Meloni e ka përshkruar atë si një nga figurat më me ndikim në historinë e Italisë.

“Silvio Berlusconi ishte mbi të gjitha një luftëtar, ai ishte një njeri që kurrë nuk kishte frikë të ngrihej për bindjet e tij dhe ishte pikërisht ai guxim dhe vendosmëri që e bëri atë një nga njerëzit më me ndikim në historinë e Italisë”, tha Meloni në një videomesazh, duke përshëndetur “përparimet e tij të vërteta në botën e politikës, komunikimit dhe biznesit”.

“Me të, Italia mësoi se nuk duhej t’i vendoseshin kurrë kufij. Mësoi se nuk duhej të dorëzohej kurrë. Me të ne luftuam, fituam, humbëm shumë beteja. Dhe gjithashtu për të do t’i arrijmë qëllimet që kemi vendosur së bashku. Lamtumirë Silvio”, shtoi ajo.

The post Vdekja e Berlusconit, Meloni: Një nga njerëzit më me ndikim në historinë e Italisë appeared first on Albeu.com.

Politika shqiptare ka reaguar në lidhje me lajmin e vdekjes së 86-vjeçarit, i cili ka qenë një figurë e rëndësishme në politikën e Italisë dhe një manjat mediatik.

Kryeministri Edi Rama përmes një postimi në Facebook, i ka dhënë lamtumirën dhe e ka cilësuar si një mik të mirë të Shqipërisë.

“Lamtumirë president dhe mik i mirë i Shqipërisë”, ka shkruar Rama.

Edhe kreu i partisë së Lirisë, Ilir Meta.

“Thellësisht i trishtuar për ndarjen nga jeta të Presidentit Silvio Berlusconi, të admiruar për lidershipin frymëzues!

Duke vlerësuar lart kontributin e Tij të jashtëzakonshëm për forcimin e gjithanshëm të marrëdhënieve të shkëlqyera midis Shqipërisë dhe Italisë, jam i bindur se do të kujtohet përherë me respekt.

Ngushëllimet më të sinqerta për familjen dhe popullin italian për këtë humbje të madhe!”, ka shkruar Meta.

Edhe ish-kryeministri Berisha ka reaguar në një konferencë për media, I cili po ashtu e cilësoi mik të Shqipërisë, Berlusconi. ASi gjithashtu mbajti një minutë heshtje.

“Dielli perëndoi përgjithmonë për Silvio Berlusconin. Berlusconi, italiani i madh dhe i pavdekshëm, themeluesi dhe udhëheqësi i “Forza Italia”, ish-kryeministri i shquar i Italisë, shtetari që lartësoni më shumë se kushdo tjetër rolin e Italisë në Evropë dhe botë, simboli i suksesit të iniciativës së lirë, miku i madh i kombit shqiptar mbylli sytë përgjithmonë. Së bashku me kombin Italian, në zi janë miqtë e Silvio Berlusconit në gjithë botën. Ai ishte një mik i mad hi Shqipërisë dhe Kosovës. Ndarja e tij nga jeta është një humbje e madhe për kombin mik Italian”, tha Berisha.

The post Vdekja e Berlusconit, reagon politika shqiptare: Lamtumirë mik i mirë! appeared first on Albeu.com.