Partia Demokratike, ka marrë në total 26162 vota, me 24.49%, duke u përkthyer kjo në 3 mandate, që ka sjellë edhe rënien e një mandati nga lista e mbyllur, i cili ishte numri 4 në listë, Atird Hoxha.

Por brenda socialistëve duket se ka garë pavaresisht pse ka 9 mandate, ka një garë mes dy kandidatëve për vendin e 9-të. Në garë janë Vasil Llajo dhe Klejvis Kaso.

Nga votimi brenda vendit, Vasil Llajo, ka 4894 vota dhe Klejvis Kaso, ka 4623 vota, me një diferencë prej 271 votash, ka kryesuar Vasil Llajo, i cili ka marrë mandatin e 9-të të socialistëve për Qarkun e Vlorës.

Por po të shohësh tashmë votimin që po vjen nga emigrantët, Vasil Llajo, deri në këto momente ka vetëm 65 vota, ndërsa Klejvis Kaso, ka 282 vota, duke bërë që diferenca prej 271 votash tashmë të jetë vetëm 54 vota.

Në total, Vasil Llajo, deri në këto momente ka 4959 vota, ndërsa Klejvis Kaso ka 4905 vota. Diferenca është mjaft e madhe.

Klejvis Kaso, ka marrë nga votat e emigrantëve rreth 5 herë më shumë sesa Vasil Llajo. Janë numëruar në total 5298 zarfe dhe janë rreth 10700 zarfe të tjerë për t’u numëruar.

Pra, rreth 10 mijë zarfe më shumë se ato që janë numëruar deri në këto momente, ç`ka do të thotë se me këtë trend ku me 5 mijë votat e para, Klejvis Kaso, ka një diferencë shumë të madhe me Vasil Llajon.

Gara është mjaft e ashpër dhe duket se kandidati socialist, i cili është renditur i pari në listën pritëse, mund të rrëzojë Vasil Llajon, biznesmenin e “Intermedica”, i cili tashmë rrezikon ta humbasë mandatin me votat e emigrantëve.

The post Beteja mes socialistëve në Vlorë/ Ja kush rrezikon të humbasë mandatin appeared first on Albeu.com.

Mbi 30 % të tenderave të përfituar i ka marrë nga QSUT, tregues ky i një raporti të dyshuar klientelist.

Bosi i kompanisë së analizave mjekësore Intermedica, Vasil Llajo është pronar edhe i kompanisë tjetër të import/eksport të paisjeve elektromjekesore Layo, përfituese gjithashtu e parave publike përmes tenderave të dyshimtë.

Kompania Layo, gjatë viteve të fundit, ka përfituar në bashkëpunim me një ish kompani të Vilma Nushit 30 tendera publikë me vlerë rreth 5 milionë euro.

Referuar dhjetëra transaksioneve me vlerë 3.2 milionë euro, krijohen dyshime për një skemë korrupsioni me tendera mes Vasil Llajos dhe drejtueses së Spitalit të Traumës, Edlira Bode, e lakuar intensivisht në media për abuzime në detyrë dhe sidomos afera me tenderat.

Vasil Llajo ka përfituar para publike edhe kompaninë e analizave mjekësore, e kontraktuar për testimin e punonjësve të Policisë së Shteti për përdorimin e lëndëve narkotike. Zbatimi i marrëveshjes bëri lëmsh Policinë e Shtetit me analiza të kontastuara si të pasakta.

Përmes kompanisë Intermedica Center, Vasil Llajo akuzohet se ka abuzuar dhe shpërdoruar të dhënat personale dhe sensitive të pacientëve.

Ndërkaq, pajisjet e importuara nga kompanitë e Vasil Llajos janë bërë disa herë objekt kontrolli të imtësishme pas informacioneve dhe dyshimeve për kamuflim të lëndëve të paligjshme./PRAPASKENA.com

The post Vasil Llajo i Intermedica përlan 90 tendera të dyshimtë dhe me flamur korrupsioni, shpërdoroi të dhënat e pacientëve appeared first on Albeu.com.

Komentet Llajo i bëri në një intervistë për “News24”, ku ka folur ditën e sotme për rrezikun e hepatitit akut që po prek fëmijët dhe po përhapet me shpejtësi në më shumë se 12 shtete të botës.

Llajo tha se mosha më e goditur nga ky hepatit ishte nga 3-5 vjeç por gjithashtu kishte edhe raste të 16 vjeçarëve të prekur. Mjeku tha se 10% e rasteve të të infektuarve, kishin përfunduar në transplant mëlçie. Ndërsa shtoi më tej se simptomat që fëmijët shfaqin ishin nga të vjellat deri në anoreksi dhe temperaturë.

Llajo: Akoma nuk është e qartë sesi transmetohet ky lloj hepatiti dhe ende nuk dihet agjenti që e ka shkaktuar. Rastet që janë zyrtare edhe nga OBSH, që kanë arritur në 200 persona kanë tërhequr vëmendjen për shkak të gjendjes së rëndë. 10% e këtyre rasteve kanë përfunduar në transplant mëlçie. Mosha më e goditur është nga 3-5 vjeç, por mund të prekë fëmijë të moshave nga 0-16 vjeç. Vajzat janë ato që preken më së shumti.

Pyetje: Si ta kuptojë prindi se fëmija i tij është i prekur me hepatit?

Llajo: Fillon me një sindromë gastro-enterik, me të vjella, me diarre, me debulesë, anoreksi, temperaturë. Por ajo që bie në sy më së shumti është ndryshimi i ngjyrës së urinës e cila bëhet më e errët.

The post Hepatiti akut që po prek fëmijët, Llajo: 10% e rasteve përfundojnë në transplant mëlçie, si të dalloni simptomat appeared first on Albeu.com.