Kolë Manaj humbi jetën në vendin e ngjarjes, ndërsa Anila Prendushi mbeti e plagosur dhe u dërgua në spital, ku ndodhet në gjendje shumë të rëndë.

Në momentin kur Kolë Manaj ka kryer aktin ekstrem, mësohet se ka qenë bashkë me partneren e tij në makinë. Në brendësi të automjetit, është gjetur një armë zjarri pistoletë.

Anila Prendushi, ishte e divorcuar dhe nënë e 3 fëmijëve. Pas divorcit, ajo kishte nisur një lidhje dashurie me Kolë Manajn, me të cilin bashkëjetonte prej 5 vitesh.

Burime për mediat bëjnë me dije se rreth dy javë më parë, nëna e tre fëmijëve kishte vendosur t’i jepte fund lidhjes me 34-vjeçarin.

Duke mos e pranuar këtë fakt, Kolë Manaj i kishte dërguar një video ku tentonte t’i jepte fund jetës duke u vetëvarur.

Anila Prendushi, kishte arritur ta bindte të mos e kryente një veprim të tillë dhe kishin vendosur të takoheshin për t’u sqaruar.

Dyshohet se sapo janë futur në automjet, mes tyre kishte nisur një debat, dhe në një moment, Kolë Manaj ka nxjerrë armën pistoletë.

44-vjeçarja e kishte kapur nga duart për ta ndaluar, por në atë çast ai e kishte qëlluar me një plumb në kraharor. Më pas, 34-vjeçari kishte qëlluar veten.

Ngjarja ndodhi rreth orës 11:15, në lagjen “Mark Lula” të qytetit verior. Burime bëjnë me dije se Kolë Manaj ishte i papunë, ndërsa 44-vjeçarja është me profesion punonjëse sociale dhe aktualisht punon për një qendër komunitare pranë Bashkisë Shkodër.

Policia e Shkodrës, nën drejtimin e Prokurorisë, ka ngritur një grup hetimor për zbardhjen e plotë të rrethanave të ngjarjes.

The post Ngjarja e rëndë që tronditi Shkodrën, 34-vjeçari nuk pranonte ndarjen nga nëna e 3 fëmijëve, si ndodhi krimi appeared first on Albeu.com.

Gjyqtarja dhe Prokurori i kanë shkuar në spital, ku ndodhet i shtruar prej disa ditësh, për shkak të plagës me thikë, për të zhvilluar masën e sigurisë për 14-vjeçarin M.P. Prokuroria ka ngritur ndaj tij akuzën e vrasjes në rrethana cilësuese.

Mësohet se gjyqtarja Lorena Çabej, pasi dëgjoi palët vendosi masën e sigurisë “arrest me burg”.

Ndaj të miturit është ngritur nga Prokuroria akuza e vrasjes në rrethana cilësuese. Ndërkohë, Policia e kishte referuar për akuzën e vrasjes me dashje 14-vjeçarin.

Gjithashtu, ndaj të miturit rëndon edhe akuza e mbajtje pa leje të armëve të ftohta.

Grupi hetimor është rikthyer ditën e djeshme në vendngjarje dhe ka sekuestruar kamerat e sigurisë në zonë, ku dyshohet se autori është larguar me vrap me shokët dhe kushërinjtë e tij.

Kamerat janë sekuestruar, pasi dyshohet se ka pasur persona të tjerë që kanë marrë autorin dhe e kanë larguar nga vendngjarja.

The post Vrau bashkëmoshatarin Martin Cani, arrest me burg për 14-vjeçarin appeared first on Albeu.com.

Burime bëjnë me dije se në kërkim janë Izmir Sakica dhe Samuel Troshani, të dy të njohur si anëtar të grupit të Bajrave, familje me të cilin Licët prej vitesh kishin përplasje të ashpra duke prodhuar disa viktima.

Sakica dhe Troshani, janë po ashtu në kërkim për një tjetër ngjarje të ndodhur më herët më 23 gusht në Bushat të Shkodrës, ku dyshohet se ka pasur shkëmbim zjarri mes tyre dhe 2 vëllezërve Andrea e Sandër Prendi.

Ndërkohë në qytetin verior ende ndodhet RENEA, e cila po kreh zonën për kapjen e personave të shpallur në kërkim.

Policia gjithashtu, po merret me kqyrjen e kamerave të sigurisë, jo vetëm më afërsi të zonës, por edhe në lagje të tjera të qytetit.

Deri më tani ende nuk është faktuar se personi i tretë i dyshuar në mjetin e viktimave të ketë qënë Ibrahim Lici.

Edhe pse qarkullon një foto, që në dukje ka ngjashmëri të madhe me të shumëkërkuarin, blutë ende nuk e kanë konfirmuar se bëhet fjalë për Ibrahim Licin. Pritet përgjigja e njollave të gjakut dhe të shenjave të gishtave për të parë nëse është ai apo jo.

The post Atentati me 3 viktima në Shkodër/ Shpallen në kërkim dy persona, anëtarë të grupit të Bajrave (EMRAT) appeared first on Albeu.com.

Mësohet se personazhe të botës së krimit, mes tyre edhe Edmond Koçi, kanë ndikuar që Jurgis Çyrbja të ishte në listën e sigurt të kandidatëve për deputetë ne qarkun e Durresit.

Edmond Koçi, ish-anëtar i bandës së Durrësit, i njohur ndryshe si “Mond Çekiçi”, u ekzekutua me armë zjarri në 20 mars 2021.

Autorët kanë qenë dy, të kamufluar me veshje ushtarake dhe të maskuar me shall e kapuç. Makina e autorëve një tip “Benz ” i zi kishte bllokuar rrugën në pritjet të arritjes së makinës me të cilën udhëtonte Çekiçi, të cilin e kanë ekzekutuar me breshëri të shtënash, një skenë që ka zgjatur rreth 20-30 sekonda.

“Mond Çekiçi”, konsiderohej nga policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezultonte të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë.

I DËNUAR

“Mond Çekiçi”, konsiderohej nga Policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezultonte të jetë dënuar disa herë për akuzën e mbajtjes pa leje të armëve dhe kundërshtimit të forcave të Policisë.

Në muajin maj 2009, Edmond Koçi u dënua me 2 vite burgim për akuzën e “Mbajtjes pa lejë të armëve”.

Në një raport të Ministrisë së Brendshme thuhej se “Mond Çekiçi është pjesë shoqërore me Lulzim Berisha ‘Luli’, Emiljano Shullazi ‘Mili’, Plarent Dervishaj ‘Lenti’, Marjel Fierza dhe persona të tjerë.

Mond Çekiçi është arrestuar herën e fundit në 24 shtator 2020 nga Policia e Durrësit për armëmbajtje pa leje, por është liruar në datën 8 tetor 2020.

\Ai u lirua me pretekstin e situatës së pandemisë, pasi paraqiti dokumentacion sikur ishte i prekur nga Covid-19 dhe për këtë arsye duhej të merrte mjekime dhe jo të izolohej me të burgosurit e tjerë.

Me kërkesë të Prokurorisë së Rrethit, Gjykata e Durrësit vendosi si masë sigurie për 40- vjeçarin “Arrest shtëpie”, ndërkohë që akuzohej për armëmbajtje pa leje. Mirëpo, Koçi nuk respektoi as vendimin e Gjykatës, pasi qarkullonte fare lirshëm nëpër qytet deri në momentin e atentatit.

The post I doli emri në bisedat “SKY ECC” që çuan në pranga ish-deputetin Çyrbja: Kush është Mond Çekiçi, ish-anëtar i bandës së Durrësit i vrarë tre vite më parë appeared first on Albeu.com.

Ylli i muzikës pop Dua Lipa mori vëmendjen me paraqitjen e saj në tapetin e kuq të Grammys e më pas me performancën elektrizuese në skenë.

Por një detaj jo i vogël në look-un e saj ishte varësja me dy peshq që ‘puthen’ në një safir. Varësja është nga kolesioni Tiffany High Jewelry Pisces.

Marka e famshme shpjegon se safiri i papërpunuar është mbi 23 karatë. Janë dashur 1017 orë për punimin e varëses me platin dhe ar 18 karatë. Varësja përmban safirë shumë të rrallë si Umba dhe padparadscha. Veç tyre, varësja përmban edhe safirë portokalli, rubelitë dhe diamante. Ekspertët e vlerësojnë këtë varëse të paktën 10 milionë dollarë.

Këngëtarja me origjinë shqiptare do të performojë në Pula Arena më 8 dhe 9 qershor. Pula Arena do të presë disa emra të tjerë të mëdhenj të muzikës këtë vit si Dua Lipa, Avril Lavigne, Simple Minds dhe Lenny Kravitz. Dua është autore e hitit “New Rules”, “Levitating”, “One Kiss” dhe së fundmi edhe e “Dance The Night”, e cila është kolona zanore e filmit të famshëm “Barbie” dhe këngës së fundit “Houdini” në bashkëpunim me Tame Impala. Lipa është fituese e disa çmimeve kryesore, duke përfshirë tre ‘Grammy’.

Ndërkaq, ylli i muzikës pop dyshohet se ka nisur një lidhje të re me aktorin britanik, Callum Turner, pasi dyshja u panë bashkë në një festë në Beverly Hills. Në pamjet e siguruara nga TMZ, ylli i muzikës pop u shfaq për një kohë të shkurtër duke kërcyer me Callum. “Është njohje e re, por ata janë të çmendur për njëri-tjetrin”- tha një burim i brendshëm i dyshes për tabloidin Page Six, duke shtuar: “Ajo ishte në premierë për ta mbështetur atë”. Dyshja u panë me fytyrat e tyre afër njëra-tjetrës, megjithëse ishte e paqartë nëse ata u puthën. Teksa u largua nga festa, aktori u pyet nëse ai dhe Dua ishin çift dhe në vend që ta mohonte, ai qëndroi i heshtur.

The post Zbuloni shifrën marramendëse të varëses që Dua Lipa vendosi në “Grammy Awards” appeared first on Albeu.com.

Njoftim policie

Finalizohet operacioni nga Komisariati i Policisë Kavajë, operacioni policor i koduar “Grab”. I vodhi me dhunë varësen e floririt një shtetaseje, falë veprimeve të shpejta dhe profesionale të shërbimeve të Policisë, identifikohent dhe vihet në pranga 30-vjeçari. Shërbimet e Komisariatit të Policisë Kavajë, pas marrjes së njoftimit se ditën e sotme, rreth orës 13:30, në Golem, një person i kishte vjedhur me dhunë varësen një shtetaseje, menjëherë kanë organizuar dhe finalizuar me sukses operacionin policor të koduar “Grab”, për identifikimin dhe kapjen e autorit të dyshuar. Si rezultat i punës dhe veprimeve të shpejta profesionale, nga specialistët për Hetimin e Krimeve në Komisariatin e Policisë Kavajë, brenda pak minutave, u bë kapja dhe arrestimi në flagrancë i shtetasit: – G. M., 30 vjeç, banues në Kavajë, për veprën penale “Vjedhja me dhunë”. Ky shtetas, mesditën e sotme, në Golem, i ka vjedhur me dhunë varësen një shtetaseje dhe më pas është larguar. Materialet i kaluan Prokurorisë, për veprime të mëtejshme procedurale./albeu.com

The post I këputi me dhunë varësen qytetares në Golem, arrestohet gjysmë i zhveshur 30-vjeçari appeared first on Albeu.com.

Sapo e mori varësen, Bora Zemani e tregoi për publikun dhe nuk e hoqi më nga qafa derisa u shfaq Beatrixi e cila tashmë është në një lidhje me Donaldin brenda shtëpisë së “Big Brother” dhe kanë shkaktuar një bujë të madhe në rrjet.

Beatrixi po shfaqet së fundmi në shtëpi më një varëse që ngjason shumë me atë që Bora mori dhuratë nga Donaldi dhe në rrjet po përflitet se Bora ia ka kthyer.

Por në fakt, po të kërkosh në Instagramin e këngëtares, siç bëri Albeu.com, vihet re që edhe ajo ka një varëse të tillë të cilën e mban shpesh./albeu.com/

The post Bora i kthen varësen Donaldit dhe tani e mban Beatrixi? Zbulohet si qëndron e vërteta (FOTO LAJM) appeared first on Albeu.com.

Pas puthjes, Donaldi i bëri dhuratë partneres së tij me rastin e 3-vjetorit të lidhjes së tyre një varëse dhe ëmbëlsira. Ky ishte një gjest tjetër që u komentua dhe pëlqye pafund nga ndjekësit. Por pas kaq shumë ditësh qëndrimi në “Big Brother”, Donaldi i ka habitur të gjithë me deklaratën e tij.

Ai është lodhur nga etiketimet e shpeshta si partneri i Borës dhe ka vendosur të flasë hapur dhe i revoltuar. Në një debat me Meridianin, Donaldi ka treguar se është single dhe jo në një lidhje me Borën.

Por afrimi me Beatrix, puthe dhe përqafime i ka vënë vulën.

Por e papritura ndodhi! Në puntatën e fundit të Përputhen, Bora e ka hequr varësen e Donaldit nga qafa dhe nuk e ka vendosur ne emision siç bënte çdo pothuajse çdo dite. Kjo është parë nga ndjekësit dhe mijëra komentuesit si shenje revoltimi nga ana e Borës.

The post Shenjë revoltimi? Bora merr vendimin e papritur ndaj Donaldit pas skenave intime me Beatrixin (FOTO LAJM) appeared first on Albeu.com.