburg u arrestuan 74 persona dhe në Moskë 49 deri rreth orës 3 të pasdites, sipas orës lokale.

Filmimet e agjencisë së lajmeve Reuters të shtunën në Shën Petersburg tregonin dhjetëra persona duke u mbledhur pranë një monumenti të dedikuar viktimave të represionit. Protestuesit vendosën lule dhe qirinj, ndërsa disa këndonin himne dhe të tjerë përqafoheshin me njëri-tjetrin, duke derdhur lotë.

“Ndjeva keqardhje për të dhe për vendin tonë”, tha një pjesëmarrëse 83-vjeçare që nuk pranoi të japë emrin e saj. “Jam e frikësuar”, tha ajo.

Një gazetar i agjencisë së lajmeve Reuters që gjendej në vendngjarje tha se rreth 30 persona u arrestuan pak pasi përfunduan së kënduari.

Organizata OVD-Info gjithashtu raportoi për arrestime të veçanta në qytete më të vogla të Rusisë, që nga qyteti kufitar Belgorod, ku shtatë persona u vranë të enjten nga një sulm ukrainas me raketë, dhe deri në Vorkuta, një qytezë minatorësh në Arktik ku gjatë periudhës së Stalinit gjendeshin kampet e punës së detyruar.

Filmimet e agjencisë së lajmeve Reuters në Moskë tregojnë forcat e policisë që i grumbullojnë demonstruesit mbi dëborë, pranë vendit ku njerëzit kishin lënë lule dhe mesazhe në mbështetje të udhëheqësit të vdekur opozitar.

“Në stacionet e policisë mund të ketë të ndaluar të tjerë krahas listave të publikuara”, tha organizata OVD-Info. “Ne publikojmë vetëm emrat e personave për të cilët kemi njohuri të besueshme dhe emrat që mundemi t’i publikojmë”.

Agjencia Reuters nuk mundi t’i verifikojë këto shifra në mënyrë të pavarur. Policia ruse refuzoi të komentojë.

The post Arrestime në masë në Rusi pas vdekjes së Navalny, më shumë se 340 persona nën ndjekje appeared first on Albeu.com.

Kurti, i cili po merr pjesë në Konferencën e Sigurisë në Munih të Gjermanisë, shkroi në rrjetin social X: “Vdekja e raportuar e Navalnyt është thirrje për të gjithë që ta shohim autoritarizmin si të tillë; një gatishmëri për të vrarë dhe torturuar këdo që e kërcënon pushtetin e kapur fuqishëm”.

Shërbimi Federal të Burgjeve i Rusisë në rajonin Yamalo-Nenets tha të premten se Navalny u ndje keq, pas ecjes më 16 shkurt dhe më pas humbi vetëdijen dhe se vdiq pasi iu ofrua ndihma mjekësore.

“Të gjitha masat për ta kthyer në jetë u ndërmorën, por ato nuk prodhuan rezultate pozitive. Mjekët e autoambulancës e shpallën të vdekur të burgosurin. Shkaku i vdekjes është duke u përcaktuar”, u tha në deklaratën e Shërbimit rus, njoftim që nuk ka qenë e mundur të konfirmohet në mënyrë të pavarur.

Por, sekretarja për media e Navalnyt, Kira Yarmysh, shkroi në rrjetin social X se ekipi i kritikut të Kremlinit, nuk ka konfirmim për vdekjen e tij.

Yulia Navalnaya, bashkëshortja e Navalny, tha se Putini dhe bashkëpunëtorët e tij nuk do të shpëtojnë pa u ndëshkuar nëse konfirmohet vdekja e raportuar e burrit të saj.

Ajo i bëri thirrje bashkësisë ndërkombëtare ta luftojë së bashku “regjimin e tmerrshëm” në Rusi, duke folur Konferencën e Sigurisë në Munih.

The post Kurti: Vdekja e raportuar e Navalnyt, një gatishmëri për të vrarë dhe torturuar këdo që e kërcënon pushtetin e kapur fuqishëm appeared first on Albeu.com.

Në një deklaratë të lëshuar në Gjenevë, zyra e OKB-së tha se kishte ngritur vazhdimisht shqetësime për burgosjen e Navalny.

Volker Türk, shefi i OKB-së për të drejtat e njeriut, bëri thirrje publike për lirimin e tij verën e kaluar, duke thënë se dënimi i tij i gjatë tregonte se Rusia po përdorte sistemin gjyqësor për qëllime politike.

“Nëse dikush vdes në paraburgim të shtetit,” shton deklarata e OKB-së, “prezumimi është se shteti është përgjegjës.”

Ai shton se kjo “përgjegjësi mund të kundërshtohet vetëm nëpërmjet një hetimi të paanshëm, të plotë dhe transparent të kryer nga një organ i pavarur”.

The post Vdekja e Navalny, reagon OKB: Nëse dikush vdes në paraburgim të shtetit,shteti është përgjegjës appeared first on Albeu.com.