Pas përfundimit të gërmimeve dhe zhvarrosjes së mbetjeve mortore, në Kalludër të Vogël dhe në Jabukë të Zubin Potokut janë konfirmuar tri varreza masive.

Komisioni Qeveritar për Persona të Zhdukur ka bërë të ditur se në këto lokacione janë zbuluar mbetjet e 23 personave, të cilët rezultojnë të zhdukur me forcë gjatë luftës në Kosovë.

Hapi i radhës është dërgimi i mbetjeve për ekzaminime mjekoligjore në Institutin e Mjekësisë Ligjore, ndërsa identiteti i viktimave do të përcaktohet përmes analizave të ADN-së. Pas përfundimit të procedurave, familjet do të informohen zyrtarisht.

Analisti politik Gani Mehmeti, në një prononcim për “Bota sot”, ka deklaruar se Serbia po shmang zbardhjen e fatit të personave të vrarë gjatë luftës së vitit 1999 në Kosovë.

Sipas Mehmetit, kjo sjellje lidhet me interesa politike, ndërsa çështja e personave të pagjetur është pjesë e marrëveshjes së vitit 2016, të arritur në kuadër të dialogut Kosovë–Serbi, për gjetjen dhe zbulimin e varrezave masive të shqiptarëve.

Ai ka rikujtuar se bombardimi i caqeve ushtarake dhe policore serbe nga NATO gjatë luftës së vitit 1999 çoi në Marrëveshjen e Kumanovës 1999 dhe në tërheqjen e trupave serbe nga Kosova. Për këtë, Mehmeti ka shprehur mirënjohjen e popullit të Kosovës ndaj NATO-s, SHBA-ve dhe të gjitha shteteve të tjera anëtare të NATO-s. Sipas tij, pas luftës, me ardhjen e UNMIK-ut, Serbia ruajti një ndikim të konsiderueshëm në Kosovë.

Mehmeti pretendon se Serbia po i shmanget në mënyrë të qëllimshme zbulimit të trupave të vrarë gjatë luftës, duke e përdorur këtë çështje si mjet politik dhe si presion ndaj familjeve, Kosovës dhe komunitetit ndërkombëtar.

Ai ka akuzuar Serbinë se jo vetëm nuk po bashkëpunon për zbardhjen e fatit të personave të zhdukur, por edhe po e pengon procesin. Sipas tij, kjo u pa pas zbulimit të tri varrezave në Zubin Potok, kur kryetari serb Aleksandër Vuçiq e minimizoi ngjarjen dhe u përqendrua te rasti i Rashkoviqit, i cili pretendon se është maltretuar nga policia e Kosovës.

Analisti ka thënë se të dhënave të paraqitura nga Serbia nuk u besohet, pasi, sipas tij, autoritetet serbe janë të njohura për inskenime që u shërbejnë interesave të tyre.

Duke iu referuar deklarimeve të Ministrit të Punëve të Brendshme të Kosovës, Xhelal Sfeçla, Mehmeti ka theksuar se Vuçiq po përpiqet t’u shmanget zbulimeve të tri varrezave masive dhe të 71 armëve të gjata e armëve të tjera, duke e zhvendosur vëmendjen te Rashkoviqi. Ai ka shtuar se policia e Kosovës është duke e hetuar këtë rast, siç duhet të bëjë.

Megjithatë, Mehmeti ka ngritur pyetjen se çfarë i duhen Serbisë trupat e shqiptarëve të vrarë, të cilët, sipas tij, janë mbajtur të fshehur për plot 27 vite nga njësitë ushtarake dhe policore serbe. Ai ka theksuar se viktimat ishin civilë dhe nuk përbënin kërcënim për askënd, ndaj familjeve duhet t’u dorëzohen mbetjet e të afërmve të tyre, në mënyrë që të mund t’i përkujtojnë me një lule, në shenjë dashurie, mungese dhe malli.

Mehmeti ka kritikuar edhe heshtjen e komunitetit ndërkombëtar, duke kërkuar që ai të angazhohet më fuqishëm dhe t’i vendosë Serbisë kushte për zbardhjen e plotë të fatit të personave të pagjetur.

Sipas tij, Serbia po e shfrytëzon këtë çështje për të përhapur dezinformata te opinioni ndërkombëtar dhe te partnerët e Kosovës, me synim që të ndikojë kundër Kosovës. Megjithatë, ai beson se ndërkombëtarët tashmë e njohin mirë natyrën e Serbisë dhe se veprimet e saj mund të shërbejnë vetëm për ta ekspozuar atë.

Analisti ka përfunduar se BE-ja dhe shtetet perëndimore duhet ta mbajnë Serbinë përgjegjëse dhe ta detyrojnë të bashkëpunojë plotësisht, derisa të gjenden të gjithë trupat shqiptarë që u mungojnë familjeve dhe Kosovës. Ai ka nënvizuar se nuk duhet të lejohen më lojëra me ndjenjat e shqiptarëve dhe me dhimbjen e familjeve për të afërmit e tyre të zhdukur.

The post Varrezat masive në Zubin Potok, Gani Mehmeti: Serbia po luan me dhimbjen e familjeve shqiptare appeared first on Albeu.com.

Agjencia amerikane e lajmeve Associated Press ka raportuar për nisjen e punimeve të gërmimit në varrezat masive të zbuluara së fundmi në Kalludër të Vogël, në komunën e Zubin Potokut.

Kërkimet synojnë gjetjen e gjurmëve për personat që rezultojnë të zhdukur nga lufta e viteve 1998-1999 në Kosovë. Në artikullin e saj, AP përcjell edhe dhimbjen e familjarëve, të cilët prej vitesh presin të mësojnë se çfarë ka ndodhur me të afërmit e tyre.

Gjatë luftës në Kosovë humbën jetën rreth 13 mijë persona. “Tensionet mes dy vendeve vazhdojnë të mbeten të pranishme. Në maj të vitit 2023, Kosova dhe Serbia arritën një marrëveshje, e cila përfshinte zotime nga të dyja palët për zbardhjen e fatit të personave të zhdukur”, shkruan AP.

Pak ditë para nisjes së gërmimeve të fundit, Policia e Kosovës njoftoi se kishte arrestuar dy serbë, të dyshuar për krime lufte të lidhura me varrezat masive. Të dyshuarit vijojnë të qëndrojnë në paraburgim.

Një tribunal i Kombeve të Bashkuara në Hagë të Holandës ka gjykuar dhe dënuar për krime lufte në Kosovë disa prej zyrtarëve të lartë politikë dhe ushtarakë serbë.

Erblin Ademi kishte me vete një fotografi të babait të tij, ku shihet duke e mbajtur atë në krahë gjatë fëmijërisë.

“Çdo njeri ka të drejtë të ketë një varr ku mund të vizitohet, ku mund të nderohet dhe ku mund të kujtohet”, deklaroi Ademi.

“Shpresojmë shumë që ky të jetë fundi. Pavarësisht se sa do të zgjasë i gjithë procesi, ne do të presim derisa të mund t’i nderojmë ata ashtu siç e meritojnë”, u shpreh ai, raporton AP.

The post AP raporton për fillimin e gërmimeve në varrezat masive të Kalludrës së Vogël appeared first on Albeu.com.

Më tej, ajo shtoi se një nga mënyrat më të mira për t’i bërë homazh, është që të lexojmë të gjithë përsëri veprat e tij.

Besiana Kadare, vajza e Ismail Kadare: “Të dashur miq faleminderit që keni ardhur sot. Jemi të gjithë shumë të prekur nga gjithë kjo dashuri, mesazhet e ngushëllimit, shumë ceremoni prekëse. Nuk do bëj ndonjë fjalim, e përfytyroj që thoshte një nga frazat e tij të preferuara ‘do na lësh rehat tani, nuk dua’. E përfytyroj është ngjitur, është si në një vorbull drite, e përfytyroj që është ngjitur si hyj në panteonin e gjenive të botës dhe na shikon. Një nga mënyrat për t’i bërë homazh është të lexojmë të gjithë përsëri veprat e tij. Faleminderit që keni ardhur sot”.

Gjithashtu, fjalën e mbajti edhe vajza tjetër e gjeniut të letrave shqipe, Gresa Kadare, e cila tha se Kadare ishte krejt i veçantë në të gjithë gjërat.

Më tej, ajo u shpreh se kurrë nuk është mërzitur me të, apo me neglizhencat e saj qëkur ajo ishte fëmijë.

Gresa Kadare: “Të dashur miq faleminderit për prezencën tuaj. Desha të them diçka të vogël. Ismaili ka qenë gjithnjë një baba ndryshe nga të gjithë etërit e shokëve e shoqeve të mia. Ishte krejt i veçantë si në gjithë gjërat e tjera dhe i bindej vetëm ligjeve të letërsisë. Kurrë nuk më ka mërzitur për neglizhencat e mia për punët e shtëpisë, e plotë e plotë të tjera, por nuk m’a kursente sarkazmat për autorët që unë lexoja. Nga ana tjetër entuziazmohej sa i gjeja ndonjë rrjesht përshembull nga përkthimi i Nolit, i Don Kishotit, që ishte i goditur. Këtë filozofi dora dorës ndoshta e kam adoptuar dhe vetë që nga fëmijëria”.

The post Fjalimet e dy vajzave të Ismail Kadaresë pranë varrit të tij: Homazhi më i mirë është të lexojmë veprat e tij appeared first on Albeu.com.

Bukuroshja nga Mali i Zi, që jeton dhe vepron prej vitesh në Shtetet e Bashkuara të Amerikës, ka vizituar varrezat e familjes Jashari në Prekaz.

Këtë e ka bërë të ditur ish-presidentja e Kosovës, Atifete Jahjaga, e cila ka qenë e shoqëruar me të.

Postimi i plotë i Jahjagës (pa ndëhryrje):

“Në Prekazin heroik, aty ku liria i ka rrënjët.

Bashkë me Konsulen e Nderit të Shqipërisë në Florida Znj. Emina Çunmulaj vizituam sot Kompleksin e familjes legjendare Jashari.

Sakrifica dhe kontributi i familjes Jashari për lirinë që sot e gëzojmë është sublim dhe i pakrahasueshëm.

Përulemi para tyre dhe të gjithëve që në një mënyrë apo tjetër kanë kontribuar në lirinë dhe mirëqenien e vendit tonë.

Përjetësisht lavdi”.

The post Emina Çunmulaj viziton varrezat e Jasharajve në Prekaz appeared first on Albeu.com.

Denoncimi u ngrit në rrjetetet sociale të faqeve lokale, ndërsa tashmë ka ardhur edhe reagimi i policisë së Sarandës.

Blutë thonë se kanë arritur të identifikojnë pronarin e lopës, i cili është proceduar në gjendje të lirë për dhunim të varreve publike.

“Nisur nga shqetësimi i publikuar sot në faqen e portalit Sarandaweb, ku përmes fotove shihen disa lopë që janë futur brenda rrethimit të vorrezave publike në lagjen nr 3, sherbimet policore e ndoqën me vëmendje rastin. Për rrjedhojë u bë shoqërimi i shtetasit Z. Ç. me banim në këtë lagje, i cili për shkeljen e krijuar do të procedohet në gjendje të lirë për veprën penale “Dhunimi i varrezave publike”.

Falenderojmë portalin për publikimin e këtij rasti shqetësues, thuhet në reagimin e Komisariatit të Policisë Sarandë”, bën me dije policia e qytetit.

The post Çudira shqiptare/ Kulloste lopën në varrezat e qytetit, e pëson keq pronari appeared first on Albeu.com.

Kafka e dekompozuar ishte future në një qese plastike, e cila ishte lidhur dhe ishte hedhu pranë varrezave. Sipas hulumtimeve të deritanishme, nga këqyrja e të gjitha varreve në këto varreza nuk janë të dëmtuara, ndërsa mendohet se kafka është hedhur aty, raporton gazetarja, Eneida Petova.

Kafka e dekompozuar është transportuar pranë Institutit të Mjekësisë Ligjore, kur edhe do të kryen ekzaminimet e nevojshme që do të përcaktojnë identitetit e saj. Të njëjtat burime konfirmojnë se po punohet nëpërmjet kamerave të sigurisë në këtë zonë, por duke qenë se bizneset dhe shtëpitë pranë varrezave nuk kanë kamera, zbardhja e detajeve do të jetë e vështirë.

Ndërkohë, identifikimi i personit që i përkasin eshtrat do të bëjë të mundur dhe hetimet për pas të rrethanave të ngjarjes./albeu.com/

The post Mister me kafkën e gjetur pranë varrezave në Berat, dyshimet e policisë appeared first on Albeu.com.

ndërsa ishin duke punuar, puntorët u hasën me një ngjarje të pazakontë, pasi fare pranë varrezave gjetën një kaftë të dekompozuar që i përkiste një gruaje, e cila ishte hedhur në rrugë.

Kafka e dekompozuar është transportuar pranë Institutit të Mjekësisë Ligjore, kur edhe do të kryen ekzaminimet e nevojshme që do të përcaktojnë identitetit e saj.

Burime të brendshme policore bëjnë me dije se kafka, përveçse e dekompozuar ishte edhe e ekspozuar ndaj flakëve, por nuk dihet fati i eshtrave të tjera të kësaj femre.

Të njëjtat burime konfirmojnë se po punohet nëpërmjet kamerave të sigurisë të shtëpive e bizneseve përreth varrezave dhe në dalje të rrugës nacionale, për të zbuluar identitetin e shtetasit që e ka hedhur këtë qese me kafkën brenda pranë varrezave.

The post Horror në Berat, gjendet kafka e një gruaje brenda një qeseje appeared first on Albeu.com.