Variantet e reja të Covid-19, siç është dhe ai Omicron shkaktojnë probleme serioze edhe në zemër. Sipas mjekut kardiolog, Taulant Gishto pasojat dhe komplikacionet janë nga më lehtat e deri tek më të rëndat.

“Ajo që kemi vënë re në variantet e reja të Covid-it, është prekja e muskujve të zemrës duke rezultuar në miokardite masive dhe lidhet shumë më shpesh me Omicron se sa me format e tjera. Perikarditet janë më të shpeshta, fatmirësisht janë të lehta si dhe uji në zemër. Format e lehta e mesatare mund të trajtohen në shtëpi me trajtim medikamentesh”, u shpreh mjeku.

Edhe pas periudhës së kalimit të virusit, nëse pacientët kanë lodhje, probleme me frymëmarrjen apo luhatje të tensionit, duhet të tregohen të kujdesshëm.

“Pas Covid, nëse disa javë më pas vazhdon mbajtja e frymës, lodhja, debulesa, palpitacioni, prania e hipertensionit te ata që nuk e kanë pasur më parë ose shtimi i stadit te ata që vuajnë, është kambana e alarmit për t’iu drejtuar kardiologut për një vizitë rutinë”, shtoi ai.

Sipas specialistëve ndryshe nga të rinjtë, moshat e treta duket se tregohen më neglizhentë përballë komplikacioneve afatmesme dhe afatgjata të koronavirusit./albeu.com/

The post Mjeku kardiolog e thotë hapur: Variantet e reja të Covid lënë pasoja serioze në zemër appeared first on Albeu.com.

Sipas shkencëtarëve, përhapja e shpejtë e Omicon është edhe për shkak se prek kryesisht njerëzit që e kanë marrë koronavirusin më herët.

Epidemiologët e Afrikës së Jugut në Institutin Kombëtar të Sëmundjeve të Transmetueshme, raportojnë se ndryshe nga varianti Beta dhe Delta, Omicron tregon potencial të rëndësishëm për shmangien e imunitetit natyror pas një infeksioni të mëparshëm.

Ndërkaq në pamje të parë vaksinat ekzistuese duket se vazhdojnë të ofrojnë mbrojtje kundër variantit të ri të COVID-19.

Nga rezultatet paraprake rreziku i ri-infeksionit të Omicron u vlerësua të jetë të paktën 2.4 herë më i lartë./albeu.com/

The post Studimi: Omicron ka shkallë tre herë më të lartë të ri-infektimit se variantet e mëparshme të Covid appeared first on Albeu.com.