“Shtatë civilë u torturuan nga rusët dhe më pas u ekzekutuan në mënyrë frikacake me një plumb në kokë”, ka shkruar në Facebook shefi i policisë rajonale të Kievit, Andriy Nebytov.

“Ky varr u zbulua sot në një zonë ku trupat ruse ishin të vendosura pranë fshatit Myrotske”, shkruan ai, duke shtuar se policia “po punon për identifikimin e të ndjerit”.

Qyteti i Buçës u pushtua nga trupat ruse gjatë javëve të para të pushtimit. Pasi qyteti u çlirua në fillim të prillit, u gjetën të paktën 500 trupa të vdekur, shumë prej tyre në varre të improvizuara dhe masive.

Rusia, e cila u tërhoq nga qyteti më 30 mars, ka hedhur poshtë vazhdimisht akuzat për krime lufte në Bucha, duke këmbëngulur se ato janë “falsifikime” nga Ukraina, e mbështetur nga aleatët e saj në Perëndim./albeu.com

The post Gjendet një tjetër varr masiv në Bucha, trupat e pajetë me këmbë e duar të lidhura appeared first on Albeu.com.

Qeveria e Kosovës përmes një njoftimi për media ka konfirmuar nisjen e gërmimeve.

“Gërmimet kanë filluar pasi në fund të javës së kaluar, përmes Komitetit Ndërkombëtar të Kryqit të Kuq janë siguruar imazhet satelitore, të cilat në ditët në vijim do të analizohen nga ekspertët, me qëllim të saktësimit të lokacionit të mundshëm të varrezës masive”, thuhet në njoftimin Qeverisë së Kosovës.

Në ditën e parë të gërmimeve vlerësuese, të pranishëm në lokacion nga Kosova ishin përfaqësuesit e Komisionit Qeveritar për Persona të Zhdukur, ekspertët nga Instituti i Mjekësisë Ligjore, përfaqësues nga Komiteti Ndërkombëtar i Kryqit të Kuq si dhe nga Qendra Burimore për Persona të Zhdukur.

“Ekspertët mjekoligjor të Republikës së Kosovës do të vazhdojnë të qëndrojnë në lokacion për t’i vëzhguar punimet gjatë periudhës në vijim”, njofton Qeveria e Kosovës.

Ndërkohë, Komisioni për Persona të Zhdukur i Qeverisë së Serbisë, ka thënë se urdhri për nisje të këtij procesi është dhënë nga Prokuroria e Krimeve të Luftës në Serbi.

“Kërkimi i terrenit është i nevojshëm për të përcaktuar saktë nëse ka mbetje të personave të shpallur si të zhdukur, gjë që u dërgon një mesazh të qartë familjeve të tyre se autoritetet kompetente të Republikës së Serbisë kanë vendosur të kontrollojnë të gjitha informacionet për të gjetur të dashurit e tyre”, thuhet në njoftimin e Komisionit për Persona të Zhdukur të Qeverisë së Serbisë.

Deri tek vendimi për gërmime në këtë lokacion erdhi pasi Komisioni i Qeveritar i Kosovës për Persona të Zhdukur ofroi informacione për dyshime për varrezë masive.

Autoritet serbe thanë se kërkimi i terrenit do të zgjasë deri në përcaktimin dhe sqarimin e fakteve që janë të nevojshme për të përcaktuar vendndodhjen e saktë të një varri të mundshëm masiv.

Kryetari i Komisionit të Qeverisë së Serbisë për Persona të Zhdukur, Veljko Odaloviq, kishte paralajmëruar zhvillimin e gërmimeve në këtë lokacion më 27 prill të këtij viti.

Më 27 prill, në një deklaratë për Radion Evropa e Lirë, Andin Hoti, kryesues i Komisionit Qeveritar për Personat e Zhdukur në Kosovë, kishte akuzuar palën serbe se nuk ofron informacione për zbardhjen e fatit të personave të pagjetur.

“Do të duhej të ishte [çështje] humanitare, por unë nuk e di që është trajtuar si humanitare ndonjëherë. Kaq pak ka dhënë informacione Serbia për Kizhevakun dhe Rudnicën… Dhjetë vjet kanë kaluar ekipet tona, në të dyja lokacionet në Serbi, për shkak se Serbia bën lojëra me dhënien e informacioneve të sakta se ku janë varrezat masive, derisa na kanë ardhur imazhet satelitore prej vendeve mike të Kosovës, që të mund t’i gjejmë”, thotë Hoti, pa specifikuar se për cilat vende e ka fjalën.

Hoti kishte thënë se Serbia ende vazhdon “lojën” duke mos dhënë informacione.

Zyrtarët kosovarë kishin ngritur vazhdimisht dyshime për ekzistimin e një varreze masive në fshatin Shtaval të Serbisë.

Ky fakt ishte forcuar edhe më shumë kur në Kizhevak, në komunën e Rashkës afër kufirit me Kosovën, më 16 nëntor 2020 u gjetën eshtrat e një numri të civilëve shqiptarë të vrarë gjatë luftës në Kosovë.

Ky ishte lokacioni i pestë në Serbi ku u gjeten trupa të kosovarëve të vrarë në luftën e viteve 98-99.

Sipas të dhënave të organizatave joqeveritare, në varrezat masive në Serbi janë gjetur trupat e rreth njëmijë kosovarëve të vrarë.

Rreth 1,600 persona të tjerë ende mbesin të zhdukur në Kosovë, kryesisht nga komuniteti shqiptar./rel

The post Nisin gërmimet në fshatin serb, dyshohet për një varr masiv me trupat e shqiptarëve të vrarë gjatë luftës në Kosovë appeared first on Albeu.com.

Trupat u varrosën fillimisht, në territorin e Kishës së Shën Andreas dhe Pyervozvannoho, në ditët e para të luftës, thanë banorët për CNN.

CNN pa dhjetëra trupa në çanta të grumbulluara brenda varrit. Disa ishin pjesërisht të mbuluara.

Sipas banorëve, më shumë trupa tashmë janë varrosur në vend. Ata thanë se i përkasin kryesisht civilëve të vrarë në luftimet rreth Bucha. Banorët i thanë CNN se rreth 150 njerëz janë varrosur atje.

Kryebashkiaku i Bucha tha në komentet publike të shtunën se mund të ketë deri në 300 viktima të varrosura në vend.

CNN nuk ishte në gjendje të verifikonte në mënyrë të pavarur këta numra ose identitetet dhe kombësitë e atyre që ishin varrosur.

Bucha ka parë disa nga luftimet më të rënda që nga fillimi i luftës. Automjetet ruse të shkatërruara janë nëpër rrugë dhe shumica e shtëpive janë dëmtuar.

Korrespondenti ndërkombëtar i CNN, Fred Pleitgen, producenti Vasco Cotovio, producentja Daria Markina dhe fotoreporteri Byron Blunt gjithashtu panë njerëz në vendin e varrit masiv duke qarë dhe duke kërkuar trupat e të dashurve të humbur.

The post Masakra në Bucha, CNN zbulon varrin masiv appeared first on Albeu.com.

Një sipërfaqe prej afro 100 metra katrore është zbuluar nga firma ndërtuese e cila po merret me shtrimin e rrugës në lagjen e re të Përmetit.

Pas zbulimit të tyre, firma ndërtuese ka informuar autoritetet policore dhe këta të fundit kanë rrethuar zonën.

Në lidhje me këtë varr masiv, kreu i Shoqatës Anti-komuniste të të Përndjekurve Politikë, Nebil Çika, ky vend ka shërbyer për ekzekutimin e disidentëve dhe kundërshtarëve të regjimit komunis. Sipas tij ka qenë hapësirë e Ministrisë së Punëve të Brendshme./albeu.com

The post Zbulohet një varr masiv në Përmet, kreu i shoqatës së ish të Përndjekurve: Janë viktima të diktaturës appeared first on Albeu.com.