Rama shkruan me bindje se ky është sezoni më i rregullt turistik, ndërsa shton se tragjedia po përdoret tani politikisht.

“Madhësia e tragjedisë së djeshme në Himarë e bën edhe më të madhe se çdo herë tjetër, ligësinë e verbër të vampirëve politikë e mediatikë që s’lenë plagë pa futur gojën e tyre të përdalë, duke kërkuar përfitimet e tyre mizerabël në shkelje të çdo kodi moral, familjar, kombëtar!

Ky është sezoni më i organizuar, më i rregullt e më i pastër turistik ndonjëherë falë punës së palodhur që kemi nisur qysh shtatorin e shkuar!Ishte deri dje edhe sezoni më i qetë e më i sigurtë,me plazhet publike dhe rrjetin e vrojtuesve të plazhit organizuar si asnjëherë tjetër!

Shkarkimi i gjithë trupës së drejtorisë së kufirit Vlorë dhe vendosja e një fokusi të shtuar mbi qarkullimin ujor, janë hapat e duhur që do të pasohen nga hapa të tjerë, në kushtet kur rritja e përvitshme e numrit të mjeteve lundruese përbën një sfidë të vazhdueshme për të gjithë!

Sa për çetat e udhëhequra nga nongratat dhe nga ata me identitet të dyfishtë që kërkojnë ta kthejnë  këtë vdekje tragjike në motiv lufte politike, kjo s’është as e para as e fundit herë kur një fatkeqësi që trondit shoqërinë, ekspozon shëmtinë e pacipë të shpirtit të tyre!

Uroj edhe njëherë që drejtësia t’i japë ndëshkimin më ekstrem fajtorit për këtë tragjedi!”, shkruan Rama./albeu.com

The post Rama reagon sërish pas tragjedisë në Himarë: Ky është sezoni më i rregullt, vampirët politikë nuk lënë plagë pa futur gojën appeared first on Albeu.com.

Gazetarja Esmeralda Keta, ka postuar pamje të trishta nga vendi ku u vra vogëlushja.

“Mëngjes i trishtë sot në Potam…

Një kukull që pret vajzën e vogël të luajë me të, një lule për lulejetën e re që nuk e mbrojtëm dot, rrobat e familjarëve ende mbi shezllonë dhe plazhi krejtësisht i braktisur…

Ikën të gjithë, ikën të shpëtojnë fëmijët e tyre, sepse nuk ditëm t’u krijojmë një vend të sigurtë

Sot të gjithë jemi fajtorë, e pafajshmja u bë engjëll”, shkruan ajo./albeu.com

The post “Mëngjes i trishtë në Potam”, një kukull dhe lule në vendin ku u vra nga skafi 7-vjeçarja (FOTO LAJM) appeared first on Albeu.com.

Nëpërmjet një postimi në Facebook Gjebrea shprehet i pikëlluar për vdekjen e vogëlushës, ndërsa thotë se vetëm ata që janë prindër mund të kuptojnë se çfarë po kalojnë prindërit e vogëlushës.
Gjebra thotë se në detin shqiptar nuk ka asnjë siguri dhe se prej 32 vitesh nuk ësshtë bërë asgjë për garantimin e jetës së pushuesve në plazhe.

Reagimi i plotë

“Nuk ka gjumë dot sonte!
Mendja është vetem tek vogëlushja e familjes Abdia, çfarë fatkeqësie!

Prindërit e mjerë sapo vulosën me zi jetën e tyre. Vetëm ata që janë prindër mund të kuptojnë se çfarë po kalojnë sot nëna dhe babai i engjëllit të vogël.

Ndërsa çmenduria me të cilën tashmë jemi mësuar prej 32 vitesh gjithmonë në tranzicion, nuk ka fund:

Det pa kufi ndarës në zonat ku janë mjetet e motorizuara.
Plazhistë që notojnë me gomone, skafe e jet ski që u vijnë rrotull.
Asnjë limit shpejtësie, asnjë kontroll!
Trishtim!

Ngushëllime familjes Abdia dhe paqe për shpirtin e pastër e të pafajshëm!”

The post Vdekja e së miturës në Himarë, Gjebrea: Prindërit e mjerë sapo vulosën me zi jetën e tyre appeared first on Albeu.com.