Që nga viti 1949 e deri më sot, ndaj Polonisë kemi luajtur 15 herë, kemi fituar dy ndeshje, që të dyja në kryeqytetin tonë me shifrat 2-0, dhe kemi dalë tri herë barazim.

Sylvinho ka vendosur që sonte porta do të mbrohet nga Strakosha, ndërsa në mbrojtje do të jetë Hysaj, Gjimshiti, Ajeti dhe Mitaj. Mesfusha do të përbëhet nga Asllani dhe Shehu, ndërsa Laçi do të luajë më i avancuar. Krahët do të mbulohen nga Uzuni dhe Hoxha, ndërsa në majën e sulmit do të luajë Bajrami.

The post Ndeshja Poloni- Shqipëri/ Starton dueli historik, shkelmohet topi i parë në Varshavë appeared first on Albeu.com.

Për një organizim sa më të mirë të udhëtimit dhe hyrjes në stadium, tifozët këshillohen të ndjekin udhëzimet e mëposhtme:

Policia polake ka lëshuar lejen për përdorimin e pikës së grumbullimit të tifozëve shqiptarë te Monumenti i Sirenës pranë lumit Vistula në Varshavë dhe do të marrë masa për garantimin e sigurisë së tyre në Fan Meeting Point.

Orari i hapjes së stadiumit

Dyert e stadiumit hapen në orën 18:45.
Ndeshja nis në orën 20:45.
Tifozët këshillohen të mbërrijnë sa më herët për të shmangur radhët dhe për të mos humbur fillimin e ndeshjes.
Mos sillni me vete bagazhe apo çanta të mëdha që nuk janë të nevojshme.

Hyrja e tifozëve shqiptarë në stadium

Hyrja e dedikuar për tifozët e Shqipërisë është Gate 10, në anën verilindore të stadiumit (rruga Siwca).
Pas kontrollit të parë të sigurisë, tifozët duhet të ndjekin hyrjen L, sipas biletës.
Personat me aftësi të kufizuara këshillohen të përdorin Gate 1.

Si të shkoni në stadium

Stadiumi ndodhet rreth 3.2 km nga qendra e qytetit dhe rekomandohet përdorimi i transportit publik.
Mund të shkoni me metro, tramvaj, autobus ose tren urban.
Distanca në këmbë nga qendra është rreth 35 minuta.
Stacionet më të afërta janë:
Rondo Waszyngtona dhe Aleja Zieleniecka (autobus dhe tramvaj)
Stadion Narodowy (metro)
Warszawa Stadion (tren urban)

Parkimi për tifozët shqiptarë

Tifozët që udhëtojnë me makinë ose autobus kanë një zonë parkimi të dedikuar pranë stadiumit.
Parkimi ndodhet në rrugën Sokola, me hyrje nga rrugët Wybrzeże Szczecińskie dhe Zamoście.
Çdo automjet duhet të vendosë në xham një fletë A4 me shkronjën “A”.

Transporti publik falas ditën e ndeshjes

Bileta e ndeshjes shërben edhe si biletë transporti publik falas në Varshavë.
Transporti falas është i vlefshëm nga ora 06:00 e mëngjesit deri në 01:00 pas mesnate.
Përtej këtij orari duhet të blihen bileta normale.

Hyrja në stadium dhe kontrolli

Çdo tifoz duhet të ketë biletë të vlefshem, pavarësisht moshës.
Autoritetet mund të kërkojnë dokument identifikimi (ID, pasaportë ose patentë).
Bileta duhet të ruhet deri në fund të ndeshjes.
Nëse largoheni nga stadiumi, nuk lejohet rikthimi.
Telefoni duhet të jetë i karikuar, pasi hyrja bëhet vetëm me biletën në telefon.

Rregullat e sigurisë në stadium

Tifozët dhe sendet personale mund të kontrollohen nga policia dhe stafi i sigurisë.
Duhet të ndiqni gjithmonë udhëzimet e stafit të stadiumit.
Uluni në vendin që tregohet në biletë dhe përdorni hyrjen e përcaktuar.

Objektet e ndaluara në stadium

Ndalohet hyrja me:

Fishekzjarre, flakadanë, tymuese apo çdo mjet piroteknik
Shishe, kanaçe ose objekte qelqi
Alkool apo substanca narkotike
Materiale raciste, politike ose propagandistike
Shtylla flamujsh të forta ose më të gjata se 1 metër
Spray, substanca të ndezshme ose korrozive
Kamera profesionale me lente të mëdha
Çanta të mëdha, valixhe apo objekte më të mëdha se 25x25x25 cm
Megafonë, vuvuzela, pajisje zhurmuese
Laser, topa ose dronë

Ushqim dhe pije në stadium

Në stadium do të ketë pika ku mund të blihen ushqime si hot dog, sallamra, kokoshka dhe pije joalkoolike.

Pagesat mund të bëhen me karta VISA ose MasterCard.
Për arsye sigurie, tifozët e skuadrës mike duhet të konsumojnë pijet në zonat e korridoreve dhe jo në tribuna.

Pas përfundimit të ndeshjes

Tifozët shqiptarë mund të kërkohen të qëndrojnë në tribunë rreth 10–20 minuta pas përfundimit të ndeshjes.

Njoftimi do të bëhet nga spikeri i stadiumit.

Kujdes në qytet

Si në çdo qytet të madh, tifozët duhet të jenë të kujdesshëm me sendet personale për të shmangur vjedhjet.

Rregullat për alkoolin në Poloni

Konsumi i alkoolit në vende publike është i ndaluar, përveç bareve, restoranteve dhe zonave të licencuara.
Personat nën ndikimin e alkoolit mund të mos lejohen të hyjnë në stadium.

Monedha në Poloni

Monedha zyrtare është Zloty polak (PLN).
Kartat bankare pranohen gjerësisht në shumicën e dyqaneve dhe restoranteve.

Rekomandime për tifozët shqiptarë

Autoritetet polake paralajmërojnë se ekziston rrezik për përplasje mes grupeve huliganësh para ose pas ndeshjes, ndaj tifozët shqiptarë duhet të tregojnë kujdes maksimal gjatë qëndrimit në Varshavë.
Tifozët këshillohen të lëvizin në grupe dhe të shmangin zonat e izoluara në qytet.
Për arsye sigurie rekomandohet që simbolet apo ngjyrat kombëtare shqiptare të mos mbahen jashtë stadiumit.
Të gjithë tifozët duhet të ndjekin udhëzimet e policisë, shërbimeve të sigurisë dhe stafit organizator.

Rregullat ligjore në Poloni

Në Poloni është plotësisht e ndaluar sjellja, posedimi ose përdorimi i mjeteve piroteknike, flakadanëve apo materialeve të rrezikshme në evente masive ose gjatë rrugës drejt stadiumit.
Shkelja e këtij rregulli mund të sjellë gjobë, kufizim të lirisë ose dënim me burg nga 3 muaj deri në 5 vjet.
Konsumi i alkoolit në vende publike është i ndaluar në të gjithë territorin e Polonisë.
Ndalohet përdorimi i simboleve që promovojnë nazizmin, komunizmin, fashizmin apo sisteme të tjera totalitare, si dhe çdo material që nxit urrejtje kombëtare, etnike, racore apo fetare. Shkeljet dënohen deri në 3 vjet burg.

The post Sfida Poloni-Shqipëri, çfarë duhet të dinë tifozët kuqezi që do të ndjekim Kombëtaren në Varshavë appeared first on Albeu.com.

Kryengritja e Varshavës, e cila filloi më 1 gusht 1944 dhe përfundoi me dorëzim pas 63 ditë luftimesh të ashpra, konsiderohet si miti themelues i shtetit të pavarur kombëtar polak.

Ajo simbolizon vullnetin për liri dhe shpirtin luftarak të polakëve kundër sundimit të huaj dhe totalitarizmit.

Pas Luftës së Dytë Botërore politikanët gjermanë ishin për një kohë të gjatë të padëshiruar për të marrë pjesë në ceremonitë përkujtimore. Vetëm pas rënies së Perdes së Hekurt në vitin 1989, pati një ndryshim.

Presidenti i Polonisë Lech Walesa ftoi në vitin 1994 homologun e tij Roman Herzog në kryeqytetin polak.

I ftuari nga Gjermania e ribashkuar jo vetëm do të ishte i pranishëm, por edhe do të mbante një fjalim – një vendim ky i guximshëm i ish-udhëheqësit të punëtorëve polakë.

Tani në festimet për 80-vjetorin e Kryengritjes së Varshavës kundër pushtuesve nazistë, merr pjesë presidenti Frank-Walter Steinmeier.

Presidentët kërkojnë falje

“Ne gjermanëve na mbush me turp fakti që emri i vendit dhe popullit tonë do të jetë përgjithmonë i lidhur me dhimbjen dhe vuajtjen që iu shkaktua Polonisë miliona herë”, tha Herzog në ceremoninë përkujtimore në Varshavë.

Ai u kërkoi falje të gjitha viktimave polake të luftës “për atë që iu bë atyre nga gjermanët”. 30 vjet pas fjalës së presidentit Herzog edhe presidenti aktual Frank-Walter Steinmeier i kërkoi popullit polak falje.

“Nuk ka fjalë që mund të jenë të përshtatshme për të folur për këtë tmerr.

Unë kërkoj sot falje këtu,” tha Steinmeier gjatë ceremonisë përkujtimore në sheshin Krasinski në kryeqytetin polak. Kryengritja e Varshavës ishte “një nga kapitujt më mizorë” të historisë gjermano-polake, tha ai.

Viktimat polake presin propozime konkrete

Që nga vizita e Herzogut para 30 vjetësh marrëdhëniet gjermano-polake kanë ndryshuar për mirë, pavarësisht disa pengesave. Dhe vizitat e politikanëve të lartë gjermanë në Varshavë më 1 gusht nuk janë më një ngjarje e jashtëzakonshme.

Por me gjithë afrimin mes Berlinit dhe Varshavës, pas ndryshimit të pushtetit në Poloni në vjeshtën e vitit 2023, çështja e dëmshpërblimit për viktimat e Rajhut të Tretë vazhdon të qëndrojë si shpata e Damokleut mbi marrëdhëniet mes dy shteteve.

Të mbijetuarit e fundit polakë duan premtime konkrete financiare dhe jo një pranim të ri të fajit dhe kërkim faljeje./DW

The post 80-vjetori i Kryengritjes së Varshavës të vitit 1944 appeared first on Albeu.com.

Sergei Mikheyev njoftoi se konflikti në Ukrainë nuk do të përfundojë shpejt dhe do të përhapet së pari në pikat më të afërta gjeografikisht, dhe më pas në pjesën më të madhe të planetit, si i ftuar në emisionin me prezantuesin Vladimir Solovyov, shkruan Republika.rs.

Në emisionin e përmendur, Mikheyev tha me zë të lartë atë që shumë e konsiderojnë, pa mëdyshje, një nga planet luftarake të Kremlinit.

– Ne do t’ju sulmojmë me armë bërthamore nëse organizoni një kontingjent paqeruajtës (në Poloni) me forcat e NATO-s ose vendosni ta transferoni atë në Ukrainë. Do të jetë një luftë bërthamore – tha politologu duke iu drejtuar këto kërcënime BE-së dhe Pentagonit dhe më pas njoftoi pushtimin e Polonisë dhe Lituanisë për shkak të ndihmës së mundshme për Ukrainën, por kërcënoi edhe gjermanët.

– Bravo, polakë, nuk do të mbetet asgjë nga Varshava juaj për 30 sekonda. Gjermanët e guximshëm, estonezë të guximshëm, balltikë të guximshëm duke sugjeruar që Bjellorusia dhe Rusia të bashkohen në të vërtetë përmes këtij korridori që do të kalonte përmes Polonisë dhe Lituanisë.

Nuk është problemi i NATO-s për Rusinë, por demokracia dhe për të parë që ajo nuk ia ka dalë në objektivat e saj për 27 ditët e mëparshme. Ukraina do të jetë përfundimisht pjesë e BE-së dhe Rusia do të mbetet plotësisht e izoluar nga i gjithë komuniteti ekonomik dhe ndërkombëtar, që mund të nënkuptojë fillimin e fundit të Rusisë.

Kjo u pasua nga një deklaratë e ministrit të Jashtëm rus Sergei Lavrov, i cili paralajmëroi se vendimi për të dërguar paqeruajtës të NATO-s në Ukrainë mund të çojë në luftë midis Rusisë dhe Aleancës.

– Kolegët tanë polakë kanë njoftuar tashmë se do të ketë një samit të NATO-s dhe se duhet të marrin një vendim për dërgimin e forcave paqeruajtëse. Shpresoj që ata të kuptojnë se për çfarë bëhet fjalë. Do të pasonte një përplasje e drejtpërdrejtë midis forcave ruse dhe NATO-s, derisa, siç thonë të gjithë gjatë gjithë kohës, në parim, kjo nuk duhet të ndodhë kurrë – tha Lavrov. /albeu.com/

The post Njeriu i Putin: Do të fshijmë Varshavën për 30 sekonda, Rusia do të përdorë armë bërthamore appeared first on Albeu.com.