E mes dhimbjes i ka kushtuar fjalë të ndjera bashkëshortja e tij, blogerja e njohur Ejona, e cila shkruan se i shtrenjti i saj i ka lënë pas dhimbje, mall e lot.

Ejona, e mbetur tashmë vetëm me të voglin e tyre Rein, shkruan se ende nuk e beson që ai ka ikur por i premton se ajo do të bëjë gjithçka për pikën e tij të dobët djalin e tyre.

“1 vit pa ty, Alfo… Sot nuk kam fjale, kam vec dhimbje, lot, dhe mall shume mall per ty, per veten time si isha kur ishe ketu… Ti , njeriu me shpirtin e cilter, me zgjuaresine dhe me miresine tende, nuk e meritoje te ikje kaq shpejt… une ende te pres , ende se besoj dot, por ja qe realiteti me tregon qe nuk do vish me kurre… keshtu qe me prit ti , deri atehere une do bej gjithcka per piken tende te dobet qe nuk e gezove dot, Reushin tone …qe ti te jesh i qete, krenar, kudo qe te jesh… Te kujtoj cdo dite… do jesh ne zemren time sa te kem jete”, ka shkruar ajo në një postim në instagram.

Kujtojmë se një aksident tragjik mori jetën e Alfons Bletës, 34 vjeç, mëngjesin e 10 korrikut 2025 në aksin rrugor Pogradec-Qafë Thanë, në vendin e quajtur “Tuneli” pranë fshatit Piskupat.

Makina që ai po drejtonte doli nga rruga dhe përfundoi në ujërat e liqenit, duke shkaktuar vdekjen e tij. Alfonsi ishte bashkëshorti i blogeres të ndjekur në rrjetet sociale, Ejona Vlogs e njohur për jetën dhe bukuritë natyrore të Pogradecit ku ata jetonin bashkë me djalin e tyre rreth 3 vjeç.

Familja Bleta kishte jetuar për vite me radhë në Zvicër, por në vitin 2024 kishin vendosur të riktheheshin përfundimisht në Shqipëri, duke zgjedhur Pogradecin si vendin ku të ndërtonin jetën e tyre në atdhe, pranë familjes.

The post Aksidenti tragjik i mori jetën bashkëshortit një vit më parë, blogerja ende nuk e pranon realitetin: Më prit, deri atëherë do kujdesem për pikën tënde të dobët appeared first on Albeu.com.