Megjithatë, shkencëtarët e Afrikës së Jugut kanë thënë se nuk mund ta konfirmojnë ende lidhjen midis variantit Omicron dhe hospitalizimit të foshnjave, duke lënë të kuptohet se kjo situatë mund të jetë edhe pasojë e faktorëve të tjerë.

Çfarë e shkakton këtë shqetësim?

Sipas të dhënave të Institutit Kombëtar për Sëmundjet Ngjitëse në Afrikën e Jugut (NICD), 52 foshnja nën moshën 2-vjeçare kanë qenë në mesin e 452 pacientëve me koronavirus të pranuar në Tshvane – zonë që përfshin kryeqytetin Pretoria – gjatë periudhës 14-28 nëntor. Ky numër është më i lartë krahasuar me grupmoshat e tjera.

Por, marrë parasysh numrin e lartë të personave të moshuar, rreziku më i madh është për njerëzit mbi 60 vjeç.

Varianti Omicron rrit shqetësimet në mbarë botën

A janë të lidhura hospitalizimet me variantin Omicron?

Jo. Vetëm një përqindje e vogël e testeve pozitive në Afrikën e Jugut janë duke iu nënshtruar analizës për të detektuar variantin e ri, për shkak të mungesës së kapaciteteve.

Kjo do të thotë se nuk mund të dihet me siguri nëse foshnjat në spital kanë qenë të infektuara me Omicron, kanë thënë shkencëtarët e NICD-së.

Ka gjithashtu paqartësi nëse të gjitha foshnjat e përfshira në këto të dhëna, kanë qenë të infektuara me koronavirus, pasi jo të gjitha janë testuar për koronavirus, kanë thënë shkencëtarët.

Për arsye praktike, foshnjat që kanë simptoma të frymëmarrjes, trajtohen sikur të kishin koronavirus, por mund të jenë të sëmura me një sëmundje tjetër, siç është gripi.

Udhëtarë të veshur me rroba mbrojtëse nga koronavirusi në Aeroportin e Sidneit. Nëntor, 2021.

Sa të sëmurë kanë qenë fëmijët e pranuar në spitale?

Të dhënat tregojnë se 29 për qind e pranimeve spitalore për koronavirus në grupmoshat 0-4 vjeç kanë pasur sëmundje të rëndë. Kjo është përqindje e ngjashme me disa grupmosha të tjera dhe ndjeshëm më e ulët se përqindja e të sëmurëve rëndë në mesin e pacientëve mbi 60 vjeç.

Në mesin e fëmijëve të moshës 4 vjeç ose më të vegjël, 1 për qind e pranimeve spitalore kanë rezultuar me vdekje, kanë treguar të dhënat.

Megjithatë, numri i përgjithshëm i pranimeve nga kjo grupmoshë ka qenë 70, duke e bërë të paqartë se çfarë nënkupton shifra e 1 për qind.

NICD-ja nuk i është përgjigjur pyetjes nga agjencia e lajmeve Reuters për këtë dhe elemente të tjera të të dhënave, duke thënë se do të publikojë një raport për pranimet pediatrike në ditët në vijim.

A duhet të shqetësohemi për ndonjë lidhje potenciale me Omicron?
E pyetur nëse njerëzit duhet të alarmohen nga numri i hospitalizimeve të fëmijëve, profesoresha Anne von Gottberg, mikrobiologe klinike në NICD, i tha Reuters-it: “Jo, ende”.

“Në fakt, duket se disa prej këtyre pranimeve kanë filluar para daljes së Omicron-it”, tha ajo.

“Jemi të shqetësuar mjaftueshëm, aq sa po i shikojmë të dhënat me shumë kujdes, por, në këtë moment, nuk jam shumë e sigurt që mund ta lidhim [situatën] me Omicron-in”, shtoi ajo.
Një dozë e vaksinës kundër koronavirusit e kompanisë Moderna.

Çfarë tjetër është duke ndodhur?
Provinca Gauteng, ku gjendet Tshvane, ka parë rritje të numrit të rasteve me grip, muajin e fundit.

“Ne duhet të jemi shumë të kujdesshëm që t’i shikojmë infeksionet e tjera respiratore, për të kuptuar se përse fëmijët po shtrihen në spitale”, tha von Gottberg.

Shkencëtarët e NICD-së kanë thënë se prindërit e foshnjave të sëmura i kanë sjellë ato me nguti në spital, ndërsa pacientët në grupmosha të tjera kanë qenë më pak të predispozuar për të ardhur në spital.

Kur mund të dimë më shumë?
NICD ka thënë se është duke përgatitur një raport mbi pranimet pediatrike, i cili duhet të jetë gati brenda ditësh.

Organizata Botërore e Shëndetësisë ka thënë të mërkurën se pret që, brenda disa ditëve, të ketë më shumë të dhëna për shpejtësinë e transmetimit të Omicron-it, por disa shkencëtarë kanë paralajmëruar se mund të duhen dy deri në katër javë për të mësuar më shumë rreth variantit./REL/

The post A është Omicron më i rrezikshëm për foshnjat se variantet e tjera? appeared first on Albeu.com.

Fëmijët nën moshën 2 vjeç përbëjnë rreth 10% të totalit të pranimeve në spital në epiqendrën e Omicron, Tshëane në Afrikën e Jugut, sipas Institutit Kombëtar për Sëmundjet Transmetuese.

Më shumë fëmijë po pranohen sesa gjatë fazave të hershme të pandemisë, ndërsa vendi ka hyrë në valën e katërt aktuale të infektimeve.

Shkencëtarët e Afrikës së Jugut ishin të parët javën e kaluar që identifikuan variantin e ri të njohur tani si Omicron dhe ndërsa simptomat janë përshkruar si të buta, rreziku nga lloji i ri është ende i pasigurt. Qeveritë në të gjithë globin rritën kufizimet e udhëtimit si përgjigje dhe Organizata Botërore e Shëndetësisë paralajmëroi se varianti mund të nxisë një rritje të re të infeksioneve.

“Fëmijët shumë të vegjël kanë një sistem imunitar jo shumë të fortë dhe ata gjithashtu nuk janë të vaksinuar, kështu që janë më të rrezikuar,” tha Ëaasila Jassat, specialiste e shëndetit publik në institut, e cila ishte pjesë e zhvillimit dhe menaxhimit të sistemit kombëtar të mbikëqyrjes spitalore të Afrikës së Jugut për Covid-19. Ajo tha se një pjesë e rritjes së infektimeve tek fëmijët duhet të bëjë prindërit të reflektojnë mbi vaksinimet e tyre. Një raport pediatrik që pritet më vonë këtë javë duhet të japë më shumë informacion.

Në Afrikën e Jugut, e cila ngriti alarmin për herë të parë për variantin e ri dhe zbuloi rastet e para më 9 nëntor, numri mesatar i rasteve ditore u rrit në rreth 1600 këtë javë nga rreth 500 javën e kaluar.

“Në Tsëane, komuna që përfshin kryeqytetin Pretoria, 52 fëmijë nën moshën 2 vjeç të diagnostikuar me koronavirus janë pranuar në spital dhe një ka vdekur”, tha Jassat.

Shkencëtarët në Afrikën e Jugut thanë të hënën se vaksinat ekzistuese kanë ende gjasa të mbrojnë kundër sëmundjeve të rënda, megjithëse fëmijët shumë të vegjël nuk janë në gjendje të marrin ende vaksina./albeu.com/

The post Omicron prek edhe fëmijët nën 2 vjeç, shton rastet e shtrimeve në spital appeared first on Albeu.com.

Mutacioni i ri, Omicron, i cili është potencialishtmë i transmetueshëm, u zbulua për herë të parë në Afrikën e Jugut dhe që atëherë është zbuluar në disa vende.

Albeu.com ju sjell më poshtë një listë e vendeve që kanë konfirmuar rastet e para me këtë variant.

Australi: 2 raste

Austri: 1 rast

Belgjikë: 1 rast

Botsvana: 19 raste

Kanada: 2 raste

Republika Çeke: 1 rast

Danimarka: 2 raste

Gjermani: 3 raste

Hong Kong: 3 raste

Izrael: 1 rast

Itali: 1 rast

Holandë: 13 raste

Portugali: 13 raste

Afrika e Jugut: 77 raste

Mbretëria e Bashkuar: 9 raste./albeu.com

The post Këto janë vendet që kanë konfirmuar raste me varinatin Omicron deri më tani appeared first on Albeu.com.

“Sa i përket llojit të ri të Covid-19, është ende herët për të thënë, me siguri bëhet fjalë për një mutacion të ri të virusit “Omicron”, i cili ka mutacione të shumta, dhe tani dyshohet se mund të jetë më i transmetueshëm se të gjitha mutacionet e mëparshme. Megjithatë, ne kemi pasur shumë mutacione të tjera që nuk janë përhapur. Kishte skenarë të tjerë – tendosja e deltës që me të vërtetë u përhap kudo. Të gjitha këto çështje do t’i diskutojmë të hënën në mbledhjen e Komisionit për Sëmundjet Infektive”, tha ministri Venko Filipçe.

Kujtojmë se Organizata Botërore e Shëndetësisë identifikoi të premten llojin e ri B.1.1.529, të gjetur në Afrikën e Jugut, i cili mban emrin omicron dhe e klasifikoi atë si shqetësues dhe shumë të transmetueshëm./albeu.com/

The post Omicron, Maqedonia e Veriut diskuton sot për variantin e ri të Covid appeared first on Albeu.com.

61 personat që rezultuan pozitivë ishin në mesin e 600 pasagjerëve të mbajtur për disa orë pas mbërritjes, ndërsa ata u testuan për virusin.

Autoritetet holandeze po kryejnë testime të mëtejshme për të parë nëse ka ndonjë rast të Omicron, i cilësuar si varianti i ri më shqetësues nga OBSH.

Varianti u raportua për herë të parë në Organizatën Botërore të Shëndetësisë në Afrikën e Jugut më 24 nëntor.

Në orët e fundit shumë vende në mbarë botën kanë kufizuar udhëtimet nga rajoni i Afrikës Jugore.

Ndërkohë Holanda është një nga disa vende evropiane që ka  pasur një rritje shumë të madhe të rasteve të reja.

Një bllokim i pjesshëm do të zgjatet të dielën, me të gjitha ambientet e mikpritjes dhe kulturore të detyruara të mbyllen midis orës 17:00 dhe 05:00, të paktën deri më 19 dhjetor./albeu.com

The post U kthyen nga Afrika e Jugut në Amsterdam, 61 udhëtarë rezultojnë pozitivë me Covid appeared first on Albeu.com.

Varianti i ri kishte një numër të madh mutacionesh dhe provat e deritanishme tregojnë një rrezik të shtuar të riinfeksionit, tha OBSH.

“Omicron” u raportua për herë të parë në Afrikën e Jugut, më 24 nëntor dhe është gjetur gjithashtu në Botsvanë, Belgjikë, Hong Kong dhe Izrael.

Një numër vendesh anembanë botës, tashmë kanë vendosur të ndalojë ose kufizojnë udhëtimet drejt Afrikës së Jugut, raporton albeu.com.

Udhëtarët nga Afrika e Jugut, Namibia, Zimbabve, Botsvana, Lesoto dhe Esëatini nuk do të mund të hyjnë në Mbretërinë e Bashkuar, B përveç nëse janë britanikë, irlandeze, ose banorë të Mbretërisë së Bashkuar.

Zyrtarët amerikanë kanë njoftuar se fluturimet nga Afrika e Jugut, Botsvana, Zimbabve, Namibia, Lesoto, Esëatini, Mozambiku dhe Malavi do të bllokohen, duke pasqyruar lëvizjet e mëparshme të ndërmarra nga BE. Vendimi do të hyjë në fuqi të hënën. Brazili dhe Australia gjithashtu kanë futur kufizime të udhëtimit.

Lajm i keq, por jo fundi i botës

Të premten, OBSH tha se numri i rasteve të këtij varianti, fillimisht i quajtur B.1.1.529, dukej se po rritej pothuajse në të gjitha provincat e Afrikës së Jugut.

“Ky variant ka një numër të madh mutacionesh, disa prej të cilave janë shqetësuese”, tha organi i shëndetit publik i OKB-së në një deklaratë.

Ai tha se “infeksioni i parë i konfirmuar i njohur B.1.1.529 ishte nga një mostër e marrë më 9 nëntor”.

OBSH tha se do të duheshin disa javë për të kuptuar ndikimin e variantit të ri, pasi shkencëtarët punuan për të përcaktuar se sa i transmetueshëm ishte.

Një zyrtar i lartë shëndetësor në Mbretërinë e Bashkuar paralajmëroi se vaksinat do të ishin më pak efektive kundër variantit të ri.

Ndërsa profesori James Naismith, një biolog strukturor nga Universiteti i Oksfordit, tha: “Është një lajm i keq, por jo fundi i botës”. Sipas tij, varianti i ri mund të përhapet shpejt, por transmetueshmëria nuk është aq e thjeshtë.

Vetëm rreth 24% e popullsisë së Afrikës së Jugut është plotësisht e vaksinuar, gjë që mund të nxisë një përhapje të shpejtë të rasteve atje, tha Dr Mike Tildesley, një anëtar i grupit shkencor të modelimit të gripit Pandemik (Spi-M).

Shefi i sëmundjeve infektive në SHBA, Dr Anthony Fauci tha se ndërsa raportet mbi variantin e ri nxorën një “flamur të kuq”, ishte e mundur që vaksinat mund të funksiononin ende për të parandaluar sëmundje serioze./albeu.com

The post Fauci: Varianti i ri “Omicron” shqetësues, por vaksinat mund të ndihmojnë appeared first on Albeu.com.