Çdo provë dhe fakt duhet zbardhur në transparencë të plotë. Çfarë ndodhi më 2 gusht në plazhin e Potamit, çfarë fshehu policia dhe agjencia e mbikëqyrjes policore dhe si u tentua të fshihej e vërteta nga autori i krimit.”

Shënonte ora 13:50. Bledar Avdia me vajzën e tij 7-vjeçare Jonadën po qëndronin në bregun e detit në Potam. Edhe pse nuk e dinin, Babe e bije po jetonin çastet e fundit së bashku. Më pas erdhën minutat fatale për familjen Avdia. Një skaf që erdhi nga deti, i mori jetën mizorisht vogëlushes.

Çfarë ndodhi ne ato minuta dhe çfarë veprimesh kreu komisari Arjan Tase qe solli tragjedinë? Një dëshmitar okular që ndodhej 10 metra afër vendngjarjes rrëfen se si Arjan Tase kreu krimin e rende.

Por, çfarë thanë për ngjarjen në deklaratat zyrtare policia dhe agjencia e mbikëqyrjes policore AMP?! Në të dyja deklaratat ka një mospërputhje jo vetëm me njëra-tjetrën, por edhe me të vërtetën e ngjarjes. Në njoftimin e policisë Vlorë thuhet se skafi ka humbur kontrollin, ndërsa në njoftimin e AMP thuhet se Arjan Tase ka kryer manovrime të pakujdesshme 15 metra larg bregut për të kthyer mjetin lundrues sërish në det të hapur. Dëshmitari okular i ngjarjes hedh poshtë të dyja variantet, si të policisë dhe të AMP.

Si u hetua ngjarja dhe a kreu grupi hetimor të gjitha procedurat e nevojshme për administrimin e të gjitha provave me qëllim për zbardhjen e plote të ngjarjes. Por, si veprohet në të tilla ngjarje? Eksperti i sigurisë Fatjon Softa shpjegon me detaje se çfarq veprimesh hetimore duhet të bënte policia në këtë rast.

Dëshmitari okular tregon se në asnjë moment nuk pa që grupi hetimor të bënte një vëzhgim me detaje të vendit të ngjarjes dhe të administronte provat e nevojshme.

Komunikimi dhe veprimet e policisë kundrejt Arjan Tases në vendin e ngjarjes ishin sikur të kishte ndodhur një incident i vogël.

Hija e dyshimit për mënyrën se si u hetua ngjarja shtohet më shume kur mëson se një dite pas ngjarjes disa metra afër bregut të detit, aty ku ndodhej edhe një stacion për skafe, ishte hequr mbishkrimi për këtë aktivitet. Aty pranë ndodhet edhe një hotel kamerat e sigurisë së të cilit kanë regjistruar të gjithë ngjarjen. A u sekuestruan këto kamera?

Arjan Tases nuk iu sekuestruan të gjitha sendet personale që kishte në skaf dhe në çantë. Në asnjë deklaratë të policisë dhe AMP nuk thuhet nëse komisarit të policisë iu sekuestrua arma e shërbimit apo sende të tjera që kishte më vete.

Po ashtu autoritetet duhet të japin përgjigjen nëse, Arjan Tase ishte nën efektin e alkoolit apo nën efektin e lëndëve narkotike. E nëse këto analiza nuk janë bërë që në fillim kur ai u shoqërua, Prokuroria duhet të nis hetimet se përse testet u shmangën.

Sjellja e Arjan Tases pas ngjarjes është një tjetër arsye e fortë pse hetuesit duhet të thellojnë hetimet. Gjakftohtësia e tij pas ngjarjes është e frikshme, madje dëshmitari thotë që Tase kërcënoi edhe familjen e Jonadës.

Autori i krimit ndodhet në burg në akuzën e vrasjes me dashje indirekte, një akuzë që u ndryshua nga prokuroria pasi AMP e cilësoi si vrasje nga pakujdesia.

Shpresojmë që drejtësia të ngarkojë me përgjegjësinë e merituar autorin e krimit, që nesër në policinë e shtetit të mos emërohen Arjan Tase të tjerë, që me arrogancë shkelin ligjet e këtij vendi duke shkaktuar edhe tragjedi.

Sot, në sytë e Jonadës së vogël shohim parajsën ku ndodhet. E vogla pikëlloi gjithë Shqipërinë. Ajo erdhi nga jashtë vendit dhe Zoti e mori në vendlindjen e prindërve, aty ku po luante në breg, ku sytë e saj të bukur ishin bërë njësh me detin.

Familjes së saj Jonada i ka lënë një boshllëk që nuk zëvendësohet kurrë. Me pikëllim në shpirt Gjyshi i Jonadës, një njeri fisnik, jep mesazhin e tij dhe falenderon shqiptarët për mbështetjen.

“Unë nuk kam dashur të jem njëri prej atyre që e konverton tragjedinë në një show mediatik. Kam respektuar kodet e Gegërisë dhe të fisit tim të njohur të fshatit ‘ Berishë’. Përkushtimi i shqiptarëve dhe pjesëmarrja e tyre brenda e jashtë kufijve është ngushëllimi im familjarë. Ata dua t’i falenderoj pafundësisht e përjetësisht që jetuan me mua këtë tragjedi familjare duke i dhënë përmasa kombëtare. Me këtë dokumentar të lartësojmë Jonadën tonë të shtrenjtë si një përmendore e kohës së përbindëshave të pushtetit dhe që nëpërmjet dokumentarit t’u themi një mesazh shqiptarëve: – Kjo që ndodhi me Jonadën të mos përsëritet kurrë me tek asnjë familje shqiptare. Ne respektojmë kodin e heshtjes”./BW

The post Çfarë u fsheh në tragjedinë e Himarës, zbardhen fakte tronditëse appeared first on Albeu.com.

Protesta është lajmëruar se do të mbahet këtë të hënë para Ministrisë së Brendshme, në orën 19:30, nën moton “Drejtësi për Jonadën”.

Protestuesit do të kërkojnë dorëheqjen e ministrit të Brendshëm, Bledi Çuçi, ministres së Turizmit, Mirela Kumbaro, por edhe drejtorit të Policisë së Shtetit, Gledis Nano.

Kujtojmë se protestuesit vendosën një afat prej 72 orësh, ku kanë kërkuar nga kryeministri Rama shkarkimin e dy ministrave dhe drejtorit, por duket se ky afat ka skaduar.

Në protestën e sotme pritet të jenë të pranishëm edhe eksponentë të opozitës./albeu.com/

The post Ramës i skadon afati, sot sërish protestë në Tiranë për tragjedinë në Himarë: Shkarko ministrat! appeared first on Albeu.com.

Elezi u shpreh se duhet të merren masa paraprake gjatë sezoneve turistike, duke shtuar se shkarkimet nuk janë zgjidhje.

Komentet Elezi i bëri në rubrikën “Opinion” në Neës24, ku ishte i ftuar, teksa foli për tragjedinë e ndodhur në plazhin e Potamit.

“Gjatë gjithë periudhave, kujtoj kohën kur kam qenë drejtues hartohej një plan i përbashkët masazh me të gjitha institucionet e përfshira. Ajo që më lë pa fjalë është fakti tregon që ne diskutojmë kur ngjarja ndodh. Në rastin konkret jemi para një fakti ku drejtoria e Përgjithshme merr të gjitha detyrimet ligjore për ruajtjen e sigurisë në bregdet, por jo vetëm kjo sepse janë një sërë hallkash. Nëse e shohim situatën për këtë periudhë, kemi gati 3-4 raste. Ajo që më lë për të dëshiruar është se nuk po e diskutoj që zotëria që bëri veprimin e kishte me dashje, por më shqetëson fakti se ku e gjen kurajën që futet me skaf me pushuesve, grave të rinjve, fëmijëve , pa iu trembur syri fare. Nëse do të ishte një qytetar i thjeshtë kurrë nuk do të ishte futur sepse nuk do lejohen nga policia e kufirit, por ke edhe roje, janë ato që merren me shpëtimin e jetëve. Të mos diskutojmë momentin kur u vra e ndjera. E dimë shumë mirë që me skaf aty afër nuk mund të afrohesh. Ky njeri që deri je ka qenë drejtues komisariati, shkon dhe merr skafin.

Është njësoj sikur të futemi në autostradë dhe të ecin në sensin e kundërt sepse ashtu na punon mendja ne. Vetëm një i çartur mund ta bëjë këtë. Ajo që më shqetëson gjithashtu është fakti si e merr skafin, a ka ndonjë patentë për të drejtuar këtë mjet…? Që nga skafisti     që e ka marrë skafin, edhe unë mund të kem dëshirë…Të më mbushet mendja mua dhe të marr avionin tani…Dhe tani del kryeministri kërkon ndjesë, e turpshme. Nuk është zgjidhja shkarkimi i njerëzve. Duhet  vetëm të zbatohen kriteret, të zbatohet ligji”, tha ai.

The post Tragjedia në Himarë, ish-drejtuesi i policisë: Këta që futen me skaf mes pushuesve, njësoj si të ecësh në autostradë në sens të kundërt appeared first on Albeu.com.

Në një reagim për mediat, Partia Demokratike u bën thirrje qytetarëve që të ngrihen dhe të kërkojnë dorëheqjen e Ministrit të Brendshëm, Bledi Çuçi, Drejtorit të Përgjithshëm të Policisë së Shtetit, Gledis Nano si dhe Ministres së Turizmit, Mirela Kumbaros.

Reagimi i PD-së:

Në orën 20:00 qytetarët ndezën qirinj tek Kryministria si Homazh për 7 vjeçaren që humbi jetën si pasojë e krimit shtetëror në Plazhet e Vdekjes.

Tek Kryeministria pas ngjarjes makabre te kryer nga nje punonjes me detyra te larta në Policinë e Shtetit, i cili vrau me skaf një vajzë 7 vjeçe ne breg të detit.

Hajdeni të kerkojme dhe tregojme se kush është përgjegjësi dhe te kerkojme ne dritën e qirinjve, me nje buqete lulesh, me nje mesazh ne nje cope leter, pak dinjitet per veten, se e pafajshmja u largua….

Të kërkojme shkarkimin ose…

Dorëheqje e Ministrit te Brendshëm zotit Bledi Çuçi

Dorëheqje e Drejtorit të Përgjithshëm të Policisë së Shtetit zoti Gledis Nano

Dorëheqje e Ministres se Turizmit dhe Mjedisit Mirela Kumbaro.

Ngushellime familjes Avdia për humbjen e dritës së tyre, zoti ju dhëntë forcë për të kaluar këtë dhimbje që ka tronditur thellë çdo bashkombas. Zoti qoftë me ju, e shpirti i engjëllit tuaj u prehtë qiell!/albeu.com

The post 7-vjeçarja u masakrua nga skafi në Himarë, qytetarët homazhe te kryeministria: Të dorëhiqet Çuçi, Nano e Kumbaro appeared first on Albeu.com.

Përmes një postimi në faqen e saj në Facebook, Açka është shprehur se kjo ngjarje ishte e paralajmëruar.

Sipas saj, qeveria duhet të dorëhiqet dhe familjarët duhet ti përzenë Ramën dhe ministrat nëse u shkojnë tek dera me lule.

Postimin Açka e ka shoqëruar me një foto të kryeministrit Edi Rama dhe ministres së Turizmit, Mirela Kumbaro, të cilët shkuan për ngushëllim disa ditë më parë, në një familje që pësoi të njëjtën tragjedi.

“Vaj për një fëmijë që e vrau babëzia

Ngushëllime të thella familjes së vajzës 7-vjeçare J.A, e vrarë sot nga skafi i një të marri në Himarë!

Dhe iu bëj thirrje njerëzore t’i përzënë nëse u shkojnë te dera këta të dy me lule në mort.

Këta të japin dorëheqjen para shqiptarëve!

Se nga babêzia nuk lanë një metër plazh publik për shqiptarët dhe asnjë plazh të qetë për familjarët.

Kjo që po them nuk është politike, por njerëzore.

Të pangopur!!!”, shkruan Açka./albeu.com/

The post Tragjedia në Himarë, “shpërthen” Flutura Açka: Të pangopur! Përzijeni Ramën nëse ju vjen me lule tek dera (FOTO LAJM) appeared first on Albeu.com.