Në katër ditët e fundit, pesë varka me emigrantë janë fundosur pranë qytetit verior të Tunizisë, Sfax, duke lënë 67 persona të zhdukur dhe nëntë të vdekur, pasi nisjet e anijeve me emigrantë me destinacion Italinë janë rritur ndjeshëm.

Roja bregdetare tuniziane shpëtoi në brigjet e Mahdia pesë persona që ishin në një varkë që kishte lundruar nga Sfax, tha Romandan bin Omar zyrtar i Forumit për të Drejtat Sociale dhe Ekonomike (FTDES).

Në të njëjtën kohë, roja bregdetare ka ndaluar në katër ditët e fundit rreth 80 varka me destinacion Italinë dhe ka arrestuar mbi 3 mijë emigrantë, kryesisht nga vendet e Afrikës subsahariane.

Bregdeti pranë qytetit të Sfax kohët e fundit është bërë një pikë kryesore nisjeje për shumë migrantë nga Afrika dhe Lindja e Mesme që ikin nga vendet e tyre për t’i shpëtuar konfliktit dhe varfërisë në kërkim të një jete më të mirë në Evropë.

Sipas shifrave të OKB-së, të paktën 12,000 emigrantë që mbërritën në Itali këtë vit u larguan nga Tunizia, krahasuar me 1,300 në të njëjtën periudhë të vitit të kaluar. Deri kohët e fundit, Libia ishte vendi kryesor i nisjes për emigrantët nga Afrika. /albeu.com

The post Fundoset tjetër varkë me emigrantë pranë Tunizisë, të paktën 19 persona humbin jetën appeared first on Albeu.com.

Banorët e fshatit Obot të cilët si pasojë e përmbytjeve mbeten të izoluar të vetmen mundësi komunikimi me Shkodrën kanë varkat.

Rritja e nivelit të ujit, e ka bërë të pamundur lëvizjen edhe me mjetet e larta të ushtrisë.

Ditën e sotme, deputetja Greta Bardeli dhe grupi i xhirimit të një mediaje jënë nisur për të parë famiiljet e përmbytura , përmes lumit Buna duke përdorur varkat e ushtrisë, mirëpo gjatë lëvizjes, motori i varkës pësoi defekt dhe u fik në mes të lumit.

Në pamundësi për ta rindezuar ata kanë dalë në breg me rrema.

The post Prishet varka, deputetja dhe grupi i medias ngecin në mes të lumit Buna appeared first on Albeu.com.

Njoftimi:

Shëngjin/Policia Kufitare e Shëngjinit u erdhi në ndihmë 7 pushuesve që kishin mbetur në det të hapur, me një pedalon.

Rreth orës 19:40, është telefonuar Salla Operative e Stacionit të Policisë Kufitare Shëngjin, për të

kërkuar ndihmë, pasi në det të hapur, në vendin e quajtur “Rana e Hedhun”, kishin mbetur disa shtetas që ishin futur në det me një pedalon, me të cilin nuk po ktheheshin dot në breg.

Menjëherë në ndihmë të tyre, janë nisur shërbimet, me mjetin lundrues të Policisë Kufitare Shëngjin, të cilët kanë konstatuar se rreth 2 milje larg bregut, në det të hapur, ishte një mjet lundrues pedalon, me 7 shtetas në të, që ishte bllokuar në det dhe nuk lëvizte pasi kishte filluar të fuste edhe ujë në brendësi.

Shërbimet e Policisë Kufitare Shëngjin i kanë marrë në mjetin lundrues të Policisë Kufitare, 7 pushuesit, të cilët ishin në gjendje të mirë shëndetësore.

Gjithashtu, është bërë e mundur edhe nxjerrja e pedalonit të tyre, në breg.

Policia Kufitare Shëngjin këshillon të gjithë pushuesit që t’i përdorin mjetet lundruese sipas rregullave të përdorimit të tyre, për të mos rrezikuar jetën.

The post 7 pushues në Shëngjin mbesin në mes të detit pasi varka futi ujë, shpëtojnë për mrekulli appeared first on Albeu.com.