Dyshimet për ekzistencën e një varreze të dytë masive rikthejnë në kujtesë peshën e krimeve të kryera gjatë luftës dhe tregojnë se drejtësia nuk është vendosur ende plotësisht, deklaroi kryetarja e Kuvendit të Kosovës dhe ushtruesja e detyrës së Presidentes, Albulena Haxhiu.

Në një reagim në “Facebook”, Haxhiu theksoi se vendosja e sovranitetit dhe e rendit kushtetues në të gjithë territorin e Republikës së Kosovës, përtej përgjegjësisë institucionale, ka qenë kusht i domosdoshëm për të ndriçuar fatin e personave të zhdukur me dhunë, për të zbuluar varrezat masive dhe për t’ua kthyer familjeve mbetjet mortore të viktimave.

Ajo shprehu mirënjohje dhe mbështetje të plotë për institucionet e Republikës së Kosovës, ekipet profesionale, ekspertët mjekoligjorë dhe të gjithë personat e angazhuar me përkushtim e profesionalizëm në zbardhjen e fatit të të zhdukurve me dhunë.

Sipas Haxhiut, puna e tyre përbën një kontribut të çmuar në shërbim të së vërtetës, drejtësisë dhe dinjitetit njerëzor. Ajo vlerësoi se çdo varrezë që zbulohet e afron të vërtetën, por njëkohësisht dëshmon se plagët e luftës do të vazhdojnë të mbeten të hapura deri në gjetjen e personit të fundit të zhdukur dhe nxjerrjen para drejtësisë të përgjegjësve për këto krime.

Haxhiu shprehu gjithashtu solidaritetin më të thellë me familjet e viktimave, të cilat prej më shumë se dy dekadash presin të mësojnë fatin e njerëzve të tyre më të dashur. Ajo siguroi se Republika e Kosovës do të vazhdojë të jetë e përkushtuar për zbardhjen e plotë të së vërtetës dhe për nderimin me dinjitet të kujtimit të viktimave.

The post Haxhiu: Dyshimet për një varrezë të dytë masive dëshmojnë se drejtësia ende nuk është përmbushur appeared first on Albeu.com.

Sot në Zubin Potok kanë nisur gërmimet për gjetjen e eshtrave, pas indikacioneve se aty mund të gjendet një varrezë masive. Bedri Hamza, kryetar i Partisë Demokratike të Kosovës, theksoi se ky operacion po zhvillohet ndërkohë që gjykata ndaj ish-drejtuesve të Ushtrisë Çlirimtare të Kosovës është në vijim e sipër.

Përmes një postimi, lideri i PDK-së shprehu se pas gati tri dekadash, shqiptarët ende përballen me dhembjen dhe shpresën për të zbuluar fatin e mijëra civilëve që u zhdukën me forcë gjatë konfliktit. Ai e cilësoi si të patolerueshme që, teksa po pritet përfundimi i asaj që ai e quajti një procesi të pandershëm gjyqësor në Hagë kundër ish-krerëve të UÇK-së, Serbia vijon të mos mbajë asnjë përgjegjësi për krimet e tmerrshme ndaj popullit të Kosovës dhe mban peng realitetin mbi të zhdukurit.

Hamza rikujtoi se shteti ka paguar një çmim jashtëzakonisht të lartë për lirinë. Vendi i tij, Mitrovica, sipas tij, është goditur rëndë nga kjo tragjedi, me mbi 100 familje që ende presin me ankth një përgjigje për të afërmit e tyre. Ai përmendi konkretisht 23 intelektualët e qytetit, njerëz të ditur dhe figura të rëndësishme kombëtare, shumë prej tyre ishin miq të tij të ngushtë, të cilët u panë për herë të fundit më 19 prill 1999 në zonat rurale të Zubin Potokut.

Në fund, Hamza theksoi se kjo vuajtje do të marrë fund vetëm kur e vërteta të triumfojë dhe drejtësia të vendoset. Ai nënvizoi angazhimin e palëkundur të Kosovës për të kërkuar të vërtetën për çdo të zhdukur, për të siguruar drejtësi për familjet dhe për të vënë para përgjegjësisë autorët e krimeve, duke e quajtur këtë një detyrim moral, kombëtar dhe institucional.

The post Gërmimet në Zubin Potok për mbetje mortore, Hamza: Presim fundin e gjyqit në Hagë, por Serbia nuk ka dhënë llogari për krimet appeared first on Albeu.com.

Ai thotë se enklava palestineze është tashmë “një varrezë”.

Izraeli ka mohuar se po kryen gjenocid në Gaza, duke pohuar se operacionet ushtarake janë të përqendruara në mposhtjen e grupit terrorist Hamas dhe shpëtimin e pengjeve, shkruajnë mediat e huaja.

Në fjalimin e tij hapës në sesionin e 60-të të Këshillit të të Drejtave të Njeriut të OKB-së, Volker Turk kritikoi ashpër “vrasjen masive të civilëve palestinezë në Gaza nga Izraeli (dhe) shkaktimin e vuajtjeve të papërshkrueshme dhe shkatërrimin e plotë”.

“Vrasjet masive të civilëve palestinezë në Gaza nga Izraeli; shkaktimi i vuajtjeve të papërshkrueshme dhe shkatërrimi i plotë; pengimi i ndihmës së mjaftueshme shpëtuese dhe uria pasuese e civilëve; vrasja e gazetarëve, stafit të OKB-së dhe punonjësve të OJQ-ve dhe kryerja e krimeve të luftës mbi krimet e luftës, po tronditin ndërgjegjen e botës”, tha ai.

“Jam i tmerruar nga përdorimi i hapur i retorikës gjenocidale dhe dehumanizimi i turpshëm i palestinezëve nga zyrtarë të lartë izraelitë”, shtoi Turk.

Ndryshe, Komisioneri i Lartë i OKB-së për të Drejtat e Njeriut theksoi se gati dy vjet pas shpërthimit të luftës pas masakrës vdekjeprurëse të Hamasit më 7 tetor 2023 në Izrael, “rajoni po qan për paqe”.

“Gaza është një varrezë.”

The post “Gaza është kthyer në varrezë”, OKB flet hapur: Rajoni po qan për paqe appeared first on Albeu.com.

“Qindra vajza dhe djem thuhet se vriten ose plagosen çdo ditë”, u shpreh Guterres në një konferencë shtypi.

Ai shtoi se konflikti ka “tronditur botën” dhe “ka shkatërruar kaq shumë jetë të pafajshme”.

Guterres përsëriti reagimin e tij të ashpër për “aktet e neveritshme të terrorit të kryera nga Hamasi më 7 tetor”, duke thënë se luftëtarët e tij kanë përdorur civilët si “mburoja njerëzore” dhe vazhdojnë të godasin Izraelin.

“Asgjë nuk mund të justifikojë torturimin e qëllimshëm, vrasjen, plagosjen dhe rrëmbimin e civilëve. Mbrojtja e civilëve duhet të jetë parësore,” theksoi ai.

The post Kreu i OKB: Gaza po kthehet në një varrezë për fëmijët appeared first on Albeu.com.